箴言 4
1 孩子，你們要聽父親的教訓，專心學習明智，
Mofavre naga'nimota, negafanama rempi hugamisua kavumro kema kagesa antahi ankeresunka, antahi ama' hu antahintahia erigahane.
2 因為我把好教訓授給你們，你們不要拋棄我的規勸。
Nagra knare antahiza negamuanki, rempi hugamisua kea kamefira huonto.
3 我也曾在父親面前作過孝子，在我母親膝下是唯一的嬌兒。
Nagrama nenfa nompima onensa mofavrema mani'norera, anta'nimofo magoke mofavre'a mani'nogeno kegava hunante'negeno,
4 我父曾訓誨我說：你應留心牢記我的話，遵守我的命令，好使你生存；
amanage huno nenfa'a rempi hunami'ne, Mika kema kasamisua kea kagu tumote erintenka azeri hampo'na nehunka, kasegeni'a amage'ma antesunka, knare hunka manigahane.
5 你應緊握智慧，握住明智，不要忘記，也不要離棄我口中的教訓：
Knare antahintahia erio, antahi amahu antahi'zana erio, kasamisua nanekea kagera okaninka, kamagena huontetfa'za huo.
6 你若不捨棄她，她必護佑你；你若喜愛她，她必看顧你。
Knare antahintahimofoma kamagenama huontesankeno'a, kagu nevazina avesima antesankeno'a, kegava hugantegahie.
7 首先應爭取的是智慧，因此你應尋求智慧，應犧牲一切去爭取明智。
Knare antahintahi'zana raza me'neanki erio. Hagi maka'zana erigahananagi agatere'nea zana knare antahi'za erio.
8 你若顯揚智慧，智慧也必顯揚你；你若懷抱她，她也必光榮你：
Knare antahintahi zana azerisga nehugeno, kagrira kazeri sga hino, agri'ma azeri akonama hanankeno'a, kagrira ran kagi kamigahie.
9 將華冠加在你的頭上，將榮冕賜給你。
Ana antahi'zamo'a, rimpa fru'zanu konariria kasenire huneganteno, kinimofo asinentike fetori kasenire resi hugantegahie.
10 我兒，你若聽取我的訓言，你必延年益壽。
Mofavrenimoke, nagrama huankema antahitenka, ana kema avaririnka amage'ma antesunka, rama'a kafuzage maninka vugahane.
11 我要教給你智慧的道路，引你走上正直的途徑：
Knare antahizampi vuogu nagra kazeri fatgo nehu'na, knare fatgo kante kavare'na nevue.
12 這樣，你若行走，你的腳決不會受阻礙；即便你奔馳，也決不致顛仆。
Ana kantema kagama renakerenka vananana mago zamo'a asevazi ogantena, traginaku'ma hananana tanafara osugahane.
13 你要堅持教訓，切勿把她拋棄；你應保存她，因為她是你的生命。
Kagrama hananegu'ma amama kasamua kea otrenka azeri hanavenetinka atregeno ovino. Na'ankure e'i ana kema huogu'ma rempima hunegamua kemo'a mani'zanka'agna hugahie.
14 惡人的道路，你不要進去；壞人的途徑，你不要踏入；
Havi kefo avu'ava hania vahe'mofo kantera ovunka, haviza huno kefoza hu'ne'nia vahe'mo hania zana ovaririo.
15 反應躲避，不經其上；遠遠離去，繞道他往。
Ana kantera ovunka, atrenka rukagesenka vugahuema hantega vuo.
16 因為他們不作惡，不能入睡；不使人跌倒，就要失眠。
Na'ankure zamagra kefo avu'ava zama osu'nesu'za zamavura ovase'za mani'ne'za kefozana hute'za zamavura masegahaze. Vahera zamazeri haviza hutesuzage, zamavura vasegahaze.
17 他們吃的是邪惡的餅，飲的是暴虐的酒。
Kefo avu'ava'ma hu'zana, breti neankna nehu'za, hazenkema hu'zana waini ti ne'za negi neankna nehaze.
18 但是，義人的途徑，像黎明的曙光，越來越明亮，直至成日中；
Hianagi fatgo vahe'mofo mani'zamo'a, zagemo zahufa nehanatino remsa hume ne-eno, eme remsa huno feru aseankna nehie.
19 惡人的道路，卻宛如幽暗，他們不知道，要跌在何處。
Hianagi havi avu'ava ene vahe'mofo mani'zamo'a, hani hiankna hu'neanki'za, ana vahe'mo'za na'amo zamazeri tanafa nehie nonkaze.
20 我兒，你要注意我的訓言，側耳傾聽我的教導；
Nagrama huankere mofavrenimoka kagesa antenenka, mika keni'a antahi ankero.
21 不要讓她離開你的視線，卻要牢記在心中。
Hagi ana nanekea kavure antenenka negenka, ana mika kea kagu'afi erintenka kegava huo.
22 因為，凡找著她的，必獲得生命；他整個身軀，必獲得健康。
Na'ankure iza'o ana kema erino agu'afima antemofona, mani'zama'amo'a knare hanigeno, mika avufgamo'a knare hugahie.
23 在一切之上，你要謹守你的心，因為生命是由此而生。
Ana mika'zana hugahananagi agatere'nea zama hananana, antahi zanka'a kegavahu so'e huo. Na'ankure e'i tamage asimu erisana tinkampui me'ne.
24 你應摒絕口舌的欺詐，遠避唇舌的乖謬。
Havigema hu'zana netrenka, krunagema kagipinti'ma atiramizankura atregeno afete meno.
25 你的眼睛應向前直視，你的視線應向前集中。
Kavua kegantigama osunka, ke fatgo hunka kavugage kavua kenka vuo.
26 你要修平你腳下的行徑，要鞏固你一切的路途。
Kagama rentenkama vanana kana kva hu'nenka, kavua kenka nevugeno, mika zamo'a kagritera agafa huno eme hanavetigahie.
27 你斷不可左傾右依，務使你的腳遠離邪惡。
Kagia antifi omerege amafi emerege osunka, kagamo'ma kefo avu'avapima kavareno vuzankura kva huo.
