民數記 4
1 上主訓示梅瑟和亞郎說：「
LEUM GOD El fahk nu sel Moses
2 你應依照宗族和家系，統計肋未人中的刻哈特子孫，
elan oru sie oaoa ke sou lulap lal Kohath in sruf Levi, fal nu ke kais sie sou ac fwilin tulik natulos.
3 由三十歲以上到五十歲，凡應入伍到會幕服務的都要登記。
Elan simusla inen mukul nukewa su oasr ke yac tolngoulyak nu ke lumngaul, su fal in orekma in Lohm Nuknuk Mutal sin LEUM GOD.
4 刻哈特子孫在會幕內的任務，是管理至聖之物。
Ma kunalos pa in orekma ke ma mutal na mutal.
5 起營出發時，亞郎和他的兒子應來卸下帳幔，用來包裹約櫃，
LEUM GOD El sang oakwuk inge nu sel Moses: meet liki pacl in mukuiyak lun mwet Israel nukewa, Aaron ac wen natul ac ilyak nu in Lohm Nuknuk Mutal ac eisya lisrlisr ke mutun Tuptup in Wuleang ac sang afinya Tuptup sac.
6 上面蒙上海豚皮蓋，其上再舖上純紫布，然後安上杠桿。
Elos fah sifilpa afinya ke sie kulun kosro fisrasrsrasr, ac laknelik sie nuknuk folfolnem oan fac, ac isongang srenenu nu kac.
7 在供餅桌上，應舖上子布，擺上盤、匙、杯和奠酒的爵；常供餅應仍在桌上。
Elos fah laknelik sie nuknuk folfolnem fin tepu lun bread ma kisakinyuk nu sin LEUM GOD, ac filiya ma inge fac: ahlu, pol in nein mwe keng, pol in kisa, ac sufa mwe nein wain in kisa uh. Enenu na in oasr bread fin tepu sac pacl nukewa.
8 以後，在這些物件上，蓋上朱紅布，再蒙上海豚皮罩，然後安上杠桿。
Elos in laknelik sie nuknuk srusra fin ma inge nukewa, filiya sie kulun kosro fisrasrsrasr in afinya, na isongang srenenu nu kac.
9 此後，拿一塊紫布，包好燈台和燈盞、剪子、碟子，以及為燈台用的一切油具；
Elos fah eis sie nuknuk folfolnem ac afinya nien lam wi lam uh, mwe kosrkosr wik ac ahlu nu kac, ac mwe neinyuk oil in olive nukewa.
10 將燈台和所有的用具，裝入海豚皮袋內，放在擔架上。
Elos fah nokmani ma inge nukewa ke sie kulun kosro fisrasrsrasr, ac likiya fin sie pah in utuk.
11 在金祭壇上舖上紫布，再用海豚皮包好，然後安上杠桿。
Na toko elos fah laknelik sie nuknuk folfolnem fin loang gold sac, sang sie kulun kosro fisrasrsrasr in afinya, ac isongang srenenu nu kac.
12 再把聖所內使用的一切用具都拿來，放在紫布袋內，再蒙上海豚皮罩，放在擔架上。
Elos fah us kufwen mwe orekma nukewa ma orekmakinyuk in Acn Mutal, afinya ke sie nuknuk folfolnem, sang sie kulun kosro fisrasrsrasr in oan fac, ac likiya fin sie pah in utuk.
13 把祭壇上的灰清除，舖上紫紅布，
Elos fah eisla apat kiris uh liki loang uh, ac laknelik sie nuknuk sroninmutuk oan fac.
14 上面放上一切用具：火盆。肉叉、鏟子、盤子以及祭壇上的一切用具；其上再蒙上海豚皮罩，然後安上杠桿。
Elos fah filiya fac kufwen mwe orekma nukewa ma orekmakinyuk ke loang uh: pan in neinyuk mulut firir, mwe sruh, saful, ac pesin. Toko elos fah filiya sie ipin kulun kosro fisrasrsrasr afinya, ac isongang srenenu nu kac.
15 亞郎和他的兒子包裝完了聖物和聖所的一切用具，起營出發時，刻哈特的子孫纔來抬，免得他們觸摸聖物而死亡：這是刻哈特的子孫對會幕的職務。
Ke pacl in mukui lun mwet uh, ac Aaron ac wen natul elos apweni tari kufwen mwe orekma mutal inge nukewa, na mwet in sou lal Kohath fah tuku srukak. Tusruktu elos in tiana pusralla ma mutal inge, mweyen elos ac misa. Pa inge ma kunen sou lal Kohath pacl nukewa Lohm Nuknuk Mutal uh mokleyuk uh.
16 至於亞郎大司祭的兒子厄肋阿匝爾的任務，是管理燈油、香料、日獻的素祭和為傅禮用的油，並照管全會幕與其中所有的聖物和器具。」
Eleazar, wen natul Aaron mwet tol, fah fosrngakin Lohm Nuknuk Mutal, ac oil nu ke lam uh, mwe keng uh, wheat in kisa, oil in akmusra, ac ma nukewa saya in Lohm Nuknuk Mutal ma akmutalyeyukla nu sin LEUM GOD.
17 上主訓示梅瑟和亞郎說：「
LEUM GOD El fahk nu sel Moses ac Aaron,
18 不要使刻哈特族的一支由肋未人中消滅；
“Nikmet lela tuh sou lal Kohath
19 為使他們接近至聖之物時，生存而不死亡，你們對他們應這樣做：亞郎和他的兒子先來，給他們每人指定各人服役和搬運的工作，
in misa ke sripen elos tuku apkuran nu ke ma mutal na mutal inge. In karingin tuh ma se inge in tia sikyak, Aaron ac wen natul fah ilyak ac sang ma kunen kais sie mukul, ac fahkang ma elan us.
20 免得這些人進去一時見到聖物而遭遇死亡。」
Tusruktu mwet Kohath fin ilyak nu in Lohm Nuknuk Mutal ac liye ke mwet tol uh akoo ma mutal inge, finne ke kitin pacl na, elos ac misa.”
21 上主訓示梅瑟說：「
LEUM GOD El fahk nu sel Moses
22 你要依照家系和宗族統計革爾雄的子孫，
elan oru sie oaoa ke sou lulap lal Gershon in sruf Levi, fal nu ke kais sie sou ac fwilin tulik natulos.
23 由三十歲以上到五十歲，凡應入伍到會幕服務的，都要登記。
Elan simusla inen mukul nukewa su oasr ke yac tolngoulyak nu ke lumngaul; su fal in orekma in Lohm Nuknuk Mutal sin LEUM GOD.
24 革爾雄家族的任務是服役和搬運：
Elos fah fosrngakin usyen ma inge:
25 搬運帳幕的帷幔、會幕和其頂蓬，及其上面蓋的海豚皮和會幕的門簾，
Lohm Nuknuk Mutal, nuknuk se ma afinya, wi mwe afyuf se akluo ma orek ke kulun kosro fisrasrsrasr ma oan fac, lisrlisr nu ke nien utyak,
26 庭院的帷幔，圍繞會幕和祭壇庭院的門簾、繩索以及一切為服役用的器具；凡交與他們應作的一切，他們都應執行。
mwe lisrlisr ac sucl nu ke kalkal ma rauneak Lohm Nuknuk Mutal ac loang uh, mwe lisrlisr nu ke acn in utyak lun kalkal uh, ac kufwen orekma nukewa nu kac. Elos fah oru orekma nukewa ma eneneyuk nu ke ma inge.
27 革爾雄人所有的任務，不論是搬運或是服役，應全遵照亞郎和他兒子的吩咐；所以你們應照顧他們搬運一切：
Moses ac Aaron enenu in liye lah mwet Gershon uh orala orekma nukewa kunalos, ac lah elos us ma nukewa ma Aaron ac wen natul uh kuneya nu selos.
28 這是革爾雄人的家族對會幕的任務；他們應在大司祭亞郎的兒子依塔瑪爾指揮下服役。
Pa inge ma kunen mwet in sou lal Gershon in Lohm Nuknuk Mutal. Elos ac fah oru ma inge ye koko lal Ithamar wen natul Aaron mwet tol.
29 對默辣黎的子孫，你要依照宗族和家系統計他們；
LEUM GOD El fahk nu sel Moses elan oru sie oaoa ke sou lulap lal Merari in sruf Levi, fal nu ke kais sie sou ac fwilin tulik natulos.
30 由三十歲以上到五十歲，凡應入伍到會幕服務的，都要登記。
Elan simusla inen mukul nukewa su oasr ke yac tolngoulyak nu ke lumngaul su fal in orekma in Lohm Nuknuk Mutal sin LEUM GOD.
31 依照他們在會幕內所擔任的職務，應搬運的是：帳幕的木板、橫木、柱子和卯座，
Elos ac fah fosrngakin in us frem uh, sukan brace uh, sru uh, ac kapin sru nu ke Lohm Nuknuk Mutal,
32 庭院四週的柱子、卯座、橛子和繩索，一切用具及服務所需的一切。你們應按名一一指定他們應搬運的物件：
oayapa sru, kapin sru, kwi ac sucl nu ke kalkal rauneak Lohm Nuknuk Mutal, wi kufwa nukewa ma orekmakinyuk nu kac. Kais sie mukul fah fosrngakin in us ma na itukyang kunal.
33 這是默辣黎人的家族，在司祭亞郎的兒子依塔瑪爾指揮下，對會幕應盡的各種職務。」
Pa inge ma kunen mwet in sou lal Merari in Lohm Nuknuk Mutal. Elos ac fah oru ma inge ye koko lal Ithamar wen natul Aaron mwet tol.
34 梅瑟和亞郎及會眾的首領，依照宗族和家系統計了刻哈特的子孫，
Ke ma inge Moses ac Aaron ac mwet kol ke sruf nukewa elos oakla pisen mwet ke sou lulap lal Kohath, fal nu ke kais sie sou ac fwilin tulik natulos.
35 由三十歲以上到五十歲，凡應入伍到會幕服務，
Elos simusla inen mukul nukewa su oasr ke yac tolngoulyak nu ke lumngaul su fal in orekma in Lohm Nuknuk Mutal sin LEUM GOD.
36 依照宗族登計的，共二千七百五十人：
Pisa lulap ke sou inge kewa oasr ke tausin luo ac itfoko lumngaul.
37 這是刻哈特人的家族，所有在會幕內服務登記的人數，是梅瑟和亞郎依照上主給梅瑟的命令所統計的。
Pa inge pisen mwet ke sou lulap Kohath, elos nukewa su kulansap ke Lohm Nuknuk Mutal, su Moses ac Aaron oakla fal nu ke ma sap lun LEUM GOD nu sel Moses.
38 革爾雄的子孫，依照宗族和家系登了記，
Pisen mwet ke sou lulap lal Gershon, fal nu ke kais sie sou ac fwilin tulik natulos,
39 由三十歲以上到五十歲，凡應入伍到會幕服務，
mukul nukewa su oasr ke yac tolngoulyak nu ke lumngaul su fal in orekma in Lohm Nuknuk Mutal,
40 依照宗族和家系登記的，共二千六百三十人：
pisalos oasr ke tausin luo ac onfoko tolngoul.
41 這是革爾雄子孫的家族所有在會幕內服務的登記人數，是梅瑟和亞郎依上主的命令所統計的。
Pa inge pisen mwet ke sou lulap Gershon, elos nukewa su kulansap ke Lohm Nuknuk Mutal, su Moses ac Aaron oakla fal nu ke ma sap lun LEUM GOD nu sel Moses.
42 默辣黎子孫的家族，依照宗族和家系都登了記，
Pisen mwet ke sou lulap lal Merari, fal nu ke kais sie sou ac fwilin tulik natulos,
43 由三十歲以上到五十歲，凡應入伍到會幕服務，
mukul nukewa su oasr ke yac tolngoulyak nu ke lumngaul su fal in orekma in Lohm Nuknuk Mutal,
44 依照宗族登記的，共三千二百人：
pisalos oasr ke tausin tolu ac luofoko.
45 這是默辣黎子孫家族登記的人數，是梅瑟和亞郎依照上主給梅瑟的命令所統計的。
Pa inge pisen mwet ke sou lulap Merari, su Moses ac Aaron oakla fal nu ke ma sap lun LEUM GOD nu sel Moses.
46 梅瑟和亞郎並以色列的首領，依照宗族和家系，統計的肋未人的總數，
Elos nukewa su oaoala sin mwet Levi, su Moses ac Aaron ac mwet kol lun Israel oakla fal nu ke kais sie sou ac fwilin tulik natulos,
47 由三十歲以上到五十歲，凡應入伍到會幕服務管理搬運的，
mukul nukewa su oasr ke yac tolngoulyak nu ke lumngaul su fal in kulansap oayapa in utuk ma ke Lohm Nuknuk Mutal,
48 共計八千五百八十人。
pisa lulap lalos oasr ke tausin oalkosr ac lumfoko oalngoul.
49 依照上主藉梅瑟所發的命令，給他們每人指定了各人應盡的職務和應搬運的工作；依照上主對梅瑟所吩咐的，他們都這樣登記了。
Simla inen kais sie mukul oana LEUM GOD El sapkin nu sel Moses; oayapa simla orekma kunen kais sie ac srisrngiyuki ma kais sie mwet in us, fal nu ke oakwuk lun LEUM GOD nu sel Moses.
