民數記 31
1 上主訓示梅瑟說：「
Afei, Awurade ka kyerɛɛ Mose sɛ,
2 你應在米德楊人身上為以色列子民報仇，以後你就要歸到你親族那裡去。」
“Esiane sɛ Midianfoɔ daadaa mo de mo kɔɔ abosonsom mu no enti, tɔ wɔn so awere. Yei akyi no wɔbɛwu na wɔakɔ wɔn agyanom nkyɛn.”
3 梅瑟於是吩咐人民說：「你們要選拔壯丁，武裝起來，準備作戰，進攻米德楊，在他們身上為上主雪仇。
Mose ka kyerɛɛ nkurɔfoɔ no sɛ, “Monyi mmarima no mu bi na wɔnkɔ Awurade aweretɔ sa a ɔde tia Midianfoɔ no.
4 以色列每支派應派遣一千人出征作戰。」
Momfa Israel abusua biara mu nnipa apem nkɔ ɔsa no.”
5 這樣，每支派出一千人，以色列的部隊共有一萬二千武裝出征的人。
Wɔyɛɛ saa nyaa mmarima mpem dumienu siesie wɔn maa ɔko no.
6 梅瑟就派遣他們──每支派一千人，出征作戰，並派遣大司祭厄肋阿匝爾的兒子丕乃哈斯與他們同去，手內帶著聖器和發號令的喇叭，
Afei Mose ma wɔkɔeɛ, nnipa apem baako a wɔfiri abusuakuo biara mu. Ɔsɔfoɔ Eleasa babarima Pinehas na ɔdii wɔn anim kɔɔ ɔko no. Wɔrekɔ no, wɔde kronkronneɛ a ɛwɔ kronkronbea hɔ ne totorobɛnto a wɔbɛhyɛn akanyane akodɔm no kɔeɛ.
7 他們遂照上主對梅瑟所吩咐的，攻擊了米德楊，殺了所有的男子。
Na sɛdeɛ Awurade hyɛeɛ no, wɔkumm Midian mmarima nyinaa wɔ ɔko no mu.
8 除這些被殺的以外，還殺了米德楊五個王子：厄威、勒耿、族爾、胡爾和勒巴；也用刀殺了貝敖爾的兒子巴郎。
Wɔn a wɔkumm wɔn no bi ne Midian ahemfo baanum a wɔn edin de Ewi, Rekem, Sur, Hur ne Reba. Beor babarima Balaam nso, wɔkumm no.
9 以色列子民俘虜了米德楊人的婦女和幼童，掠奪了他們所有的牲畜、羊群和財產；
Afei, Israel asraafoɔ no kyekyeree Midian mmaa ne mmɔfra nyinaa ne wɔn anantwie ne wɔn nnwan fom nneɛma pii kaa ho.
10 火燒了他們所住的一切城邑和營寨。
Wɔtoo Midian nkuro ne nkuraa nyinaa mu ogya, hyee no pasaa.
11 以後把一切所搶所奪之物，人和牲畜都帶走，
Wɔfaa asadeɛ ne afodeɛ a nnipa no ne mmoa ka ho.
12 把俘虜和所搶所奪之物，帶到梅瑟和大司祭厄肋阿匝爾以及以色列子民全會眾那裡，即帶到耶里哥的對面，約但河邊，摩阿布曠野中的營盤那裡。
Wɔde nneduafoɔ no ne ɔko no mu nneɛma a wɔnyaeɛ no nyinaa brɛɛ Mose, ɔsɔfoɔ Eleasa ne Israelfoɔ a na wɔabɔ wɔn atenaseɛ wɔ Moab bepɔ so baabi a na ɛbɛn Asubɔnten Yordan a wɔtwa firi Yeriko ba hɔ no.
13 梅瑟和大司祭厄勒阿匝爾以及會眾各首領，都到營外歡迎他們。
Mose ne ɔsɔfoɔ Eleasa ne mpanimfoɔ a wɔtuatua nnipa no ano no kɔhyiaa nkonimdifoɔ no ɛkwan.
14 梅瑟對作戰回來的軍官、千夫長和百夫長大發忿怒，
Nanso, Mose bo fuu mpanimfoɔ a wɔtuatua akodɔm no ano no.
15 向他們說：「你們為什麼還讓這一些婦女活著﹖
Ɔbisaa wɔn sɛ, “Adɛn enti na moankunkum mmaa no?
16 看正是她們聽了巴郎的話誘惑了以色列子民，在培敖爾事件上違背了上主，致使災禍降在上主的會眾身上。
Yeinom ara ne nnipa no a wɔtie Balaam enti wɔmaa Israelfoɔ gyaa Awurade kɔsom abosom wɔ bepɔ Peor so a enti ɛmaa ɔhaw ne abɛbrɛsɛ bebree baa yɛn so bɛsɛee yɛn no.
17 今應將所有的男童殺死，將所有認識過男人，與男人同過房的女人，都一律殺掉。
Monkunkum mmarimaa no nyinaa. Afei, monkunkum mmaa a wɔne mmarima adeda no nyinaa.
18 至於那些沒有與男人來往同過房的女童，可為你們保留。
Mommfa mo nsa nka mmaayewa nketewa no. Wɔn deɛ, momfa wɔn na mo ne wɔn nkɔtena.
19 你們應七天住在營外；你們和你們的俘虜，凡殺過人，或接觸過屍首的，應在第三天和第七天上取潔；
“Afei, momfiri atenaeɛ ha nkɔtena baabi nnanson, ɛfiri sɛ, mo nyinaa moakum nnipa anaa mode mo nsa aka efunu. Monnwira mo ho ne mo nneduafoɔ ne nnansa ne ne nnanson so.
20 對所有的衣服、皮具、毛織品和木器，都應行取潔禮。」
Monkae na monnwira mo ntadeɛ ne biribiara a wɔde aboa nwoma, abirekyie nwi anaa dua ayɛ.”
21 大司祭厄肋阿匝爾對作戰回來的軍隊說：「這是上主吩咐梅瑟的法令：
Afei, ɔsɔfoɔ Eleasa ka kyerɛɛ mmarima a wɔkɔɔ ɔko no sɛ, “Yei ne mmara a Awurade ahyɛ a waka akyerɛ Mose.
22 金銀、銅、鐵、錫、鉛，
Biribiara a ɛtumi gyinaa ogya ano te sɛ sikakɔkɔɔ, dwetɛ, kɔbere, dadeɛ, sanya anaa sumpii no,
23 凡能耐火之物，應經過火，再以取潔水取潔，才算潔淨；凡不能耐火之物，應經過水洗。
ɛsɛ sɛ wɔde ka ogya sɛdeɛ ɛho bɛte. Yei akyi, ɛsɛ sɛ wɔde ahodwira nsuo dwira ho ma ɛho te. Nanso, biribiara a ɛrentumi nnyina ogya ano no deɛ, wɔmfa nsuo nnwira ho.
24 第七天應洗你們的衣服，你們才算潔淨，然後方可回營。」
Nnanson so, ɛsɛ sɛ mosi mo ntadeɛ na modwira mo ho ansa na moasane aba atenaeɛ hɔ.”
25 上主又訓示梅瑟說：「
Awurade ka kyerɛɛ Mose sɛ,
26 你和厄肋阿匝爾司祭以及會眾的家長，應統計一下掠奪的勝利品，無論是人或牲畜，
“Ɛsɛ sɛ wo ne ɔsɔfoɔ Eleasa ne mmusua no mpanimfoɔ nyinaa twerɛ afodeɛ a nnipa ne mmoa ka ho a monyaa no ɔko no mu.
27 然後把勝利品平分，一半給出征作戰的兵士，一半給其餘全體會眾。
Afei, monkyɛ afodeɛ no mu mmienu. Momfa ɛfa mma mmarima a wɔkɔɔ ɔko no na momfa ɛfa a aka no mma nnipa a aka no.
28 由出征作戰的兵士所得的一分中，抽出五百分之一，不論是人、牛、驢或羊，奉獻給上主；
Nanso, deɛ ɛdi ɛkan no, ɛsɛ sɛ Awurade nya kyɛfa a ɛyɛ nneduafoɔ, anantwie, mfunumu, ne nnwan a ɛfiri akofoɔ no kyɛfa mu. Awurade kyɛfa no bɛyɛ ahanum biara mu baako.
29 把所取出的交給厄肋阿匝爾司祭，作為屬於上主的獻儀。
Fa saa kyɛfa yi ma ɔsɔfoɔ Eleasa na ɔnhim no afɔrebukyia no anim mfa mma Awurade.
30 由以色列子民分得的一半中，應抽出五十分之一，不論是人、牛、驢、羊，或是其他牲畜，交給那些在上主會幕內服務的肋未人。」
Afei Israelfoɔ a wɔaka no kyɛfa no, monyi aduonum biara mu baako. Momfa yei mma Lewifoɔ a wɔhwɛ Awurade Ahyiaeɛ Ntomadan no so no.”
31 梅瑟和厄肋阿匝爾司祭就照上主吩咐梅瑟的做了。
Enti, Mose ne ɔsɔfoɔ Eleasa yɛɛ deɛ Awurade hyɛɛ wɔn sɛ wɔnyɛ no.
32 作戰部隊所掠奪的物品，尚存的戰利品，計有羊六十七萬五千隻，
Afodeɛ a ɛkaeɛ a akofoɔ no faeɛ no dodoɔ yɛ nnwan mpem ahansia aduɔson enum;
33 牛七萬二千頭，
anantwie mpem aduɔson mmienu;
34 驢六萬一千匹；
mfunumu mpem aduosia baako;
35 人口，尚未與男人來往同過房的女人，計有三萬二千。
ne mmaayewa mpem aduasa mmienu.
36 出征作戰所得的一半，計羊三十三萬七千五百隻；
Nneɛma no fa a wɔde maa asraafoɔ no dodoɔ nie: Nnwan mpem ahasa aduasa nson ne ahanum
37 由這些羊中，給上主作獻儀的，為六百七十五隻；
a wɔde mu ahansia aduɔson enum maa Awurade;
38 牛三萬六千頭，給上主作獻儀的，為七十二頭；
Anantwie mpem aduasa nsia a wɔde mu aduɔson mmienu maa Awurade;
39 驢三萬五百匹，給上主作獻儀的，為六十一匹；
mfunumu mpem aduasa ne ahanum a emu aduosia baako yɛ Awurade kyɛfa;
40 人口一萬六千，給上主作獻儀的，為三十二人。
mmaayewa mpem dunsia; wɔde wɔn mu aduasa mmienu maa Awurade.
41 梅瑟就照上主對他所吩咐的，將取出作為上主獻儀的一份，交給了厄肋阿匝爾司祭。
Wɔde Awurade kyɛfa no nyinaa maa ɔsɔfoɔ Eleasa sɛdeɛ Awurade kyerɛɛ Mose sɛ ɔnyɛ no ara pɛ.
42 至於梅瑟分配給以色列子民的那一半，即與作戰的兵士平分出來的，
Afodeɛ no a Israelfoɔ no nyaa no na ɛdidi soɔ yi:
43 那屬於會眾的一半，計有羊三十三萬七千五百隻，
nnwan mpem ahasa aduasa nson ne ahanum,
44 牛三萬六千頭，
anantwie mpem aduasa nsia,
45 驢三萬五百匹，
mfunumu Mpem aduasa ne ahanum ne
46 人口一萬六千。
mmaayewa mpem dunsia.
47 梅瑟照上主對他所吩咐的，由屬於以色列子民的這一半，抽出五十分之一的人和牲畜，交給了那些在上主會幕內服務的肋未人。
Nnipa no kyɛfa a wɔnyaeɛ no, Mose yiyii nneduafoɔ ne mmoa aduonum biara mu baako de maa Lewifoɔ a wɔhwɛ Awurade Ahyiaeɛ Ntomadan so no. Wɔyɛɛ yei nyinaa sɛdeɛ Awurade hyɛɛ Mose no.
48 出征作戰的軍官，千夫長和百夫長，來到梅瑟前，
Afei, asraafoɔ mpanimfoɔ baa Mose nkyɛn bɛka kyerɛɛ no sɛ,
49 對他說：「你的僕人們調查了所屬的作戰士兵，一個也沒有少。
“Owura yɛabu nnipa a yɛde wɔn kɔɔ ɔko no nyinaa ano akyerɛ wo na yɛn mu baako koraa anyera.
50 為此我們每人將所獲得的金器，如臂鐲、腕鐲、戒指、耳環和項鏈，獻於上主作獻儀，好在上主面前為我們贖罪。」
Ɛno enti, yɛfiri deɛ yɛnyaa no ɔko no mu no bi mu rebɛda Awurade ase. Yɛn asedadeɛ no yɛ sika adwinneɛ, nkapo, nkawa, nsonkawa ne kɔnmuadeɛ. Yeinom bɛyɛ mpatadeɛ ama yɛn kra wɔ Awurade anim.”
51 梅瑟和厄肋阿匝爾司祭由他們手中接受了這一切金製物品。
Mose ne ɔsɔfoɔ Eleasa gyee saa akyɛdeɛ yi a ɛyɛ sikakɔkɔɔ ne adwinneɛ firii asraafoɔ mpanimfoɔ no nkyɛn.
52 千夫長和百夫長獻給上主作獻儀的金子，共計一萬六千七百五十「協刻耳。」
Ne nyinaa mu sikakɔkɔɔ a asahene no de baeɛ sɛ akyɛdeɛ a wɔde rebrɛ Awurade no ano si nkariboɔ kilogram ɔha ne aduɔkron.
53 兵丁所掠奪的東西，各歸己有。
Na asraafoɔ no afa ɔko no mu nneɛma a wɔnyaeɛ no bi.
54 梅瑟和厄肋阿匝爾司祭遂將由千夫長和百夫長所收下的金子，帶入會幕內，好使上主記念以色列子民。
Enti Mose ne Eleasa gyee akyɛdeɛ no firii asraafoɔ mpanimfoɔ no hɔ, na wɔde sikakɔkɔɔ no baa Ahyiaeɛ Ntomadan no mu sɛ ɛnyɛ nkaeɛ adeɛ mma Awurade sɛ Israelfoɔ yɛ ne dea.
