馬可福音 8
1 當那些日子，又有一大群人，沒有什麼吃的了。耶穌叫過門徒來，給他們說：
Paliyawa kupita cindi citali sobwe, kayi bantu bangi balabungana kuli Yesu, nomba nkabalikukute cakulya, Yesu walakuwa beshikwiya bakendi ne kubambileti,
2 「我很憐憫這批群眾，因為他們同我在一起已經三天，也沒有什麼可吃的了。
“Ndanyumfwilinga luse bantu aba, pakwinga balekala ne njame kwa masuba atatu, kwabula cakulya.
3 我若遣散他們空著肚子回家，他們必要在路上暈倒；況他們且中還有些是從遠處來的。」
Na ndibambileti benga kwabo kabali ne nsala, nibawisukenga mu nshila, pakwinga nabambi bafuma kutali.”
4 門徒回答說：「在這荒野裏，人從那裏能得餅，使這些人吃飽呢﹖」
Beshikwiya bakendi balamwipusheti, “Nikupeyo muntu nkwelela kucana shinkwa wingi wakulyesha aba bantu bonse mucisuwa muno?”
5 耶穌問他們說：「你們有多少餅﹖」他們說：「七個。」
Nendi Yesu walabepusheti, “Inga mukuteko shinkwa ungaye?” Nabo balakumbuleti, “Usanu ne ubili.”
6 耶穌就吩咐群眾坐在地上，拿起那七個餅來，祝謝了，擘開，遞給他的門徒，叫他們分開；他們就給群眾分開。
Lino walabambila bantu kwambeti bekale panshi. Neco walamanta shinkwa usanu ne ubili, walalumbaisha Lesa, walakomauna, nekupa beshikwiya bakendi kwambeti bayabile likoto lya bantu. Naboyo balensa copeleco.
7 又有幾條小魚，耶穌祝福後，也吩咐把這些小魚分開。
Kayi balikukute tunswi twakubelengowa, walalumbaisha Lesa ne kubambileti nato batuyabe.
8 人都吃飽了，把剩下來的碎塊收集了七籃子。
Neco bonse balalya ne kwikuta, cakwinseti balayowela bishikulaka panshi ne kwisusha mitanga inene inene isanu ne ibili.
9 人數約有四千；然後耶穌遣散了他們，
Palikuba bantu bashika pepi myanda makumi ana, Yesu balabambileti benga kwabo.
10 即刻同門徒上船，來到達瑪奴達境內。
Popelapo Yesu, walatanta mubwato pamo ne beshikwiya bakendi ne kuya ku cibela ca Dalamanuta.
11 法利賽人出來，開始和他辯論，向他要求一個來自天上的徵兆，想試探他。
Kopeloko kwalashika Bafalisi balatatika kutotekeshana ne Yesu. Balikuyandeti ababoneshe chinshibisho chishikufumina kwilu pakuyanda kumwelekesha.
12 耶穌從心裏嘆息說：「為什麼這一世代要求徵兆﹖我實在告訴你們，必不給這世代一個徵兆! 」
Yesu walashinshimuka mumoyo wakendi, walambeti, “Sena niciyani musemanowu colayandilinga kubona cinshibisho? Cakubinga ndambangeti, musemanowu nteti ukapewepo chinshibisho ciliconse sobwe.”
13 他就離開他們，再上船往對岸去了。
Mpwalambeco walabashiya ne kutanta bwato kuya kutala kwa lwenje.
14 門徒忘了帶餅，在船上除了個餅外，隨身沒有帶別的食物。
Nomba, balalubako kumanta shinkwa wingi, neco nkabalikukute ciliconse mubwatomo, nsombi shinkwa umowa.
15 耶穌囑咐他們說：「你們應當謹慎，提防法利賽人的酵母和黑落德的酵母。」
walabacenjesheti, “Calukani menso! Cetukani ne cishikufufumusha ca Bafalisi ne ca Helode.”
16 他們彼此議論：他們沒有餅了。
Neco balatatika kukangana umo ne munendi pa nkani yakubula shinkwa.
17 耶穌看出來了，就對他們說：「為什麼你們議論沒有餅了﹖你們還不明白，還不瞭解嗎﹖你們的心仍然遲鈍嗎﹖
Yesu pakwinshibeco, walabambileti, “Inga mulakanganangeconi pa nkani yakubula shinkwa. Sena mpaka pacindi cino nkamuna munyumfwishisha ne kwinshiba bupandulushi bwakendi? Sena myoyo yenu icili mungubi?
18 你們有眼看不見，有耳聽不見嗎﹖你們不記得：
Nambi menso mulinawo sena nkamulabonesheshenga? Matwi mulinao sena nkamulanyumfwishishinga? Sena nkamulanukunga?
19 當我擘開五個餅給五千人的時候，你們收滿了幾筐碎塊﹖」他們回答說：「十二筐。」「
Pasa mpondala komauna shinkwa usanu kwambeti ndyeshe batuloba myanda makumi asanu, sena mwalesusha mitanga ingaye ya byashalapo?” Beshikwiya bakumbuleti, “Likumi ne ibili.”
20 還有，七個餅給四千人的時候，你們收滿了幾籃碎塊﹖」他們回答說：「七籃。」
Yesu walabepusheti “Mpondalakomauna shinkwa usanu ne ubili ne kulyesha batuloba myanda makumi ana, mwalesusha mitanga ingaye?” Balakumbuleti “Isanu ne ibili”
21 於是耶穌對他們說：「你們還不瞭解嗎﹖」
Popelapo walambeti, “Sena nkamuna mwinshiba ncocilapandululunga?”
22 他們來到貝特賽達，有人給耶穌送來一個瞎子，求撫摸他。
Yesu ne beshikwiya bakendi balashika ku Betisaida, uku bantu balamuletela muntu washipilwa, balamupapatila kwambeti amwikatekowa muntuyo.
23 耶穌便拉著瞎子的手，領他到村外，在他的眼上吐了唾沫，然後又給他覆手，問他說：「你看見什麼沒有﹖」
Popelapo Yesu walamwikata muntu washipilwa pacikasa nekuya nendi kunsa kwa munshi walamusankila mata mumenso ne kubika makasa palyendiye, ne kumwipusheti “Sena pali ncolabonongaponga?”
24 他舉目一望，說：「我看見人，見他們好像樹木在行走。」
Muntu washipilwa usa walakapula ne kukumbuleti, “Ee ndabononga bantu balendendenga.” Nomba balabonekengeti, “bitondo.”
25 然後，耶穌又按手在他的眼上，他定睛一看，就復了原，竟能清清楚楚看見一切。
Kayi Yesu walabika makasa pamenso a muntu usa, neco walakapula nekutatika kubona. Walaba cena ne kuboneshesha cena bintu byonse.
26 耶穌打發他回家去說：「連這村莊你也不要進去。」
Yesu walamwambileti koya kucomwenu, ne kumwambilisheti, “Kotabwela mumunshiwu.”
27 耶穌和他的門徒起身，往斐理伯的凱撒勒雅附近的村莊去；在路上問自己的門徒說：「人們說我是誰﹖」
Yesu ne beshikwiya bakendi pacindici balaya ku minshi yaku Kaisaleya waku Filipi. Mpobalikuya munshila, Yesu walabepusheti, “Inga bantu balambangeti njame bani?”
28 他們回答說：「是洗者若翰；也有些人說是厄里亞；還有些人說是先知中的一位。」
Balo beshikwiya bakendi balamukumbuleti, “Bambi balambangeti njamwe Yohane Mubatishi, nabambi balambangeti njamwe Eliya. Nsombi nabambi balambangeti, njamwe umo wabashinshimi bakulukulu.”
29 耶穌又問他們說：「你們說我是誰﹖」伯多祿回答說：「你是默西亞。」
Yesu walabepusheti, “Inga amwe mulambangeti njame bani?” Petulo walakumbuleti, “Amwe Njamwe Klistu Mupulushi Wasalalwa ne Lesa.”
30 耶穌就嚴禁他們，不要向任何人談及他。
Neco Yesu walabambileti, “Kamutambilapo muntu uliyense shanjame.”
31 耶穌便開始教訓他們：人子必須受許多苦，被長老、司祭長和經師棄絕，且要被殺害；但三天以後必要復活。
Yesu popelapo walatatika kubeyisha beshikwiya bakendi kwambeti, “Mwana Muntu welela kunyumfwa bishikubaba, kupenshewa ne kukanwa ne beshimilumbo milumbo, ne bashikwiyisha milawo ne kumushina. Nsombi pabusuba bwatutatu, nakapundushiwe kubafu.”
32 耶穌明明說了這話。伯多祿便拉他到一邊，開始諫責他。
Yesu walabambila makani awa pantangalala. Nomba nendi Petulo walamutwala Yesu pa lubasu ne kumukansa.
33 耶穌卻轉過身來，注視著自己的門徒，責斥伯多祿說：「撒殫，退到我後面去! 因為你所體會的，不是天主的事，而是人的事。」
Nendi Yesu walacebuka ne kulangila kwalikuba beshikwiya bakendi nabambi, ne kumucancalila Petulo mwabukalu eti. “Koyoko Satana obe, pakwinga miyeyo yakobe niya buntu, nteyo miyeyo ya Lesa sobwe!”
34 他遂召集群眾和門徒來，對他們說：「誰若願意跟隨我，該棄絕自己，背著自己的十字架，跟隨我，
Panyuma pakendi, Yesu walakuwa likoto lya bantu pamo ne beshikwiya bakendi, nekubambileti, “Muntu layandanga kunkonka ame alikane mwine, kayi alibambile kupeshewa, ne kufwa cebo ca kunkonkela.
35 因為誰若願意救自己的性命，必要喪失性命；但誰若為我和福音的緣故，喪失自己的性命，必要救得性命。
Pakwinga uliyense layandanga kupulusha buyumi bwakendi mwine, nakabutaye. Nomba uyo latayanga buyumi bwakendi pa cebo cakame, ne pacebo ca makani awa ayina, cakubinga nendi nakabupulushe.
36 人縱然賺得了全世界而賠上自己的靈魂，為他有什麼益處﹖
Inga caina cilipo nicipeyo na muntu uba ne bintu byonse bili pacishi capanshi, nomba ubutaya buyumi bwakendi butapu?
37 人還拿什麼作為自己靈魂的代價﹖
Inga nicani ico muntu ncelela kutika kwambeti buyumi bwancinencine butapu?
38 誰若在這淫亂和罪惡的世代中，以我和我的話為恥，將來人子在他父的光榮中，同諸聖天使降來時，也要以他為恥。」
Abo balanyumfwilinga insoni ne maswi akame pamenso abantu babula lushomo, kayi babwipishi, bopelabo Mwana Muntu nakabanyumfwile insoni akesanga pamo ne bangelo mu Mulemu bwa Baishi.”
