利未記 4
1 上主訓示梅瑟說：
Hagi Ra Anumzamo'a Mosesena asamino,
2 你告訴以色列子民說：若有人不慎，誤犯了上主的禁令，做了一件不許做的事：為大司祭贖罪，
Mago vahe'mo'ma mago'azama hanifima, ana hugahuema huno ontahi'neno Ra Anumzamo'ma osihoma huno'ma hu'neazama hania kumimofonkura amanage hunka zamasamio.
3 如果是一位受傅的司祭犯了罪，連累了人民，他為這罪，應獻一頭無瑕的公牛贖，作贖罪祭。
Ugagota pristi ne'mo'ma kumi'ma haniana, miko vahe'mokizmi zamazeri haviza hugahie. Ana hugahiankino nagra mago agaho ve bulimakao afu afuhe afahe'ma osu'nesia avreno, agrama hu'nenia kumitera kumi ofa hugahie.
4 將牛牽到會幕門口，到上主前，先按手在牛頭上，在上主前宰了。
Hagi ana bulimakao afura avreno atruhu seli nomofo ufre kafante Ra Anumzamofo avuga ome anteno, azana asenire anteteno, anankena akafrigahie.
5 然後受傅的司祭取些牛血，帶進會幕，
Anama hutena ugagota pristi ne'mo mago'a korana erino atruhu seli nompi ufregahie.
6 將手指浸在牲血裏，在上主面前向聖所帳幔灑血七次；
Hagi ana korampi azankoa reteno, Ra Anumzamofo avuga hunaragintegeno ruotage'ma hu'nea tavravemofo avuga, 7ni'a zupa rutri tri hugahie.
7 再將一些牲血，塗在會幕內上主面前的香壇四角上；其餘的牛血都應倒在會幕門口全幡祭壇腳旁。
Hagi ana pristi ne'mo'a, mago'a korana tagino atrumahu seli nompi Ra Anumzamofo avuga mnanentake'za kresramana vu itamofo pazivetaminte ome frentegahie. Hagi mago'a mesia korana, atru'ma hu seli nomofo avuga me'nea kresramana vu itamofo agafi miko tagi atregahie.
8 以後取出作贖罪的公牛贖所有的脂肪：即遮蓋內臟的脂肪，貼再內臟上所有的脂肪，
Hagi kumite'ma ofama hunaku'ma hania bulimakaomofona mika afovane, arimpama eri anovazi'nea afova'ane,
9 左右兩腎和兩腎上靠腰部的脂肪以及同兩腎一起取出的肝葉，
tarega kreso'ane, eri anoma vazi'nea afovane asumnane, ana mika kreso'anena eri tagatitregahie.
10 全照從和平祭犧牲的公牛所取出的一樣；司祭應將這一切放在全幡祭上焚燒。
Ana huteno bulimakao afovareti'ma arimpa fru ofama kresramna neviankna huno ugagota Pristi ne'mo'a tevefi kre fanene hu ofama nehaza itare kresramna vugahie.
11 至於公牛贖的皮，所有的肉、頭、腿、內臟和糞，
Hianagi mika akru'agi, ame'agi amumazina'ane, azonane aseni'ane agusu'agese zama'ane,
12 即整個公牛贖，應運到營外倒壇灰的清潔地方，放再木柴上用火焚燒：即在倒壇灰的地方將牠燃燒。為全會眾贖罪。
maka erino kuma'mofo fegi'a agruma hu'nea kumapi tanefa'ma ome netrazafi, teve hanavazino kregahie.
13 如果是全以色列會眾誤犯了過失，而會眾又沒有發覺做了上主戒命所不許做的事，因而有罪。
Mika Israeli vahe'mo'zama Ra Anumzamofo kemo'ma i'oma huno'ma hu'nesia zama mago'azama hanaregama hantagama hu'za hanu'za kumire hu'za ontahisazanagi, zamagra kumi hugahaze.
14 當他們一發覺自己所犯的罪，會眾就應獻一頭公牛犢作贖罪祭，牽到會幕前；
Zamagrama antahisazama kumi hu'nonema hanu'za, mago ve agaho bulimakao afu avre'za kumizamiguma kresramana vu'zana, Anumzanema atru'mahu seli nomofo avuga ome anteho.
15 會眾的長老在上主前，按手在牛頭上，在上主前宰；
Hagi kva vahe'zmimo'za ana bulimakao afu'mofo asenire zamazana antetenageno, Ra Anumzamofo avuga ana bulimakaona anankena akafriho.
16 然後受傅的司祭取些牛血帶進會幕，
Hagi ana hutesageno ugagota pristi ne'mo korama'a erino atrumahu seli nompi ufreno,
17 將手指浸在牲血裏，在上主面前向帳幔灑血七次。
azankoa ana korampi reteno, tavaravema Ra Anumzamofo avugama hantintegeno me'nerega 7ni'a zupa rutri tri hugahie.
18 再將一些牲血塗在會幕內上主面前的祭壇四角上；其餘的血，都應倒在會幕門口的全燔祭壇腳旁。
Hagi ana pristi ne'mo'a, mago'a korana tagino atrumahu seli nompi Ra Anumzamofo avuga mnanentake'za kresramana vu itamofo pazivetaminte ome frentegahie. Hagi mesia korana, atrumahu seli nomofo avugama me'nea kresramna vu itamofo agafi miko tagitregahie.
19 至於脂肪應完全取出，放在祭壇上焚燒。
Hagi agra miko afova'a tagatino kresramana vu itare negreno,
20 處置這牛，如處置贖罪祭的公牛犢一樣處置。司祭如此為他們贖了罪，他們方可獲得罪赦。
kumi'mofo ofama hu'neaza huno, ugagota pristi ne'mo ana ve bulimakao erino, mika vahe'mokizmi kumizmimofo nona huno kresramna vanigeno, Ra Anumzamo'a kumizmia atrezmantegahie.
21 以後應將這公牛犢運到營外焚燒，如焚燒上述的公牛犢一樣：這是為會眾的贖罪祭。為首長贖罪。
Anantera ana bulimakaona erino kumamofo fegi'a ese bulimakaoma hu'neaza huno ome kregahie. E'i mika vahe'mokizmi kumi atrezmante ofe huno kresramana vugahie.
22 如果是一位首長犯了罪，不慎做了上主他的天主的誡命所不許做的事，因而有罪。
Hagi Israeli kva vahe'mo mago'azama hanafima hantga huno Ra Anumzamo'ma osuoma hu'nea zama e'i kumire huno ontahi'nenoma hanuno'a, kumi hugahie.
23 當他一發覺自己犯了罪，就奉獻一隻無瑕的公山羊做祭品，
Hagi kumi hu'noe huno'ma antahisuno'a, kumi'aguma kresramana vu'zana ve meme afu afuhe afahe osu'nenia avreno ofama hu'zana vugahie.
24 先按手在羊頭上，後在宰殺全燔祭犧牲的地方，在上主前將牠宰了：這是贖罪祭。
Ana ve meme afu'mofo asenire azana anteteno, Ra Anumzamofo avugama me'nea kresramana vu itamofo avuga, anankena akafrigahie. E'i kumi'ma hu'nea zamofonte ofa hugahie.
25 然後司祭用手指蘸些贖罪祭犧牲的血，塗在全燔祭祭壇四角上；其餘的血，都應倒在會幕門口的全燔祭壇腳旁。
Hagi kumite kresramana vu mememofo korana pristi ne'mo'a azankoreti reno Ra Anumzamofo avuga kresramana vu itare'ma me'nea pazivete ome frentegahie. Hagi mesia korana ana kresramna vu itamofo agafi miko tagitregahie.
26 所有的脂肪，如同和平祭犧牲的脂肪一樣，都應放在祭壇上焚燒。司祭如此為他的罪行了贖罪禮，他方可穫得罪赦。為平民贖罪
Arimpa fru ofama kresramna vu'neankna huno afova'a miko kre vagareno. E'ina'ma pristi ne'mo'ma hanuno'a, ana ne'mofo kumi'mofo nonahina kumi'a atrentegahie.
27 如果是一個平民不慎犯了罪，做了上主的誡命所不許做的事，因而有罪。
Ra Anumzamo'ma osihoma huno hu'nea ke'ma Israeli vahepinti'ma mago'mo'ma mago'azama hanafima, e'i kumire huno ontahi'neno ana ke'ma runetagreno, kumira osu'noe huno antahigahianagi agra kumi hugahie.
28 當他一發覺自己犯了罪，就應為自己所犯的罪，奉獻一隻無瑕的母山羊作祭品；
Hagi agrama kumi hu'noema huno antahisuno'a, kumi'ma hu'nea zankura a' meme afuma afuhe afahe'ma osu'nesia avreno eno, kumi'arera ofa eme hugahie.
29 先按手在贖罪祭犧牲的頭上，後在宰殺全燔祭犧牲的地方，將贖罪祭犧牲宰了。
Hagi anama kumite'ma kresramna vunaku'ma hania meme afu'mofo asenire azana anteteno, kresramna vu afu'ma nehazare anankena akafrigahie.
30 然後司祭用手蘸些牲血，塗在全燔祭壇四角上；其餘的血，都應倒在祭壇腳旁。
Pristi vahe'mo'a azankoa ana korampi reteno, kresramana vu itare me'nea pazivetaminte ome frenenteno, mago'a mesia korana kresramana vu itamofo agafi mika tagitregahie.
31 所有的脂肪像和平祭犧牲一樣，都應取出；司祭應將這一切放在祭台上焚燒，化為中悅上主的馨香。司祭如此為他贖了罪，他方可獲得罪赦。
Anantera arimpa fru ofama hu'neankna huno, maka afova tagatitregahie. Ana hanigeno pristi vahe'mo'za ana afova'a eri'za kresranma vu itare vu'za, Ra Anumzamofonte ome Kresramana vanageno, knare sramna nentahino muse hugahie. E'ina'ma pristi ne'mo'ma hanigeno'a, ana ne'mofo kumi'amofo nona hinkeno, Ra Anumzamo'a kumi'a atrentegahie.
32 如果是奉獻一隻小綿羊做為贖罪祭犧牲，應獻一隻無瑕的母羊。
Hianagi kumi'mofo ofama hunaku'ma sipisipi afu'ma avreno'ma esuno'a, a' sipisipi afu'ma afuhe afahe'ma osu'nesia su'za avreno eno,
33 先按手在贖罪祭犧牲的頭上，後在宰殺全燔祭犧牲的地方宰了，作為贖罪祭。
ana sipisipi afu'mofo asenire azana anteteno, kresramna vu ofamahu afu'ma zmanankema nekafrizare, anankena akafrigahie.
34 司祭用手指蘸些贖罪祭犧牲的血，塗在全燔祭壇四角上；其餘的血，都應倒在祭壇腳旁。
Pristi ne'mo'a azankore mago'a korana reteno, kresramana vu itare me'nea pazivetaminte ome frenenteno, mesia korana kresramana vu itamofo agafi maka tagitregahie.
35 所有的脂肪都應取出，有如由和平祭犧牲的小羊所取出的脂肪一樣。司祭應將這一切放在祭壇上，與獻給上主的火祭一同焚燒。司祭如此為他的罪行了贖罪禮，他方可獲得罪赦。
Ana'ma hutenuno'a arimpa fru ofama hu'neankna huno, maka afova tagatitregahie. Ana hanigeno pristi vahe'mo'za ana afova eri'za kresranma vu itare vu'za, Ra Anumzamofonte ome kresramna vuntegahaze. E'ina'ma pristi ne'mo'ma hanigeno'a, anama kumi'ma hu'nea ne'mofo kumi'amofo nona huno krenkeno, Ra Anumzamo'a kumi'a atrentegahie.
