約書亞記 1
1 上主的僕人梅瑟死了以後，上主對農的兒子，梅瑟的待從若蘇厄說：
Sima na kufa ya Moyize, mowumbu na Yawe, Yawe alobaki na Jozue, mwana mobali ya Nuni, mosungi ya Moyize:
2 「我的的僕人梅瑟死了，你現在起來，和全體百姓萵約旦河，往我賜給他們，即以色列子民的地方去。
« Moyize, mowumbu na Ngai, asili kokufa. Sik’oyo, yo elongo na bato oyo nyonso, bobongama mpo na kokatisa ebale Yordani mpe kokota na mokili oyo nakopesa bana ya Isalaele.
3 凡你們的腳踏過的地方，照我對梅瑟說的，我必賜給你們；
Nakopesa bino esika nyonso oyo matambe ya makolo na bino ekonyata, ndenge nalakaki Moyize.
4 從曠野直到黎巴嫩，由大河，即幼發拉的河，赫特人的全境，直到大海日落之地，都是你們的領土。
Mokili na bino ekozala longwa na esobe kino na bangomba ya Libani oyo bozali komona, mpe longwa na Ebale monene, ebale Efrate, mokili nyonso ya bato ya Iti kino na Ebale monene, na ngambo ya weste: yango nde ekozala mokili na bino.
5 你有生之日，沒有人能抵抗你；過去我怎樣和梅瑟同在，也要怎樣和你同在，決不捨棄你。
Na mikolo nyonso ya bomoi na yo, moto moko te akolonga kotelemela yo. Ndenge nazalaki elongo na Moyize, ndenge wana mpe nakozala elongo na yo; nakotika yo te mpe nakosundola yo te.
6 你應勇敢果斷，因為你必須使這百姓，佔領我曾向他們祖先起誓賜給他們作產業的地方。
Zala makasi mpe yika mpiko, pamba te yo nde okokamba bato oyo mpe okopesa bango mokili oyo nalakaki kopesa lokola libula epai ya batata na bango na nzela ya ndayi.
7 你只須勇敢，堅決果斷，不偏左右，謹守奉行我僕人梅瑟所吩咐你們的一切訓示，好使你無往不利。
Kasi zala makasi mpe yika mpiko, sala keba ete otosa mibeko nyonso oyo Moyize, mowumbu na Ngai, apesaki yo; komeka te kobima libanda na yango, ezala na ngambo ya loboko ya mobali to na ngambo ya loboko ya mwasi, mpo ete okoka kolonga na makambo nyonso oyo okosala.
8 這部法律書總不要離開你的口，你要日夜默想，好叫你能謹守奉行其中所記載的一切；這樣，你必能順利，必能成功。
Sala ete maloba ya buku oyo ya Mobeko ewumela tango nyonso na monoko na yo; tangaka mpe kanisaka yango butu mpe moyi, mpo ete osala kolanda nyonso oyo ekomami kati na yango. Na bongo nde okokende liboso mpe okolonga kati na misala na yo nyonso.
9 我不是吩咐了你，你應勇敢果斷嗎﹖所以你不要害怕，也不要膽怯，因為你無論到那裏，上主你的的天主必與你同在。」
Boni, nalobaki na yo te: Zala makasi mpe yika mpiko? Kozala na somo te mpe kolemba nzoto te, pamba te Ngai Yawe, Nzambe na yo, nakozala elongo na yo na bisika nyonso oyo okokende. »
10 以後若蘇厄向百姓的官長下令說：
Jozue apesaki mitindo epai ya bakambi ya bato:
11 「應走遍全營，吩咐百姓說：你們應準備食物，因為還有三天，就要過這約旦河，去佔領上主你的的天主賜與你的作產業的土地。
« Botambola kati na molako mpe boloba na bato: ‹ Bobongisa bilei na bino, pamba te sima na mikolo misato, bokokatisa ebale Yordani na esika oyo mpo na kokende kobotola mokili oyo Yawe, Nzambe na bino, asili kopesa bino. › »
12 若蘇厄又對勒烏本人、加得人和默納協半支派的人說：
Kasi Jozue alobaki na bato ya libota ya Ribeni, na bato ya libota ya Gadi, mpe na bato ya ndambo ya libota ya Manase:
13 「你們應記起上主的僕人梅瑟吩咐你的的事。他說過：上主你的的天主將這地賜給你們，使你們獲得安居，
— Bobosana te Mobeko oyo Moyize, mowumbu ya Yawe, apesaki bino: « Yawe, Nzambe na bino, apesaki bino bopemi mpe mabele oyo. »
14 你們的婦孺和牲畜，可留在梅瑟在約旦河東賜你的的地方；但你們中所有的英勇戰士，都應武裝起來，在你們弟兄前過河，協助他們，
Kaka basi, bana mpe bibwele na bino nde bakoki kotikala na mabele oyo Moyize apesaki bino na ngambo ya este ya Yordani. Kasi bilombe na bino nyonso ya etumba basengeli kolata bibundeli, kokatisa mpe kotambola liboso ya bandeko na bino. Bokosunga bandeko na bino
15 到直上主使你們的弟兄，像你們一樣，佔領了上主你們的天主，賜給他們作為產業的地方，即上主的僕人梅瑟在約旦河東，日出之地，賜予你們的地方。
kino Yawe akopesa bango mpe bopemi ndenge asalaki mpo na bino, mpe kino tango bango mpe bakobotola mokili oyo Yawe, Nzambe na bino, apesi bango. Na sima na yango nde bokoki kozonga mpe kovanda na mabele na bino moko, mabele oyo Moyize, mosali na Yawe, apesaki bino na ngambo ya este ya Yordani, na ngambo oyo moyi ebimelaka.
16 他們回答若蘇厄說：「凡你命令我們的，我們必都照辦；凡你派我們去的地方，我們一定去。
Bazongiselaki Jozue: — Tokosala nyonso oyo okotinda biso mpe tokokende esika nyonso oyo okotinda biso.
17 我們在一切事上怎樣服從了梅瑟，也怎樣服從你；惟願上主你的的天主與你同在，如同與梅瑟同在一樣。
Ndenge totosaki Moyize na makambo nyonso, ndenge wana mpe tokotosa yo. Tika ete Yawe, Nzambe na yo, azala elongo na yo ndenge azalaki elongo na Moyize!
18 無論誰違背你的命令，不服從你吩咐他的一切訓示，必處死刑。但你應該勇敢果斷。」
Moto nyonso oyo akotombokela mitindo na yo to akotosa te maloba na yo na likambo nyonso oyo okotinda, akokufa. Tika ete ozala makasi mpe oyika mpiko!
