約書亞記 8
1 以後上主對若蘇厄說：「你不要害怕! 不要膽怯，只管率領所有的軍民，前去進攻哈依城。看，我已將哈依王，百姓、城池和土地，都交在你手中。
Hichejou chun Pakaiyin Joshua kommah chun aseije, “Kicha hih’in, lungthoina jong neihih’in, nasepai hochu puijinlangAi khopi khu gadelkhumtan, ajeh chu Ai lengpa le amipite, akhopi le agamchu nangma khutna kapehdoh ahitai.
2 你要對待哈依城和哈依王，如同對待耶利哥和耶利哥王一樣；只有城中的戰利品和牲畜，你們可據為己有。你應在城後面，設下攻城的伏兵。」
Jericho le alengpao nasuhgam banga amaho jong nasuhgam ding, amavang tuchunga hi agancha houleh anei agou nachomdoh houchu nakilah theiju ahi. Akhopiu nunglanga khun gachangpang tauvin,” ati.
3 若蘇厄於是與所有的軍兵前去進攻哈依城。若蘇厄選了三萬精兵，派他們黑夜出發，
Hitichun Joshua leh asepaite chu Ai khopi gadelkhum dingin akontouvun ahi. Joshua’n asepaite lah’a galsat hatcheh sangsom thum alhengdoh’in jannin asoldoh’in,
4 吩咐他們說：「你們要注意，在城那邊，即在城後面埋伏下，不可離城太遠，個個都要戒備。
Hitihin thupeh aneiyin ahi: “Nangho cheuvinlang khopi nunglanga khun kinaichan gachangpang’unlang khopi delkhum dingkhun kigosademmin ummun,
5 我和我率領的人，向城推進；當他們像前次一樣出來迎擊我們時，我們就由他們前面逃走。
Hiteng chuleh keile kaloiho chengin khopi chu kadellutdiu chutengleh amasa-abang bangchun amaho keiho satdin hungkondoh’un tin chutengleh amaho masanga chu keiho kajamdiu ahi.
6 他們一定出來追趕我們。我們將他們誘出城來，他們必說：這些像前次一樣，又由我們面前逃走了。我們就由他們前面逃走。
Khopia konna chu keihon amaho chu kakidelmang sahdiu, chutengleh amahon Israelte hi amasa bang banga imasang’uva jamkitna ahitauve atidiu ahi. Chujouteng chuleh keiho amahoa konna kajam sunguva chu,
7 那時你們應從埋伏的地方出來，佔領城市，上主你們的天主必將這城交在你們手中。
Nangho nachangpan nauva konchun hungpotdoh’unlang akhopiu chu nalonvuh jengdiu ahi, na Pakai na Pathennun nangho khutna nahin pehdohdiu ahi.
8 你們一佔領了城，就放火焚燒，全照上主的話執行。你們應注意我吩咐你們的事。」
Chutengleh Pakaiyin nathupeh bang bangun akhopiu chu meiyin hallha jengun hichu thupeh ahi,” ati.
9 若蘇厄就打發他們去了。他們便開到埋伏的地方，停在貝特耳和哈依之間，在哈依西面。那中夜若蘇厄便在百姓中過了夜。
Hitichun amaho akipatdoh’un Bethel leh Ai khopi lhumlam kikah achangpanna diu munnah chun ache tauvin ahi. Ahinlah Joshua chu hichejou chun mipiho toh ngahmunna chun agehkhommun ahi.
10 若蘇厄清早起來，點齊軍民；然後與與以色列的長老，在軍人前頭向哈依城進發。
Joshua chu jingkah langin matah’in akipatnin amite asuthouvin Ai khopi lang ajontan, hichea hin Israel upa hon ana juijun ahi.
11 跟隨他的所有軍人也都一齊進發，迫近城下，在哈依北面紮了營。原來在他和哈依中間隔著一個山谷。
Joshua chu amatoh umkhom sepaiho chengchutoh khopi maija chun akijotnun sahlanga chun ngahmun asemmun ahi. Amaholeh Ai kikah’a chun phaicham khat aummin ahi.
12 若蘇厄調了約五千人，令他們埋伏在貝特耳和哈依之間，即在哈依西面。
Chuin aman mi sang nga tobang apuijin Bethel leh Ai khopi kikah khopi lhumlamma chun achangpansah’in ahi.
13 這樣城北的軍民和城西的伏兵，都嚴陣以待。當夜若蘇厄就在谷中過了夜。
Hitichun asepai bulpi penchu khopi sahlanga apansah’in chuleh khopi lhumlamma chun changpangloi akoiyin, Joshua amatah chu phaichamma chun ageh’in ahi.
14 哈依王一見這情形，便和全城的人急忙起來，到了面對阿拉巴的山坡，要和以色列人交戰，但他沒有料到城後面還有伏兵。
Ai lengpan phaicham langa um Israelte chu agahmu phatnin amale asepaite jouse chun jingpitah’in Jordan phaicham gah kigalmuna munna chun anokhum tauvin ahi. Ahinla khopi nunglanga chun amaho aguh’a chaangpanga aumme tichu aman ahetlou ahi.
15 若蘇厄和以色列人在他們面前詐敗，沿著往曠野的路奔逃，
Joshua leh Israel sepaite chu gallel tobang'in gammang langa chun ajamtauvin ahi.
16 城中的人盡被徵調，在後追趕。當他們若蘇厄時，都被誘出城來；
Hichechun khopi sunga umjouse chu akikoudoh’un abonchauvin amaho chu adeltauvin, hitichun amaho chu khopia konchun alhemdoh tauvin ahi.
17 在哈依和貝特耳沒有留下一個人不出來追趕以色列人的。他們拋下敞開的城門，都去追趕以色列人。
Ai ahilouleh Bethella chun mi khatcha kidalha louvin Israelte chu adelsohkei tauvin ahi. Hitichun khopi ahomkeuvin adalha tauvin ahi.
18 這時上主對若蘇厄說：「將你手中的短劍指向哈依城，因為我即將這城交於你手中。」若蘇厄便將手中的短指向哈依城。
Hiche jouchun Pakaiyin Joshua komma chun hitin ahin seije, “Natengchao chu domsang’unlang Ai khopi lang ngatsah tauvin, ajeh chu keiman hichekhu nangho khutna kapehdoh ahitai” ati. Hichun Joshua’n akhutna um atengcha chu adomsang’in khopi langchu agah ngatsahtan ahi.
19 他一伸手，伏兵即由他們埋伏的地方奮起，衝向城中，將城佔領，急速放火焚燒。
Joshua’n akhut adopsang phatnin changpang ho jouse chu akiselnauva kon in ahung potdoh’un khopi langa chun alonglut jeng tauvin ahi. Amahon gangtah’in khopi chu alouvin meiyin ahallha tauvin ahi.
20 哈依人回頭，看見城內濃煙沖天，都沒有了往前後逃跑的力量，因為此時向曠野奔逃的以色列人，忽然轉過身來還擊追趕自己的哈依人。
Ai khomite chu akinung heijun agah veuvin ahileh, khopia konna meikhu chu vanlaijol langa akitung jengin ahileh chenading helouvin abeiden tauvin ahi. Ajeh chu Israelte gammang langa ana jamlut hochu ahung kileheijun amaho chu ahinledal tauvin ahi.
21 若蘇厄和全以色列見伏兵已奪了城，城內煙氣上騰，便轉身回來擊殺哈依人。
Joshua leh Israelte chun apanlah nauchu alolhing’in khopia konchun meikhu akitungdoh tai tichu amuphatnun ahung kileheijun Ai mite chu ahin delkhum tauvin ahi.
22 伏兵也由城內出來夾擊，哈依人便包圍在以色列人中間，前後受敵；以色列人將他們完全殺盡，沒有留下一個，也沒有逃走一個。
Alangkhatnah khopi sunga um Israelte chu ahungpotdoh’un galmi hochu anunglang uva kon in ahin delkhum uvin, hitichun Ai khopi mite chu ajet aveijuva Israelten aumchinto tauvin amaho alailunga chatmo hellin aumtauve. Israelten adelkhummun mi khat ajong asohcha ahilouleh ahingdoh’a aumpouve.
23 他們生摛了哈依王，把他解到若蘇厄面前。
Ai lengpa changseh chu ahingin amannun Joshua kommah ahin puilutnun ahi.
24 以色列人在曠野的平原上，殺盡了追趕自己的一切哈依居民，哈依人全都死於刀下；以後，全以色列人又回到哈依，殺盡城中的人。
Israel sepaiten Ai mite chu adel’uva tollhanga umjouse chu athajou phatnun amaho akinung heijun asunga langa umjouse jongchu athatchai heltauvin ahi.
25 那天被殺的人，男女共計一萬二千，都是哈依人。
Hitichun Ai khopi sunga cheng mipite jouse, numeiti pasalti abonchan hiche nikho chun athatgam soh hellun ahileh mi sangsom le sangni alhingin ahi.
26 若蘇厄在沒有殺盡哈依的一切居民前，一直沒有收回自己手中所持的短劍。
Ai khopi sunga cheng jouse chu akisuhmanghel kahsen Joshua’n atengcha chu adomsang jing jengin ahi.
27 惟有城中的牲畜和財物，以色列人依照上主吩咐若蘇厄的話，據為己有。
Pakaiyin Joshua athupeh bangin, khopi sunga um agancha houleh anei agouhou chu sumang louvin Israelten amaho chandingin akichom tauve.
28 然後若蘇厄焚毀哈依城，使之永遠成為廢墟，時至今日，仍是一片荒涼；
Hitichun Joshua’n Ai khopi chu ahallhatan ahileh hichu tuni changgeijin amangthah paitan ahi.
29 又將哈依王懸在樹上，直到黃昏；日落時，若蘇厄令人將他的死屍從樹上卸下，丟在城門口，在他身上又 堆石頭，直存到今日。
Joshua’n Ai lengpa chu nilhahlang geijin thingchungah anakhaijin, ni ahunglhum phatnin Joshua thupeh dungjuijin atahsa chu thingchunga kon in alalhauvin, khopi kelkot maija chun anaseplhauvin ahi. Amahon achunga chun song asetkhummun tuni changgeijin mutheijin aumnalaije.
30 那時，若蘇厄在厄巴耳山，為上主以色列的天主，築了一座祭壇；
Hijouchun Joshua’n Ebal mol chungah Pakai Israel Pathen kommah maicham asemmin,
31 全照上主的僕人梅瑟向以色列子民所吩咐的，全照梅瑟法律書上所記載的，用沒有用過的整塊石頭，築了一座祭壇，在上面向上主獻了全燔祭，祭殺了和平祭犧牲。
Pakai lhacha Mose’in Israel chate anathupeh Mose daanbua anakijih bangin, thih hemma ana kikheng khalou songtum maicham chungah pumgo thilto leh chamna thilto anabollin ahi.
32 若蘇厄又在那裏將梅瑟當著以色列子民的面所寫的法律，刻在石頭上。
Hitichun aman Israelte mitmu changtah chun Mose daan thupeh hochu song chunga chun anajihdoh’in ahi.
33 以色列全體民眾和他們的長老、領袖、判官，連僑居的人和土生的人，一半向著革黎斤山，一半向著厄巴耳山，正如上主的僕人梅瑟，當初為祝福以色列百姓所命令的。
Hiche jouchun Israelte jouse agam sunga pengdenho ahin khopem mi ahiuvin, upa ho jouse, vaihom ho jouse le thutanho jouse ahiuvin hopnin akihommun, hopkhat chu Gerazin mol maija adingun, hopkhat chu Ebal mol maija adingun ahi. Ahopni chun aki-angngat touvin akikah uvah Pakai kitepna thingkongpu Levi thempuho chu adingun ahi. Hichehi Israel mipiten phatthei achanna diuva Pakailhacha Mose thupeh dungjuija anaboljiu dungjuija chu abollu ahi.
34 以後若蘇厄將法律上祝福和詛咒的一切話，全照法律書上所記載的，宣讀了一遍。
Hiche jouchun Mose’n adaan lekhabua anajihlut phatthei bohna le sapsetna hochu Joshua’n mipi ang’ah chun asimdoh’in ahi.
35 凡梅瑟所吩咐的一切話，若蘇厄在以色列全會眾前，連婦孺和寄居在他們中的外僑在內，沒有一句不向他們宣讀。
Mose thupeh thuchengho jouse chu Israel mipi ahung kikhomho leh, nunao chapangho, chuleh alah’uva cheng gamdangmi ho pumma ajahsohkei diuvin asimdoh soh hellin ahi.
