約書亞記 11
1 哈祚爾王雅一聽見這事，便派人去見瑪冬王，史默龍王，阿革沙夫王，
Hazor lengpa Jabin in thilsoh hohi ajah phatnin avella lengho hi kouna thu athotnin, Madon lengpa Jobab, Shimron lengpa, Aeshaph lengpa,
2 和住在北方山區，基乃勒特南方平原低地，和西方的多爾高原諸王；
Sahlam gamkaija lengho jouse, Galibe lhanglang Jordan phaicham gamma lengho, Galibe molbulla lengho, lhumlam Naphethder lengho,
3 又去見東西各地的客納罕人、阿摩黎人、希威人、培黎齊人，以及住在山區的耶步斯人，和赫爾孟山麓米茲帕地方的赫特人。
Solam le lhumlam gamkaija um Canaan lengho, Amor mite lengho, Hit mite, Perizz mite, thinglhang gamma um Jabus mite, Mizpah gamsunga um Hermon molken suhlanga khopihoa um Hivi miteho jouse chu akouvin ahi.
4 他們都帶領自己所有的軍隊和車輛。
Hiche lengho jouse hi galsat dingin ahungkon tauve. Amahohi ahung kiloikhommun asepai houhi ahintit khommun ahileh alet-lha jengin ahi. Asakol houleh akangtalai hou twikhanglen panga neldiho bangin gamkom alosoh jengun ahi.
5 這些王子都合一起來，來到默龍水邊紮營，要同以色列人交戰。
Hiche lengho hin athau ajekhommun Israelte satdingin Merom komma tuipang vellah ngahmun asemmun ahi.
6 上主對若蘇厄說：「在這些人面前，你不要害怕，因為明天這時，我必要使他們全在以色列人面前被殺；你要砍斷他們的馬蹄筋，火燒他們的車輛。」
Hichun Pakaiyin Joshua kommah hitin ahinseijin, “Amaho khu kichahih’in, jing nikho tuphat tahle hin, amahohi athisa banga Israelte kahinpehdoh ding ahi. Hiteng chuleh asakolte akeng nasuhbeijuva akangtalai hou nahallhah diu ahi,” ati.
7 若蘇厄遂率領自己的軍民突至默龍水旁，向他們進攻。
Hitichun Joshua leh asepaite jousen Merom komma tuipanga chun alhailutnun gangtah’in adelkhum tauvin ahi.
8 上主將他們交在以色列人手中，以色列人擊殺他們，往西直追到大漆冬和米斯勒佛特瑪殷，往東直追到米茲帕山谷，將他們殺得沒有剩下一個。
Pakaiyin amaho chu Israelte khutnah ahinpedoh tan, hitichun amahon Sidon gamlenlang geileh Misrephath-maim changgei chuleh Mizpah solam phaicham geipeh’in ahindellutnun amaho chu khatcha hinghoi louvin ahin thatsoh keijun ahi.
9 若蘇厄便照上主指示他的，對待了他們，砍斷了他們的馬碲筋，火燒了他們的車輛。
Pakaiyin aseipeh bang bangin Joshua’n asakolteu keng asatbai peh’in chuleh akangtalai jouseu ahallhah peh’in ahi.
10 若蘇厄班師回來時，奪取了哈祚爾，用刀斬了哈祚爾王。──原來哈祚爾以前是這些王國的都城。
Hiche jouchun Joshua ahung kinunglen Hazor chu alan chuleh alengpau chu athatnin ahi. Phatchomkhat achu Hazor hi hiche lenggam ho jouse bulpi anahin ahi.
11 又將城內的一切生靈，用刀殺死，完全予以毀滅，沒有留下一個生靈，以後放火燒了哈祚爾城。
Israelten hiche khopi sunga mihing ching jouse abonchan asumang sohkeijin mi khatcha jong ahing hoipon ahi. Hitichun Joshua’n khopi chu ahallhatan ahi.
12 若蘇厄奪取了那些王子的一切城邑，生摛那些王子，用刀將他們殺死，將城池完全予以毀滅，全照上主的僕人梅瑟所吩咐的。
Pakai lhacha Mose’n athupeh bang bangin Joshua’n lengdangho jouse leh amipiteu abonchan asumang sohkeijin ahi.
13 至於那些處於土丘上的城市，除哈祚爾外，以色列人都沒有焚毀：若蘇厄只燒了哈祚爾。
Joshua’n anahallhah Hazor tailou Israelten lhangchunga kitungdoh khopiho chu anahallha pouvin ahi.
14 那些城中所有的財物和牲畜，以色列人都搶了來，歸為己有：所有的人都用刀殺死，完全予以毀滅，沒有留下一個生靈。
Israelten khopi asuhmang houva achomdoh’u neile gou holeh ganchaho chu akilah’un ahi. Ahinla koimacha hinghoi louvin mihing jouse chu athatgam sohkeijin ahi.
15 上主怎樣吩咐衪的僕人梅瑟，梅瑟也怎樣吩咐了若蘇厄，若蘇厄也就怎樣辦了。凡上主吩咐梅瑟的事，若蘇厄沒有不照辦的。
Pathen thupeh dungjuija Mose’n Joshua chu thu anapeh ahi. Hitichun Joshua’n Pathen thupeh dungjuija Mose’n anathupeh ho jouse chu atongdoh sohkeijin ahi.
16 這樣，若蘇厄佔領了那整個地區：包括山地，整個南方，哥笙全境，平原，阿辣巴原野，以色列山地和附近平原，
Hitihin Joshua’n gamsung pumpi hi anajouvin, thinglhang gam Negiv gampumpi, Goshen khopile vella gampumpi, Kolbul solam gamho, Jordan phaicham gamho, Israel molsangho leh Galilee molbul gamho jouse analasoh keijin ahi.
17 由上色依爾去的哈拉克山起，一直到赫爾孟山麓，黎巴嫩山谷間的巴爾加得：各城的王子都被生摛，都被殺死。
Tun Israel gamchu Halak mol’apatnin ahung kijedoh’in lhanglanga Seir changgei aphan, chuleh sahlang gam Lebanon phaicham Hermon molbulla Baal-gad changgei ahopmin ahi. Joshua in hiche gam lengho jouse anathatgam sohkeijin ahi.
18 若蘇厄同這些王子交戰，時日頗為長久，
Hiche tohmolsona dingahin phat sottah gal anadouvun ahi.
19 因為除住在基貝紅的希威人外，沒有一座城願與以色列子民媾和，都是以色列人用武力攻取的。
Hiche gamhoa hin Gibeon a Hivi mite tailou khatchan Israelte hi ana kichampi pon ahi. Hiche Gibeon miho tailou gamdang miho jouse vangchu anathatgam sohhellun ahi.
20 原來這是上主的意思，叫他們心硬，來與以色列人交戰，好使他們遭受無情的毀滅，澈底的破壞，正如上主對梅瑟所吩咐的
Ajeh chu Pakaiyin alungu asuhtah peh’a Israelte chu anakisatpiu ahi. Hijeh achu amaho chu Pakaiyin Mose anathupeh bangin khotona beihellin anasumang’un ahi.
21 以後若蘇厄出兵，消滅了赫貝龍、德彼爾、阿納布山地、猶大山地和以色列山地所有的阿納克人，毀滅了他們和他們所有的城市。
Hichephat sungah hin Joshua’n Hebron thinglhanggam pumpi le Dibar, Anab, Israelte le Judah gamsung pumpia cheng Anak chilhah hojouse ana sumang sohkeijun ahi. Aman amahohi achennao khopiho jouse pummin anathatgam sohkeijin ahi.
22 這樣以色列子民境內，沒有剩下一個阿納克人，只在迦薩、加特和阿布多得還有。
Israel gamsung pumpia Anak chilhahho hi khatcha akihinghoi anaumpouvin ahi. Ahinlah Gaza, Gath gamma vang amoh themkhat aumnalaijin ahi.
23 若蘇厄佔領了那整個地區，全如上主對梅瑟所說的；若蘇厄遂將這地區按照以色列支派分給他們作產業。以後國內昇平，再無戰事。
Hichun Pakaiyin Mose anaseipeh bang bangin Joshua’n gamsung pumpi chu analatan ahi. Aman Israelte chu agouchan diuvin aphung aphung dungjuijin anahoppeh’in ahi. Hitichun galsatna a kon in gamsung chu ana kicholdo tan ahi.
