約珥書 2
1 你們要在熙雍吹起號角，在我的的聖山下吹起號筒! 叫大地所有的居民戰慄害怕，因為上主的日子來了，且已來近了。
Pagunienyo ti trumpeta idiay Sion, ken pagunienyo ti tangguyob iti nasantoan a bantayko! Agpigerger koma iti buteng dagiti amin nga agnanaed iti daga, ta umadanin ti aldaw ni Yahweh; pudno nga asidegen daytoy.
2 那是一個陰霾昏暗的日子，是一個濃雲漆黑的日子! 一個龐大結盛的民族猶如曙光一樣，散布在各山下；像這樣的民族，是亙古以來從未有過，此後歷盡萬世萬代，也不會再有。
Daytoy ket aldaw iti kinasipnget ken kinalidem, aldaw a naulep ken nalulem. Kas iti parbangon nga agsaknap kadagiti bantay, sumungsungaden ti dakkel ken nabileg nga armada. Awan pay ti armada a kas iti daytoy, ken awanton ti kastoy, uray kalpasan iti adu a henerasion.
3 在這的前面，有吞滅的烈火，後面，有燃燒的火燄；這民族未來以前，大地有如伊甸樂園，既來以後，卻成了荒涼的；什麼也沒有留下。
Ikiskisap ti apuy ti amin a banag iti sangoananna, ken adda gil-ayab iti likudan. Ti daga ket kas iti minoyungan ti Eden iti sangoananna, ngem iti likudanna ket adda iti nadadael a let-ang. Pudno, awanto ti makalibas iti daytoy.
4 你們的形狀有如馬的形狀，牠們奔馳有如戰爭馬．
Kasla kabalio ti langa ti armada, ken kasla kumakabalio ti panagtarayda.
5 牠們跳躍，發出有如戰車越過山巔的轔轔聲，發出有如烈火焚燒稻草的爆裂聲，活像一支嚴陣以待的強大軍旅。
Kumaradakad ti panaglagtoda a kasla kadagiti karuahe iti tuktok dagiti bantay, kasla iti uni ti gumilgil-ayab nga apuy a mangikiskisap iti garami, kasla iti nabileg nga armada a nakasagana a makigubat.
6 萬民一見，為之惶恐，人人臉面為之失色。
Iti isusungadda, agbuteng dagiti tattao ken pummusyaw dagiti rupada.
7 們們疾進有如勇士，攀登城牆有如戰士，各走自己的路線，從不混亂自己的行列。
Ti panagtarayda ket kasla iti nabileg a mannakigubat; kumalay-atda kadagiti pader a kasla kadagiti soldado; agmarmartsada, aggigiddan ti addangda, ken naurnos dagiti linyada.
8 牠們各不相擠，各循自己的路線進行；既使衝鋒陷陣，仍不散亂。
Awan ti agdidinnuron; agmarmartsa ti tunggal maysa iti dalanna; lumasatda kadagiti sarikedked ket saan a madadael ti linyada.
9 牠們進攻城邑，奔上城牆壁，攀登屋頂，闖進窗戶，一個盜賊一樣。
Sipapardasda a mangraut iti siudad, tumarayda kadagiti pader, kumalay-atda kadagiti babbalay, ket sumrekda kadagiti tawa a kasla kadagiti agtatakaw.
10 在牠們面前，大地為之震蕩，諸天為之搖動，星辰為之失光。
Agkintayeg ti daga iti sangoananda, agpigerger dagiti langit, simmepnget ti init ken bulan, ken saanen nga agraniag dagiti bituen.
11 上主在自己的軍旅散發出了自己的聲音，衪的隊伍極其龐大，執行衪命令的，又是強而有力的；上主的一個子實在偉大，極甚可怕：有誰能抵得住﹖
Binilin ni Yahweh ti armadana, ta nagadu unay dagiti mannakigubatna ken nabilegda, dagiti agtungtungpal kadagiti bilbilinna. Ta kasta unay a nakabutbuteng ti aldaw ni Yahweh. Siasino ngay koma ti makalasat iti daytoy?
12 至少現在，──上主的斷語──你們應全心歸向我，禁食，哭泣，悲哀!
Kuna ni Yahweh, “Ngem uray pay ita, agsublikayo kaniak iti amin a pusoyo. Agayunar, agsangit, ken agladingitkayo.”
13 應撕裂的，是你們的心，而不是你們的衣服；你們應歸向上主你們的天主．因為衪寬仁慈悲，遲於發怒，富於慈愛，常懊悔降災。
Ipakitayo ti sipupuso a panagbabawiyo ken saan laeng nga iti panangray-abyo kadagiti kawesyo, ket agsublikayo kenni Yahweh a Diosyo. Ta naasi ken managparabur isuna, saan a nalaka nga agunget ngem ketdi napnoan iti ayat, ken saannatayo koma a kayat a dusaen.
14 有誰知道，也許衪會轉意後悔，在這場災禍後，給你們留下祝福，好使你們能給上主你們的天主獻上素祭和奠祭。
Siasino ngay koma ti makaammo? No ngay agbaliw ti pangngeddengna ket maasian isuna, ken mangted isuna kadagiti bendision, daton a bukbukel ken daton a mainum nga agpaay kenni Yahweh a Diosyo?
15 你們要在熙雍吹起號角，制定一個齋期，召開一個盛會。
Pagunienyo ti trumpeta idiay Sion, ken agayunarkayo, ket mangangaykayo iti nasantoan a gimong.
16 要召集民眾，制定一個集會。召集老人，集合幼童，既使吃奶的嬰兒；新郎應走出他的洞房，新郎應離開她的閨房。
Ummongenyo dagiti tattao, mang-angaykayo iti nasantoan a gimong. Ummongenyo dagiti panglakayen, ummongenyo dagiti ubbing, ken dagiti maladaga. Paruarenyo dagiti nobio kadagiti siledda ken paruarenyo dagiti nobia kadagiti siled a pagur-urayanda iti seremonia ti kasar.
17 上主的僕人──司祭，應在殿廊與祭壇之間痛哭，說：「上主，求你憐恤你的百姓，不要讓你的基業遭受侮辱，使異民取笑他們! 為什麼讓人在異民中說：他們的的天主在哪裏﹖」
Agsangit koma dagiti papadi nga agserserbi kenni Yahweh iti nagbaetan ti pagserkan ken ti altar. Kunaenda koma, “O Yahweh, kaasiam dagiti tattaom ket saanmo nga ipalubos a maibabain dagiti tattaom a maiyarig a tawidmo, ket iturayan ida dagiti nasion. Apay nga ibaga dagiti nasion, ayanna ngayen ti Diosda?''
18 上主對自己的地域又重加妒愛，憐憫了自己的百姓。
Kalpasanna, impakita ni Yahweh ti panangipategna iti dagana ket kinaasianna dagiti tattaona.
19 上主答覆衪的百姓說：我必再賜給你們五榖、酒、油，使你們得享飽飫；不再使你們在異民中遭受恥辱。
Insungbat ni Yahweh kadagiti tattaona: “Adtoy, ikkankayo kadagiti bukel, baro nga arak, ken lana. Mapnekkayonto kadagitoy, ken saankonton nga itulok a maibabainkayo kadagiti nasion.
20 我要使從北方來的大軍，遠離你們；要驅逐他們到荒涼不毛地，使他們的先鋒面向東海，使他們的殿軍面向西海；他們的臭氣要上升，他們的腥臭要上騰。「因為他們行了大惡。」
Ipanawkonto kadakayo dagiti mangdarup a naggapu iti amianan, ket iturongko ida iti namaga ken langalang a daga. Agturong dagiti akin-sango nga armadada iti baybay iti daya, ken ti akinlikud nga armada iti baybay iti laud. Umalingasawdanto ken sumngawto dagiti bangsitda. Agaramidakto kadagiti nakakaskasdaaw a banbanag.
21 田地，你不要害怕，反要歡愉喜樂，因為上主行了大事。
Saanka nga agbuteng, daga, agragsak ken agrag-oka, ta nagaramid ni Yahweh kadagiti nakakaskasdaaw a banbanag.
22 田間的野獸，你們不要害怕，因為原野的牧場又已發青，樹木已再結果，無花果樹和葡萄樹必再供給出產。
Saankayo nga agbuteng, dakayo nga atap nga ay-ayup iti tay-ak, ta agtubonto dagiti ruruot iti pagaraban kadagiti let-ang, agbunganto dagiti kaykayo, ket umadunto ti apit kadagiti igos ken ubas.
23 熙雍的子女! 你們應歡樂，應喜樂於上主你們的天主，因為衪按公義，像昔日一樣，賜給了且給你們時雨，且給你們降下甘霖：秋雨和春雨。
Agragsakayo, tattao ti Sion, ken agrag-okayo kenni Yahweh a Diosyo. Ta pagtuduennanto iti umno a tiempo ket agbayakabak ti tudo para kadakayo, ti tudo iti tiempo ti panagrurusing ken tiempo ti panagregreg iti bulong a kas idi damo.
24 禾埸必充滿莊稼，榨池必湧出美酒和新酒。
Mapnonto iti trigo dagiti pagirikan, ken aglippiasto dagiti pagkargaan iti baro nga arak ken lana.
25 我必要補償你們，我對你們派來的大軍：飛蝗、冬斯、蚱蜢和蝻子，連年所吃掉的收成。
“Isublikto kadakayo dagiti mula nga inay-aywananyo iti adu a tawen a kinnan dagiti nagsasaruno a pangen dagiti dudon, ti nabileg nga armadak nga imbaonko kadakayo.
26 你們必得飽食，必要頌揚上主你們的天主的名，因為衪為你們行了奇妙的事。 [我的百姓永不再蒙受羞辱。]
Mangankayonto iti adu ket mabsogkayo, ken dayawenyo ti nagan ni Yahweh a Diosyo a nagaramid kadagiti nakaskasdaaw kadakayo. Saankonton nga ibabain dagiti tattaok.
27 你們將會知道：我是在以色列中間，我是上主你們的天主，此外再沒有別的神；而我的百姓永不再蒙受羞辱。
Maammoanyonto nga addaak iti Israel, ket Siak ni Yahweh a Diosyo, ken awanen ti sabali. Saankonton nga ibabain dagiti tattaok.
28 此後──上主的斷語──我要將我的神傾注在一切有血肉的人身上：你們的兒子們和你們的女兒們要說預言，你們的老人要人要看夢境，你們的青年要見神視；
Iti mabiit, ibukbukkonto ti Espirituk kadagiti amin a lasag, ket agipadtonto dagiti annakyo a lallaki ken babbai. Agtagtagainepto dagiti panglakayenyo, makakitanto iti sirmata dagiti agtutuboyo a lallaki.
29 在那些日裏，既使在奴僕和婢女身上，我也要傾注我的神。
Kadagidiay nga aldaw, ibukbukkonto met ti Espirituk kadagiti adipen a lallaki ken babbai.
30 我要在上天下地顯示奇異的徵兆：血、火和煙柱。
Mangipakitaakto kadagiti nakakaskasdaaw iti langit ken iti daga, dara, apuy ken dagiti adigi nga asuk.
31 在上主偉大可畏的日子來臨以前，太陽要變為昏暗，月亮要變成血紅。
Sumipngetto ti init ken lumabbaganto ti bulan a kasla iti dara, sakbay a dumteng ti nakabutbuteng unay nga aldaw ni Yahweh.
32 將來，凡呼號上主名號的人，必然獲救，因為如上主所說，在熙雍山，在耶路撒冷必有救援，必有上主召選的劫後餘生。
Iti dayta a tiempo, maisalakanto dagiti amin nga umawag iti nagan ni Yahweh. Ta addanto dagiti makalasat idiay Bantay Sion ken idiay Jerusalem, a kas imbaga ni Yahweh, ket makalasatto dagiti pinili ni Yahweh.
