耶利米書 1
1 本雅明地內阿納托特城的司祭中，希耳克雅的兒子耶肋米亞的言行錄。──
Mokanda oyo ezali kolobela maloba ya Jeremi, mwana mobali ya Ilikia, moko kati na Banganga-Nzambe ya engumba Anatoti, kati na etuka ya Benjame; ezali mpe kolobela makambo oyo ekomelaki ye.
2 上主的話傳給，是在阿孟的兒子約史雅為猶大王執政第十三年；
Yawe alobaki na ye tango mokonzi Joziasi, mwana mobali ya Amoni, mokonzi ya Yuda, akokisaki mibu zomi na misato na bokonzi,
3 以後傳給他，是在約史雅的兒子約雅金為猶大王，直到約史雅的兒子漆德雅為猶大王第十一年年底，即直到是年五月，耶路撒冷固民被擄去充軍時為止。
mpe na tango ya Yeoyakimi, mwana mobali ya Joziasi, mokonzi ya Yuda, kino na suka ya sanza ya mitano ya mobu ya zomi na moko ya bokonzi ya Sedesiasi, mwana mobali ya Joziasi, mokonzi ya Yuda, kino tango bato ya Yelusalemi bakendeki na bowumbu.
4 上主對我說：
Yawe alobaki na ngai:
5 「我還沒有在母腹形成你以前，我已認識了你；在你還沒有出離母胎以前，我已祝福了你，選定了你作萬民的先知。」
— Liboso ete nasala yo kati na libumu ya mama na yo, nayebaki yo; liboso ete obotama, nabulisaki yo: naponaki yo mpo ete ozala mosakoli ya bikolo.
6 我回答說：「哎呀! 我主上主! 你看，我還太年輕，不會說話」。
Nazongisaki: — Oh Nkolo Yawe, nayebi koloba te, pamba te nazali nanu elenge!
7 上主對我說：「你別說：我太年輕，因為我派你到那裏去，你就應到那裏去；我命你說什麼，你就應說什麼。
Kasi Yawe alobaki na ngai: — Koloba te: « Nazali elenge. » Osengeli kokende epai ya bato nyonso epai wapi nakotinda yo, mpe osengeli koyebisa bango makambo nyonso oyo nakotinda yo.
8 你不要害怕他們，因為有我與你同在，保護你──上主的斷語。」
Kobanga bango te, pamba te nazali elongo na yo mpo na kobatela yo, —elobi Yawe.
9 此後，上主伸出手來，觸摸我的口，對我說：「看，我將我的話放在你口中；
Bongo Yawe asembolaki loboko na Ye, asimbaki monoko na ngai mpe alobaki: — Tala, nasili kotia maloba na Ngai kati na monoko na yo.
10 看我今天委派你對萬民和邦列國，執行拔除、破壞、毀滅、推翻、建設和栽培的任務。」
Na mokolo ya lelo, yeba ete nasili kopesa yo bokonzi likolo ya bikolo mpe ya mikili mpo na kopikola mpe kopanza, kobuka mpe kokweyisa, kotonga mpe kolona.
11 上主的話傳給我說：「耶肋米亞，你看見什麼﹖」我回答說：「我看見一棵杏樹枝。」
Sima na yango, Yawe atunaki ngai: — Jeremi, ozali komona nini? Nazongisaki: — Nazali komona etape ya nzete ya amande.
12 上主對我說：「你看的對，因為我要警醒，看我的話怎樣實現。」
Yawe alobaki na ngai: — Omoni malamu, pamba te nasenzelaka maloba na Ngai mpo na kokokisa yango.
13 上主的話二次傳給我說：「你看見什麼﹖」我回答說：「我看見一個沸騰的鍋，它的口由北面傾倒過來。」
Yawe atunaki ngai lisusu: — Ozali komona nini? Nazongisaki: — Nazali komona nzungu moko ezali kotoka, etengama na ngambo ya nor.
14 上主對我說：「災禍將由北方燒起，一直燒到這地上的一切居民。
Yawe alobaki na ngai: — Ezali wuta na nor nde pasi ekokomela bavandi ya mokili.
15 看，我必召集北方的一切國家──上主的斷語──叫各國前來，在城門口，在城牆四周以及猶大各城市旁，建立自己的寶座。
Pamba te nakobengisa bato nyonso ya bituka ya nor, —elobi Yawe. Bakonzi na bango bakoya kotia bakiti na bango ya bokonzi liboso ya bikuke ya Yelusalemi; bakozingela bamir nyonso ya Yelusalemi mpe bakobundisa bingumba nyonso ya Yuda.
16 我要向各城市的人民宣告我的判決，懲罰他們的，因為他們離棄我，向別的神祗獻香，崇拜了他們手製的作品。
Nakosambisa bato na Ngai mpo na mabe oyo basalaki: basundolaki Ngai, bakomaki kobonza mbeka ya malasi epai ya banzambe mosusu, mpe bakomaki kogumbamela banzambe oyo basalaki na maboko na bango.
17 至於你，你要束上腰，起來向他們傳示我命令你的一切。在他們面前，你不要畏懼，免得我在他們面前令你畏懼。
Mibongisa, yika mpiko! Telema mpe yebisa bango makambo nyonso oyo Ngai nakotinda yo; kozala na somo na bango te, noki te nakokweyisa yo liboso na bango.
18 看啊! 我今天使你成為堅城、銅牆、鐵壁，以對抗猶大君王和首領，司祭和當地的人民。
Na mokolo ya lelo, nakomisi yo engumba batonga makasi, likonzi ya ebende mpe mir ya ebende mpo na komibatela liboso ya mokili mobimba: liboso ya bakonzi ya Yuda, ya bakalaka na yango, ya Banganga-Nzambe na yango mpe ya bavandi nyonso ya mokili yango.
19 他們要攻擊你，卻不能得勝你，因為有我與你同在，協助你──上主的斷語。」
Yeba ete bakobundisa yo, kasi bakolonga yo te; pamba te nazali elongo na yo mpo na kobatela yo, elobi Yawe.
