耶利米書 37
1 雅的兒子漆德克雅繼約雅金的兒子耶苛尼雅為王，巴比倫王拿步高立他為王統治猶大地。
Hagi Babiloni kini ne' Nebukatnesa'a, Jehoiakimi nemofo Jehoiakinina mago agi'a Koniakino agri no erino Juda vahe kini manisiegu huno, Josaia nemofo Zedekaiana kinia azeri oti'ne.
2 他和他的臣僕及本地人民，都沒有聽從上主藉耶肋米亞先知所說的話。
Hagi Zedekaia'ene eri'za vahe'amo'zane ana maka vahemo'zanena Ra Anumzamo'ma asamigeno kasnampa ne' Jeremaia'ma hia nanekea ontahitfa hu'naze.
3 漆德克雅王派舍肋米亞的兒子猶加耳，和司祭瑪阿雅的兒子責法尼雅到耶肋米亞先知那裏說：「請你為我們轉求上主，我們的天主! 」
Hagi kini ne' Zedekaia'a mago zupa Selemia nemofo Jehukaline Ma'aseia nemofo pristi ne' Zefanianena huznanteno, kasnampa ne' Jeremaiana amanage huta ome asami'o. Muse hugantoanki Ra Anumzana tagri Anumzamofontega nunamu hugeno taza hino huta ome asami'o.
4 那時，耶肋米亞尚出入於民間，人還沒有將他放在監獄裏。
Hagi Jeremaia'a fru huno mani'neno agra avesite vahepina vuno eno nehuno mani'ne. Na'ankure agrira ana knafina kina huonte'nageno anara hu'ne.
5 法郎軍隊忽由埃及出發，圍攻耶路撒冷的加色丁人一聽見他們出動的消息，就由耶路撒冷撤退了。
Hagi ana knafinena Fero sondia vahe'mo'zama Isipima atre'za karankama neazema nehaza nanekema, Jerusalemi kuma'ma eme avazagi kagi'zama mani'naza Kaldia vahe'mo'zama nentahiza, Jerusalemi kumara atre'za vu'naze.
6 此時上主有話傳給耶肋米亞先知說：
Anante Ra Anumzamo'a kasnampa ne' Jeremaiana asamino,
7 「上主，以色列的天主這樣說：你們應這樣回答派你們前來求間我的猶大君王說：看，出發前來援助你們的法郎軍隊，仍要回到自己的本地埃及去。
Ra Anumzana Israeli vahe Anumzamo'a amanage hie hunka, Juda kini ne'mo'ma Nagri navesi'zama keno eri fore hunaku'ma huzmante'sanige'zama esaza vahera amanage hunka zamasamio. Antahiho! Fero sondia vahe'mo'zama tamaza hunaku'ma aza vahe'mo'za ete rukrahe hu'za mopa zamirega Isipi vunaku nehaze.
8 至於加色丁人仍要捲土重來，進攻這座城市；且要攻下，放火燒城。
Ana'ma hanage'za Babiloni sondia vahe'mo'za ete rukrahe hu'za e'za ama Jerusalemi rankumara hara eme hugatenere'za teve tagintesageno tegahie.
9 上主這樣說：你們不要自欺說：加色丁人已離我們遠去! 真實，他們並沒有遠去。
Hagi Ra Anumzamo'a mago'ene huno, Tamagra'a amanage huta tamare ramataga osiho. Tamagerfa hu'za Babiloni vahe'mo'za hago tatre'za vaze huta tamagesa ontahio. Na'ankura zamagra ovu'za ete rukrahe hu'za egahaze.
10 縱使你們能擊敗與你們交戰的加色丁人所有的軍隊，使他們中只剩下一些受傷的人，他們仍要由帳中奮起，放火燒盡這座城市。
Hagi Babiloni sondia vahera tamagra maka zamahe vaganereta, mago'a zamahe kuzafa'ma hanaza sondia vahe'mo'zage seli nozamifina manigahaze. Hianagi anama zamahe kuzafa'ma hanaza sondia naga'mo'za otivare'za e'za ama rankumara teve eme tagintesageno tegahie.
11 加色丁人的軍隊受法郎軍隊的威脅，由耶路撒冷撤退時，
Hagi Fero sondia vahe'mo'zama neazema haza nanekema Babiloni sondia vahe'mo'za nentahi'za, Jerusalemi kumama eme avazagi kagi'za mani'naretira atre'za vu'naze.
12 耶肋米亞離開耶路撒冷，到本篤地去，要在那裏由自己的親族間分得一份產業。
Ana knafina Jeremaia'a Jerusalemi rankumara atreno, Benzameni nagamofo mopafi vuno, naga'afinti mopa'a ome erinaku vu'ne.
13 當他到了本雅明門時，那裏有一個站崗的人，名叫依黎雅，是舍肋米亞的兒子，哈納尼雅的孫子，捉住耶肋米亞先知說：「你想去投降加色丁人! 」
Hagi rankumamofona Benzameni kafanema nehaza kafante'ma egeno'a, sondia vahete kva ne' Hanania negeho, Selemia nemofokino agi'a Irija'e. Ana hu'neankino ana ne'mo'a eno kasnampa ne' Jeremaiana eme azenerino amanage hu'ne. Kagra koro frenka vunka Babiloni vahe'ene umaninaku vu'za nehane.
14 耶肋米亞答說：「冤枉! 我不是去投降加色人丁」。依黎雅不聽他說，就捉住耶肋米亞，帶他去見首長。
Hagi anagema higeno'a Jeremaia'a huno, i'o kagra havige nehane. Nagra korora fre'na Babiloni vahe'ma mani'nazarega novue. Hianagi Irija'a anankea nontahino Jeremaiana avreno kini nemofo eri'za vahete vu'ne.
15 首長們遂發怒，將耶肋米亞鞭打了，幽禁在書記家的監牢裏，因為他們早已把他的家改成了監獄。
Hagi ana'ma hutege'za kva vahe'mo'za Jeremaiana tusi zamarimpa ahenente'za sefura amite'za avre'za vu'za, avoma kreno erinte fatgoma nehia ne' Jonatani nompi ome kina hunte'naze. Na'ankure Jonatani nona kina no erise'naze.
16 於是耶肋米亞走一穹形的地窖內，在那裏住了多日。
Hagi ana kina nona mopafi kafi'za urami'naza kina nonkino, Jeremaia'a anampina za'za kna umani'ne.
17 此後，漆德克雅王派人提他出來，在自己的宮殿私下問他說：「上主有什麼話沒有﹖」耶肋米亞答說：「有」。接著說：「你必被交在巴比倫王手中」。
Hagi henka kini ne' Jedekaia'a vahe huzmantege'za Jeremaiana ome avre'za azageno, noma'afi oku'a amanage huno antahige'ne. Ra Anumzamo'a mago'a nanekea kasami'nefi? higeno Jeremaia'a huno, i'zo me'ne nehuno amanage hu'ne. Kagrira Babiloni kini ne'mofo azampi kavrentegahaze.
18 此外，耶肋米亞還問漆德克雅王說：「我在什麼事上得罪了你和你的臣僕，以及這些人民，你們竟將我放在監裏﹖
Hagi anage nehuno Jeremaia'a kini ne' Jedekaiana asamino, nagra na'a mago hazenkea kagrite'ene, kagri eri'za vahete'ene, ama vahete'enena hu'nogenka, kinafina navrente'nane?
19 你們那些曾向你們預言說：巴比倫王不會來攻打你們和這地方的先知，現在在哪裏！
Hagi Babiloni vahe'mo'za e'za kagri'ene amama mani'nana mopafi vahe'enena hara eme huoramantegahaze hu'zama, kasnampa kema nehaza kema antahi'nana kasnampa vaheka'a iga mani'naze?
20 如今，我主君王，請聽！願你開恩允許我的祈求，不要叫我再回到書記約納堂家裡去，免得我死在那裡！」
Hagi menina muse hugantoanki, naza huogu kini nera ranimoka kantahi negoanki antahi nenaminka, natrege'na avoma kreno erinte fatgoma nehia ne' Jonatani nompina ova'neno. Ana'ma hananke'na anampima umanine'na fri'zankura navesra nehie.
21 於是漆德克雅王下令，將耶肋米亞囚禁在監獄的庭院裏，每日由麵包房取一份食物給他，直到城中糧食用盡。從此耶肋米亞o主在拘留所內的庭院裏。
Anagema hutegeno'a kini ne' Jedekaia'a hige'za Jeremaiana avre'za vu'za, kini ne'mofo kumapima sondia vahe'ma nemanifi ome kina huntageno mani'nege'za, bretima negraza vaheteti mago mago knarera bretia eri'za ome amitere hazageno neneno mani'ne. Ana nehazageno vuno rankumapima me'nea bretimo'a maka vagare'ne. Hianagi Jeremaia'a sondia vahe'ma nemanizafi kina huno mani'ne.
