耶利米書 30
1 這是上主傳給耶肋米亞的話：
Dubbiin Waaqayyo biraa gara Ermiyaas dhufe isa kanaa dha:
2 上主以色列的天主這樣說：「凡我對你說的話，你都要寫在一本書上，
“Waaqayyo Waaqni Israaʼel akkana jedha: ‘Dubbii ani sitti dubbadhe hunda kitaabatti barreessi.
3 因為，看，時日將到──上主的斷語──我必轉變我人民以色列和猶大的命運──上主說──使他們回去佔領我賜給他們祖先的土地。」
Barri tokko ni dhufa’ jedha Waaqayyo; ‘Innis yeroo ani itti saba koo Israaʼelii fi Yihuudaa boojuudhaa deebisee biyya ani akka isaan dhaalaniif abbootii isaaniitiif kenne sanatti isaan galchuu dha,’ jedha Waaqayyo.”
4 以下是上主論及以色列和猶大說的話：
Dubbiin Waaqayyo waaʼee Israaʼelii fi Yihuudaa dubbate kanaa dha:
5 上主這樣說：「人聽到了恐怖的喊叫：只有恐慌，沒有平安。
“Waaqayyo akkana jedha: “‘Iyyi sodaa ni dhagaʼama; kun raafama malee nagaa miti.
6 你們且自問自究：是否男人要生產﹖為什麼我竟見人人兩手叉腰，像正在生產的婦女，個個面色顯得蒼白﹖
Mee iyyaafadhaa ilaalaa: Dhiirri tokko daʼuu ni dandaʼaa? Yoos ani maaliifan dhiira hunda isaa akkuma dubartii ciniinsifattuu, harka isaa garaa ofii isaa irra kaaʼatee, fuulli isaas akka malee gurraachaʼe arga ree?
7 噫! 這一天，真偉大，無可比擬，雖為雅各伯是痛苦的時期，但他們將由此而得救。
Guyyaan sun akkam sodaachisaa taʼa! Guyyaan akka guyyaa sanaa tokko iyyuu hin jiraatu. Guyyaan sun Yaaqoobiif yeroo rakkinaa taʼa; inni garuu rakkina sana keessaa ni baʼa.
8 到了那一天──萬軍上主的斷語──我要折斷他們頸上所負的軛，粉碎他們的鎖鏈，他們不再作外方人的奴隸，
“‘Guyyaa sana’ jedha Waaqayyoo Waan Hunda Dandaʼu, ‘Ani morma isaanii irraa waanjoo nan cabsa; hidhaa isaanii illee nan kukkuta; ergasii namoonni biyya ormaa isaan hin garboomfatan.
9 只服事上主，他們的天主，和我給他們興起的君王達味。
Qooda kanaa isaan Waaqayyo Waaqa isaaniitii fi Daawit mootii isaanii isa ani isaaniif kaasu ni tajaajilu.
10 為此，我的僕人雅各伯，你不用害怕──上主的斷語──以色列，你不要驚慌；因為，看，我必從遠方救出你來，從充軍之地救回你的後裔；使雅各伯歸來，居享安寧，無所恐懼，
“‘Kanaafuu yaa tajaajilaa koo Yaaqoob, ati hin sodaatin; yaa Israaʼel hin rifatin’ jedha Waaqayyo. ‘Ani dhugumaan biyya fagootii sin baasa, sanyiiwwan kee immoo biyya isaan boojiʼamanii itti geeffamanii nan baasa. Yaaqoob ammas nagaa fi tasgabbii ni qabaata; namni isa sodaachisu tokko iyyuu hin jiru.
11 因為有我與你同在──上主的斷語──作你的救援。誠然，對我使你流徙所到的各民族，我要執行毀滅；但對你，我卻不執行毀滅，只依正義懲罰你，不讓你全然免罰。」
Ani si baasuuf si wajjinan jiraatii’ jedha Waaqayyo; ‘Ani sabootan gidduu isaaniitti si bittinneesse sana guutumaan guutuutti barbadeessu iyyuu siʼi garuu guutumaan guutuutti hin barbadeessu. Ani karaa sirrii taʼeen sin adaba; utuu si hin adabin akkasumatti si hin dhiisu.’
12 不錯，上主這樣說：「你的創傷不可治療，你的傷口無法醫治；
“Waaqayyo akkana jedha: “‘Madaan kee hin fayyu; miidhamni kee waldhaansa hin qabu.
13 沒有人願意擔任調理你的創傷，無藥可使你的傷處收結。
Namni siif falmu tokko iyyuu hin jiru; madaa keetiif qorichi hin jiru; ati hin fayyitu.
14 你所有的愛人都忘掉了你，不再追求你，因為我像打擊敵人一樣，以殘酷的刑罰打擊了你，因為你太不義，你的罪惡，增添不已。
Michoonni kee hundi si dagataniiru; isaan dhimma kee hin qaban. Sababii yakki kee akka malee guddaa taʼee cubbuun kees baayʼateef ani akkuma diinaatti si dhaʼee akkuma nama garaa jabaatu tokkoottis si adabeera.
15 為什麼你還要為你的創傷悲號﹖你的創傷已不可治療：因為你太不義，你的罪惡增添不已，我纔這樣對待了你。
Ati maaliif madaa keetii fi dhukkuba kee kan hin fayyine sanaaf iyyita? Sababii yakki kee guddatee cubbuun kees baayʼateef, ani wantoota kanneen sitti fideera.
16 但是，凡吞滅你的，必被吞滅；凡與你為敵的，必被擄去充軍；凡劫掠你的，必遭劫掠；凡搶奪你的，我必使他們受人搶奪。
“‘Warri si nyaatan hundi garuu ni nyaatamu; diinonni kee hundis boojuudhaan ni fudhatamu. Warri qabeenya kee boojiʼan ni boojiʼamu; warri si saaman hundis ni saamamu.
17 實在，我要使你的傷處收結，療愈你的創傷──上主的斷語──因為他們稱你為棄婦，無人過問的熙雍。」
Ani garuu fayyaa kee siifin deebisa; madaa kees siif nan fayyisa’ jedha Waaqayyo. ‘Ati Xiyoon gatamtuu kan namni tokko iyyuu dhimma ishee hin qabne jedhamteertaatii.’
18 上主這樣說：「看，我要轉變雅各伯帳幕的命運，憐憫他的家室，好使城市仍建在自己的山上，宮殿依然聳立在自己的原處，
“Waaqayyo akkana jedha: “‘Ani hambaa dunkaana Yaaqoob kan boojiʼamee deebisee nan dhaaba; iddoo jireenya isaaniitiifis garaa nan laafa; magaalattiin idduma diigamte sanatti deebitee ni ijaaramti; masaraanis iddoo isaaf malu ni dhaabata.
19 從那裏發出頌謝的歌聲，歡樂的呼聲。我必使他們繁昌，人數不再滅少；我要顯耀他們，使他們不再受人輕視。
Faarfannaan galataatii fi sagaleen gammachuu isaan keessaa ni dhagaʼama. Ani isaan nan baayʼisa; isaaniis hin xinnaatan; ani ulfina nan kennaaf; isaanis hin tuffataman.
20 他們的子孫必要像昔日一樣，在 面前重新建立自己的集會；凡壓迫他們的，我必予以懲罰。
Ijoolleen isaanii akka warra jabana durii taʼu; waldaan isaaniis jabaatee fuula koo dura ni dhaabata; ani warra isaan cunqursu hunda nan adaba.
21 他們的元首，將是他們中的一個；他們的統帥，將出自他們之中；我要使他們前來接近我，他必與我接近，因為誰敢冒的危險，來與我接近──上主的斷語──
Hoogganaan isaanii namuma isaanii taʼa; bulchaan isaanii isaanuma gidduudhaa kaʼa. Ani isa ofitti nan dhiʼeessa; innis natti dhiʼaata; yoo kanaa achii eenyutu natti dhiʼaachuuf ija jabaata?’ jedha Waaqayyo.
22 這樣，你們必作我的人民，我必作你們的天主」。
‘Akkasiin isin saba koo ni taatu; anis Waaqa keessan nan taʼa.’”
23 看，上主的憤怒如暴風怒號，如撗掃的暴風，在惡人的頭上施轉。
Kunoo, bubbeen Waaqayyoo, inni jabaan dheekkamsaan ni buʼa; bubbeen hamaanis mataa hamootaa irratti gad bubbisa.
24 上主的烈怒必不止息，直到衪執行完成了衪心裏的計劃；在末日你們必會明瞭。
Aariin Waaqayyoo, sodaachisaan sun hamma inni kaayyoo yaada isaa guutumaan guutuutti fiixaan baasutti duubatti hin deebiʼu. Isin bara dhumaa keessa waan kana ni hubattu.
