耶利米書 2
1 上主的話傳給我說：
Wach Jehova Nyasaye nobirona:
2 「你去! 向耶路撒冷大聲疾呼說：上主這樣說：我憶起你年青時的熱情，你訂婚時的戀愛；那你在曠野裏，在未耕種的地上追隨了我。
“Dhi kendo igo milome ka Jerusalem winjo ni: “Ma e gima Jehova Nyasaye wacho: “‘Aparo kaka ne ichiwori kane in rawera, ne ihera ka nyako moikore ne kend, ne iluwo bangʼa kama otimo ongoro, e piny ma ok purie.
3 以色列成了上主的聖民，成了衪收穫的初果，凡舌食她的都要有罪，災禍必要降在他們身上──上主的斷語。
Israel ne en oganda maler ne Jehova Nyasaye, kaka olembege mokwongo chiek; jogo duto mane okidhe nomak kaka joketho, kendo masira nomakogi,’” Jehova Nyasaye owacho.
4 雅各伯家和以色列家的一切家族! 你們聽上主的話，
Winj wach Jehova Nyasaye, yaye od Jakobo, un dhoudi duto mag dhood Israel.
5 上主這樣說：你們的祖先在我身上發現了什麼不義竟遠離我而去追隨「虛無」，自成為虛無呢﹖
Ma e gima Jehova Nyasaye wacho: “En ketho mane mane wuoneu oyudo kuoma, momiyo ne gibaro mabor koda? Negiluwo bangʼ nyiseche manono mi gibedo manono gin giwegi.
6 他們也不問一問：那曾引我們由埃及地上來，那經過曠野、荒原和崎嶇之地，乾旱和黑暗之地，沒人遊歷無人居住之地，引領我們的上主現在在哪裏呢﹖
Ne ok gipenjo ni, ‘Ere Jehova Nyasaye, mane ogolowa Misri, kendo otelonwa e thim ma ok nyag gimoro, ka wakalo piny motwo kod piny motimo bugni, piny ongoro kod mudho, piny maonge ngʼama wuothoe, kendo onge ngʼama odakie?’
7 我引領你們進入了肥沃的土地，吃其中的出產和美物；但你們一進來，就玷污了我的土地，使我的產業成了可憎之物。
Ne akelou e piny momewo mondo ucham olembege kod nyak mage momewo. To ne ubiro mi unjawo pinya kendo umiyo girkeni maga obedo gima odwanyore.
8 司祭們也不問一問：「上主在哪裏﹖」那些管理法律的，不認識我了；那些為人牧的，叛離了我；先知們也奉巴耳講預言，追隨無能的神袛。
Jodolo ne ok openjo, ‘Ere Jehova Nyasaye?’ Jogo matiyo gi chik ne ok ongʼeya; jotelo nongʼanyona. Jonabi nokoro gi Baal, ka giluwo nyiseche manono.”
9 為此，我要控訴你們──上主的斷語，也要控訴你們的子孫
Jehova Nyasaye wacho niya, “Emomiyo abiro kumou kendo. Bende abiro kumo nyikwau.
10 好吧! 你們往基廷島嶼去觀察一下，派人到刻達爾去詳細調察，看看巾沒有與此相類似的事：
Dhiuru loka e dho nembe mag Kitim kendo ungʼigi kaka gichalo, bende oruru ji Kedar mondo ginon maber; mondo gine anena ka gima chal kama nosebetie:
11 難道有一個民族更換了自己的神袛﹖──雖然他們並非真神；但是我的人民竟以自己的光榮換取了一個「無能的東西。」
Bende ogendini oseloko nyiseche nyaka nene? (Kata kamano bende ok gin nyiseche.) To joga osewilo duongʼ mar Nyasachgi, gi nyiseche manono maonge tiendgi.
12 諸天! 你們對此應驚駭戰慄，大為驚異──上主的斷語，
Kuom mano, agolonu chik, un polo, mondo uyiengni malich, kuwuoro kendo kudhier nono,” Jehova Nyasaye owacho.
13 因為我的人民犯了雙重的罪惡：他們離棄了我這活水的泉源，卻給自己掘了蓄水池，不能蓄水的漏水池。
“Joga osetimo richo ariyo: Gisejwangʼa, an thidhna mar pi ngima, kendo gisekunyo degnigi giwegi, degni mobarore kendo ma ok nyal tingʼo pi.
14 以色列豈是 奴隸，或是家生的奴隸﹖為什麼竟成了人的掠奪物﹖
Bende Israel en jatich, ngʼat monywol ka misumba? Kare en angʼo momiyo iyake?
15 獅子向她咆哮，高聲吼叫：牠們使她的地域變成了荒野，使她的城市化為灰燼，無人居住。
Sibuoche oseruto; kendo gisemorne. Giseketho pinye; dalane owangʼ kendo odongʼ gunda.
16 連諾夫和塔黑乃斯的子民，也削去你的腦蓋。
Bende, jo-Memfis gi jo-Tapanhes oselielo osimbo mar wiyi.
17 你這不是自作自受嗎﹖因為上主你的天主在路上引導你的時候，你竟離棄了衪。
Donge usekelo ma kuomu uwegi, ka ujwangʼo Jehova Nyasaye ma Nyasachu, kane otelonu e yo?
18 現在你又為什麼路到埃及去喝尼羅河的水，跑到亞述去喝幼發拉的河水﹖
Koro angʼo momiyo udhi Misri mondo umodh pi moa Shihor? Kendo angʼo momiyo udhi Asuria mondo umodh pi moa e Aora?
19 是你的罪惡懲罰你，是你的不忠責斥你，那麼你應該明白覺察：離棄上主你的天主，對我沒有敬畏，是如何邪惡和痛苦的事──吾主萬軍上主的斷語。
Timbeu maricho biro kelonu kum; wech mane uweyago ema biro kelonu kum. Nonuru kendo ubiro ngʼeyo malongʼo, kaka en gima rach kendo lit ne un uwegi, ka ujwangʼo Jehova Nyasaye ma Nyasachu, kendo ubedo maonge kode gi luor kata matin,” Ruoth Nyasaye ma en Jehova Nyasaye Maratego, owacho kamano.
20 的確，從古以來，你就折斷了你的軛，掙斷了你的繩索說：我不願服從；反在一切高丘上，和一切綠樹下，偃臥行淫。
“Chon gi lala ne ituro jok magi kendo ichodo rateke motweyigo; kiwacho ni, ‘Ok anatini!’ Adier, ewi gode matindo duto kendo e bwo yiende motimo otiep, ninindo piny ka jachode.
21 我種植你時，原是精選的葡萄，純粹的真種子；你是怎麼竟給我變成了壞樹，成了野葡萄﹖
Ne apidhoi kaka mzabibu mar kodhi, moyier makare kendo manyak. Kara ere kaka ne iweya mi idonjo e timbe moduwore, kendo ichalo gi mzabibu mar bungu.
22 現在既使你用鹼洗濯，多加滷汁，你的罪污仍留在我面前──吾主上主的斷語──
Kata bedni ilwoko lweti gi magadi kendo itiyo gi sabun mangʼeny, chilo mar ketho mari pod nitiere e nyima,” Jehova Nyasaye Manyalo Gik Moko Duto owacho.
23 你怎能說：我沒有玷污我自己，我沒有追隨過巴耳﹖觀察你在谷中的行動，便知你的行動，無異一隻到處遊蕩，敏捷的母駱駝；
“Ere kaka diwachi ni, ‘Ok adwanyora; pod ok aringo aluwo bangʼ Baal?’ Par kaka ne itimori e holo; par gima isetimo. In ngamia ma nyako ma rikni maringo ka gi kacha,
24 又像一頭習慣在荒野，急欲求配，呼氣喘息的母野驢；誰能抑制牠的性慾﹖凡尋找牠的，不必費辛苦，在她春情發動的月分，就可找著。
punda mar thim mongʼiyo gi kama otwo, ma ngʼweyo yamo kodwaro thuondi; en ngʼa madigengʼe? Onge thuon manyalo thagore ka dware nikech yude yot ka kinde miringo kode ochopo.
25 留心! 不要使你的腳赤裸，不要使你的喉嚨乾渴! 但是你卻說：不會，不可能! 我既愛異邦神袛，我要跟隨他們。
Kik iringi nyaka tiendi dongʼ nono kendo dwondi two. To ne iwacho, ‘Onge tiende! Ahero nyiseche mag pinje mamoko, kendo nyaka aluw bangʼ-gi.’”
26 就如小偷被人發現時，感到羞愧；以色列家：他們，他們的君王和首領，他們的司祭和先知，都要同樣蒙受羞辱。
“Kaka jakuo wiye kuot ka omake, omiyo od Israel wiye okuot, gin gi ruodhigi kod jotendgi, jodolo mag-gi kod jonabi mag-gi.
27 他們對木偶說：你是我的父親；對石碣說：是你生了我。的確，他們不但向我轉過臉去，而且也以褙向著我；但是，在他們遭難的時候，卻喊說：起來，拯救我們!
Giwachone yien ni, ‘In wuonwa,’ kendo ne kidi ni, ‘In ema ne inywola.’ Giselokona ngʼegi to ok wengegi, to sa ma gin e thagruok, giwacho niya, ‘Bi kendo ireswa!’
28 你自己製造的神祗在哪裏﹖在你遭難的時候，他們若能救你，就讓他們起來! 因為猶大! 你祗的數目竟等於你域邑的數目，巴耳的香壇與耶路撒冷的街道一般多。
Kare ere nyisecheu mane uloso ne un uwegi? We mondo gibi ka ginyalo resou ka un e thagruok! Nimar un gi nyiseche mangʼeny, mana kaka un gi dala mangʼeny, yaye Juda.”
29 你們竟背叛了我，為什麼又向我提出抗議──上主的斷語──
“Angʼo momiyo ungʼadona bura? To un duto usengʼanyona,” Jehova Nyasaye ema owacho.
30 我打擊了你們的子孫，竟是徒然，你們沒有受到教訓；你們的刀劍如同一隻兇殘的獅子吞滅了眾先知。
“Kum mane akumogo jou nobedo kayiem nono; kendo ne ok gilokore. Liganglani osekidho jonabi magi mana kaka sibuor modenyo.”
31 你們這一代人，體會上主的話吧! 難道我對以色列像一個荒野，或像一個黑暗地方﹖為什麼我的人民說：我們獲得了自由，我們不再來找你﹖
Un tiengʼ masani, paruru wach mar Jehova Nyasaye mawacho niya: “Bende asebedo piny motwo ne Israel kata ka piny motimo mudho mandiwa? Angʼo momiyo joga wacho kama: ‘Wan thuolo mondo waba abaya; ok wanabi iri kendo?’
32 一個處女豈能忘了自己的珍飾﹖一位新娘豈能忘了自己的彩帶﹖我的人民卻忘了我，時日已久長無法計算。
Bende miaha diwiye wil gi gik molichorego, kata nyako midhi kendo gi lepe mag kisera? Joga to wigi osewil koda, odiechienge ma ok kwan.
33 你怎麼會如此想盡好方法去求愛﹖你也將你的方法教給了邪惡的女人；
Mano kaka in gi lony e dwaro hera! Kata mana mon ma timbegi richo, nyalo somo timbegi.
34 連在你的衣邊上也發現無辜窮人的血漬：並不是在挖洞穴時，你捉住他們，而是在橡樹邊。
Remb joma odhier ma unego yudore e lepu, kata obedo nine ok umakogi ka gituro uteu.” To kuom magi duto,
35 但你還說：我是無罪的，他的憤怒已離我遠去。看! 我要審判你，因你說：我沒有犯罪。
iwacho ni, “‘Aonge ketho, kendo iye ok owangʼ koda.’ To abiro ngʼadoni bura nikech iwacho ni, ‘Pod ok atimo richo.’
36 為什麼這樣輕易改變你的道路﹖你必要因埃及而蒙羞，猶如曾因亞述而蒙羞一樣。
Angʼo momiyo ilworori mangʼeny kiloko yoreni? Ibiro kuod wiyi gi Misri kaka nokuod wiyi gi Asuria.
37 你畢竟要從那裏抱頭出走，因為上主擯棄了你所仗恃的，使你不能靠他們獲得成功。
Bende ubiro aa kanyo gi lweteu ka uketo ewiu, nimar Jehova Nyasaye osedagi joma ugeno kuomgi; ok ginikonyu.”
