耶利米書 17
1 猶大的罪是用鐵筆記下來的，用鑽石尖刻在他們的心坎上和他們的祭壇上，好叫他們的子孫記得他們在高崗上，青綠樹下和平原的山上，
“Wɔde dade kyerɛwdua akrukyerɛw Yuda bɔne, dade kyerɛwdua a ano te sɛ kyerɛwbo, wɔ wɔn koma apon so ne wɔn afɔremuka mmɛn so.
2 設立了祭壇和神木。
Mpo, wɔn mma kae wɔn afɔremuka ne Asera nnua a ɛwɔ nnua a adennan no nkyɛn ne nkoko atenten no so.
3 你的財產和所有的寶藏，我必使人掠奪，以抵償你在全境內犯過的一切罪惡。
Me mmepɔw a ɛwɔ asase no so, mo ahonyade ne mo nnwetɛbona nyinaa mede bɛma sɛ asade, ɛne mo sorɔnsorɔmmea nso, esiane mo man no so bɔne nti.
4 我必由你手中撤回我賜與你的產業，叫你在不相識的地方給你敵人為奴，因為我的怒火已燃起，將永遠不熄。
Mo ankasa mfomso nti mobɛhwere agyapade a mede maa mo no. Mede mo bɛyɛ nkoa ama mo atamfo wɔ asase a munnim so so, efisɛ moahwanyan mʼabufuw, na ɛbɛtena hɔ daa.”
5 上主這樣說：「凡信賴世人，以血肉的人為自己的臂膊，決心遠離上主的人，是可咒罵的!
Sɛɛ na Awurade se, “Nnome nka nea ɔde ne ho to onipa so, nea ɔde ne ho to ɔhonam so pɛ nʼahoɔden na ne koma dan fi Awurade ho.
6 他必像在曠野中的檉柳，即使來到，一點也不覺察，只住在乾燥處，滿含鹽質無人居住之地。
Ɔbɛyɛ sɛ wura a ɛwɔ nsase tamaa so; sɛ yiyedi ba a ɔrenhu, ɔbɛtena nweatam a awo so, ne nkyene asase a obi nte so so.
7 凡信賴上主，以上主作倚靠的人，是可祝福的；
“Nhyira nka onipa a ɔde ne ho to Awurade so, na nʼanidaso wɔ ne mu.
8 他必像一株栽在水邊的樹木，生根河畔，不怕災熱的侵擊，枝葉茂盛，不愁旱年，不斷結實。
Ɔbɛyɛ sɛ dua a wɔadua no asu ho na ne ntin teɛ kɔ asu no mu. Sɛ ahuhuru ba a onsuro; ne nhaban yɛ frɔmfrɔm mmere nyinaa. Onni ɔhaw biara wɔ afe a osu ntɔ mu na ɛkɔ so sow aba daa.”
9 人心最狡滑欺詐，已不可救藥；誰能透識﹖
Koma yɛ nnaadaa sen ade nyinaa na ano nni aduru. Hena na ɔbɛte nʼase?
10 我上主透察人心，考驗肺腑，依照各人的行徑和作為的結果，給人酬報。
“Me Awurade, mepɛɛpɛɛ koma mu na mehwehwɛ adwene mu, gyina so de tua onipa ka sɛnea nʼabrabɔ te, ne sɛnea ɛfata ne nneyɛe.”
11 誰不以正義積聚財物，就像一隻鷓鴣孵化不是自己產的卵，中途必要拋棄；結果，還是自己糊塗。
Sɛnea asɛmɛntɛ a osow nkesua a ɛnyɛ ɔno na ɔtowee no, saa ara na onipa a onya sika a ɔmfa ɔkwan pa so no te. Sɛ obu ne nkwa nna mu abien a wobegyaw no mu, na awiei no, ne kwasea bɛda adi.
12 我們聖所的地方，從起初就是設在崇高之處的光榮實座。
Anuonyam ahengua a wɔama so fi mfiase no, ne yɛn kronkronbea.
13 上主，以色列的希望! 凡離棄你的，必要蒙羞；上主，凡離棄你的，必被記錄在地上，因為他們離棄了活水的泉源。
Awurade, woyɛ Israel anidaso, wɔn a wɔpa wʼakyi nyinaa ani bewu. Wɔn a wɔtwe wɔn ho fi wo ho no, wobesie wɔn efisɛ wɔagyaw Awurade a ɔyɛ nkwa asuti no.
14 上主，求你醫治我，我必能痊愈；你拯救我，我必能獲救，因為你是我的榮耀。
Sa me yare Awurade, na me ho bɛtɔ me; gye me na menya nkwa, na wo ne ɔbaako a mekamfo wo.
15 看，世人對我說：上主的話在哪裏﹖讓它來吧!
Wobisa me daa sɛ, “Ɛhe na Awurade asɛm no wɔ? Ma ɛmmra mu mprempren!”
16 我沒有強迫你加害，也沒有期望災禍的日子；你知道：凡出自我口的，都先向你面陳過。
Minnguan mfii mʼadwuma sɛ wo guanhwɛfo ho; wunim sɛ menhwehwɛɛ abasamtu da. Nea efi mʼanom yɛ pefee wɔ wʼanim.
17 請你不要成為我的恐怖，你原是我患難之日的避難所。
Nhunahuna me; wo ne me guankɔbea wɔ amanehunu da.
18 願迫害我的人蒙羞；而不是我驚慌；請你給他們招來災禍的日子，以雙倍的毀滅，消滅他們。
Ma wɔn a wɔtaa me anim ngu ase, na yi me fi ahohora mu. Ma wɔmmɔ hu, nanso mma me koma ntu. Ma amanehunu da no mmra wɔn so; fa ɔhawprenu sɛe wɔn.
19 上主這樣對我說：「你去立在猶大出入的本雅明門前，立在耶路撒冷各門前，
Sɛɛ na Awurade ka kyerɛɛ me, “Kɔ na kogyina nnipa no pon a Yuda ahemfo di hɔ ahyɛmfiri no; kogyina Yerusalem apon a aka no nso ano.
20 向他們說：猶大的君王、全體猶大人和耶路撒冷居民，即由這門進來的，他們聆聽上主的話!
Ka kyerɛ wɔn se, ‘Muntie Awurade asɛm, mo Yuda ahemfo ne Yudafo nyinaa ne wɔn a wɔtete Yerusalem a wɔfa saa apon yi mu.
21 上主這樣說：你們應該小心，不要在安息日擔運重載，進入耶路撒冷的城門。
Sɛɛ na Awurade se: Monhwɛ yiye na moansoa nnesoa Homeda anaa moamfa amfa Yerusalem apon mu.
22 不要在安息日從你們的家裏擔運重載；不要做任何工作，卻要按照我給你們祖先所吩咐的，聖化安息日。
Monnsoa adesoa mfi mo afi mu na monnyɛ adwuma biara Homeda, na mmom monyɛ Homeda no kronkron, sɛnea mehyɛɛ mo agyanom no.
23 他們不但不側耳傾聽，反而硬著頭頸，不願依從，不願受教。
Nanso wɔantie na wɔammu; wɔyɛɛ asoɔden, wɔantie na wɔampɛ nteɛso.
24 設若你們認真聽從我──上主的斷語──在安息日，不將重擔搬進這城門，卻聖化安息日，不做任何工作；
Nanso sɛ mohwɛ yiye na moyɛ osetie ma me a, sɛɛ na Awurade se, na moamfa nnesoa amfa saa kuropɔn yi apon mu Homeda, na sɛ moyɛ Homeda no kronkron a monnyɛ adwuma biara a,
25 那麼，坐在達味實座上的君王和王侯，便會乘車騎馬，與自己的公卿、猶大人和耶路撒冷的居民，從這槷的門進來；這城必永遠有人居住；
ɛno de ahemfo a wɔte Dawid ahengua so ne wɔn adwumayɛfo bɛfa saa apon yi mu. Wɔn nyinaa bɛba a wɔtete nteaseɛnam mu ne apɔnkɔ so, a Yuda mmarima ne wɔn a wɔtete Yerusalem ka ho, na nnipa bɛtena kuropɔn yi mu daa nyinaa.
26 人們從猶大各城、耶路撒冷四週、本雅明地、平原、山地和南方前來，帶著全燔祭。犧牲、素祭和乳香，在上主的殿裏奉獻感恩祭。
Nnipa befi Yuda nkurow ne nkuraa a atwa Yerusalem ho ahyia no aba, wobefi Benyamin asase ne atɔe fam nkoko so, wobefi mmepɔw, mantam ne Negeb aba a wɔde ɔhyew afɔrebɔde ne afɔrebɔ, aduan afɔrebɔde, nnuhuam ne aseda afɔrebɔde reba Awurade fi.
27 但是，我不聖化安息日，反在安息日擔運重載，進入耶路撒冷的城門，我必在城門口放火，吞滅耶路撒冷的宮殿，決不熄滅。
Nanso sɛ moanyɛ osetie amma me, anyɛ Homeda no kronkron, na sɛ mosoa adesoa biara fa Yerusalem apon mu Homeda a, ɛno de mɛsɔ ogya a ɛrennum da wɔ Yerusalem apon mu na abɛhyew nʼaban ahorow no.’”
