以賽亞書 34
1 萬民，你們前來聆聽！列邦，你們側耳靜聽！大地與充塞其中的一切，世界與其所有的產物，都要諦聽！
Maka kokankokama mani'naza vahe'mota erava'o hu'neta tamagesa anteta antahi so'e hiho. Anama nehanagetma ama mopamokane, ama mopafima ana maka'zama me'nana zamokanena ama nanekea kagesa antenka antahio.
2 因為上主向萬民生了氣，對他們的一切軍隊發了怒，他注定了他們的劫數，命定了他們遭受屠殺。
Ra Anumzamo'a maka kokankokama nemaniza vahekura rimpa ahenezamanteno, sondia vahezmigura tusi arimpa ahezmanteankino, zamahe hana hugahie. Ana nehuno ana vahera zamatrenige'za zamahe'za rugitagi atregahaze.
3 他們的被殺者被棄於外，他們屍體的腥臭浮浮上騰，他們的血溶化了諸山。
Hagi anama hanigeno'a tamagerfa hu'za fri'naza zamavufaga eri'za asezmantegara osugahie. Ana hanigeno fri zamavufagamo'a amne zankna huno me'neno hinimna vugahie. Hagi korazamimo'a agonafina avitegahie.
4 天上的萬象必將解體，諸天要如卷軸般捲起；天上的星辰必將隕墜，有如葡萄葉的凋零，有如無花果葉的萎謝。
Hagi monafinti hanafi tamimo'a atafari neramisnigeno, mago avontafe'ma regazariaza huno monamo'a regazarino vugahie. Ana nehina monafima me'ne'za remsama nehaza zantamina, zagema ikama hanafi tamimo'zanena, wainimofo ani'namo harari huramiaza nehanigeno, fiki zafamo hagege huno mopafi evuramiaza hugahaze.
5 當上主的刀在天上痛飲之後，看哪！它將若在厄東，落在他所毀滅的百姓身上，實行懲罰。
Hagi Ra Anumzamo'a huno, Bainati kazinimo'a monafima me'nea zantamintera eri'zama'a eri vagareteno, Edomu kumate vahe'ma zamazeri haviza hugahue hu'nama hu'noa vahe zamahe fri vagareku uramianki keho.
6 上主的刀劍染滿了血，漬滿了脂油，就是羔羊和羚羊的血，以及公羊腎臟的脂油：因為上主在波責辣舉行了一番祭祀，在厄東地方施行了一場屠殺。
Sipisipi afutamine meme afutmima ofama hunaku'ma ahenegizageno, koramo'ene kre'areti afo'va'amo'ma kazintegama hantohantoma nehiankna kazi Ra Anumzamo'a eri'neankino, e'inahukna huno Ra Anumzamo'a rama'a vahe Bozra rankumapi nezmaheno ana maka Edomu mopafima mani'naza vahera ana zanke huno tusi'a vahe zamahegahie.
7 野牛與肥畜必同墮死，牛犢與公牛必同跌斃。他們的地區浸滿了血，他們的地面漬染了脂油。
Hagi afi bulimakao afutamine, anenta ve bulimakao afutamine, hankave bulimakao afutaminena ana zanke huno zamahe frigahie. Ana hanigeno mopazmifina koramo'a tagiramino avinetesnigeno, zamafova'amo'a kugusopafina avitegahie.
8 因為這是上主復讎的日子，是為報復熙雍敵人的一年。
Na'ankure Ra Anumzamo'a mago kna ko huhampri'ne. Ana hu'neankino ana kafuma esanigeno'a, Jerusalemi kuma'ma ha'ma rente'naza Idomu vahera nona huno hara renezmanteno, (Saioni) Jerusalemi kumara agu'vazigahie.
9 她的河水將變為瀝青，她的土壤將變為硫磺：大地成了燃灼的瀝青，
Hagi Idomu mopafima me'nea tintamimo'a evuno fukinkna hugahie. Ana nehanigeno kugusopamo'a evuno salfa havere teve reaza nehanigeno, mopazamimo'a fukimo tevefi reaza huno teveregahie.
10 晝夜燃燒不息，濃煙永遠上升；世世代代成為荒野，永久無人經過此地。
Hagi feru'ene kenage enena ana tevemo'a tevava nehanigeno, tusi toki huvava hugahie. Ana hanigeno Idomu mopafina henkama fore hu anante anante'ma hu'za vanaza knafinena vahera omanitfa hina, ana mopafina mago vahe'mo'e huno vano vano osutfa hugahie.
11 鵜鶘和刺蝟據守其地，鴞鴟和烏鴉棲於其間；上主將以破壞性的繩墨和毀滅性的線錘測量那地。
Ana nehina ka'ma kopima nemaniza komutomo'ene, kotkoti namamo'zane tumpa namaramimo'ene kazin tumpamo'zanena ana mopa eri nafa'a hugahaze. Ra Anumzamo'a ana mopa atreni'geno havizantfa huno, mago have kevu eri tru hunteaza hugahie. Hagi agra nomofo za'za'ane mareri'anema eri fatgoma hu'zama negaza nofikna huno kumara eri haviza hutresigeno ka'ma koka fore huno mago'zana omanegahie.
12 顯貴中沒有一個在那裏能夠建國，她所有的王侯都歸於烏有。
Hagi Idomu mopafima zamagima me'nea vahe'ene kva vahe'enena omanitfa hanageno, kinima maniga vahetamina magore hu'za omanigahaze.
13 她的宮闕將生滿荊棘，她的保壘將繁生蒺藜和薊草；她將成為豺狼的洞穴，鴕鳥的苑囿。
Mani'nezama vaheku'ma kegavama nehaza zaza nontamintera ave've trazaramimo hageno marenerisigeno, agaso trazane havi tra'zamo'zanena hankave vihu keginazmirera hage'za marerigahaze. Ana nehanigeno anampina afi kraramimo'ene ostretiema nehaza mananinkna namamo'za e'za no eme ki'za manigahaze.
14 野貓在那裏將與野狗相會，野羊將呼叫牠的同類；夜間的魑魅將在那裏休憩，尋得一個安息的處所。
Hagege kokampima nemaniza afi zagagafaramimo'za, anampina e'za eme atru nehanage'za, afi meme afutamimo'za anampina emani'neza krafage hugantu hugama hugahaze. Ana nehanageno kenage'ma vanoma nehia zaga lilitiema nehaza zagamo anampina emasegahie.
15 箭頭蛇將在那裏築穴、下蛋、伏卵，並加以孵化；鷙鳥群集其間，雌雄相配。
Hanki anampina ko'mutomo no eme kino amura anteteno kegava hu'nesnigeno, horahora hina agekona'areti rutareno refitentegahie. Ana nehanigeno tumpamo'za veate veate e'za anampina emanigahaze.
16 你們可查看上主的書，且閱讀一下，牠們中一種也不會缺少，沒有一個沒有配偶的，因為上主的口已這樣命定，他的神集合了牠們。
Hagi Ra Anumzamofo avontafepi me'neanki haketa hampriho. Ana maka kema hunte'nea zagagafa maka evaga neresnage'za, mago'mo'e huno ana zagagafamo'a agrakura omeno, tare tare huno etere hugahie. Na'ankure Ra Anumzamo agra'a agipinti e'ina huo huno huntesnigeno, Agri'a Avamu'mo zamavare atru huno zamavareno egahie.
17 上主親自要為牠們抽籤，他親手用繩索將為牠們分開這地；牠們將永久佔有這地，世世代代住在那裏。
Hanki inante manitere hugahazafi, Ra Anumzamo Agrake nofira mesarimi huno erinte fatgo huno keteno mopa refko huno zamisnige'za, mofavre kase anante anante hu'za mani'neza henka'anena mani vava hu'za vugahaze.
