以賽亞書 24
1 看！上主使大地空虛，使它變為荒涼，翻轉它的面目，使它的居民四散：
Hwɛ, Awurade rebɛma asase ada mpan na wasɛe no; ɔbɛsɛe asase ani na wabɔ ɛsotefoɔ ahwete,
2 那時怎樣對百姓，也怎樣對司祭；怎樣對僕人，也怎樣對主人；怎樣對婢女，也怎樣對主母；怎樣對主顧，也怎樣對商賈；怎樣對債戶，也怎樣對債主；怎樣對貸方，也怎樣對借方。
ɛbɛyɛ saa ara ama ɔsɔfoɔ sɛdeɛ ɛbɛyɛ ama nnipa, ama owura sɛdeɛ ɛbɛyɛ ama asomfoɔ, ama awuraa sɛdeɛ ɛbɛyɛ ama afenaa, ama deɛ ɔtɔn sɛdeɛ ɛbɛyɛ ama deɛ ɔtɔ, ama deɛ ɔgye bosea sɛdeɛ ɛbɛyɛ ama deɛ ɔma bosea, ama ɔkafoɔ sɛdeɛ ɛbɛyɛ ama deɛ ɔde ma.
3 大地必要完全荒廢，慘遭浩劫，因為上主這樣定了。
Asase bɛda mpan koraa, na wɔafom ɛso nneɛma. Awurade na waka saa asɛm yi.
4 大地痛哭哀傷，世界衰頹零落，上天與下地一同衰頹。
Asase so yɛ wesee, na ɛkusa ewiase kɔ ahoyera mu, na ɛkusa, deɛ wɔama no so wɔ asase so ho yera no.
5 大地在居民腳下已被玷污，因為他們越規犯法，破壞了永久的盟約。
Asase so nnipa agu ne ho fi; wɔanni mmara no so, wɔabu ahyɛdeɛ no so na wɔasɛe apam a ɛwɔ hɔ daa no.
6 為此詛咒吞噬了大地，其中的居民受了罪罰；為此地上的居民受了折損，剩下來的人數極少。
Enti, nnome amene asase no ɛsɛ sɛ ɛso nnipa nya wɔn afɔdie so akatua ne saa enti wɔahye asase no so nnipa, na kakra bi pɛ na aka.
7 新酒哀傷，葡萄凋殘；心情愉快的，都長聲嘆息！
Nsa foforɔ no ho asa na bobe no adwan; wɔn a wɔgye wɔn ani no si apinie.
8 小鼓的喜樂已停止，歡笑的喧嚷已終結，琴瑟的喜樂已止息。
Akasaeɛbɔ mu anigyeɛ no agyae, ahosɛpɛfoɔ no nteateamu no agyae. Sankuten so nnwom dɛɛdɛ no ayɛ dinn.
9 人不再飲酒作樂，喝了濃酒的反覺酸苦！
Wɔnnto dwom mfa nnom nsã bio; mmorɔsa ayɛ nwono ama anomfoɔ.
10 空虛的城市已破殘，家家戶戶都已關門閉戶！
Kuropɔn a wɔasɛe no ada mpan; wɔatoto efie biara apono mu.
11 廣場上有人為酒而嗟歎，萬般娛樂已闌盡，大地的喜樂遭放逐！
Wɔpere nsã wɔ mmɔntene so; ahosɛpɛ nyinaa adane bosoo yɛ, anigyeɛ nyinaa atu ayera wɔ asase no so.
12 城中所留的只是淒涼，門戶被打得粉碎！
Kuropɔn no asɛe, wɔabubu nʼapono mu nketenkete.
13 誠然，大地間萬民中，必像打過的橄欖樹，或如收割葡萄後所餘的殘粒。
Saa ara na ɛbɛyɛ wɔ asase no so ne amanaman no mu, sɛdeɛ wɔboro ngo dua a ɛyɛ, anaa sɛdeɛ wogya mpɛpɛ wɔ bobe twaberɛ akyi no.
14 他們要提高聲音歌頌上主的尊嚴：「萬民啊！ 你們歡呼罷！
Nanso wɔn a aka no ama wɔn nne so, de anigye teateaam; ɛfiri atɔeɛ fam, wɔkamfo Awurade kɛseyɛ.
15 你們在東方的，應頌揚上主！住在海島上的，應頌揚上主，以色列的天主的名！
Enti apueeɛ fam, monhyɛ Awurade animuonyam; momma Awurade din so, Israel Onyankopɔn no, wɔ nsupɔ a ɛwɔ ɛpo so.
16 我們從地極聽到了歌聲：光榮屬於正義者。」然而我說：「我有禍了！我有禍了！我好可憐！反叛的仍在反叛，反叛的仍在極力的反叛！」
Ɛfiri asase ano, yɛte nnwontoɔ sɛ, “Animuonyam nka Ɔteneneeni no.” Nanso mekaa sɛ, “Matɔ baha, mapa aba! Me nnue! Ɔfatwafoɔ redi hwammɔ! Ɔnam nnaadaa so redi hwammɔ.”
17 地上的居民啊！恐怖、陷阱、羅網，都聚集在你身上。
Ehu, amena ne afidie retwɛn mo, Ao nnipa a mote asase soɔ.
18 那逃得了恐怖聲音的，必要落在陷阱裏；那由陷阱中跳出來的，必要落在羅網中！ 的確，天上閘門已開放，大地基礎已動盪。
Deɛ ehu enti ɔdwane no, ɔbɛtɔ amena mu; deɛ ɔforo firi amena mu no, afidie bɛyi no. Wɔabue nsuo apono wɔ soro, na asase nnyinasoɔ woso.
19 大地必將粉碎又粉碎，大地必將崩裂又崩裂，大地必將動搖又動搖！
Wɔadwiri asase no na emu apaapae, na asase awoso ankasa.
20 大地必東搖西晃，有如一個醉漢，搖盪得好比一座帳幕；自己的罪惡又重壓在上面，倒塌了不能再起！
Asase tɔ ntentan te sɛ ɔsabofoɔ. Ɛhinhim biribiri te sɛ ntomadan wɔ mframa ano; nʼatuateɛ ho afɔdie ayɛ adesoa ama no na ɛhwe ase a ɛrensɔre bio.
21 到那一天，上主要在高天審視天上所有的軍旅，要在下地察考地上所有的君王。
Saa ɛda no, Awurade bɛtwe ɔsoro atumfoɔ ne ahemfo a ɛwɔ asase so aso.
22 他們將被聚集起來，關在深坑內，監禁在監牢裏；待過了許多時日，將受懲罰。
Wɔbɛka wɔn nyinaa abɔ mu sɛ nneduafoɔ ahyɛ afiase amena mu; wɔbɛto wɔn mu wɔ nneduadan mu na nna bebree akyi no wɔatwe wɔn aso.
23 那時，月亮要臉紅，太陽要羞慚，因為萬軍的上主要 在熙雍山上，要在耶路撒冷為王，在他的長老面前要備受頌揚。
Ɔsrane anim bɛgu ase na owia ani awu; na Asafo Awurade bɛdi ɔhene wɔ Sion bepɔ so ne Yerusalem, ne wɔn mpanimfoɔ anim, wɔ animuonyam mu.
