創世記 46
1 以色列遂帶著他所有的一切出發，來到了貝爾舍巴，向他父親依撒格的天主獻了祭，
Enti, Israel de nʼahodeɛ nyinaa siim kɔduruu Beer-Seba. Ɔbɔɔ Onyankopɔn a na nʼagya Isak somm no no afɔdeɛ wɔ hɔ.
2 當夜天主在神視中對以色列說：「雅各伯、雅各伯!」他答說：「我在這裏。」
Anadwo anisoadehunu mu no, Onyankopɔn frɛɛ Yakob sɛ, “Yakob! Yakob!” Yakob gyee so sɛ, “Me nie.”
3 天主說：「我是天主，你父親的天主。你不要害怕下到埃及去，因為我要使你在那裏成為一大民族。
Onyankopɔn ka kyerɛɛ no sɛ, “Mene Onyankopɔn. Onyankopɔn a wʼagya somm no. Nsuro sɛ wobɛkɔ Misraim, ɛfiri sɛ, mɛma wʼase adɔre ayɛ ɔman kɛseɛ wɔ hɔ.
4 我與你一同下到埃及，也必使你再上來；若瑟要親手合上你的眼。」
Mʼankasa me ne wo bɛkɔ Misraim, na masane ne wo aba ha bio. Ɛduru ɛberɛ a worebɛwu a, wobɛwu Yosef anim.”
5 雅各伯遂由貝爾舍巴起程。以色列的兒子們扶自己的父親雅各伯和自己的孩子及妻子，上了法郎派來接他的車，
Afei, Yakob siim firii Beer-Seba. Israel mma no de wɔn agya Yakob, wɔn yerenom ne wɔn mma tenatenaa nteaseɛnam a Farao soma maa wɔde bɛfaa wɔn no mu.
6 帶了家畜和在客納罕地積聚的財物，一同向埃及進發：這樣雅各伯和他所有的孩子，
Wɔfaa wɔn mmoa ne wɔn agyapadeɛ a wɔanya wɔ Kanaan asase so nyinaa kaa wɔn ho kɔɔ Misraim. Yakob ne nʼasefoɔ nyinaa siim kɔɔ Misraim.
7 即他的兒子、孫子、女兒、孫女，他的一切孩子，都一同來到了埃及。
Israel de ne mmammarima, ne nananom, ne mmammaa ne wɔn mma a wɔn nyinaa yɛ nʼasefoɔ kaa ne ho kɔɔ Misraim.
8 以下是來到埃及的以色列人，雅各伯和他子孫的名單：雅各伯的長子勒烏本；
Edin a ɛdidi so yi yɛ Israelfoɔ, Yakob asefoɔ a ɔde wɔn kɔɔ Misraim. Ruben yɛ Yakob abakan.
9 勒烏本的兒子：哈諾客、帕路、赫茲龍和加爾米；
Ruben nso mmammarima edin na ɛdidi so yi: Hanok, Palu, Hesron ne Karmi.
10 西默盎的兒子：耶慕耳、雅明、敖哈得、雅津、祚哈爾和客納罕女子的兒子沙烏耳；
Simeon nso mmammarima yɛ: Yemuel, Yamin, Ohad, Yakin, Sohar ne Saulo a ne na yɛ Kanaanni.
11 肋未的兒子：革爾雄、刻哈特和默辣黎；
Lewi mmammarima din na ɛdidi so yi: Gerson, Kohat ne Merari.
12 猶大的兒子：厄爾、敖難、舍拉、培勒茲和則辣黑：厄爾和敖難已死在客納罕地。培勒茲的兒子：赫茲龍和哈慕耳；
Yuda nso mmammarima yɛ: Er, Onan, Sela, Peres ne Serah. Nanso Er ne Onan deɛ, wɔwuwuiɛ wɔ Kanaan asase so, ansa na Israel reba Misraim asase so. Peres mmammarima yɛ: Hesron ne Hamul.
13 依撒加爾的兒子：托拉、普瓦、雅叔布和史默龍；
Isakar mmammarima nso yɛ: Tola, Puwa, Hiob ne Simron.
14 則步隆的兒子：色勒得、厄隆和雅赫肋耳：
Sebulon mmammarima nso yɛ: Sered, Elon ne Yakleel.
15 以上是肋阿在帕丹阿蘭給雅各伯生的子孫；還有他的女兒狄納：男女子孫共計三十三人。
Wɔn a wɔabobɔ wɔn din yi yɛ Lea mma a ɔne Yakob woeɛ wɔ Paddan-Aram a ne babaa Dina nso ka ho. Saa mmammarima ne ne babaa yi nyinaa dodoɔ si nnipa aduasa mmiɛnsa.
16 加得的兒子：漆斐雍、哈基、叔尼、厄茲朋、厄黎、阿洛狄和阿勒里；
Gad nso mma din na ɛdidi so yi: Sifion, Hagi, Suni, Esbon, Eri, Arodi ne Areli.
17 阿協爾的兒子：依默納、依市瓦、依市偉、貝黎雅和他們的姊妹色辣黑；貝黎雅的兒子赫貝爾和瑪耳基耳：
Aser nso mma din na ɛdidi so yi: Yimna, Isua, Isui ne Beria ne wɔn nuabaa Sera. Beria nso mma yɛ: Heber ne Malkiel.
18 以上是拉班給他的女兒肋阿的婢女齊耳帕，給雅各伯生的子孫，共計十六人。
Yeinom nso ne Silpa, afenaa a Laban de no maa ne babaa Lea a ɔno nso de no maa ne kunu Yakob wareeɛ no mma. Wɔn nyinaa dodoɔ ano si nnipa dunsia.
19 雅各伯的妻子辣黑耳的兒子：若瑟和本雅明；
Yakob yere Rahel mma yɛ: Yosef ne Benyamin.
20 翁城的司祭頗提斐辣的女兒阿斯納特在埃及地給若瑟生了默納協和厄弗辣因；
Yosef ne ne yere Asnat, a ɔyɛ Potifera a ɔyɛ On bosomfoɔ babaa woo Manase ne Efraim wɔ Misraim.
21 本雅明的兒子：貝拉、貝革爾、阿市貝耳、革辣、納阿曼、厄希、洛士、慕平、胡平和阿爾得：
Benyamin nso mmammarima din na ɛdidi so yi: Bela, Beker, Asbel, Gera, Naaman, Ehi, Ros, Mupim, Hupim ne Ard.
22 以上是辣黑耳給雅各伯生的子孫，共計十四人。
Saa nnipa a wɔabobɔ wɔn din yi yɛ Rahel mmammarima a ɔne Yakob woeɛ. Wɔn nyinaa dodoɔ ano si nnipa dunan.
23 丹的兒子：胡生；
Dan babarima yɛ Husim.
24 納斐塔里的兒子：雅赫則耳，古尼，耶則爾和史冷：
Naftali nso mmammarima din na ɛdidi so yi: Yahseel, Guni, Yeser ne Silem.
25 以上是拉班給他的女兒辣黑耳的婢女彼耳哈，給雅各伯生的子孫，共計七人。
Bilha a ɔyɛ Laban afenaa a ɔde no maa ne babaa Rahel mmammarima a ɔne Yakob woeɛ no na wɔabobɔ wɔn din yi. Na wɔn dodoɔ ano si nnipa baason.
26 由雅各伯所生而同來到埃及的人數，除雅各伯的兒媳不計外，共計六十六人。
Nnipa a Yakob de wɔn kɔɔ Misraim nyinaa, a wɔyɛ nʼasefoɔ ankasa, a ne mmammarima yerenom nka ho dodoɔ ano si aduosia nsia.
27 此外還有若瑟在埃及所生的兒子二人：雅各伯家來到埃及的全體人數，共計七十人。
Sɛ wɔde Yosef mmammarima baanu a ɔwoo wɔn wɔ Misraim no ka ho a, na Yakob asefoɔ a ɔde wɔn kɔɔ Misraim no nyinaa dodoɔ ano si nnipa aduɔson.
28 雅各伯派猶大先去見若瑟，同他約定在哥笙相見。他們來到了哥笙地方，
Israel somaa Yuda, ma ɔdii ɛkan kɔɔ Yosef hɔ kɔbisaa no Gosen ɛkwan. Akyire no, wɔkɔduruu Gosen.
29 若瑟套車上哥笙去迎接他父親以色列；一見了他，就撲在他頸上，抱住他的頸，哭了很久。
Yosef siesiee ne nteaseɛnam ma wɔkɔɔ Gosen kɔhyiaa nʼagya Israel. Yosef duruu nʼagya Yakob anim pɛ, ɔbam no, suiɛ ara kwansin.
30 以色列對若瑟說：「我見了你的面，見你還活著，現在我可以死了! 」
Israel ka kyerɛɛ Yosef sɛ, “Ohunu a mahunu wo sɛ wote ase yi enti, sɛ owuo bɛfa me ɛnnɛ koraa a, mepɛ.”
31 若瑟對他的兄弟們和父親的家屬說：「我要上去呈報法郎說：我在客納罕地的兄弟們和我父親的家屬，都來到我這裏了。
Yosef ka kyerɛɛ ne nuanom no ne nʼagya fiefoɔ no sɛ, “Mɛkɔ makɔka makyerɛ Farao sɛ, ‘Me nuammarimanom ne mʼagya fiefoɔ a na anka wɔte Kanaan asase so nyinaa aba ha abɛka me ho.
32 這些人都是放羊飼畜的人；他們的羊群牛群和他們所有的一切都帶來了。
Mmarima no yɛ nnwanhwɛfoɔ. Wɔhwɛ mmoa so. Na wɔde wɔn nnwan ne wɔn anantwie ne biribiara a wɔwɔ aba.’
33 所以，當法郎召見你們，問你們有何職業時，
Sɛ Farao frɛ mo, na ɔbisa mo sɛ, ‘Adwuma bɛn na moyɛ a,’
34 你們要答說：你的僕人們自幼直到現在，都是牧養牲畜的人，我們和我們的祖先都是如此。這樣你們才能住在哥笙地方，因為埃及人厭惡一切牧羊的人。」
momma no mmuaeɛ sɛ, ‘Wo nkoa ayɛn mmoa firi wɔn mmɔfraase, te sɛ deɛ yɛn agyanom yɛeɛ no ara pɛpɛɛpɛ.’ Sɛ moka saa kyerɛ no a, ɔbɛma mode Gosen ayɛ mo atenaeɛ, ɛfiri sɛ, Misraimfoɔ kyiri nnwanhwɛfoɔ kɔkɔɔkɔ.”
