創世記 13
1 亞巴郎帶了妻子和他所有的一切，與羅特一同由埃及上來，往乃革布去。
Abram tu firii Misraim. Ɔno, ne yere, Lot, nʼagyapadeɛ ne ne fiefoɔ nyinaa baa Negeb.
2 亞巴郎有許多牲畜和金銀。
Saa ɛberɛ no na Abram anya ne ho a ɔwɔ nyɛmmoa, dwetɛ ne sikakɔkɔɔ pii.
3 他由乃革布逐漸往貝特耳移動帳幕，到了先前他在貝特耳與哈依之間，支搭帳幕的地方，
Ɔfirii Negeb hɔ no, ɔdii atutena ara kɔduruu Bet-El, baabi a ɔdii ɛkan sii ne ntomadan a ɛwɔ Bet-El ne Ai ntam no.
4 亦即他先前築了祭壇，呼求上主之名的地方。
Ɛhɔ na kane no ɔsii nʼafɔrebukyia. Ɛhɔ nso na ɔkɔɔ so somm Awurade.
5 與亞巴郎同行的羅特，也有羊群、牛群和帳幕，
Na Lot a ɔne Abram nam no nso yɛ ɔdefoɔ a ɔwɔ nnwan, anantwie ne asomfoɔ bebree.
6 那地方容不下他們住在一起，因為他們的產業太多，無法住在一起。
Esiane sɛ saa ɛberɛ no na Abram ne Lot nyinaa anya wɔn ho, na wɔwɔ nnwan, anantwie ne asomfoɔ pii enti, na wɔnsene asase no so.
7 牧放亞巴郎牲畜的人與牧放羅特牲畜的人，時常發生口角－－當時客納罕人和培黎齊人尚住在那裏。
Na akasakasa taa baa Abram mmoahwɛfoɔ ne Lot mmoahwɛfoɔ no ntam. Saa ɛberɛ no na Kanaanfoɔ ne Perisifoɔ nso tete asase no so.
8 亞巴郎遂對羅特說：「在我與你，我的牧人與你的牧人之間，請不要發生口角，因為我們是至親。
Enti, Abram ka kyerɛɛ Lot sɛ, “Mesrɛ wo, mma akasakasa mma me ne wo anaa me mmoahwɛfoɔ ne wo mmoahwɛfoɔ ntam, ɛfiri sɛ, yɛyɛ anuanom.
9 所有的地方不是都在你面前嗎﹖請你與我分開。你若往左，我就往右；你若往右，我就往左。」
Ɛnyɛ asase no nyinaa na ɛda wʼanim yi? Ma yɛnni mpaapaemu. Sɛ wokɔ benkum a, mɛkɔ nifa, na sɛ wokɔ nifa nso a, mɛkɔ benkum.”
10 羅特舉目看見約但河整個平原，直到左哈爾一帶全有水灌溉，－－這是在上主消滅索多瑪和哈摩辣以前的事，－－有如上主的樂園，有如埃及地。
Lot hwɛɛ ne ho hyiaeɛ, hunuu sɛ asase a ɛda Yordan ho no yɛ asasebereɛ. Na nsuo wɔ mu baabiara te sɛ Eden turom anaasɛ Misraim asase a ɛda Soar fam hɔ no ara pɛ. Saa ɛberɛ no, na Awurade nnya nsɛee Sodom ne Gomora.
11 羅特選了約但河的整個平原，遂興東方遷移；這樣，他們就彼此分開了：
Na Lot de nʼani kyerɛɛ apueeɛ fam, faa asase a ɛda Yordan ho no. Yei ne ɛkwan a Abram ne Lot faa so dii ntetemu no.
12 亞巴郎住在客納罕地；羅特住在平原的城市中，漸漸移動帳幕，直到索多瑪。
Abram tenaa Kanaan asase so. Ɛnna Lot nso dii atutena wɔ nkuropɔn a ɛwowɔ nsase tamaa no so, na ɔkɔsii ne ntomadan wɔ baabi a ɛbɛn Sodom.
13 索多瑪人在上主面前罪大惡極。
Na nnipa a wɔwɔ Sodom kuro no mu no yɛ amumuyɛfoɔ a daa wɔyɛ bɔne akɛseakɛseɛ de tia Awurade.
14 羅特與亞巴郎分離以後，上主對亞巴郎說：「請你舉起眼來，由你所在的地方，向東西南北觀看；
Lot tee ne ho firii Abram ho akyiri no, Awurade ka kyerɛɛ Abram sɛ, “Afei, ma wʼani so hwɛ atifi fam, anafoɔ fam, apueeɛ fam ne atɔeɛ fam.
15 凡你看見的地方，我都要永遠賜給你和你的後裔。
Mede asasetam a wʼani tua yi nyinaa bɛma wo ne wʼasefoɔ afebɔɔ.
16 我要使你的後裔有如地上的灰塵；如果人能數清地上的灰塵，也能數清你的後裔。
Mɛma wʼasefoɔ adɔɔso sɛ asase so mfuturo a obiara ntumi nkan.
17 你起來，縱橫走遍這地，因為我要將這地賜給你。」
Sɔre, kɔ na kɔhwehwɛ asase no so nyinaa, ɛfiri sɛ, mede rema wo.”
18 於是亞巴郎移動了帳幕，來到赫貝龍的瑪默勒橡樹區居住，在那裏給上主築了一座祭壇。
Enti, Abram tutuu ne ntomadan bɛtenaa odum kwaeɛ bi a ɛyɛ Mamrɛ dea wɔ Hebron. Ɛhɔ na ɔsii afɔrebukyia maa Awurade.
