以西結書 45

1 當你們抽籤分地作為產業時，應將一塊聖地獻給上主，當作獻地，長二萬五千肘，寬二萬肘。凡在這範圍之內的地全是聖的。

Hagi Israeli vahe'ma mopama refko huta nezamisuta anampintira Nagri mopa regorinteho. Hagi anama regorintesaza mopamofo zaza'amo'a 90 kilomita hanigeno, atupa'amo'a 72 kilomita hugahie. Hagi ana mika mopamo'a ruotge hugahie.

2 其中一個作為聖所，長百肘；四面成方形，周圍有空地，寬五十肘。

Hagi e'i ana mopafintira mono noma ki mopama regorinte'sazana ana maka kaziga atumpa'amo'a, 250 mita hino. Hagi ana noma kisaza nomofo megi'a mopa kankamuna, 25 mita meno kagino.

3 在這一區量出二萬五千肘，一萬肘寬的地方其中應有聖所；

Hagi anama ruotge mope hutama regorinte'naza mopafinti'ma rankna mopa regori antegahazankino, ana mopamofo zaza'amo'a 90 kilo mita hanigeno, atupa'amo'a 36 kilo mita hugahie. E'ina mopamofo agu'afi mono nona mesigeno ruotge'ma huno ruotge'ma hu'nea kumara megahie.

4 這塊聖地，應歸於在聖所內為服事上主供職的司祭，作為的住處和他們羊群的牧場。

Hagi e'i ana mopamo'a me ruotge huno me'nenke'za, ra mono nompima eri'zama eneri'za Ra Anumzamofo avugama erava'oma hanaza pristi vahe'mo'za nona kiza nemanisageno, anampina mono nona megahie.

5 另一塊五千肘長，一萬肘寬的地方，歸於在殿內服務的肋未人，作為他們的地業，及他們居住的城邑。

Hagi Livae naga'ma mono nompima eri'zama erisaza vahe'mokizmi mopama regorisazana, zaza'amo'a 90 kilo mita hinkeno, upa'amo'a 36 kilo mita hino. Hagi e'i ana mopamo'a Livae vahe'mokizmi mopa me'nenke'za anampi rankumazmia kiza manigahaze.

6 再劃出建京城的地段，寬五千肘，長二萬五千肘，在保留的獻地之旁，歸於全以色列家族。

Hagi ana mopamofo tavaontera rankumama kisaza mopa regorigahazankino, zaza'amo'a 90 kilo mita hanigeno, upa'amo'a 18 kilomita hugahie. Hagi ana mopafi'ma iza'o, Israeli vahepinti'ma noma eme kinaku'ma hanimo'a amne eme kigahie.

7 在保留的獻地，和建城的地段的兩旁，緊靠著保留的獻地和建城的地段，由西邊往西，由東邊往東的土地，全歸於元首。西邊的邊界，東邊的邊界，其長與其他支派所分得的土地相同。

Hagi ugagota kva ne'mofona mopama amisazana, ruotge'ma hu'nea kuma'ene ran kuma'ma ami'naza mopamofo zage fre kazigane, zage hanati kaziganema me'nea moparare amigahaze. Ana mopararemofo atupa'a raremokea, zage fre kazigane, zage hanti kaziga mopama ometre eme atrema hu'nere vuke eke hugaha'e. Ana hanigeno anagamu kaziga, mago nagamofo mopa mesigeno, fenka kaziga mago naga'nofimofo mopa megahie.

8 這是在以色列劃歸元首的領土：這樣，我的元首不再壓迫我的百姓，並將土地留給以色列家族及他們的各支派o

Hagi e'i ana mopamo'a Israeli mopamofo agu'afina ana kva nemofo mopa megahie. Hagi ugagota kva vahe'mo'za Israeli vahe'ni'a zamazeri havizana osugahazanki, mopa refko hu'za Israeli vahera nagate nofite hu'za zamigahaze.

9 吾主上主這樣說：「以色列的元首，你們該舒了吧! 你們應放棄強暴與搶掠，實行正義與公道，你們不要再向我的人民橫徵暴歛──吾主上主的斷語──

Hagi Ra Anumzana Agra Anumzamo'a amanage hie, Tamagra Israeli vahe'mokizmi ugagota kva vahe'mota rama'a zampi havi tamavu'tamavara huta, vahe'ni'amofo zamazeri haviza hazanki atreho! Hagi havi tamavu tamavama huta vahe'ni'a mopama zamahenatita enerita, nozmifinti'ma zamahe kasonepeta fatgo osu tamavu'tavama nehaza zana atreho huno Ra Anumzana Agra Anumzamo'a hu'ne.

10 你們應用公平的天平，準確的「厄法」，準確的「巴特」。

Hagi hagegezamofo kna'ane, timofo kna'ama refkoma huta negeta mizama atesinaku'ma hanuta, tamage huta refko huta negeta mizana atesi fatgo hiho.

11 「厄法」和「巴特」的容量應當相等：即一「巴特」等於「荷默爾」的十分之一，十分之一「荷默爾」即一「厄法。」分量應依照「荷默爾」而十定。

Hagi efaema nehaza zana hagege zamofo kna'ama refkoma hu'za negaza zanki, batiema nehaza zana timofo kna'ama refko hu'za negaza zane. E'ina hu'negu 10ni'a bati kevufintira, mago kevumo'a mago homagna higeno, 10ni'a efamo'a mago homagna hu'na'ankino, ana taregamokea mago avamenteke 21.6 lita hutere hu'na'e.

12 一「協刻耳」應為二十「革辣。」二十「協刻耳」加二十五「協刻耳」，再加十五「協刻耳」，為你們是一「米納」。

Hagi maka zamofo kna'ama refko huta kesazana sekolie nehaza zagomofo avamente refko hugahaze. Ana hu'neakino mago sekoli zagomofo kna'amo'a 20'a gera zagomofo kna'agna higeno, 60'a sekoli zagomofo kna'amo'a (silva) mago minamofo kna'agna hu'ne.

13 你們應奉上的獻儀如下：由一「荷默爾」小麥，，應獻六分之一「厄法」；由一「荷默爾」大麥，也應獻六分之一「厄法」。

Hagi ofama erita esuta amana hiho. Witima 6'a ku'ma eri avite'nuta, mago kura ofa erita egahaze. Hagi balima anahukna huta 6'a kuma eri avimatesuta, mago kura ofa erita egahaze.

14 對油的規定由一「苛爾」油，應獻十分之一「巴特」， 因為十「巴特」為一「荷爾」。

Hagi olivi masavema 10ni'a kavoma avite'nuta, mago kavoa ofa erita egahaze. (Mago korimo'a 10ni'a batigna nehuno, mago homagna knazanimo'a hugahie.)

15 由以色列茂盛的牧場，每二百隻羊中取出一隻羔羊獻為供物，做全燔祭與笸平祭，為自己贖罪──吾主上主的斷語──

Hagi tretre'ma hu'nesia mopafima 200'a sipisipi afu'ma ante'nenunka, mago avrenka ofa eme hugahane. Hagi witi ofama, tevefima kre fananehu ofama, arimpa fru ofaramina, e'inahu huta kumi'mofoma nonama hu ofa eme hugahaze huno Ra Anumzana Agra Anumzamo'a hu'ne.

16 全國人民應將這樣的獻儀交給以色列的元首；

Maka Israeli vahe'mo'za ama ana ofa eri'za Israeli kva nera eme amigahaze.

17 元首在慶節、月朔和安息日，以及以色列家族所有的慶節，應備辦全燔祭、素祭和奠祭，又應備辦贖罪祭、素祭、全燔祭與和平祭，為以色列家族贖罪。」

Hagi tevefima kre fanene hu ofama hu'zane, witi ofama hu'zane, tima tagitre ofama hu'zanena kini ne'mo zaminige'za hugahaze. Hagi maka mono'ma hu knare'ene, kasefa ikante'ma mono'ma nehu'za musema hu'za nezama kreza ne'naza knare'ene, Sabati knare'ene, maka atruma hu'za mono'ma nehaza knare'enena, kumitema hu ofane, witi ofama huzane, kre fanenema hu ofane, rimpa fru ofama hu'zana agra kini ne'moke'za zami'nige'za Israeli vahe'mo'za kumizmirera nona hu'za ofa hugahaze.

18 吾主上主這樣說：「正月初一，你應取一頭無瑕的公牛犢，為聖所取潔。

Hagi Ra Anumzana Agra Anumzamo'a amanage hie, ese ikamofo Ese knazupa, mago agaho ve bulimakao afu'ma afuhe afahe'ma osu'nesia bulimakao afu aheta mono nona eri agrua hiho.

19 司祭應取贖罪祭祭牲的血，塗在聖殿的門框上，祭壇座的四角上，和內院的門框上。

Hagi pristi vahe'mo'za ana bulimakao afuma ahe'za kumi ofama hanaza afu'mofo korama'a eri'za agu'a mono nomofo kaha zafarera nefre'za, kresramna vu itamofo anaga kaziga 4'a renagentetema aheharari zafarera nefre'za, mono kumamofo agu'afima me'nea kuma kafa zafarera ome fregahaze.

20 正月初七，為那不慎誤犯的人，也應照樣行，為聖殿取潔。

Hagi ana ikamofo 7ni knazupa, vahe'mo'ma mago'azama haniregama hantga huno hu'nenia kumi'ene, ontahineno'ma hu'nenia kumira anahukna huta zamazeri agrua nehuta, mono nona eri agru hugahaze.

21 正月十四，你們應過逾越節，七天吃無酵餅。

Hagi ana ikamofona 14ni knazupa ozmaheno'ma zmagatere'nea knagura tamagesa antahinemita ne'zana kreta neneta musena hugahaze. Hagi 7ni'a knamofo agu'afi ne'zana kreta neneta, musena hugahazankino anankna'afina zo-ore bretige negahaze.

22 在那一天，元首應為自己和本國人民獻一頭公牛犢，為贖罪祭。

Hagi ana knarera kini ne'mo'a agrare'ene maka Israeli vahete'ma kumi ofama hu bulimakao afura avrentegahie.

23 七天的慶節，他應向上主獻全燔祭；七天內每天應獻七頭無瑕的公牛犢，和七隻無瑕的公羊；每天獻一隻小山羊，為贖罪祭。

Hagi ana 7ni'a knamofo agu'afina kini ne'mo'a mago mago knare'ma hanaza ofa 7ni'a afuhe afahe osu'nesia bulimakao afutaminki, 7ni'a ve sipisipi afutaminki huno zaminige'za ahe'za Ra Anumzamofontega tevefi kre fananehu ofa hutere hugahaze. Ana nehu'za mago ve meme afu ahe'za mago mago knarera kumitema hu ofa hutere hugahaze.

24 還應獻素祭：為每頭公牛犢獻一「厄法」麵；為一「厄法」麵加一「辛」油。

Hagi witi ofama hu'zana 14ni'a kilo hu'nenia knare witine, olivi masavea 4 lita nemino mago bulimakao afu'ene ve sipisipi afu'ene agra amitere hanageno kumitera ofa hugahie.

25 七月十五日的慶節，他應獻同樣的祭品；七天之久應獻同樣的贖罪祭、全燔祭、素祭和油。」

Hagi 7ni ikamofona 15ni knazupa seli nompima mani'za ka'ma kopima e'naza zamofoma antahimi knamo'a agafa hugahie. Hagi 7ni'a knamofo agu'afina ozmahe zamagatere'nea knare'ma ofama nehazakna huno mago mago knarera kini ne'mo'a kumi ofane, tevefima kre fananehu ofane, witi ofane, olivi masave ofanena erino egahie.