以西結書 44
1 領我回到聖殿朝東的外門，門卻關著。
Hichun mipa chun polam kelkot nisolam ngatna kihoi laiya chun eihin nung puilut kit in ahileh kelkot chu ana kikhah chah tai.
2 他對我說：「這門必關閉不開，任何人不得由此門而入，因為上主以色列的天主已由此門而入，為此常應關閉。
Hichun Pakaiyin kajah a hiche kelkot hi kikhah jing ding kihong kit lou hel ding chule
3 至於元首，因為他是元首，惟有他可坐在裏面，在上主前進食；他由門廊的路而入，亦由原路而出。」
Mihem in jong lutna anei louhel ding ahi. Ijeh inem itile hiche kelkot a hi Pakai Israel Pathen hung lutna ahitai. Hijeh a chu a itih a kikhah jing ding ahitai. Lengpa chapa changseh bou chu asunga touva Pakai angsunga an aga neh ding ahi. Ahinlah amachu hiche hongcha lampia kotpia chu lutna chule potna jong anei ding ahi.
4 以後，他領我由北門到聖殿，我一看，看見上主的光榮上主的殿，我便伏地掩面。
Hichun mipa chun houin mai sahlang kelkotna kon chun eihin puilutne. Keiman kaven ahile Pakai loupina Pakai houin dimsetna aum chu kamui. Hichun keiman kamai tolla kasulut tai.
5 上主對我說：「人子，我對你所說上主殿內的所有定和法律，你要留心，要眼看耳聽，又要注意准入聖殿的規則。
Chuleh Pakaiyin kahenga aseijin, mihem chapa hetsahna hi chingthei tah in melchih in. Namit leh nanakhang mangchan lang thil jouse ngaijin. Keiman Pathen houin chondan hohi kaseipeh ding nahi. Houin lutna leh potna aum ding dan ho chingthei tah in melchih in.
6 你對叛逆的以色列家族說：吾主上主這樣說：以色列家族，你們所行的一切醜惡之事，該夠了吧!
Chuleh hiche doumah bol Israel mite khu hiche thaneitah Pakai thusei hi seipeh in. O Israel mipite! Kidah dah um chonset nabol u chu phatante.
7 當你們奉獻給我食品、脂肪和牲血時，竟引領心身未受割損的外方人進入我的聖所，褻瀆我的殿宇；這樣以你們的一切醜惡，破壞了我的盟約。
Pathenna dinga lungthim neilou mite, cheptan lou gamdang mite chu kamun, thingphung nahin puilut uva, hiti hin ka houin nasuboh un chule kaneh ding an jong chu nasuboh tha ji tauve. Athau chule kilhaina thisan ho pumin kidah dah umna chonsetnau ho keuseh hilouvin keima kitepna ho nasukeh be nalai juve.
8 你們的既不在我聖所內供職，卻派他們代你們在我聖所內供職。
Kachon dan thengho nitding khellin kamun theng vettup dingin gamdang miho chu nathalah tauve.
9 為此吾主上主這樣說：一切心身未受割損的外邦人，以及所有在以色列子民中的外邦人，不得進入我的聖所。
Hijeh a chu hichehi thaneitah Pakai thusei ahi. Cheptan lou chule Pakai koma kipeh dohna neilou Israel te lah a chengsa ho jeng jong koima kamuntheng phunga lut theilou hel diu ahi.
10 至於肋未人，當以色列墮落，離開我而追隨他們的偶像時，他們也脫離了我，他們必要承認自己的罪債。
Chuleh Levi phunga mipa te milim doi hou dinga keija konna achemang laijuva eidalha ho, akitah lou nau dungjuija akipoh diu ahi.
11 他們在我聖所內供職，只能充當看守殿門的，作的侍役，為百姓宰殺全燔祭和其他祭牲，站在他們面前，給他們服務。
Amaho chu houin veng tupma pang chuleh kelkot ngah a pang chuleh pumgo thilto dinga hung kichoi ganchaho that in pang uhenlang chuleh mipi ho kithopi in pang jong leu
12 因為他們曾在百姓的偶像前給他們服務過，做了以色列家族的胖腳石，為此我必舉手反對他們──吾主上主的斷語──他們必要承擔自己的罪債。
Ahijeng vang'in amahon kamite chu milim doi hou dingin ana tilkhou jiuvinm Israel techu chonsetna thuhtah in alhuhsah jiuve. Hijeh chun keiman kihahselna dettah in kaneijin hijeh a chu amahon achonset nau ga chu akipoh cheh diu ahi, tin thaneitah Pakaiyin aseije.
13 他們不得走近我，也不得接我的的一切聖物，和至聖之物；反要自己的羞辱和所行的一切醜惡。
Amahon thempu khat hina a kakin bol dinga eihin nailut louhel dingu ahi. Amahon kathil thengho khat atohkhah theilou diu, ahilouleh thilto thengho jong chu athamkhah theilou diu ahi. Ijeh inem itile kidah dah uma chonset nau anabol dohsa hou jouse jachatna chu akipoh diu ahi.
14 我只委派他們在聖殿供職，服各種勞役，做其中應做的一切事務。
Amaho chun houin phat chomkhat a dinga vaihoma pang diu, vettupma natoh ho a mopona anei diu chule lhangpia natoh jouse jong atoh dingu ahi.
15 惟有那些在以色列子民墮落我時，仍然為我的聖所供職的匝多克的兒子，肋未司祭們，可走近我，服事我，侍立我前，給我奉獻脂油與牲血──吾主上主的斷語──
Itihen lang hijongleh Zadok insung miten Levi themput dolla Israel insung miten milim doi hou dinga adalhah nung uva houin a kitah tah lim aboljiu ahi. Hiche miho hi lhacha natoh a kakin abol diu ahi. Amaho chu kalanga dinguva chuleh kilhaina thisanna atodoh diu ahi tin thaneitah Pakaiyin aseije.
16 他們可進入我的聖所，起近我的祭桌，服事我，奉行給我供職的事。
Amaho bou chu kamun theng phunga hunglut uva chuleh ka thempu kin bol dinga ka dokhang ahin nailut dingu ahi. Amahon kangaichat jouse eisuh bulhit peh diu ahi.
17 幾時他們進入內院的門，應身穿麻衣；當他們在內院門內或在聖殿供職時，不可穿羊毛衣。
Amaho thutanna insung kotpi ahung lut teng uleh amahon tupat ponnem bou akivon diu ahi. Amahon thutanna insunga na atoh tengu leh samul pon akisil theilou diu, ahilouleh houin sunga atoh teng uleh
18 他們頭上應戴麻布頭巾，腰間應穿麻巾褲子，不可穿容易出汗的衣服。
Amahon tupat ponnem aluva delkop akikop diu chuleh tupat ponnem von sungnung a akivon diu ahi. Amahon tiul kaina thei imacha akivon lou diu ahi.
19 但他們幾時要出去到外院百姓那裏時，應脫去供職的衣服，放在聖所的廂房內，穿上別的衣服，免得因自己的祭服使百姓沾污聖潔。
Amaho thutanna in polanga akile doh uva mipi kititna mun alhun teng uleh akinbol nauva akivon hou chu akisut lhah diu ahi. Amahon avon hou chu indan theng sungnunga akikoi diu chule hiche vonna konna midang ho thenna apohlut khumuva akichat sahna lou diuva von dang akivon diu ahi.
20 你們不可剃頭，也不可讓頭髮自由生長，應該修剪頭髮。
Amahon alujang sam akivo tol lou diu, chujongleh ahoi sau behseh lou diu hiche ho khella chu akisuh jol jing diu ahi.
21 任何司祭要進入內院時，不可飲酒。
Thutanna sungnung alut masang uva athempu hon ju adon theilou diu ahi.
22 他們不可娶寡婦或棄婦為妻，應娶以色列家族的處女為妻；或娶司祭的寡婦。
Amahon aji diu chu Israel sunga nungah thengho bou akilhen diu, ahilouleh thempu ji hisa meithai ho akilhen diu ahi. Amahon meithai dang leh akidasa numei akilhen theilou diu ahi.
23 廿應教訓我的百姓 區別聖與俗，知道潔與不潔。
Amahon kamite thiltheng leh athenglou chuleh hou chondan na atheng leh athenglou ipi ham ti ahil diu ahi.
24 在訴訟上，他們應充任裁判，按我的法律定斷；他們在我的各種慶節上，應遵守規我的法律和規律，又應聖化我的安息日。
Amahon kamite lah a lunggel kitolouna aum tengleh asuhchamna dinga thutanna pang diu ahi. Athutan lhah nau chu ka chondan ho toh kitoh a atan diu ahi. Chuleh thempu ho amaho tah in kahilna ho leh kathupeh hohi kut theng hochu kut abol chanuva kut abol diu, chule ka cholngah nikho ho jouse jong athenga anit jing dingu ahi.
25 他們不可走近死人，免得沾染不潔；但為父母子女、兄弟和未嫁的姊妹，可自染不潔。
Thempu khat chu ama leh ama thilong phunga chea kisuboh lou ding ahi. Amavang ijemtia athi chu apa ham, anu ham, acha ham, asopipa ham, ahilouleh jinei loulai asopinu ham ahileh vang hitobang ho chunga vang chu phal ahi.
26 在他取潔以後，再過七天，
Hiche jeng jong chu hou chondan ho a akisuh theng jou chule ni sagi anga a chujou teng leh houin kin bol dinga kile thei ding ahi.
27 他要進入聖所，進內院，為在聖所內供職的那一天，應奉獻贖罪祭──吾主上主的斷語──
Nikho masa pen nia thutanana insung nung leh muntheng phunga alutna chuleh naotng ding ahung kile tengleh ama a ding monga chonset thilto anei ding ahi tin thaneitah Pakaiyin aseije.
28 他們不可有產業；在以色列也不可分給他們地業我是他們的地業。
Thempu khat chun gou akhol lou diu ahilouleh gamtum anei lou diu ahi. Ijeh inem itile keima changseh hi amaho dinga gotchom beh bou chu kahi.
29 他們可以吃素餐，贖罪祭和贖過祭：凡在以色列所獻的禁物，都應歸於他們。
Amaho anneh ding chu mipi hon houin athilpeh hou leh kilhaina ahinpoh hou jouse chang thilto chonset thilto chuleh themmo thilto ho jouse a konna hung diu ahi. Ipi hijongleh mikhat in Pakaija ding asekhen tapou thempu ho chan ding ahi.
30 各種初熟之物，和你們藉舉祭所獻的一切祭物，都應歸於司祭；此外，將你們粗麥麵中最好的一份，分與司祭，好叫祝福降在你們家庭中。
Thingga min masa jouse chule Pakaija dinga thilpeh hung kipolut jouse chu thempu ho koma cheding ahi. Tohga masa pen ho chule na changbong masa pen ho jong chu thempu ho kipe ding ahi. Chutileh na in chu phatthei kiboh ding ahi tin thaneitah Pakaiyin aseije.
31 凡自然死或被猛獸撕裂的飛禽走獸，司祭都不可吃。」
Thempuhon vacha sa ahilouleh gancha moh thi a thi, ahilouleh ganhing dangin adella atha ho chu aneh theilou diu ahi.
