以西結書 37
1 上主的手臨於我，上主的神引我出去，把我放在平原中，那裏佈滿了骨頭；
Teko Jehova Nyasaye ne ni kuoma, kendo ne ogola oko kuom teko mar Roho mare mi otera e dier holo moro; kama choke opongʼo.
2 他領我在骨頭周圍走了一遭；見平原上骨頭的確很多，又很乾枯。
Nowuotho koda e dier chokego koni gi koni, komako lweta, kendo naneno choke madongo mangʼeny motamore akwana, kanie dier holono; ne gin choke motwo kururu.
3 他問我說：「人子，這些骨頭可以復生嗎﹖」我答說：「吾主上主! 你知道。」
Ne openja niya, “Wuod dhano, chokegi bende nyalo bet mangima adier?” Ne awacho niya, “Yaye Jehova Nyasaye Manyalo Gik Moko Duto, in kendi ema inyalo ngʼeyo.”
4 他對我說：「你可向這些骨頭講預言，向他們說：乾枯的骨頭，聽上主的話罷!
Eka nowachona niya, “Kor wach ni chokegi kiwachonegi niya, Choke motwo, winjuru wach Jehova Nyasaye!
5 吾主上主對這些骨頭這樣說：看，我要使氣息進入你們內，你們必要復活。
Ma e gima Jehova Nyasaye Manyalo Gik Moko Duto wacho ni chokegi: Abiro kudho much ngima kuomu, mi unudok mangima.
6 我給你們放上筋，加上肉，包上皮，把氣息注入你們內，你們就復活了：如此，你們便要承認我是上主。」
Abiro keto leche kuomu kendo abiro miyo ringʼo gi pien um dendu kendo abiro kudho much ngima kuomu mi unudok mangima. Eka unungʼe ni An e Jehova Nyasaye.”
7 於是我遵命講預言。正當我講預言時，忽然有一個響聲，一陣震動，骨頭與骨頭互鄉結合起來。
Omiyo ne akoro wach kaka ne ochika. To kane oyudo akoro wach kamano, to ne apo ka awinjo ka choke rwadore matek, kendo chokego nochako tudore, ka moro ka moro kuomgi chomore gi wadgi.
8 我望見他們身上有了筋，生了肉，包了皮，但他們還沒有氣息。
Ne angʼicho kendo naneno ka leche gi ringʼo chako bet e chokego, kendo pien noumogi, to kata kamano ne pod gionge gi ngima.
9 上主對我說：「你應向氣息講預言! 人子，應向氣息講預言說：吾主上主這樣說：氣息，你應由四方來，吹在這些被殺的人身上，使他們復活。」
Eka nowacho niya, “Kor wach ni yamo, in wuod dhano, kendo wachne ni, Ma e gima Jehova Nyasaye Manyalo Gik Moko Duto wacho: Kudhi kia e tunge angʼwen mag piny, kendo idonj kuom joma nosenegi mondo gidok mangima.”
10 我遵命一講了預言，氣息就進入他們內，他們遂復活了，並且站了起來；實在是一支龐大的軍隊。
Omiyo ne akoro kaka ne ochika, mi much ngima nodonjo kuomgi; kendo negidoko mangima; ma gichungʼ malo gi tiendgi, ka gin oganda lweny maduongʼ miwuoro!
11 上主對我說：「人子，這些骨頭就是以色列家族。他們常說：我們的骨頭乾枯了，絕望了，我們都完了!
Eka nowachona niya, “Wuod dhano, jo-Israel chalo gi chokegi. Giwacho ni, ‘Chokewa otwo kendo genowa orumo; osengʼad karwa oko.’
12 為此，你向他們講預言說：吾主上主這樣說：看，我要親自打開你們的墳墓；我的百姓，我要從你們的墳墓中把你們領出來，引你們進入以色列地域。
Emomiyo kor wach kendo iwachnegi ni: ‘Ma e gima Jehova Nyasaye Manyalo Gik Moko Duto wacho: Yaye un joga, abiro elo lieteu mi agolu oko kendo aduogu e piny Israel.
13 我的百姓! 當我打開你們的墳墓，把你們從墳墓內領出來的時候，你們便承認我是上主。
Eka un, ma un joga, unungʼe ni An e Jehova Nyasaye, ka anael lieteu mi agolu oko kuomgi.
14 我要把我的神注入你們內，使你們復活，叫你們安居在你們的地域內，那時，你們便要承認我，上主言出必行－吾主上主的斷語。」
Abiro keto Roho mara kuomu mi udok mangima, kendo abiro miyo udag e pinyu uwegi. Eka unungʼe ni an Jehova Nyasaye ema asewuoyo kendo asetimo kamano. Jehova Nyasaye ema owacho.’”
15 上主的話傳給我說：「
Wach Jehova Nyasaye nobirona kama:
16 人子，你拿一塊木頭，上面寫：『猶大和他的同族以色列子民。』再拿另一塊木頭，上面寫：『若瑟──厄弗辣因的木頭──和他的同族的以色列子民。』
“Wuod dhano, kaw bao moro mopa mondo indikie wechegi ni, ‘Mar jo-Juda gi dhout Israel mamoko mawinjore kode.’ Eka ikaw bao mopa machielo kendo indikie wechegi, ‘Mar Josef (ma en mar Efraim) kod dhout Israel mamoko duto mawinjore kode.’
17 以後，你把兩塊木頭連成一塊，在你手中成為一塊。
Riw bepe ariyogo obed bao achiel mondo gibed gimoro achiel e lweti.
18 若你民族的子民詢問你說：這是什麼意思，你不能告訴我們嗎﹖
“Ka jou openji ni, ‘Donge inyalo nyiswae tiend wachni?’
19 你要回答他們說：吾主上主這樣說：看，我要拿若瑟的──即在厄弗辣因手中的──和他的同族以色列支派的木頭，將它同猶大的木頭連結成為一塊木頭，在我手中只成為一塊。
To wachnegi ni, ‘Ma e gima Jehova Nyasaye Manyalo Gik Moko Duto wacho: Abiro kawo bap Josef, manie lwet Efraim, kod dhout Israel mamoko duto mawinjore kode, kendo abiro tude gi bap Juda, mi gidok bepe mopa achiel, kendo gibiro doko bepe mopa achiel e lweta.’
20 你應把在上面寫過字的兩塊木頭，拿在你手中，在他們面前，
Lier kete misendikogo e nyim wengegi
21 對他們說：吾主上主這樣說：看，我要把以色列子民從他們所到的異民中領出，把他們由各方聚集起來，引他們回到自己的地域；
kendo iwachnegi ni, ‘Ma e gima Jehova Nyasaye Manyalo Gik Moko Duto wacho: Abiro golo jo-Israel oko e dier ogendini kuonde ma gisedhiyoe. Abiro chokogi kagologi koni gi koni mi aduog-gi e pinygi giwegi.
22 我要使他們在那地和以色列山上成為一個民族，他們只有一位國王，不再是兩個民族，不再分為兩個國家；
Abiro miyo gibed oganda achiel e piny, ewi gode mag Israel. Ruoth achiel ema noritgi kargi duto, kendo ok ginichak gibed pinje ariyo, kata pinjeruodhi ariyo mopogore.
23 他們也不再為他們的偶像、怪物和各種邪惡所玷污；我要把他們由他們因背約所犯的各種罪過中救拔出來，淨化他們，成為我的民族，我作他們的天主。
Ok ginichak gidwanyre gi nyisechegi ma giloso gi kido mamono, kata gi timo gik makwero, nikech anawargi kuom richogi duto mag dok chien, kendo anapwodhgi. Ginibed joga, to anabed Nyasachgi.’
24 我的僕人達味要作他們的國王，他們全體只有一個牧人；他們要遵行我的法律，謹守我的誡命，且一一實行；
“‘Daudi jatichna nobed ruodhgi kendo giduto ginibed gi jakwath achiel. Gibiro luwo chikena kendo gibiro rito buchena ka gitangʼ.
25 他們要安居在我賜給我的僕人雅各伯，即他們的祖先所居住的地方；他們、他們的兒子，他們的子子孫孫直到永遠住在那裏；我的僕人達味永遠作他們的領袖。
Gibiro dak e piny mane amiyo jatichna ma Jakobo, ma en piny mane kwereu odakie. Gin kaachiel gi nyithindgi kod nyikwagi, gibiro dak kuno nyaka chiengʼ, kendo Daudi jatichna nobed ruodhgi nyaka chiengʼ.
26 我要同他們訂立和平的盟約，同他們訂立永遠的盟約；我要厚待他們，使他們昌盛，且在他們中立我的聖所，直到永遠。
Abiro timo singruok mar kwe kodgi, enobed singruok mochwere. Abiro gurogi motegno kendo abiro miyo kwan-gi medre, kendo abiro keto kara maler mar lemo e diergi nyaka chiengʼ.
27 我的住所也設在他們中間；我要作他們的天主，他們要作我的百姓。
Kar dakna nobed kodgi; anabed Nyasachgi, kendo ginibed joga.
28 當我的聖所永遠在他們中間時，異民便承認我是祝聖以色列的天主。」
Eka ogendini nongʼe ni an Jehova Nyasaye ema amiyo jo-Israel obedo maler ka kara maler mar lemo obedo e diergi nyaka chiengʼ.’”
