以西結書 19
1 你應為以色列的君王唱一篇哀歌，
Hiche thi lhahna la a hi Israel leng chapate dingin sah peh in.
2 說：「你的母親原像什麼﹖她像群獅中的一隻牝獅，臥在壯獅中養大了幼獅。
Nanu chu ipi ham? Keipi ho lah a keipi api chu ahi. Keipi lagol ho lah a luma chuleh anoute akivah ahi.
3 牠養大了一隻幼小的。牠就長成了壯獅，學會了撕裂獵物，吞噬人類。
Keipi chun anoute lah a khat chu avah khangin ahatdoh sahtai. Amapa chun sadel je leh anehje akihil in, chute chun mihem nen ahung pang tai.
4 列國於是下令追捕牠，牠遂在她們所設的陷阱中被捕，人便用鼻環把牠牽到埃及地。
Hichun namtin in amapa thu chu aja tauve. Chuleh amapa chu leiko hom thanga chun aman tauve. Amapa chu thihkol abupeh uvin Egypt gam langa akai tauve.
5 母獅見自己所等待的，所希望的落了空，就另取了一隻幼獅，使牠成為壯獅。
Keipi nun hichu amau phat amapa dinga amanu kinepna jouse chu abeitai. Amanun anou dang khat chu alan, keipi gol thahattah in avahdoh tai.
6 牠在群獅中徘徊，成了壯獅，學會了撕裂獵物，吞噬人類。
Keipi dangho lah a akithol lelen amaho lah a chun thahattah in ahung dingdoh tai. Amapa chun sadel je leh sahing nehje akithem chuh in chule ama jong mihem nen ahung paitai.
7 牠把裂物帶到自己的穴中，恐嚇羊群，那地方和居民對牠的吼聲，無不驚懼。
Aman khopi kulpi ho asusen, chuleh khopi neoho leh khopi lenho asumang in alou hou jong mi chen louna aso peh in chuleh achang hou jong asuhmang peh tai. Amahon ahung kisen ajah tengule agamsung leh amipiho kichat in akithing jiuve.
8 於是各國由四周各地追蹤牠，設下羅網捕捉牠，終於在她們的陷阱中被捕。
Hichun namtin vaipi a kon sepaihon ahin buluvin, akimvel jouse ah aum khum, a len u asekhumun chuleh len ho a chun aman tauve.
9 然後給牠帶上鼻環，把牠裝在籠中，將他解送到巴比倫王那裏，將牠囚禁在獄中，免得在以色列的山上再聽到牠的吼聲。
Thihkol pumin bom sunga akai lut un chuleh Babylon lengpa masangah ahin polut tauve. Songkul'ah ahen chah kheh uvin, hijeh chun Israel molsang ho chunga chun a Ogin akinung jah kit tapoi.
10 你的母親像園中的一棵葡萄樹，栽植在水旁，因為水多，果實纍纍，枝葉繁茂。
Nanu chu twi panga kiphut lengpigui tobang ahi. Twi thalhin set jeh a phoi keh dimsetna thingphung ado eng jing jenga ahi.
11 她生出一根粗壯的枝條，可作統治者的權杖，它的軀幹高大，超過其他的枝葉。因它身量高大，在密茂的枝葉中，也可以見到。
Abah ho jong ahung hatdoh tan, leng tenggol a pang thei ahitai. Adangho jouse sangin ahng sang doh tai. Sangtah in ahung dingdoh in chuleh abah tamtah ahin sepdoh e.
12 但是在狂怒中，它竟被拔出，拋棄在地上，東風吹乾了它的果實，它粗壯的枝幹被折斷而乾枯，為火所焚燒。
Ahinlah lengpigui chu lunghan jeh in akibot doh in tollah akiseplha tan ahi. Nelgam huijin agaho amutgo gamtan chuleh abah lhou tah tah ho jong chu akisat lhagam tai. Hijeh chun agoplha tan chuleh meiyin ahal mang tauve.
13 現今它被栽植在沙漠中，在那枯燥乾旱的地方。
Tun lengpigui chu gamthip lah a toltah leh tolgo lah a chun aphut chon tauvin ahi.
14 由枝梢上冒出一團火，焚燒了它的枝葉和果實，沒有給它留下一根粗壯的枝條，作統治者的權杖。」這是一篇哀歌，可為追悼之用。
Abah ho lah a kon chun mei ahung kong doh in, agaho akavam gam tai. Abah akamoh chengse chu vaihompa tenggol thei dingin jong ahatdoh jou tapoi. Hiche hi thi lhahna la ahin, chule thina a kimang ding ahi.”
