以斯帖記 4
1 摩爾德開一知道所發生的事，就撕裂了自己的衣服，披上苦衣，撒上灰土，走到京城中心，大聲哀號，
Tango Maridoshe ayokaki makambo nyonso oyo elekaki, apasolaki bilamba na ye; alataki saki, amipakolaki putulu mpe atambolaki kati na engumba na koganga makasi mpe na mawa.
2 一直走到御門前，因為身披苦衣的，不准進入御門。
Bongo akendeki kino na liboso ya ekuke ya ndako ya mokonzi; pamba te moto moko te, wana alati saki lokola elamba, azalaki na ndingisa ya kokota na ekuke ya mokonzi.
3 此時在各省裏，凡是諭文與敕令傳到的地方，猶太人都哀號、禁食、哭泣、悲痛；許多人且身穿苦衣，躺在灰土中。
Kati na bituka nyonso epai wapi mitindo mpe mobeko ya mokonzi ezalaki kokoma, matanga monene ezalaki kati na Bayuda: bazalaki kokila bilei, kolela mpe koganga ya mawa; ebele bazalaki komitanda na basaki mpe na putulu.
4 艾斯德爾的宮女和太監跑來報告給她，王后得悉，萬分悲傷，立即送衣服去，叫摩爾德開穿上，脫下苦衣；但是他沒有接受。
Tango basi bawumbu ya Ester, mwasi ya Mokonzi, mpe basoda na ye, oyo baboma bango mokongo, bayebisaki Ester makambo oyo Maridoshe asalaki, Ester amitungisaki makasi. Atindelaki Maridoshe bilamba mpo ete alata yango mpe alongola basaki oyo alataki, kasi Maridoshe aboyaki.
5 艾斯德爾就叫王派來侍候她的太監哈塔客來，吩咐他去見摩爾德開，探聽一下發生了何事，為何如此。
Ester abengisaki Ataki, moko kati na bakalaka ya lokumu, oyo baboma mokongo mpe mokonzi aponaki mpo na kosalela Ester; atindaki ye mpo na koyeba likambo oyo ezali kotungisa Maridoshe mpe tina nini azali komitungisa.
6 哈塔客遂走到御門前的廣場，去見摩爾德開。
Boye Ataki akendeki epai ya Maridoshe na etando ya engumba, epai wapi bato ebele bakutanaka, liboso ya ekuke ya ndako ya mokonzi.
7 摩爾德開便將所遭遇的事，也將哈曼為消滅猶太人給王庫捐獻的銀錢，都詳細告訴了他，
Maridoshe ayebisaki ye makambo nyonso oyo ekomelaki ye, ata motuya ya mbongo oyo Amani alakaki kopesa na libenga ya bomengo ya mokonzi mpo ete baboma Bayuda.
8 並且把在穌撒已公佈的滅絕猶太人的一分諭文交給他，轉呈艾斯德爾披閱，並請她快去懇求君王為自己的民族求情，且叫他向艾斯德爾說：「請你回憶你孤苦零丁的時候，怎樣在我手下長大成人。如今一人之下的哈曼已求准要處死我們。請你呼求上主，並為我們向君王求情，救我們不死! 」
Maridoshe apesaki lisusu Ataki mokanda ya mobeko oyo mokonzi abimisaki, mpo ete ye Ataki alakisa yango epai ya Ester, alimbolela ye yango mpe akomisa epai ya Ester mitindo na ye ete Ester akende epai ya mokonzi mpo na kotungisa ye mpe kobondela mawa ya mokonzi mpo na bato na ye Ester; pamba te mokonzi asili kobimisa mobeko ya koboma Bayuda mpe sango na yango esili kopanzana kati na engumba Size.
9 哈塔客回來，將摩爾德開的話回報給艾斯德爾。
Tango Ataki azongaki mpe ayebisaki Ester makambo oyo Maridoshe alobaki,
10 艾斯德爾吩咐哈塔客去回覆摩爾德開說：「
Ester atindaki lisusu Ataki koloba na Maridoshe:
11 王所有的公卿與各省的百姓都知道，任何人不論男女，未奉召見，而擅入內庭往謁君王的，除非君王向他伸出金杖賜他生存，一律應依法處死。況且我已三十天未蒙召親近君王了。」
— Bakalaka nyonso ya mokonzi mpe bato ya bituka nyonso ya mokili ya mokonzi bayebi ete, kolanda mobeko, moto nyonso, azala mobali to mwasi, oyo akoti na lopango ya kati ya ndako ya mokonzi asengeli na kufa soki mokonzi abengisi ye te; mpe mobeko yango ezali kaka moko mpo na bato nyonso. Nzokande soki mokonzi asemboli epai ya moto yango lingenda ya wolo ya bokonzi na ye, akotikala na bomoi. Ngai sik’oyo, eleki mikolo tuku misato wuta babenga ngai mpo na kokende epai ya mokonzi; wuta mikolo wana, babenga ngai lisusu te.
12 哈塔客將艾斯德爾的話轉告給摩爾德開。
Tango bayebisaki Maridoshe makambo oyo Ester alobaki,
13 摩爾德開叫他回覆艾斯德爾說：「不要心想，一個猶太人在王宮裏就可保全性命!
Maridoshe azongiselaki Ester: — Kokanisa te ete lokola ozali kati na ndako ya mokonzi, yo moko kaka nde okobika kati na Bayuda nyonso.
14 決不會。在這生死關頭，你若緘默不言，猶太人也必會從別處得到救援和援助。但是，在這光景下，你和你的家族必遭滅亡。誰知你之所以得涉足朝廷，不正是為了挽救現在的危機呢! 」
Pamba te soki yo okangi monoko na yo mpe olobi eloko moko te na tango oyo, lisungi mpe lobiko mpo na Bayuda ekowuta na esika mosusu; kasi yo mpe libota ya botata na yo, bokokufa. Kutu, nani ayebi soki tango mosusu ezali mpo na makambo ya boye nde okomaki na ndako ya mokonzi?
15 艾斯德爾令人轉告摩爾德開說：「
Ester atindelaki Maridoshe eyano oyo:
16 去召集一切住在穌撒的猶太人，為我禁食，三天三夜不吃不喝。同時，我與我的宮女，也同樣禁食；此後，我就越規去見君王，即便我死，死也情願! 」
— Kende kosangisa Bayuda nyonso oyo bazali na engumba Size. Bokila bilei mikolo misato mpo na ngai; butu mpe moyi, bolia mpe bomela eloko te. Ngai mpe nakokila bilei elongo na basi bawumbu na ngai ndenge moko na bino. Sima na yango kaka nde nakokende epai ya mokonzi atako nakobuka mobeko. Soki mpe nakokufa, nakufa kaka!
17 於是摩爾德開走了，進行艾斯德爾所吩咐他的一切事。
Maridoshe akendeki mpe asalaki makambo nyonso oyo Ester atindaki ye.
