傳道書 11

1 把你的糧食拋到水面，多日後你必有所獲。

Phosela isinkwa sakho phezu kwamanzi, ngoba ngemva kwensuku ezinengi uzasifumana futhi.

2 將你的家產分作七分八分，因為你不知道世上要發生什麼災禍。

Yabela abayisikhombisa, yebo abayisificaminwembili, ngoba kawuwazi umonakalo ongehlela elizweni.

3 雲一滿了，雨就傾住於地。樹倒向南或倒向北，一倒在那裏，就躺在那裏。

Nxa amayezi ethwele, anisa izulu emhlabathini. Aluba isihlahla singawela eningizimu loba enhla, silala khonapho esiwele khona.

4 觀察風向的，必不撒種；研究雲象的，必不收割，

Lowo onanzelela umoya kayikuhlanyela; lowo okhangela amayezi akazukuvuna.

5 就如你不知道生氣如何進入孕婦胎中的骨骼裏，同樣你也不知道天主所創造的一切化工。

Njengoba ungayazi indlela yomoya, loba ukubunjwa komzimba esiswini sikanina, yikho ungeke uzwisise umsebenzi kaNkulunkulu, uMenzi wezinto zonke.

6 你早上撒種，晚上也不要住手，因為你不知道：是早上撒的，或是晚上撒的長的好，或是兩種都同樣好。

Hlanyela inhlanyelo yakho ekuseni, kuthi ntambama uphumuze izandla zakho, ngoba kawukwazi okuzaphumelela, kumbe yilokhu loba yilokhuyana, langabe kokubili kuzalunga ngokufananayo.

7 光明實在可愛，看見太陽實在令眼舒暢。

Ukukhanya kumnandi, njalo kuhle emehlweni ukubona ilanga.

8 人無論活了多大年紀，儘可享受各種福樂；但他應想到黑暗的日子還多，所發生的事，盡屬虛幻。

Umuntu angaze aphile iminyaka emingaki, kayikholise yonke. Kodwa makakhumbule insuku zobumnyama, ngoba zizabe zizinengi. Konke okuzakuza kuyize.

9 少年人，在你青春時應歡樂；在你少壯的時日，應心神愉快；隨你心所欲，你眼所悅的去行，但應知道：天主必要就你所行的一切審判你。

Jabula nsizwa usesemutsha, uvumele inhliziyo yakho ikuthokozise ensukwini zobutsha bakho. Landela izindlela zenhliziyo yakho lakho konke amehlo akho akubonayo, kodwa yazi ukuthi ngenxa yazo zonke lezizinto uNkulunkulu uzakumisa ekwahlulelweni.

10 掃除你心中的煩惱，驅除你身上的痛苦，因為青春和少年都是虛幻。

Ngakho-ke, susa ukukhathazeka enhliziyweni yakho ulahlele kude inhlupheko zomzimba wakho, ngoba ubutsha lamadlabuzane kuyize.