申命記 3
1 然後我們轉向巴商進發；巴商王敖格和他所有的民眾出來攻擊我們，在厄德勒與我們交戰。
Nĩtwacookire tũkĩgarũrũka na tũkĩambata na njĩra tũrorete Bashani, nake Ogu mũthamaki wa Bashani akiumagara na mbũtũ ciake ciothe cia ita oke ahũũrane na ithuĩ kũu Edirei.
2 上主對我說：「你不要怕他，因為我已將他、他所有的民眾和土地都交在你手中；你對待他，應如對待住在赫市朋的阿摩黎人王息紅一樣。」
Nake Jehova akĩnjĩĩra atĩrĩ, “Ndũkamwĩtigĩre, nĩ ũndũ nĩndĩmũneanĩte hamwe na mbũtũ ciake ciothe cia ita na bũrũri wake moko-inĩ maku. Mwĩke o ũrĩa wekire Sihoni mũthamaki wa Aamori, ũrĩa waathanaga Heshiboni.”
3 上主我們的天主也將巴商王敖格，和他所有的民眾交在我們的手中；我們擊殺了他，一個也沒有給他留下。
Nĩ ũndũ ũcio Jehova Ngai witũ akĩneana Ogu mũthamaki wa Bashani moko-inĩ maitũ na mbũtũ yake yothe. Tũkĩmooraga na tũtiatigirie mũndũ o na ũmwe.
4 同時我們佔領了他所有的城邑，沒有一座城不為我們所佔領；巴商王敖格的國土，阿爾哥布全地區共有六十座城邑，
Ihinda-inĩ rĩu tũkĩmatunya matũũra mao mothe. Gũtirĩ itũũra o na rĩmwe rĩa matũũra mao mĩrongo ĩtandatũ tũtaamatunyire, marĩa maarĩ bũrũri-inĩ ũcio wothe wa Arigobu, ũthamaki-inĩ wa Ogu kũu Bashani.
5 都是些具有高闊的城牆，安門置閂，設防的城邑；此外尚有很多無圍牆的村莊。
Matũũra macio mothe maarĩ mairigĩre na hinya, na thingo ndaaya na igũrũ, na ihingo ciarĩ na mĩgĩĩko, na ningĩ no kwarĩ tũtũũra tũingĩ tũtaarĩ tũirigĩre.
6 我們照毀滅律毀滅了這些城邑，有如對赫市朋王息紅所做的一樣，殺盡了各城中的男女和幼童，
Nĩtwamanangire biũ, o ta ũrĩa twekĩte Sihoni mũthamaki wa Heshiboni, tũkĩananga matũũra mothe manene, o na tũkĩniina arũme na andũ-a-nja o na ciana.
7 只留下了牲畜和由佔領的城中所奪的財物，作我們的戰利品。
No mahiũ mothe na indo iria twatahire kuuma matũũra macio mao manene nĩtwacioire tũgĩthiĩ nacio.
8 這樣，我們在那時，由這兩個阿摩黎人王的手中，奪得了約但河東岸的土地，自阿爾農河直到赫爾孟山。 [
Nĩ ũndũ ũcio ihinda-inĩ rĩu nĩtwatunyanire bũrũri ũrĩa warĩ irathĩro rĩa Rũũĩ rwa Jorodani, kuuma kũrĩ athamaki acio eerĩ a Aamori, naguo uumĩte kĩanda kĩa Arinoni nginya kĩrĩma-inĩ kĩa Herimoni.
9 漆冬人稱赫爾孟為息爾翁；阿摩黎人則稱之為色尼爾。]
(Kĩrĩma kĩa Herimoni gĩĩtagwo Sirioni nĩ Asidoni; nao Aamori magĩĩtaga Seniru.)
10 即奪得了高原上所有的城邑，全基肋阿得和全巴商，直到撒耳加和厄德勒：這都是巴商王敖格國土內的城邑。 [
Nĩtwatahire matũũra mothe marĩa maarĩ kũndũ kwaraganu, na Gileadi guothe, na Bashani guothe, o nginya Saleka na Edirei, matũũra ma kũrĩa Ogu aathanaga kũu Bashani.
11 巴商王敖格是勒法因人遺族中僅存的人物；他的床是鐵做的，以人肘為度，長九肘，寬四肘，尚存在阿孟子民的辣巴城裏。]
(No Ogu mũthamaki wa Bashani wiki watigarire harĩ matigari ma Arefai. Gĩtanda gĩake kĩarĩ gĩa cuuma, na kĩarĩ na ũraihu wa makĩria ma buti ikũmi na ithatũ, na wariĩ wa buti ithathatũ. Gĩtanda kĩu kĩrĩ o kũu Raba kwa Aamoni.)
12 我由我們那時所佔領的土地中，將阿爾農河邊的阿洛厄爾以北的地方，基肋阿得山地的一半和境內的城邑，給了勒烏本人和加得人；
Naguo bũrũri ũrĩa twatunyanire hĩndĩ ĩyo-rĩ, nĩndagaĩire andũ a Rubeni na a Gadi bũrũri ũrĩa warĩ gathigathini wa Aroeri kũnyiitana na kĩanda kĩa Arinoni, hamwe na nuthu ya bũrũri ũrĩa ũrĩ irĩma wa Gileadi, o hamwe na matũũra makuo.
13 基肋阿得其餘的地方和全巴商，即敖格的國土給了默納協半個支派。 [人稱阿爾哥布全地區，即全巴商，為「勒法因人地。」
Nakuo kũrĩa kũngĩ guothe gwatigaire kũu Gileadi o na Bashani guothe, kũrĩa Ogu aathanaga, ngĩkũhe nuthu ya mũhĩrĩga wa Manase. (Bũrũri wothe wa Arigobu kũu Bashani hĩndĩ ĩmwe wetagwo bũrũri wa Arefai.
14 默納協的兒子雅依爾，佔領了阿爾哥布地區，直到革叔爾人和瑪阿加人的邊界，遂按自己的名字稱那地為「哈沃特雅依爾，」直到今日。]
Jairu, wa rũciaro rwa Manase, nĩegwatĩire bũrũri wothe wa Arigobu o nginya mũhaka-inĩ wa Ageshuru na Amaakathi; nakuo gũgĩĩtanio nake, nĩ ũndũ ũcio Bashani gwĩtagwo Havothu-Jairu o nginya ũmũthĩ.)
15 我又將基肋阿得給了瑪基爾。
Na nĩndaheanire Gileadi kũrĩ Makiru.
16 由基肋阿得到阿爾農河，以河中心為邊界，直到雅波克河，即阿孟人的邊界，我將那一帶地方給了勒烏本人和加得人；
No andũ a Rubeni na a Gadi ndaamaheire bũrũri ũrĩa uumĩte Gileadi ũgaikũrũka nginya kĩanda kĩa Arinoni (mũhaka warĩ gatagatĩ ga kĩanda kĩu), ũgacooka ũgakinya rũũĩ-inĩ rwa Jaboku, arĩ ruo mũhaka wa Aamoni.
17 還有阿辣巴荒野，以約但河為界，從基乃勒特直到阿辣巴海，即直到東面靠近丕斯加山坡的鹽海一帶地方。
Mũhaka wakuo wa mwena wa ithũĩro warĩ Rũũĩ rwa Jorodani kũu Araba, kuuma Kinerethu nginya Iria-inĩ rĩa Araba (nĩrĩo Iria rĩa Cumbĩ), mũhuro wa iharũrũka cia Pisiga.
18 那時我吩咐你們說：「上主你們的天主，將這地賜給了你們作產業，但你們所有戰士，應武裝起來，走在你們兄弟以色列子民前面，
Hĩndĩ ĩyo nĩndamwathire ngĩmwĩra atĩrĩ, “Jehova Ngai wanyu nĩamũheete bũrũri ũyũ mũwĩgwatĩre. No andũ anyu arĩa marĩ na hinya, arĩa meeohete indo cia mbaara, no nginya maringe mũrĩmo ũrĩa ũngĩ mbere ya andũ a Isiraeli ariũ a ithe wanyu.
19 只有你們的婦孺和牲畜，──我知道你們有很多牲畜－可留在我給你們的城內，
No rĩrĩ, atumia anyu, na ciana cianyu, o na ũhiũ wanyu (nĩnjũũĩ nĩ mũrĩ na ũhiũ mũingĩ) no maikare matũũra-inĩ marĩa ndĩmũheete,
20 直到上主使你們的兄弟如你們一樣有了安身之處，等他們也佔領了，上主你們的天主賜給他們的約但河西的地方，那時你們各人才可回到我給你們為產業的地方。
nginya rĩrĩa Jehova akaahe ariũ a thoguo ũhurũko ta ũrĩa amũheete inyuĩ, nao makorwo meyoeire bũrũri ũrĩa Jehova Ngai wanyu ekũmahe, mũrĩmo ũrĩa ũngĩ wa Rũũĩ rwa Jorodani. Thuutha ũcio-rĩ, o mũndũ wanyu no acooke handũ harĩa ndĩmũheete mwĩgwatĩre hatuĩke hanyu.”
21 同時我也吩咐若蘇厄說：你親眼看見了，上主你們的天主對這兩個國王所做的一切；上主必同樣對待你要過河去攻擊的一切王國。
Ningĩ ngĩatha Joshua ngĩmwĩra atĩrĩ: “Nĩwĩoneire na maitho maku ũrĩa wothe Jehova Ngai wanyu ekĩte athamaki acio eerĩ. Ũguo noguo Jehova ageeka mothamaki marĩa mothe marĩ kũndũ kũu mũrathiĩ.
22 不要怕他們，因為上主你們的天主要替你們作戰。」
Ndũkanametigĩre; Jehova Ngai wanyu nĩwe ũrĩmũrũagĩrĩra.”
23 那時我哀求天主說：「
Hĩndĩ ĩyo nĩndathaithire Jehova ngĩmwĩra atĩrĩ:
24 我主，上主! 你已開始向你的僕人顯示你的偉大和你有力的手臂，天上地下有那個神能作你所作的工作，行你所行的奇事﹖
“We Mwathani Jehova, nĩwambĩrĩirie kuonia ndungata yaku ũnene waku na hinya wa guoko gwaku. Nĩ ũndũ-rĩ, nĩ ngai ĩrĩkũ igũrũ kana thĩ ĩngĩĩka ciĩko cia hinya ta iria wee wĩkaga?
25 求你讓我過去，得見約但河西的肥美土地，那壯麗的山嶺和黎巴嫩。」
Reke ninge kũndũ kũu mũrĩmo wa Rũũĩ rwa Jorodani ngeyonere bũrũri mwega, bũrũri ũcio mwega ũrĩ irĩma o na bũrũri wa Lebanoni.”
26 但是上主為了你們的緣故對我發怒，沒有俯聽我，且對我說，「罷了! 不要對我再提這事。
No nĩ ũndũ wanyu-rĩ, Jehova nĩandakarĩire na ndangĩathikĩrĩirie. Jehova akiuga atĩrĩ, “Reke ũhoro ũcio ũkinye hau, ndũkanjarĩrie rĩngĩ ũndũ wĩgiĩ ũhoro ũcio.
27 你上丕斯加山頂去，舉目向東西南北，好好觀看，因為你不能過這約但河。
Ambata gacũmbĩrĩ ga kĩrĩma kĩa Pisiga wĩrorere mwena wa ithũĩro, na wa gathigathini, na wa gũthini, o na wa irathĩro. Wĩrorere bũrũri ũcio na maitho maku, nĩ ũndũ ndũkũringa rũũĩ rũrũ rwa Jorodani.
28 你應訓示若蘇厄，堅固他，鼓勵他，因為他要率領這百姓過去，給他們分配你所觀看的地方。」
No rĩrĩ, taara Joshua, na ũmũũmĩrĩrie, na ũmwĩkĩre hinya, nĩgũkorwo nĩwe ũgaatongoria andũ aya maringe mathiĩ mũrĩmo ũrĩa ũngĩ, na atũme magae bũrũri ũcio ũkuona.”
29 那時我們住在貝特培敖爾對面的山谷中。
Nĩ ũndũ ũcio tũgĩikara kũu gĩtuamba-inĩ hakuhĩ na Bethi-Peori.
