申命記 14
1 你們是上主你們天主的兒女。你們不應為死者割傷自己，不應將頭頂剃光，
Hagi Israeli vahe'motma tamagra Ra Anumzana tamagri Anumzamofo mofavre mani'nazagu, fri'nesia vahetera tamasunkura hutma tamavufgane tamasenireti tinke tamazoka'enena taga osiho.
2 因為你是屬於上主你天主的聖潔人民，上主由地上的萬民中，特選了你做他自己的人民。
Na'ankure Ra Anumzana tamagri Anumzamo'a ama mopafi vahepintira tamazeri ruotge huno, Agri vahe manisaze huno higeta maka ama mopafima mani'naza vahepintira tamagra Agri ruotge vahe mani'naze.
3 凡是可憎惡之物，你不可吃。
Kefoza huno agruma osu'nesia zagagafa oneho.
4 你們可吃的走獸如下：牛、綿羊、山羊、
Hagi ama'na zagagafa negahaze, bulimakaoma, sipisipima, memema,
5 鹿、羚羊、黈鹿、野山羊、臆羚、野牛和野羊。
diama, gazelima, robakie nehaza diama, afi' memema, ibeksie nehaza afu'ene diagna afuku antiropue nehaza afu'ene agonafima nemania sipisipi afu'enena amne negahaze.
6 走獸中，凡有偶蹄分趾而又反芻的走獸，你們都可以吃。
Hagi agigomo'ma tarefima hatna hu'nesigeno, ne'zama azanku'afinti'ma revrino nenesia zagagafane, amne negahaze.
7 但是在反芻或有偶蹄分趾的走獸中，你們不可吃的：有駱駝、兔子或岩狸，因為牠們雖反芻，蹄卻不分趾，對你們仍是不潔的。
Hianagi agigomo tarefi hatna hu'nesigeno azanku'afinti revrino'ma nonesia zaga, ete azanku'afinti revrino nenesia zagama agigomo hatna osu'nesiana onetfa hiho. Hagi kemorine, rebitine, havefima nemania varenena onetfa hiho. Na'ankure zamagra azanku'zmia huzamante nege'za revriza nenazanagi, tarefina zamagigomo'za hatnara osu'neanki'za agrua osu'naze.
8 至於豬，雖有偶蹄，卻不反芻，對你們也是不潔的；你們不可吃這些走獸的肉，也不可摸牠們的屍體。
Hagi afura magore hutma oneho, na'ankure zamagigomo'a tarefi atne'neanagi, azanku'a huonte'neankino agrua osu'ne. Avufga'a onetfa nehutma, fri'nesia afu'mofo avufgarera avakora osiho!
9 水族中你們可吃的如下：凡有鰭有鱗的，都可以吃；
Hagi timpima nemanisia zagaramimpintira, iri'ama meno, agekona'ama me'nesia zagaramina amne negahaze.
10 凡無鰭無鱗的，都不可吃；這一切對你們都是不潔的。
Hianagi iri'ane ageko'nanema omne'nesia zagaramina agru osu'neanki, onetfa hiho.
11 凡是潔淨的飛禽，都可以吃。
Agruma hu'nea namaramina amne negahaze.
12 飛禽中不可吃的：有鷹、鶚、禿鷲、
Hianagi agru osu namaramima onesazana, kazintumpaki, frizagama nenea tumpanki, osa tumpanki,
13 鳶隼、鵰類，
kenage'ma hare'za vanoma nehaza maka namaraminki,
14 凡烏鴉之類，
haninke namaramima ra zamageru'ma neraza nama zagagi,
15 駝鳥、夜鷹、海鷗，凡蒼鷹之類，
mananinkna za'za arenane nama zagagi, rankrafama nehia komutonki, hagerinkenafi nemaniza efeke namazagagi, hagerinkena tumpanki,
16 小梟、鴟梟、梟、白鷺、
neonse'ene ranra komutone, efeke maniravene,
17 塘鵝、鴇、鸕鶿、
hagerimpinti'ma nozamema aheno nenea ra agi'ene nama zagagi, hagerimpi hareno vano nehia tumpaki, hagerimpi ruga'a tumparaminki,
18 鸛鷺類、戴勝和蝙蝠。
za'za agia hunte namane, afi patone, tamprataminena oneho.
19 凡有翅的昆蟲，對你們都是不潔的，都不可吃。
Hagi zamageko'na me'nesia neonse zagaramina zamasaguregati'ma regrarohe'za vanoma nehaza zaga maka oneho.
20 凡潔淨的飛禽，都可以吃。
Hianagi agruma hu'nesia namaramina maka amne negahaze.
21 凡自死的動物，你們不可吃，卻可送給在你城內的外方人吃，或賣給外邦人，因為你是屬於上主你天主的聖潔人民。不可煮羊羔在其母奶之中。
Hagi agra'ama fri'nesia zagaramina oneho. Hianagi tamagranema emani vahera amne zamige, ru vahetera zagorera zamige hugahaze. Na'ankure tamagra Ra Anumzana tamagri Anumzamofo ruotge vahe'a mani'naze. Hagi meme anentara nerera amirimpina onkregahaze.
22 你每年在田地內播種所得的出產，應繳納十分之一。
Mika kafune kafunema hozatamifinti'ma hamare'naza ne'zana, 10ni'a kevufintira refko hutma mago kevua Anumzamofo amigahaze.
23 你應在上主選定為立自己名號的地方，於上主你的天主面前，吃那五穀、酒、油的十分之一，及你的頭胎牛羊，好使你能學習著常敬畏上主你的天主。
Hagi anama refkoma hanaza kevua, Anumzamo'ma mono hunantegahazema huno hu'ne'nia kumateke eritma egahaze. E'ina kevuma erita esaza witima, wainima, olivi masavema ese'ma kasentesia bulimakaone, sipisipi anenta'ene, avretma eta Ra Anumzana tamagri Anumzamofo avuga Agrama huhamprinte'nea kumapi, ana ne'zana neneta koro'ma hunteno agorga'ama hakaregnama manizana rempi hugahaze.
24 如果為你路途太遠，你不能把十分之一之物運去，因為上主你的天主選定為立自己名號的地方離你太遠，那麼若上主你的天主祝福了你，
Hagi Ra Anumzamo'ma mono hunanteho huno hunte'ne'nia kuma'ma afete'ma me'nena, Ra Anumzana tamagri Anumzamo'ma asomu huramante'nigeno, 10ni'a kevuma hanifinti'ma mago kevuma refakoma hanaza zamo'ma rama'a hina erita vuga'ma osanutma,
25 你可以把物品換成銀錢，手中帶著銀錢，往上主你的天主所選的地方，
ana zantamina zagore atrenkeno mizasesagetma, ana zagoa eritma Ra Anumzamo'ma mono hunanteho huno'ma hu'ne'nia kumate vugahaze.
26 在那裏可隨意用銀錢買牛羊、清酒和濃酒，以及你願意要的，在上主你的天主面前吃喝，與你的家屬一同歡樂；
Hagi mono hunanteho huno'ma hu'ne'nia kumate'ma ana zagoma eritma uhanati'nutma, ana kumapima zagore'ma atre'nesaza bulimakaono, sipisipi afuro, wainio, akatinena tamagra tamavesite mizasetma maka nagataminena Ra Anumzamofo avuga kreta neneta musena hugahaze.
27 但在你城內的肋未人，你不可忘記，因為他在你中間沒有分得產業。
Anama nehanutma tamagranema mani'naza Livae nagara mopazimia omneno nozamine mago'a zazmia omne'negu, tamagera akani ozmanteho.
28 每過三年，你應取出全部出產的十分之一，儲藏在你城鎮內，
Hagi maka namba 3 kafumofo atumparega ana kafufima 10ni'a kevuma eritruma hanaza zana maka eritma eta tavaontamire'ma me'nenia rankumate emeritru hugahaze.
29 那沒有與你分得產業的肋未人，和在你城鎮內的外方人、孤兒、寡婦都可來吃喝，得享飽飫，好叫上主你的天主，在你所做的一切事業上祝福你。
Hagi Livae naga'ra mopazmi omne nagaki, kraga vahe'tmima tamagranema nemanisaza vaheki, megusa mofavreraminki, kento a'nema kumatamifima nemanisamo'za emeri atru hu'za ana ne'zana nezamamu hanageno, Ra Anumzana tamagri Anumzamo'a maka eri'zama erisaza zana asomu huramantegahie.
