申命記 11
1 你應愛上主你的天主，天天遵守他的訓令、法律、規則和誡命。
Monnɔ Awurade mo Nyankopɔn na munni nʼapɛde, ne mmara ne nʼahyɛde so bere nyinaa.
2 今天你們應知道：你們的子孫並沒有見過，也沒有經歷過上主你們天主的懲戒、偉大強力的手和伸展的臂，
Nnɛ, muntie, sɛ ɛnyɛ mo mma na wonyaa osuahu, huu Awurade, mo Nyankopɔn no nteɛso, ne tumi, ne basa kɛse, ne nsa a wateɛ mu;
3 以及他在埃及對埃及王法郎及其全國所行的神蹟和奇事；
nsɛnkyerɛnne a ɔyɛe ne nneɛma a ɔyɛɛ wɔ Misraim pɛɛ maa bi kaa Misraimhene Farao ne ɔman mu no nyinaa no;
4 他如何對待了埃及的軍隊、戰馬和車輛；當他們追趕你們時，上主怎樣使紅海的水淹沒了他們，將他們消滅，直到今日；
dwuma a odii Misraim asraafo, wɔn apɔnkɔ ne wɔn nteaseɛnam no; sɛnea ɔmaa Po Kɔkɔɔ yiri faa wɔn bere a wɔtaa mo no ne sɛnea Awurade sɛee wɔn bere a wɔtaa mo no; ne sɛnea Awurade de ɔsɛe a to ntwa baa wɔn so no.
5 並且在曠野裏給你們作了什麼，直到你們來到此地；
Ɛnyɛ mo mma na wohuu nea ɔyɛ maa mo wɔ sare so hɔ de kosii sɛ mubeduu ha yi;
6 他怎樣對待了勒烏本的後裔厄里雅布的兒子達堂和阿彼蘭，地怎樣裂開了口，在全以色列中間吞沒了他們同他們的眷屬，帳棚以及屬他們的一切；
ne nea ɔde yɛɛ Eliab a na ɔyɛ Rubenni no mma Datan ne Abiram bere a ɔmma asase buee nʼanom wɔ mo Israelfo no anim menee wɔn ne wɔn afi ne wɔn ntamadan ne biribiara a na ɛyɛ wɔn agyapade a nkwa wɔ mu no.
7 而且你們親眼見過上主所做的一切偉大作為。
Mmom, ɛyɛ mo ankasa mo ani na mode ahu saa nneɛma akɛse a Awurade ayɛ yi nyinaa.
8 所以你們應該遵守我今日吩咐你們的一切誡命，好能有力量去佔領你們過河要去佔領的地方，
Enti munni mmara a merehyɛ mo nnɛ yi nyinaa so sɛnea ɛbɛyɛ a mubenya ahoɔden akɔfa asase a morebetwa Yordan akɔ so akɔfa yi,
9 並在上主向你們祖先誓許要給他們和他們後裔的地方，即流奶流蜜的地方，得享長壽。
na mo nna aware asase a nufusu ne ɛwo sen wɔ so a Awurade kaa ntam kyerɛɛ mo agyanom sɛ ɔde bɛma wɔn ne wɔn asefo no so.
10 因為你要去佔領的地方，不像你們出來的埃及地，在那裏你撒了種，還要用腳灌溉，像灌溉菜園一樣；
Asase a morekɔ so akɔfa no nte sɛ Misraim asase a mufi so bae no a na mudua nnɔbae a mode mo nan twa suka te sɛnea moyɛ atomude turo no.
11 但你們過河去佔領的地方，卻是一個有山有谷，有天上的雨水所滋潤的地方，
Na asase a moretwa Yordan akɔfa no yɛ mmepɔw ne abon a enya osu a efi ɔsoro.
12 是上主你的天主自己照管的地方，是上主你的天主，自年首至年尾，時常注目眷視的地方。
Ɛyɛ asase a Awurade, mo Nyankopɔn no, ani wɔ ho. Daa Awurade, mo Nyankopɔn, ani wɔ so fi afe no mfiase de kosi nʼawie.
13 如果你們真聽從我今日吩咐你們的誡命，愛上主你們的天主，全心全靈事奉他，
Sɛ mufi nokwaredi mu di mmara a merehyɛ ama mo nnɛ yi so sɛ mode mo koma ne mo kra nyinaa bɛdɔ Awurade, mo Nyankopɔn no, na moasom no a,
14 他必按時給你們的土地降下時雨，秋雨和春雨；必使你豐收五穀、新酒和新油；
ɛno de, ɔbɛtɔ osu agu no asase so ne bere mu ama mo, na moatumi atwa mo awi, nsa foforo ne ngo.
15 也必使田野給你的牲畜生出青草；如此你必能吃飽。
Ɔbɛma mo sare pii na mo anantwi awe na mo nso mubedidi amee.
16 你們應謹慎，免得你們的心受迷惑，離棄正道，去事奉敬拜其他的神，
Monhwɛ yiye, anyɛ saa a wɔbɛtwetwe mo ama moakɔsom anyame afoforo na moakotow wɔn.
17 叫上主對你們發怒，使蒼天封閉，雨不下降，地不生產，你們必由上主賜給你們的肥美土地上迅速滅亡。
Ɛno na ɛbɛma Awurade abufuw ahuru atia mo; na ɔbɛto ɔsoro mu, na osu rentɔ, na asase remmɔ aduan biara, na ɛrenkyɛ na moawuwu afi asase a Awurade de rema mo no so.
18 你們應將我這些話銘刻在你們的心靈上，繫在你們的手上，當作標記；懸在你們的額上，當作徽號。
Enti momma me nsɛm yi ntim wɔ mo koma ne mo adwene mu. Momfa nkyekyere mo nsa sɛ nkae ade na momfa mmɔ abotiri.
19 應將這些話教給你們的子孫，不論住在家裏，或在路上行走，或臥或立，不斷地講述；
Monkyerɛkyerɛ mo mma na monka ho asɛm nkyerɛ wɔn bere a mote fie ne bere a monam akwan so; bere a modeda hɔ ne bere a mosɔre.
20 還應刻在你房屋的門框和門扇上，
Monkyerɛw ngu mo afi apongua ne mo abobow ano apon so,
21 好使你們和你們子孫的歲月，在上主誓許給你們祖先的土地上，如天覆地之久長。
sɛnea ɛbɛyɛ a, ɔsoro da so kata asase ani yi, mo ne mo mma nkwa bɛware wɔ asase a Awurade kaa ho ntam sɛ ɔde bɛma mo agyanom no so.
22 如果你們謹慎遵守我吩咐你們遵行的這一切誡命，愛上主你們的天主，履行他的一切道路．一心依賴他，
Sɛ mudi ahyɛde ahorow a mede rema mo sɛ munni so; sɛ monnɔ Awurade, mo Nyankopɔn, nyɛ osetie mma no na munni no ni, yi so pɛpɛɛpɛ a,
23 上主必由你們面前將這一切民族驅逐，使你們能征服比你們更強大的民族。
ɛno de, Awurade bɛpam saa aman yi nyinaa wɔ mo anim, na mubetu aman a ɛsoso na wɔyɛ den sen mo no agu.
24 凡你們的腳掌所踏之地，都必成為你們的；由曠野直到黎巴嫩，由大河，即幼發拉的河直到西海，是你們的疆界。
Baabiara a mode mo anan betia no bɛyɛ mo de. Mo ahye bɛtrɛw afi sare so akosi Lebanon, na afi Asubɔnten Eufrate akosi Ntam Po no.
25 沒有人能對抗你們，上主你們的天主必照他對你們所許的，將害怕和畏懼你們的心情，散佈在你們所要踏進的地面。
Obiara rentumi nsɔre ntia mo, efisɛ sɛnea Awurade, mo Nyankopɔn, ahyɛ bɔ no, ɔde mo ho huboa ne osuro bɛto asase no nyinaa so wɔ baabiara a mobɛkɔ.
26 你看，我今天將祝福和詛咒，擺在你們面前：
Hwɛ, nnɛ mede nhyira ne nnome resi mo anim;
27 如果你們聽從上主你們天主的誡命，就是我今天吩咐你們的，你們必蒙祝福；
sɛ mudi Awurade, mo Nyankopɔn, mmara a merehyɛ ama mo nnɛ yi so a, ɛbɛyɛ nhyira.
28 如果你們不聽從上主你們天主的誡命，離棄我今天吩咐你們的道路，去跟隨你們素不相識的其他神祇，必遭詛咒。
Na sɛ mopo Awurade, mo Nyankopɔn mmara dan fi nʼakwan a merehyɛ mo nnɛ yi so, kɔsom anyame afoforo a, ɛbɛyɛ nnome.
29 幾時上主你的天主領你進入你要去佔領的地方，你應在革黎斤山上宣佈祝福，在厄巴耳山上宣佈詛咒。──
Na sɛ Awurade, mo Nyankopɔn, de mo du asase a morekɔ so akɔfa no a, monka nhyira nsɛm mfi Gerisim Bepɔw no so na monka nnome nsɛm nso mfi Ebal Bepɔw so.
30 這兩座位於約但河西，日落之處，在居於阿辣巴荒野的客納罕人的境內，與基耳加耳相對，靠近摩勒橡樹。
Sɛnea munim no, mmepɔw abien yi wɔ Asubɔnten Yordan agya wɔ atɔe fam, a ɛkyerɛ owitɔe na ɛbɛn More kwae wɔ Kanaanfo a wɔte Araba no asase so; faako a wɔn ani tua Gilgal no.
31 你們就快要過約但河，去佔領上主你們的天主賜給你們的土地。當你們佔領了那地，居住在那裏時，
Moreyɛ atwa Yordan akɔfa asase a Awurade, mo Nyankopɔn, de rema mo no. Sɛ mokɔfa saa asase no kɔtena so a,
32 你們應謹慎遵行我今天在你們面前所頒佈的一切法令和規則。
monhwɛ yiye na munni mmara ne ahyɛde ahorow a mede rema mo nnɛ yi no nyinaa so.
