阿摩司書 4
1 你們這些欺壓弱小，虐待窮人，且對自己丈夫說：「拿酒來，我們暢飲」的撒馬黎雅山上巴商母牛，聽聽這話吧!
Hagi Basani kumapinti afovage bulimakao afu'ma Sameria agonafima mani'naza afumota ama nanekea antahiho, Tamagra a'nemota zamunte'ma omane vahe'ma knama nezamita, tamavenenehe'mofonkura huta, waini tina mago'ane eme taminketa namaneno huta nehaze.
2 吾主上主指著的神聖起誓說：「看，對付你們的日子快到，人必用鉤子把你們鉤去；直到你們最後一個也必被人用魚鉤鉤去。
Hagi hankavenentake Ra Anumzamo'a ruotge avu'ava zama'afi huvempa huno, Magokna neankino tamagrira afu'ma renentaza hukureti tamarente'za tamavazu hu'za nevanageno, nozamema nehiaza hu'za tamagona kampi nofi' eme rente'za tamavre'za vugahaze.
3 你們一個一個地經過城牆的裂口，被押到赫爾孟去」──上主的斷語。
Hagi kuma keginamofo ankaro kampinti tamavre'za atiramiza fegu'a vute'za, tamavre'za Hamoni vugahaze huno Ra Anumzamo'a hu'ne.
4 你們去貝特耳犯罪吧! 去基耳加耳罪上加罪吧! 每晨奉獻你們的犧牲，每三天奉獻你們的什一之物，
Hagi Beteli kumate'ene Gilgali kumate'ma vuta kaza osu havi anumzante'ma kresramanama vunezamanteta, kumi'ma nehaza zana huta viho. Gilgali kumatema kema nontahita mika nanterama kresramanama nevuta, 10 ni'a kevufinti mago kevuma erita 3'a knamofo agu'afima ofama nehaza zana huvava huta viho.
5 焚燒有酵供物當作感恩祭，高聲宣揚你們自願獻的祭獻! 以色列子民，你們原喜歡這樣──吾主上主的斷語──
Hagi zisti'ma ante witiretira ko susu ofa eme nehuta, tamagra'a tamavesite'ma eritama eme hanaza ofarera ko tamagra rantamagia eriho. Na'ankure Israeli vahe'mota ana avu'ava'ma huzankura tamave'nesie.
6 雖然我使你們一切城市饑荒，到處缺糧，但你們還是不歸向我──上主的斷語──
Hagi kora Nagra agatontoza atrogeno maka rankumapina ne'zana nomanegeno, neonse kumatamimpinena bretia omane'ne. Hu'neanagi e'i anama hiazankura tamagu'a rukrahe huta Nagritera ome'naze huno Ra Anumzamo'a hu'ne.
7 收割前三個月，我就不給你們降雨，或者在這城下雨，在另一城卻不降雨；這塊地得了雨，而另一塊地沒有得雨，因而枯乾了；
Hagi nezama hamarekna 3'a ika me'neanagi kora atrogeno hoza tamifina runontege'na, mago rankumapina kora atrogeno nerige'na, mago rankumapina kora azerugeno runonte. Hagi mago hozafina kora nerigeno, ko'ma atroge'noma runontea hozamo'a hagege nehie.
8 兩三座城的人踉踉蹌蹌走到另一城去喝水，卻不能喝足；雖然如此，你們還是不歸向我──上主的斷語──
Hagi tare rankumaro tagufa rankumapi vahe'mo'za tinkura masege otigera hu'za hakeza mago kumapina vugahazanagi tina onegosaze. Hianagi tamagrama anama nehuta ete Nagritega rukrahe huta nomaze huno Ra Anumzamo'a hie.
9 我使熱風和霉爛襲擊你們，使你們的田園和葡萄園乾旱；蝗蟲又吃光了你們的無花果檥和橄欖樹，但你們還是不歸向我──上主的斷語──
Hagi Nagra amuho zaho zage hanatitegati huntogeno hozatamia te hagege nehige'na, kenutami huzmantoge'za waini hozatamine fiki hozatamine, olivi zafa hozatamine, olivinena ne'za eri hana hu'naze. Hianagi tamagra anazama negeta tamagra ete Nagritega rukrahe huta nomaze huno Ra Anumzamo'a hie.
10 我在你們中間下了瘟疫，如在埃及一樣，用刀劍殺了你們的精兵，令人擄掠你們的戰馬，使你們營中腥臭撲鼻，但你們還是不歸向我──上主的斷語─
Hagi korapama Isipi vahe'ma hu'noa kna hu'na tusi'a knaza tamagrira nerami'na, nehazave tamia bainati kazinteti zamahe nefri'na hosi afutamia zamatroge'za kumazafa seza nevazageno, seli nonkuma'ma ome anteta mani'neta ha'ma hu'naza kumapina fri'naza vahe zamavufagamofo hi'manamo'a tamazeri haviza hu'ne. Hianagi ana zama negeta rukrahe huta Nagritega nomaze huno Ra Anumzamo'a hie.
11 我傾覆了你們，像天主傾覆了索多瑪和哈摩辣，你們好似由火中抽出來的木柴，但你們還是不歸向我──上主的斷語──
Hagi Sodomune Gomora kumatre'ma hu'noaza hu'na, mago'a kumatamia eri haviza hu'noe. Hagi tamagra tevefima me'neno nerea zafa rampagna hu'nazagena, hampage atreankna hu'na tamagrira hampage atre'noe. Hianagi tamagra anazama negeta ete rukrahera huta Nagritega nomaze huno Ra Anumzamo'a hie.
12 為此，以色列! 我必要這樣對待你。以色列! 因我要這樣對待你，你準備迎接你的天主吧!
E'ina hu'nagu Israeli vahe'mota ama anahu knaza tamigahuanki, retro huta manineta tamagri Anumzamo'na nageho huno hu'ne.
13 看，是衪形成了山嶽，創造了風暴，向人宣示衪的旨意，造成黎明和黑暗，在大地高處巡行，衪的名字叫「雅威，」萬軍的天主。
Na'ankure Ra Anumzamo'a Agrake agonaramina tro hunenteno, zahora azeri otigeno zahora enerigeno, antahizama'a vahe'mokizmirera eri ama nehie. Hagi Agra nantera masama nehiana ete eri hani nehuno, mika mopa Agra kegava hu'ne. Hagi Agra Monafinka Hanavenentake sondia vahe'mofo Anumzane huno Agri agi'a me'ne!
