使徒行傳 16
1 祿來到了德爾貝和呂斯特辣。在那裏有個門徒，名叫弟茂德，是一個信主的猶太婦人的兒子，父親卻是希臘人，
Chuin Paul chu Derbe ah ache masan chujouvin Lystra ah achen ahile hikoma chun seijui khang dong Timothy kiti mikhat anaum in ahi. Ama chu anu Judah mi ahin, apa vang chu Greek mi ahi.
2 在呂斯特辣及依科尼雍的弟兄們都稱揚他。
Timothy chu Lystra le Iconium muna angaisang loi tahu seijui khat ahi.
3 保祿願意他隨自己同去，為了那些地方的猶太人的緣故，帶他去行了割損禮，因為眾人都知道他的父親是希臘人。
Chuin Paul in ama chu alhonpi ding in adei sah in, hijeh chun akilhon khom masang lhonin Judah ten achom mu lou nadinguvin Timothy chu chep tan nading angaiton ahi. Ajeh chu mijousen apa Greek mi ahi chu ahet u ahi.
4 當他們經過各城時，就將宗徒和長老在耶路撒冷所議定的規條，交給他們遵守；
Chuin amani chu khopi khat a konin khopi khat'ah avahle lhonin seijui ho chun Jerusalema solchahho le upa ho thulhuhna chu phatecha ajui cheh nadingun thu ahille lhon tan ahi.
5 於是各處教會信德穩固，數目天天增加。
Chuti chun houbung ho chu atahsan nau suh hat in aumin chule nisih in akhanglen jep jep un ahi.
6 聖神既阻止他們在亞細亞講道，他們就經過夫黎基雅和迦拉達地區，
Chuin Paul le Silas chu Phrygia le Galatia gamsunga akholjin jom lhon tan ahi ajeh chu Lhagao Theng in Asia gamsunga Pathen thulhangsap ding chu ajahda ahi.
7 到了米息雅附近，想往彼提尼雅去；可是耶穌的神不許他們去，
Chuin Mysia gamgi ahung lhun lhon phat in Bithynia jon ding in akihei toulhon in ahile hiche gam'a achelhon ding jong chu Pakai Lhagao in aphal pon ahi.
8 遂繞過米息雅，下到了特洛阿。
Hijeh chun kihei tou talouvin Mysia gamsunga achepeh lhon in Troas kongkaimun chan achelhon tan ahi.
9 夜間保祿見了一個異象，有個馬其頓人站著，請求他說：「請往馬其頓去，援助我們罷！」
Hiche ni jan chun Paul in mu aneiyin: Athilmu achun Greece sahlam gam'a um Mecedonia akonin mikhat ahung ding in “Mecedonia gam'a hung in lang neihung kithopiuvin,” tin ahung taovin ahi.
10 保祿既見了這異象，我們便推知是天主召叫我們給他們宣傳福音，便立即設法往馬其頓去。
Hijeh chun keiho Mecedonia jonin kache tauvin, hiche gam'a kipana thupha lhangsam dinga Pathen in eikouvu ahi chu kahe tauvin ahi.
11 我們從特洛阿開船，一直航到撒摩辣刻，第二天到了乃阿頗里，
Chuin keiho Troas a konin konga katouvun jangjalin kacheuvin Samothrace twikol a kakinga pauvin, ajingin Neapolis kalhung tauvin ahi.
12 從那裏到了斐理伯，這是馬其頓一區的首城，羅馬的殖民地。我們就在這城裏住了幾天。
Hichea kon chun Mecedonia gamsunga khopi lenloi Rome te khosatna Philippi kalhung tauvin, hichea chun nikho tampi ka nichongun ahi.
13 安息日，我們出了城門，到了河邊，我們知道那裏有個祈禱所。我們遂坐下向聚集的婦女講話。
Chuin cholngah nikhon khopi pamlama naicha a um vadung panga chun miho taokhom inte tia kagel jeh-u chun kacheuvin, hiche muna numei phabep anaum khom ho koma chun katouvun thu kaseiyun ahi.
14 有個敬畏天主的女人，名叫里狄雅，是提雅提辣城賣紫紅布的，她一直在聽；主開明了她的心，使她接受保祿所講的話。
Chuin Numei ho lah a chun Lydia kiti Thyatira gammi khat aumin ama chu ponsadup mantam tah a sumkolvei mi ahin chule ama chu Pathen hou jong ahi. Aman ka thuseiju chu phatechan angaiyin ahile Pakaiyin alungthim kot ahin hongin Paul thusei chu ajop tan ahi.
15 她同她一家領了洗，便請求說：「你們若認為我是忠於主的人，就請到我家去住。」遂強邀我們去了。
Chuin amanu chu a insung mi jouse to baptize achangun, chule ama nun adongun “Pakai seijui dihtah ahi neitiuva ahile keima in'ah hung lhung unlang kajin in hung pangun,” tin anop tokah uvin angeh tan ahi.
16 當我們往祈禱所去時，有個附占卜之神的女孩，向我們迎面走來；她行占卜，使她的主人們大獲利潤。
Nikhat taona ding muna kache suh uva ahile lhagaoboh vop soh numei khat kamu uvin, amanu chun khonunga hung lhung ding thu aseiya aPakai tedinga sum tampi pi alo ji ahi.
17 她跟著保祿和我們，喊叫說：「這些人是至高者天主的僕人，他們來給你們宣佈得救的道路。」
Amanu chun Paul le keiho nung ajuiyin aw sangtah in asamin, “Hiche miho hi Chung Nungpen Pathen sohte ahiuvin, chule huhhing'a naum theina dingu thu ahung seiyu ahi,” ati.
18 她這樣行了多日，保祿就厭煩了，轉身向那惡神說：「我因耶穌基督之名，命你從她身上出去。」那惡神即刻便出去了。
Hiti chun nikho tampi abolin ahile Paul jong alunghang tan, chuin akiheiyin asunga cheng lhagaoboh koma chun aseiyin, “Yeshua Christa mina thu kapeh nahi, amanu sunga konin pot in,” atile, apettah chun adalhatan ahi.
19 她的主人們見自己獲利的指望已去，便揪住保祿和息拉，拉到街市上去見首領；
Chuin apakaiteu chun haosatna dinga akinepna jouseu akephat in Paul le Silas amanun kailhang muna thunei vaihom ho masanga akailut tauvin,
20 又帶他們到官長前說：「這些是猶太人，他們擾亂我們的城市，
“Hiche Judah miho jeh hin khopi sung pumpi boina asou sang tai” tin khopi vaihom ho henga asam tauvin ahi.
21 竟傳佈我們羅馬人所不能接受，也不能遵行的規例。」
Chule “Eiho Rome mite chonna toh kitoh lou chon dan thu ahilui,” atiuvin ahi.
22 群眾齊來攻擊他們，官長就撕下了他們的衣服，下令用棍毆打。
Chuin mipi chu Paul le Silas dounan akikhom uvin, thing tenggol mangcha a ajep theina dingun khopi vaihom ho chun mipi chu thu ape tauvin ahi.
23 打了許多棍之後，就把他們押在監裏，吩咐獄警小心看守；
Chuin melsetah a avoh jouvun songkul'a akhumun, songkul ngah ho henga chun phatechan anga tup dingun thu apeuvin ahi.
24 獄警領命，就把他們下在內監，又在他們的腳上帶上木枷。
Hijeh chun songkul ngah hon asung dan langpeh a akeng teni akan khomun akoi tauvin ahi.
25 約在半夜時分，保祿和息拉祈禱讚頌天主，囚犯都側耳靜聽。
Chuin jankhangkim laiyin Paul le Silas chu atao lhonin Pathen avahchoi lhonin ahile sonkula tangho chun angaiyuvin ahi.
26 忽然地震大作，甚至監獄地基都搖動了，所有的門立時開了，眾人的鎖鏈也解開了。
Chuin phulou helouvin lingpi nasatah ahung kihot in, songkul khombul ho chu ahin hottan ahile, songkul kot jouse akihong tan, akihen na jouseu jong akilham tan ahi!
27 獄警醒來，見監門全開著，以為囚犯都已逃走，就拔出劍來，想要自殺。
Chuin songkul ngahpa ahung khah doh le songkul kot jouse ana kihon amu phat chun asunga umho jouse jammang gam ahitai tin achem asatdoh in ama le ama akithat kigon ahi.
28 保祿大聲喊說：「不要傷害自己，我們還都在這裏。」
Ahivang in Paul chun asamin, “Khongaiyin nang le nang kithat hih in! keiho kabon chauvin kaum nauve!” atin ahi.
29 獄警要來了燈，就跑進去，戰慄發抖地俯伏在保祿和息拉面前，
Chuin songkul ngahpa chun mei akidet in asungdan langa alhailut in Paul le Silas masanga kithing pum pumin akisep lhutan ahi.
30 然後領他們出來說：「先生，我當作什麼纔可得救﹖」
Chuin polama ahin puidoh lhonin, “Pu huhhing'a kaumna dinga ipi kabol ngaiyem?” ati.
31 他們說： 「你信主耶穌罷！你和你一家就必得救。」
Amanin adonbut in “Nang le na insung miten Pakai Yeshua tahsanun chutile huhhing'a naum dingu ahi,” ati.
32 他們就給他和他家所有的人，講了主的聖道。
Hiti chun ama le a insung mite to Pathen thu aseikhom tauvin ahi.
33 當夜在那時刻，獄警就帶他們去洗傷，他和他的親人也都領了洗；
Chuin hiche ni jan ma ma chun songkul ngahpa chun akijepna maha lhon chu asop theng peh lhon in, chuin a insung mite jouse toh baptize achang tauvin ahi.
34 遂又領他們到自己家裏，擺了宴席；他和全家因信了天主，都滿心喜歡。
Hiti chun amani ding chun a insunga ankong aluidoh peh un Pathen atahsan jeh-u chun ainkouvin akipah lheh jengun ahi.
35 到了天亮，官長打發侍衛來說：「釋放那些人！」
Ajing jingkah in khopi vaihom ho chun songkul ngahpa henga, “Hiche mite chu soldoh in!” atiuvin ahi.
36 獄警就將這話報告給保祿說：「官長打發人來釋放你們，所以現在你們出來，平安去罷！」
Chuin songkul ngahpa chun Paul hengah aseiyin, “Khopi vaihom hon nang le Silas soldoh tan atiuvin ahi, hijeh chun lungmong in che hon tan,” ati.
37 可是保祿向他們說：「我們是羅馬人，還沒有定罪，就公開鞭打我們，又把我們下在監裏；現在卻要秘密地趕我們出去嗎﹖絕對不可！他們得親自來領我們出去！」
Ahivang in Paul in adonbut in, “Keini hi Rome mi kahi lhon in kholtoh louva mipi angsunga eivoh'u ahin, guhthima eisoldoh got'u chu hithei lou ding ahi. Hijeh chun amaho tah hungu henlang eisoldoh'u hen,” ati.
38 侍衛就把這話報告給官長，官長一聽他們是羅馬人，就害怕起來，
Chuin hiche thu chu khopi vaihom hon ajah doh uva Paul le Silas chu Rome mi ahi ahet doh phat un,
39 遂來向他們說好話，領出後，請求他們離開那城。
Songkul'a ahungun amani koma chun ngaidam athum tauvin ahi. Chujouvin amani chu apuidoh uvin khopi sung dalha hon tan tin ataovun ahi.
40 二人出了監獄，就進了里狄雅的家，會見了弟兄們，鼓勵一番後，便起程走了。
Chuin Paul le Silas chu songkul'a kona ahung potdoh lhon phat in Lydia in'ah akile kit lhon in hiche in a seijui ho chu atilkhou lhonin chuin amanin khopi chu adalha lhon tan ahi.
