撒母耳記下 18
1 達味檢閱了跟隨他的人，給他們委派了千夫長和百夫長，
Hagi Deviti'a agranema vu'naza sondia vahete'ma ugagota hu'za kegavama hanaza sondia vahe'ma huhampri zamante'neana 1tauseni'a sondia vahete kva vahe huhampri nezamanteno, mago'a 100'a sondia vahete kva huhampri zamante'ne.
2 將軍人分為三隊：一隊由約阿布率領，一隊由責魯特的兒子，約阿布的兄弟阿彼瑟率領，一隊由加特人依泰率領；然後君王對軍人說：「我自己也要同你們一起出征」。
Hagi 3'a kevuma sondia vahe'ma refako hu'nefintira, mago kevua Joapu kegava higeno, mago kevua Joapu nefu Abisai kva higeno mago kevu'a Gatiti ne' Itaia kegava hu'ne. Ana hazageno kini ne'mo'a sondia vahetamina zamasamino, nagrane hatera vugahue.
3 軍人回答說：「你萬不可去! 因為若我們逃散，無人對我們介意，既使我們死了一半，也無人對我們介意；但是，你一個卻抵我們一萬，所以，現今你更好留在城內，設法援助我們」。
Hianagi sondia vahe'mo'za anage hu'naze, Kagra tagranena hatera ovugahane, tagrama hapinti'ma atreta frege, amu'nompinti'ma refko hu'za mago'a vahetima zamahesu'za, ana zankura zamagra ontahigahaze. Hagi kagrama vananke'za kahesu'za 10 tauseni'a vahe'ma zamahe'za musema nehazankna hugahaze. Hagi kagra atrenka kumate mani'nenka vaheku'ma upa hanuno, neone zanku upa'ma hanunkenka taza hananana knare hugahie.
4 君王對他們說：「你們看看怎樣好，我就怎樣做」。君王站在門旁，軍人整隊出發，或百人一阻，或千人一組﹖
Hagi kini ne'mo'a amanage hu'ne, Tamagrama antahisageno'ma knarema haniazana nagra hugahue. Hagi kini ne'mo rankumamofo kahante uotino mani'nege'za sondia vahe'mo'za 1tauseni'a sondia vahete kvao, 100'a sondia vahe'ma refko'ma hunteterema hu'naza kevu nevazageno, 1tauseni'a sondia vahe'ma refko'ma hunteterema hu'naza kevumo'za vu'naze.
5 君王命令約阿布、阿阿彼瑟和依泰說：「對少年阿貝沙隆，你們應給我留情」。軍人都聽見了君王關於阿貝沙隆，給眾將領所出的命令。
Hagi kini ne'mo'a amanage huno Joapunki, Abisainki, Ittainena zamasami'ne, Nagri'ma antahinamisuta Absalomuna agazone hunteho. Hagi ana nanekema 3'a kva vahe'ma zamasamiana mika sondia vahe'mo'za nentahizageno zamasami'ne.
6 軍人出發，來到平原，攻打以色列；在厄弗辣因森林發生了戰事。
Anante Deviti sondia vahe'mo'za vu'za Efraemi zafafi Israeli sondia vahe'ene hara ome hu'naze.
7 以色列人在那裏為達味的臣僕打敗，那天死傷慘重，陣亡的有二萬人。
Hagi Deviti naga'mo'za Israeli vahera hara huzamagaterage'za, ana zupa 20 tauseni'a vahe zamahe fri'naze.
8 戰爭蔓廷全境，樹林內死的人，比刀劍所殺的人還多。
Hagi ana zupa ha'mo'a ra huno maka kaziga vuno eno higeno, ana zafafima savri hu'za hazenkema eri'za fri'naza vahe'mofo nampamo'a kazinteti'ma zamahe'naza vahe'mokizmi nampana agatere'ne.
9 阿貝沙隆正遇上了達味的臣僕，他那時騎著一匹驢子，由大橡樹的叢枝下經過，他的頭髮被橡樹枝纏住，身懸在天地間，所騎的驢子已跑走。
Hagi ana ha'ma nehazageno'a, Absalomu'a Deviti sondia vahe mani'narega e'ne. Hagi eme zamageno miuli nehaza donkifi frenaku freno viana oki zafa azankuna'afi azokamo'a rusi huno azeri sga higeno miuli donkimo'a atreno fre'ne.
10 有一個人看見，就告訴約阿布說：「我看見阿貝沙隆懸在橡樹上」。
Hagi mago sondia ne'mo'a ana zana negeno vuno Joapuna ome asamino, Absalomuna azoka'mo'a oki zafafi rusi huno azeri sga higeno mani'ne.
11 約阿布對那向他報信的人說：「你看見了，為什麼不把他砍倒在地﹖那麼我必賞你十「協刻耳」銀子和一條腰帶」。
Ana'ma hutegeno'a Joapua ana nera asamino, nahigenka agrira ahe ofri'nane, kagrama ahe frintesina nagra silvane harafa ma nentaniza amu nofira kamuresine.
12 那人對約阿布說：「即使交在我手裏一千「協刻耳」銀子，我也不願伸手加害君王的兒子，因為我們親聽見君王吩咐你、阿彼瑟和依泰說：你們應為了我，保全少年阿貝沙隆。
Hianagi ana sondia ne'mo kenona huno, 1tauseni'a silva nenaminka ome ahe frio hunka hugahananagi, nagra anara osugahue. Hagi tagra nentahukeno kini ne'mo'a kagri'ene tare kva netrena Abisaine Ittainena tamasamino Absalomuna ahe ofriho hu'ne.
13 並且，若我冒性命的危險，做錯了事，也決不能瞞過君王，那時你也許不會保護我」。
Hagi nagra ana nera ahoresina, kini ne'mo'a keno eri fore hisine. Na'ankure maka'zama fore hiazana agra ko nentahie. Hagi agra keagare'ma nazeri otino nazeri havizama hanifintira, kagra naza osugahane.
14 約阿布說：「不願在你面前這樣耽擱時間! 」他就手裏拿了三根短箭，射在阿貝沙隆心中，那時，他在橡樹上還著。
Hagi Joapu'a ana nekura amanage hu'ne, Kea osunka tagano, nehuno oki zamofo azanku'nate Absalomu'a hantiteno ofri mani'negeno 3'a karugru keve erino vuno, Absalomuna tumo ruragino regeno fri'ne.
15 約阿布的十個少年圍上前來，將阿貝沙隆擊斃。
Hagi Joapu hankore'ma e'neri'za 10ni'a vahe'mo'za Absalomuna ome regagi'za ahe'naze.
16 約阿布遂次起號角，軍人便回來，不再追趕以色列人，因為約阿布願顧惜人民。
Hagi ana huteno Joapu'a uferege'za agri sondia vahe'mo'za Israeli sondia vahe'ma zamarotagoma nehazaregatira atre'za e'naze.
17 人們取下阿貝沙隆，將他塊在樹林中的一個大坑內，在他上面堆了一大堆石頭。眾以色列人各自回本家去了。
Hagi Absalomuna avufga'a eri'za mago keri kampi nevaziza, ana agofetura have eri'za rentrako huntazageno hihi huno mareri'ne. Hagi ana'ma hige'za mika Israeli sondia vahe'mo'za kumazamirega vu'za e'za hu'naze.
18 阿貝沙隆活著時，在君王山谷就為自己建立一石柱說：「我沒有兒子，來懷念我的名字；」所他給那石柱起了自己的名字。直至今日，人還稱那石柱為阿貝沙隆記念碑。
Hagi Absalomu'a kasefa huno'ma mani'neno'a, mago havea eri retru renenteno nagra mofavre onte'noankino, ama havemo'a nagri nagi erino avame'za megahie, huno hu'neankino menina ana havea me'nege'za nege'za Absalomu have hu'za nehaze.
19 匝多克的兒子阿希瑪茲對約阿布說：「讓我跑去，將上主對王的仇敵替王伸冤的喜信，稟報給君王」。
Anante Zadoki nemofo Ahimasi'a Joapuna asamino, natrege'na nagarena vu'na amama fore'ma hia zamofo musenkea kea Devitina ome asamina, Ra Anumzamo'a ha' vahekamofo azampintira kaguvazie hu'na ome asamineno.
20 約阿布卻對他說：「今日你不是報喜的人，改天再去報吧! 因為君王的兒子死了，今日你不可去報信」。
Hagi Joapu'a kenona huno, Kagra menina ama musenkea erinka kini netega ovugahane. Hagi henka musenkea erinka vugahane. Na'ankure menina agri'a mofavre fri'ne.
21 約阿布遂對一個雇士人說：「你去將所見的事報告君王」。雇士人就拜別約阿布跑去信。
Hagi Sudaniti (Itiopia) ne'mofo Joapu'a hunteno anage hu'ne, Kagra knazamofo nanekea Devitina ome asamio, ana ne'mo'a Joapu avuga renareno kepri huteno agareno vu'ne.
22 匝多克的兒子阿希瑪茲又對約阿布說：「無論如何，我得跟著雇士人去! 」約阿布答說：「為什麼你要去﹖我兒，為這喜訊你得到什麼報酬! 」
Hianagi Zadoki nemofo Ahimasi'a hanavetino Joapuna asamino, Nazano navufgare'ma fore'ma hania zankura kagesa ontahi natrege'na nagranena kini nete vaneno. Higeno Joapu'a huno, Mago mizana e'origahananki, na'agafare vunaku nehane?
23 他說：「我無論如何要去! 」他答說：「去吧! 」阿希瑪茲就沿著約旦平原的大路跑去，跑過了雇士人。
Hianagi Ahimasi'a huno, Nazano nagrite'ma fore'ma hania zankura ontahuanagi nagrira natrege'na va'neno. Higeno Joapu'a knareki vuo huno hunte'ne. Hagi Ahimasi'a Jodani agupofinti Mahanaimiti rugitagino Sudani (Itiopia) nera ovu'negeno uhanati'ne.
24 那時達味正坐在兩門中間，守衛士兵上了門樓頂。守衛兵舉目一望，見一人獨自跑來，
Hagi Deviti'a ran kuma'mofona tare kahantremofo amu'nompi mani'negeno, anaga mani'neno avunteno kuma kegava nehia ne'mo marerino kuma kegina agofetuti ome keana, mago ne'mo'a agra'ake agareno ne-egeno ke'ne.
25 就大聲喊叫．君王君王。王說：「若是一人，必有喜訊傳報」。他越來越近了。
Hagi anaga mani'neo avunteno kuma'ma kegava nehia ne'mo'a kezatino, mago ne'mo agareno ne-ege'na negoe, huno kini nera asmigeno, Kini ne'mo'a kenona huno, agra'akema ne-esiana e'i knare musenke erino ne-e. Hagi anama agarenoma nea ne'mo'a erava'o hu'ne.
26 守衛又看見一個人跑來，守衛兵立刻對看門的大聲喊說：「看，又有一人獨自跑來」。王說：「這也是來報喜信的」。
Higeno avunteno kuma'ma kegava nehia ne'mo'a kezatino, Anama agareno ne-ea nemofo amefira mago vahe agareno ne-e, huno kafante'ma kegava nehia netega kezatimine. Hagi anagama mani'neno avunteno kuma'ma kegavama nehia ne'mo'a kafante'ma kegava nehia nera kezatimino, Kotama e'nea ne'mofo amefira mago ne' ne-e, higeno kini ne'mo'a huno, agranena knare musenke erino ne-e.
27 守衛兵說：「我看見前一個人的跑法，像匝多克的兒子阿希瑪茲的跑法」。王說：「他是個好人，必是來報喜信的」。
Hagi anaga mani'neno avunteno kuma'ma kegava nehia ne'mo'a huno, Ese'ma ne-ea ne'ma koana Ahimasikna hu'ne. Hagi kini ne'mo'a kenona huno, agra knare nekino knare musenke erino ne-e.
28 阿希瑪茲上前對君王說：「安好! 」就俯首至地，叩拜君王，接著說：「上主，你的天主是可讚美的，因為衪消滅了反抗我主大王的人」。
Hagi Ahimasi'a kini ne'mofona anage huno kezatimi'ne, Mikazamo'a knare hu'ne, nehuno eme kepri huno Ra Anumzana kagri Anumzamofo ragi amisune. Na'ankure kini ne'mokama ha'ma renegantea nera hago ahe'naze.
29 王問說：「少年阿貝沙隆是否無恙﹖」阿希瑪茲答說：「當大王的臣僕約阿布打發你的僕人時，我見有大騷動，但不是什麼事﹖」
Hagi kini ne'mo'a kenona huno, Absalomu'a knare mani'negenka nehampi? Higeno Ahimasi'a kenona huno, Joapu'ma nagri'ene eri'za neka'anema hunerantegeno'a vahe'mo'za atru hu'ne'za ranke ranke hu'nazanagi, na'a fore hu'ne nagra ke'na antahi'na osu'noe.
30 王說：「你退在一邊，站在那裏」。他便退在一邊，站在那裏。
Higeno kini ne'mo'a huno, antire evu mani'nenka avega anto, higeno Ahimasia anante oti'no mani'ne.
31 雇士人也來到了，雇士人說：「有喜信報告給我主大王! 上主今日對一切起來反抗你的的人為你伸了冤」。
Hagi Sudaniti (Itiopia) ne'mo ehanatino anage hu'ne, kini ne' ranimoka knare musenke eri'na neoe. Hagi menina Ra Anumzamo'a kahe'zama nehie vahe zamazampintira kazeri atre.
32 王問雇士人說：「少年阿貝沙隆是否無恙﹖」雇士人答說：「願我主大王的仇敵，以及凡心懷惡意起來反抗你的人，都相似這個少年人! 」
Hagi ana kema kini ne'mo'ma nentahino'a, ne'ni'a Absalomu'a knare huno mani'nefi? Higeno Sudaniti (Itiopia) ne'mo'a kenona huno, Kini ne'moka kagri ha' vahete'ene ha'ma renegantaza vahetera, Absalomunte'ma fore'ma hianknaza fore hugahie.
33 君王一聽這話，不勝悲傷，就上了門樓痛哭；他哭著說：我兒阿貝沙隆! 我兒! 我兒阿貝沙隆，巴不得我替你死了，我兒阿貝沙隆! 我兒! 」
Hagi kini ne'mo'a tusi asunku nehuno kuma kafamofo agofetu me'nea nonte marerino hunaragintepinka zavi ome ate'ne. Hagi agra zavi'neteno anage hu'ne, Absalomuga mofavre'nimoke, mofavre'nimoke, Absalomuge, kagri noma eri'na nagrama frisuana knare hugahie, Absalomuga mofavre'nimoke, mofavre'nimoke huno zavira ate'ne.
