撒母耳記下 10
1 此後，阿孟子民的君王死了，他的兒子哈農繼位為王。
Akyiri no, Amonfo hene Nahas wui. Ne babarima Hanun na odii nʼade sɛ ɔhene.
2 達味心想：「我要善待納哈士的兒子哈農，像他父親善待我一樣。」於是達味派自己的臣僕去慰問他，追悼他的父親。當達味的臣僕來到阿孟子民國內時，
Dawid kae se, “Mɛyɛ Nahas babarima Hanun adɔe, sɛnea nʼagya yɛɛ me adɔe no.” Nʼagya wu nti, Dawid tuu abɔfo kɔɔ ne nkyɛn kɔmaa no hyɛden. Bere a Dawid abɔfo baa Amonfo asase so no,
3 阿孟子民的公卿，對他們的主上哈農說：「達味派人來慰問你，你想他是為尊敬你的父親嗎﹖達味派臣僕到你這裏來，豈不是來調查、探聽、破壞城池嗎﹖」
Amonfo atitiriw no kobisaa wɔn wura Hanun se, “Wugye di sɛ ba a Dawid somaa nʼabɔfo baa wo nkyɛn bɛmaa wo hyɛden no kyerɛ nidi ampa ara ana? Wunnye nni sɛ Dawid somaa wɔn akwansra so, sɛ wɔmmɛhwɛ wo kuropɔn na wɔabetu agu?”
4 哈農遂拿住達味的臣僕，將他們的鬍鬚剃去一半，又將他們下半截衣服割去，直到臀部；然後放他們走了。
Ɛno nti, Hanun kyeree Dawid abɔfo no, yii obiara abogyesɛ fa, twitwaa wɔn ntade to mfimfini hɔ, tutuu mu, na wogyaa wɔn kwan, ma wɔde animguase kɔe.
5 有人把這事告訴了達味，王遂打發人去迎接他們，因為這些人很覺羞恥；王便吩咐他們說：「你們暫且留在耶里哥，等鬍鬚長起後再回來。」
Bere a wɔbɔɔ Dawid amanneɛ no, otuu abɔfo ma wokohyiaa mmarima no, efisɛ woguu wɔn anim ase yiye. Ɔhene ka kyerɛɛ wɔn se, “Montena Yeriko kosi sɛ mo abogyesɛ befuw ansa na moasan aba.”
6 阿孟子民見自己在達味跟前惹下仇恨，便遣人去，向貝特勒曷布和祚巴的阿蘭人僱了兩萬步兵，向瑪阿加君王僱了一千人，向托布人僱了一萬二千人。
Bere a Amonfo huu sɛ wɔahyɛ Dawid abufuw no, wɔkɔbɔɔ Aramfo asraafo mpem aduonu paa fii Bet-Rehob ne Soba. Saa ara na Maakahene nso maa wɔn mmarima apem fii ne nkyɛn, na Tob nso wonyaa mmarima mpem dumien.
7 達味聽說這事，便派出約阿布和全隊士兵和勇士。
Dawid tee saa no, ɔkaa Yoab ne akofo asraafo guu mu.
8 阿孟子民出來，在城門前擺了陣，祚巴和勒曷布的阿蘭人和托布人與瑪阿加人，分別在田野間擺了陣。
Amonfo no gyinaa wɔn kurow pon ano. Saa bere no na Aramfo a wofi Soba ne Rehob ne mmarima a wofi Tob ne Maaka no wɔ mfikyiri baabiara retwɛn ɔtamfo no.
9 約阿布見自己前後受敵，就由以色列勁旅中，選一隊精兵擺陣進攻阿蘭人，
Bere a Yoab huu sɛ ɔrebɛko akofanu no, oyii asraafo a wɔyɛ nnam. Ɔno ara dii wɔn so safohene, dii wɔn anim, kɔko tiaa Aramfo no wɔ mfikyiri hɔ.
10 將其餘的軍隊，交給自己的兄弟阿彼瑟指揮，叫他列陣進攻阿孟子民，
Ogyaw asraafo no nkae hɔ, de wɔn hyɛɛ ne nuabarima Abisai nsa sɛ ɔsafohene a ɔbɛkɔ akotua Amonfo no.
11 並對他說：「若我打不下阿蘭人，你就來援助我；若你打不下阿孟子民，我就來援助你。
Yoab ka kyerɛɛ ne nuabarima no se, “Sɛ Aramfo no yɛ den dodo ma me a, ɛyɛ a, bɛboa me. Na sɛ Amonfo no nso yɛ den dodo ma wo a, me nso, mɛba abɛboa wo.
12 要勇敢奮鬥，為了我們的民族，為了我們天主的城池，我們應奮鬥! 願上主成就他認為好的事! 」
Ma wo bo nyɛ duru. Ma yɛnko akokoduru so mfa nnye yɛn nkurɔfo ne Onyankopɔn nkurow. Awurade pɛ nyɛ hɔ.”
13 然後約阿布和跟隨他的軍隊，向前進攻阿蘭人，阿蘭人就在他們前逃走了。
Bere a Yoab ne nʼakofo no tow hyɛɛ Aramfo no so no, wofii ase guanee.
14 阿孟子民見阿蘭人逃走，他們也在阿彼瑟前逃走，退入城中。約阿布便不再進攻阿孟子民，回了耶路撒冷。
Na Amonfo no huu sɛ Aramfo no reguan no, woguan fii Abisai ho kɔhyɛɛ kurow no mu. Ɔko no gui no, Yoab san kɔɔ Yerusalem.
15 阿蘭人見自己為以色列打敗，便再聯合起來。
Afei, Aramfo no huu sɛ ɛnyɛ wɔn afɛ ne Israelfo. Enti wɔboaa wɔn ho ano bio.
16 哈達德則爾派人去，將大河那邊的阿蘭人也調來，都到了赫藍，由哈達德則爾的元帥芍巴客率領。
Aram asraafo foforo bi bɛkaa wɔn ho a Hadadeser na ɔsoma ma wɔkɔfaa wɔn fii Asubɔnten Eufrate fa nohɔ bae. Saa asraafo no beduu Helam a Sobak na na ɔyɛ wɔn ɔsahene, na ɔyɛ ɔsahene a otua Hadadeser asraafo nyinaa ano nso.
17 達味一得了情報，就調集所有的以色列人，渡過約但河，來到赫藍。阿蘭人遂列陣進攻達味，與他交戰。
Bere a Dawid tee nea ɛreba no, ɔboaboaa Israel nyinaa ano, de wɔn twaa Asubɔnten Yordan, dii asraafo no anim, koduu Helam. Ɛhɔ na Aramfo no fifii wɔn mpasua so tow hyɛɛ Dawid so.
18 阿蘭人在以色列面前潰退。達味擊殺了阿蘭人的七百匹拉車的馬，和四萬馬兵；又攻擊了他們的元帥芍巴客，他便死在那裏。
Nanso Aramfo no guan fii Israelfo no anim bio. Saa bere no, Dawid asraafo no kunkum nteaseɛnamkafo ahanson ne apɔnkɔsotefo mpem aduanan a Sobak a na ɔyɛ wɔn sahene no ka ho.
19 所有臣屬哈達德則爾的王子，一見自己敗於以色列，便與以色列講和，臣服於他們；從此阿蘭人再不敢援助阿孟子民了。
Bere a ahemfo a wɔhyɛ Hadadeser ase no huu sɛ Israel adi wɔn so nkonim no, wɔmaa wɔn nsa so, na wɔbɛyɛɛ Israelfo nkoa. Ɛno akyi no, Aramfo suroo sɛ wɔbɛboa Amonfo.
