列王紀下 3
1 猶大王約沙法特十八年，阿哈布的兒子耶曷蘭在撒瑪黎雅登極作以色列王，在位凡十二年。
UJoramu indodana ka-Ahabi waba yinkosi yako-Israyeli eSamariya ngomnyaka wetshumi lasificaminwembili wokubusa kukaJehoshafathi inkosi yakoJuda, yena wabusa okweminyaka elitshumi lambili.
2 他行了上主視為惡的事，不過還不像他的父親和母親那樣壞，因此他除去了他父親所立的巴耳神柱，
Wona emehlweni kaThixo, kodwa kwakungafanani lokukayise lonina ababekwenzile. Walahla ilitshe likaBhali elalizila elalibazwe nguyise.
3 只是對乃巴特的兒子雅洛貝罕使以色列陷於罪過的事，仍戀戀不捨，從未脫離。
Kodwa wagxila ezonweni zikaJerobhowamu indodana kaNebhathi, lezo ayebangele u-Israyeli ukuthi azenze; kazange azifulathele.
4 摩阿布人默沙原是一個以畜牧為業的人，他經常以十萬隻羔羊和十萬隻公山羊毛，巷以色列王進貢；
UMesha inkosi yaseMowabi wayefuya izimvu, wayefanele ukubhadala inkosi yako-Israyeli izimvu ezizinkulungwane ezilikhulu kanye loboya benqama ezizinkulungwane ezilikhulu.
5 但在阿哈布死後，摩阿布王便背叛了以色列王。
Kodwa ngemva kokufa kuka-Ahabi, inkosi yamaMowabi yahlamukela inkosi yako-Israyeli.
6 那時，耶曷蘭王從撒瑪黎雅出來，檢閱全以色列人，
Ngalesosikhathi inkosi uJoramu yasuka eSamariya yabutha abako-Israyeli bonke.
7 以後派使者去見猶大王約沙法特說：「摩阿布王背叛了我，你願意同我一起去攻打摩阿布嗎﹖」約沙法特說：「願意去；你怎樣，我也怎樣；我的人民就如同是你的人民，我的馬就如同是你的馬。」
Wathumela lelilizwi kuJehoshafathi inkosi yakoJuda wathi: “Inkosi yamaMowabi isingihlamukele. Singahambisana siyehlasela amaMowabi na?” UJehoshafathi waphendula esithi, “Ngizahamba lawe. Mina nginguwe, abantu bami banjengabantu bakho, amabhiza ami anjengamabhiza akho.”
8 約沙法特接著問說：「我們從哪條路上去﹖」耶曷蘭答說：「從厄東曠野那條路。」
Wasebuza ukuthi, “Sizahlasela sivelela ngaphi na?” UJoramu wathi “Sizavelela eNkangala yase-Edomi.”
9 於是以色列王、猶大王和厄東王出發，繞道而行，七天以後，軍隊和隨行的一大隊牲畜沒有水喝。
Ngakho inkosi yako-Israyeli yaphuma lenkosi yakoJuda kanye lenkosi yase-Edomi. Ngemva kohambo bezulazula okwensuku eziyisikhombisa amanzi amabutho kanye lawezinyamazana zempi aphela.
10 以色列王說：「哎! 上主召集這三個王子，原是將他們交在摩阿布手中啊! 」
Inkosi yako-Israyeli yababaza yathi, “Kutheni kanti? UThixo angasibiza singamakhosi amathathu ukuze azosinikela ezandleni zamaMowabi na?”
11 約沙法特問說：「這裏有沒有一位上主的先知，我們可以託他求問上主﹖」以色列王的一個臣僕回答說：「這裏有沙法特的兒子厄里叟，就是常在厄里亞手上倒水的那一位。」
Kodwa uJehoshafathi wabuza wathi, “Akulamphrofethi kaThixo yini, esingabuza ngaye kuThixo na?” Esinye sezikhulu zenkosi yako-Israyeli sathi, “Ukhona u-Elisha indodana kaShafathi. Wayeyinceku ka-Elija.”
12 約沙法特說：「他必有上主的話。」以色列王、約沙法特和厄東王，於是一同下去見他。
UJehoshafathi wathi, “Ilizwi likaThixo likuye.” Ngakho inkosi yako-Israyeli kanye loJehoshafathi lenkosi yase-Edomi baya kuye.
13 厄里叟對以色列王說：「我和你有什麼關係﹖你去找你父親和你母親的先知罷! 」以色列王說：「不要這樣說! 上主召集了這三個王子，原是要將他們交於摩阿布手中啊! 」
U-Elisha wathi enkosini yako-Israyeli, “Mina lawe singenelana njani? Hamba kubaphrofethi bakayihlo lakubaphrofethi bakanyoko.” Inkosi yako-Israyeli yaphendula yathi, “Hayi, kungenxa yokuthi uThixo wasibiza sobathathu singamakhosi sinje ukuze asinikele kumaMowabi.”
14 厄里叟說：「我指著我所服事的永生萬軍的上主起示：我如果不是為了猶大王約沙法特的情面，我決不看你，也不睬你。
U-Elisha wathi, “Njengoba uThixo uSomandla engimkhonzayo ephila, kungasikuhlonipha kwami ukuthi kuloJehoshafathi inkosi yakoJuda, ngibe ngingayikukukhangela loba ukukubona ukuthi ukhona kodwa lokhu.
15 現在，你們給我叫一個彈琴的人來。」原來每逢樂師彈琴的時候，上主的手就臨到他身上。
Kodwa-ke ngibizela umtshayi wechacho.” Umtshayi wechacho esatshaya ichacho, amandla kaThixo ehlela ku-Elisha,
16 厄里叟說：「上主這樣說：你們在這山谷中遍挖壕溝，
wasesithi, “Ilizwi likaThixo lithi: Lungisani imigelo eminengi kulesisigodi.
17 因為上主這樣說：你們不見風，也不見雨，這山谷中卻要充滿了水，使你們、你們的軍隊和牲畜都有水喝。
Ngoba ilizwi likaThixo lithi: Aliyikubona yezi loba izulu, kodwa lesisigodi sizagcwala ngamanzi, kuthi lina lenkomo zenu kanye lezinyamazana zonke lithole ukunatha.
18 這在上主看來還是小事，他還要將摩阿布交在你們手中，
Le yinto elula kuThixo, njalo uzanikela amaMowabi esandleni sakho.
19 使你們攻破所有設防的城市，砍倒所有的好樹，杜塞所有的水泉，用石頭毀壞所有的良田。」
Uzanqoba kuzozonke izinqaba zedolobho lakuyo yonke imizi eqakathekileyo. Uzawisa zonke izihlahla ezinhle, ugqibele yonke imithombo yamanzi, wonakalise wonke amasimu amahle ngamatshe.”
20 果然，早上正獻祭的時候，從厄東方面來了大水，遍地滿了水。
Ngosuku olulandelayo ekuseni, ngesikhathi sokunikela imihlatshelo, lakanye babona, nanko amanzi egeleza evelela e-Edomi! Ngakho ilizwe lagcwala amanzi.
21 全摩阿布人一聽說三個王子前來進攻，就召集了所有能佩帶武器的人，把守邊界。
AmaMowabi wonke ayesezwile ukuthi amakhosi ayezohlasela; ngalokho amadoda wonke, abadala lamajaha, ababengenelisa ukuphatha izikhali balawulwa ukuba bayevikela umngcele.
22 第二天早晨，日光照在水上，摩阿布人起來，看見對面的水紅得像血，
Bathi bevuka emadabukakusa bathola ilanga linkanyazela phezu kwamanzi. Ekuboneni kwamaMowabi ngale, amanzi ayekhanya ebomvu kungani ligazi. AmaMowabi asesithi,
23 遂說：「這是血! 一定是那三個王子彼此混戰，互相殘殺。摩阿布，起來，前去奪取財物! 」
“Ligazi leliyana! Kutsho ukuthi amakhosi lawayana alwile abulalana wodwa. Asiyeni butha impango, maMowabi!”
24 及至他們到了以色列營地，以色列人即奮起迎敵，摩阿布人從他們面前逃走，他們就乘勢追趕，擊殺摩阿布人，
Kodwa amaMowabi athe efika enkambeni yama-Israyeli, ama-Israyeli awavukela awahlasela, amaMowabi aze abaleka. Ngakho ama-Israyeli ahlasela ilizwe lelo abhubhisa amaMowabi.
25 破壞了他們的城市，個個用石頭拋滿了他們的良田，杜塞了所有的水泉，砍倒了各種好樹；只剩下克爾赫勒斯城，拋石頭的人仍包圍攻擊那城。
Atshabalalisa imizi kwathi indoda nganye yaphosela ilitshe kuwo wonke amasimu amahle aze agcwala ngamatshe. Bagqibela yonke imithombo yamanzi njalo bagamula zonke izihlahla ezinhle. Kwasala iKhiri-Haresethi eyasala amatshe ayo elokhu enjalo, kodwa amadoda ayehlome ngezavutha ayihonqolozela njalo ayihlasela.
26 摩阿布王見戰事激烈，難以敵抗，就帶領七百人，手持刀劍，企圖突圍，往投阿蘭王，卻沒有成功；
Inkosi yamaMowabi ithe ibona ukuthi isikhulelwa ekulweni, yathatha amadoda angamakhulu ayisikhombisa alwa ngenkemba yazama ukuthi idabule phakathi ngamandla iyephutshela enkosini yase-Edomi, kodwa yehluleka.
27 於是將那要繼承自己位的長子叫來，在城牆上祭殺了，作為全燔祭。這事使天主向以色列人大發忿怒；他們便離開摩阿布王，各自回了本地。
Inkosi yaseMowabi yasithatha ingqabutho yayo eyiyo indodana eyayizasala ibusa yayinikela njengomnikelo wokutshiswa phezu kwemiduli yedolobho. Kwakukukhulu ukuthukuthelela abako-Israyeli baze bahlehla babuyela kwelakibo.
