列王紀下 24
1 約雅金年間，巴比倫王拿步高進犯，約雅金臣服了他三年，以後又背叛了他。
Jehoiakim vaihom laijin Babylon lengpa Nebuchadnezzer in Judah gam’ah gal ahin sattan ahileh, Jehoiakim in kisatpi louvin amale agamsung jouse chu Nebuchadnezzer khut’ah ana kipelut tan ahi. Aman kum thum sungin kai anapen, chuche jouvin akiphintan ahi.
2 上主派加色丁、阿蘭、摩阿布和阿孟人的雜軍來，不斷侵犯約雅金；上主派這些人來進攻消滅猶大，正如上主藉他的僕人先知們所說的話。
Hichun Pakaiyin Babylon mite, Syria mite, Moab mite, Ammon mite ahin tildoh in Pakaiyin themgao ho kam’a ana phondoh sahbang bangin aguilhung tan ahi.
3 猶大遭遇這件事，確是由上主的命令，因為衪要由自己面前拋棄猶大：這是為了默納舍所犯的一切罪患，
Hitobang hamsetna Judah gam’ah ahunglhun hi Pakai thupeh akon ahi. Aman amitmu’a kona Judahte atolmang kigutna ajeh hi Manasseh in thilse tamtah ana boldoh jeh ahi.
4 也是因了他所流的無辜者的血，他使無辜者的血流滿了耶路撒冷，上主不肯寬恕。
Chule Jerusalem a themmona neilou thisan anaso’a ana hesosah jeh ahi, Pakaiyin hichu a ngaidam lou ahi.
5 約雅金其餘的事蹟，他行的一切，都記載在猶大列王的實錄上。
Jehoiakim vaihom sunga thilsoh dangho jouse jong Judahte lengho thusim kijihna lekhabua aumin ahi.
6 約雅金與祖先同眼，他的兒子耶苛尼雅繼位為王。
Jehoiakim chu athi phat’in, achapa Jehoiachin lengin ahung pangtan ahi.
7 從此埃及王不敢再離開本國出征，因為巴比倫王征服了從埃及河直到幼發拉的河屬於埃及的領土。
Egypt lengpan hichejou apat hin ahung galkondoh jou tapon ahi, ajeh chu Babylon lengpan Egypt in kagam ahi tia ahopsah chengse chu Babylon lengpan abonna alahpeh soh ahitai. Aman ana kilah lut gam hochu Egypt vadunga apat Euphrates vadung chan-gei ahi.
8 耶苛尼雅登極時年十八歲，在耶路撒冷作王三個月；他的母親名叫胡市達，是耶路撒冷人厄耳納堂的女兒。
Jehoiachin chu alengchan kum chun ama kum somle kum get alhingtan ahi, chuleh aman Jerusalem chu lha thum bou lengvai anapon ahi. Anu chu Jerusalem makon Elnathan chanu Nehushta ahi.
9 他行了上主視為惡的事，像他父親所行的一樣。
Jehoiachin in apa bang bangin Pakai mitmu’n thilse jeng anabol in ahi.
10 那時巴比倫王拿步高的臣僕前來圍攻耶路撒冷。
Jehoiachin vaihom sungin, Nebuchadnezzer in Babylon akonin anoija sepai pipui ho ahinsollin Jerusalem ahung umkhum tauvin ahi.
11 當他的臣僕圍攻耶路撒冷時，巴比倫王拿步高親自來督戰攻城。
Hichun Nebuchadnezzer amatah jong hiche khopi aum sungu hin ahung lhungtan ahi.
12 耶苛尼雅和他的母親臣僕、公卿以及太監，都出來投降巴比倫王；巴比倫王將他們擄去，時在巴比倫王在位第八年。
Hichun Jehoiachin lengpan lengnu toh ama thumop hotoh, asepai lamkaiho le pipuho Babylonte khut’ah akipelut tauvin ahi. Nebuchadnezzer lengvai ahom kum som le kum get alhin in, Jehoiachin chu aman’in soh chang dingin ana kai tauvin ahi.
13 巴比倫王且搶去了上主殿內的一切寶藏，和王宮中的寶藏，打碎了以色列王撒羅滿為上主聖殿所製的一切金器，正如上主所預言的；
Pakaiyin ana phondohsa bangin Nebuchadnezzer in Pakai houin akonin chuleh leng inpia konin sumle pai, sana dangka, neile gou ho jouse le, sana akisem thil-ho jouse, Solomon’in houin a ana koiho abonchan achom theng hel tan ahi.
14 也擄去了耶路撒冷的民眾，所有的官紳和勇士，共一萬人，以及所有的工匠和鐵匠，只留下了地方上最窮苦的平民。
Hiti chun Nebuchadnezzer in Jerusalem khopi sung’a cheng jouse, asepai lamkai ho jouse le sepai galsat themho jouse, khut thepna neiho le thilsem themho abonchan mihem sangsom tobang Babylon gamlang’a akaijin ahi.
15 他將耶苛尼雅擄到巴比倫去，也將太后、后妃、君王的內侍，以及地方上的王公大人，都從耶路撒冷擄到巴比倫去。
Nebuchadnezzer in Jehoiachin lengpa, lengnu anu, ajite ho chule apipui ho jaonan Babylon gam'a akaimang tan ahi
16 一切有氣力的人，人數約七千，工匠和鐵匠，人數約一千，都是能打仗的勇士，巴比倫王都擄到巴比倫去。
Chuleh aman sepai ahangsan cheh sang sagi leh khut thepna neiho abon’un mihat galsat thei cheh sangkhat ho chu gam chom’ah asoldoh tan ahi.
17 巴比倫王立了耶苛尼雅的叔父瑪塔尼雅代他為王，給他改名叫漆德克雅。
Hichun Babylon lengpan Jehoiachin pa’ngah pa Mattaniah chu leng in atung in, chule amin jong akhellin, Zedakiah asahtai.
18 漆德克雅登極時年二十一歲，在耶路撒冷為王十一年；他的母親始叫哈慕塔耳，是里貝納人耶勒米雅的女兒。
Zedekiah leng ahung chan kum chun ama kum somni le khat ana lhingtan ahi. Aman Jerusalem’ah kum somle khat sungin lengvai ana pon ahi. Anu chu Libnah akon Jeremiah chanu Hamutal ahi.
19 他行了上主視為惡的事，伓像約雅金所行的一樣；
Ahinlah Zedekiah in Jehoiakim bol bang bangin Pakai mitmu’n thilse jeng anabol’in ahi.
20 因此，上主向耶路撒冷和猶大大發憤怒，由自己面前將他們拋棄。以後漆德克雅背叛了巴比倫王。
Jerusalem leh Judah chung’ah thilsoh ho achuhna jeh hi, Pakai lunghan jeh ahi. Hijeh chun Pakaiyin, ama angsunga kona apaidoh a, hitia hi gamchom’a sohchang gam’ah ahi tauve. Zedekiah hin Babylon lengpa a konin kiphinna anei tan ahi.
