列王紀下 21
1 默納舍登極時才十二歲，在耶咯撒冷做王五十五年，他的母親名叫赫斐漆巴。
Ɛberɛ a Manase dii ɔhene no, na wadi mfeɛ dumienu, na ɔdii ɔhene Yerusalem mfirinhyia aduonum enum. Na ne maame din de Hefsiba.
2 他行了上主視為惡的事，仿效上主從以色列子民前所驅逐的異民所行的可恥之事，
Ɔyɛɛ bɔne wɔ Awurade ani so, suasuaa abosonsomfoɔ aman nneyɛeɛ a ɛyɛ akyiwadeɛ. Ɔsuaa deɛ ɛnam so maa Awurade pamoo abosonsomfoɔ no firii asase a ɛda Israel anim no so no.
3 重建了他父親希則克雅所拆毀的高丘，為巴耳建立了祭壇，製造了木偶，像以色列王阿哈布所作的一樣，且崇拜敬奉天上的萬象，
Ɔsane sisii abosonsomfoɔ abosonnan a nʼagya Hesekia bubu guiɛ no. Ɔyɛɛ afɔrebukyia pii maa Baal, ɛnna ɔsii Asera dua, sɛdeɛ Israelhene Ahab yɛeɛ ara pɛ. Afei, ɔkoto sɔree ewiem atumfoɔ.
4 雖然上主曾指著聖殿說過：「我要將我的名建立在耶路撒冷。」但他仍在上主的殿內建立了一些祭壇，
Na mpo, ɔsisii abosom afɔrebukyia pii wɔ Awurade asɔredan mu; baabi a Awurade aka sɛ wɔnhyɛ ne din animuonyam no.
5 又在上主殿宇的兩庭院內，為天上萬像建立了祭壇；
Ɔsisii saa afɔrebukyia no wɔ Awurade Asɔredan no adihɔ mmienu hɔ.
6 使自己的兒子經火獻神，行占卜邪術，立招魂師和術士，不斷行上主視為惡的事，惹上主發怒。
Na mpo, Manase de ɔno ankasa babarima bɔɔ afɔdeɛ wɔ ogya mu. Na ɔyɛ abayisɛm, kɔ abisa. Ɔkɔɔ asamanfrɛfoɔ hɔ ne asumanfoɔ so. Ɔyɛɛ bɔne bebree Awurade ani so, ma ɛhyɛɛ no abufuo.
7 他又將自己製造的阿舍辣雕像，安放在上主的殿內，雖然上主論及這殿曾對達味的兒子撒羅滿說：「我要在這殿內，和我在以色列各支派所選出的耶路撒冷立我的名，直到永遠；
Manase faa Asera dua a wayɛ no, de kɔsii asɔredan mu, beaeɛ korɔ no ara a Awurade ka kyerɛɛ Dawid ne ne babarima Salomo sɛ, “Wɔbɛhyɛ me din animuonyam wɔ ha daa nyinaa wɔ saa asɔredan yi mu wɔ Yerusalem. Yerusalem yɛ kuro a mayi afiri Israel mmusuakuo a aka no nyinaa mu.
8 只要以色列謹守遵行我所吩咐他們的一切，及我僕人梅瑟所吩咐他們的一切法律，我決不再使以色列人的腳，離開我賜與他們祖先的土地。」
Na sɛ Israelfoɔ bɛtie mʼahyɛdeɛ a menam mʼakoa Mose so hyɛ maa wɔn no a, merentwa wɔn asuo mfiri asase yi a mede maa wɔn agyanom no so.”
9 但是，他們卻不聽從，甚至默納舍誘惑他們行惡，甚於上主由以色列子民前所消滅的那些民族。
Nanso, nnipa no antie. Manase dii wɔn anim, ma wɔyɛɛ bɔne bebree a ɛsene abosonsom aman a Awurade sɛee no ɛberɛ a Israelfoɔ kɔɔ saa asase no so no mpo.
10 為此，上主藉他的僕人先知警告說：「
Awurade nam nʼasomfoɔ a wɔyɛ nʼadiyifoɔ so kaa sɛ,
11 因為猶太王默納舍行了這些可恥的事，甚於他以前的阿摩黎人所行的，以自己的神像引猶太犯罪。
“Yudahene Manase ayɛ akyiwadeɛ bebree. Na mpo, ɔyɛ omumuyɛfoɔ sene Amorifoɔ a wɔbɛtenaa asase yi so ansa na Israel reba no. Wadi Yudafoɔ anim, de wɔn akɔ ahonisom mu.
12 所以上主以色列的天主這樣說：看，我要使這樣的災禍降在耶路撒冷和猶太，使聽見的人兩耳都要齊鳴。
Enti, sei na Awurade, Israel Onyankopɔn, seɛ: Mede ɔhaw ne abɛbrɛsɛ bɛto Yerusalem ne Yuda so ama aso a ɛbɛte saa nsɛm no mu ayɛ no gyenn.
13 我要用測量撒瑪黎雅的繩索，和測量阿哈布家的鉛錘，來測量耶路撒冷，要擦淨耶路撒冷如同人擦淨盤子一樣，擦淨之後，就翻過來；
Mɛfa ɛkwan a menam so buu Samaria ne Ahab abusua atɛn no so mabu Yerusalem atɛn. Mɛpepa nnipa a wɔwɔ Yerusalem nyinaa, te sɛ deɛ obi hohoro ayowaa mu, na ɔdane butu no.
14 我要拋棄作我產業的遺民，將他們交於敵人手中，使他們成為一切敵人的掠物與勝利品。
Na mpo, mɛpo me nkurɔfoɔ kakra a wɔaka no, na mede wɔn bɛma wɔn atamfoɔ sɛ asadeɛ.
15 因為他們自從他們的祖先出離埃及那一天，直到今日，行了我視為惡的事，使我發怒。」
Ɛfiri sɛ, wɔayɛ bɔne kɛseɛ wɔ mʼanim, nam so ahyɛ me abufuo, firi ɛberɛ a wɔn agyanom firii Misraim no.”
16 默納舍除了使猶大陷於罪惡，行了上主視為惡的事以外，還流了許多無辜者的血，使耶路撒冷流成河，從這邊流到那邊。
Manase kunkumm nnipa a wɔnyɛɛ bɔne nso bebree kɔsii sɛ, mogya a ɛdi bem hyɛɛ Yerusalem ma, firi tire kɔsi tire. Yei ka bɔne a ɔmaa Yudafoɔ no yɛ de wɔn kɔɔ bɔne a wɔyɛɛ no Awurade ani so no ho.
17 默納舍其餘的事蹟，他行的一切，所犯的罪惡，都記載在猶大列王實錄上。
Manase ahennie ho nsɛm nkaeɛ ne dwuma a ɔdiiɛ nyinaa ne bɔne a ɔyɛeɛ no, wɔatwerɛ agu Yuda Ahemfo Abakɔsɛm Nwoma no mu.
18 默納舍與他的列祖同眠，埋葬在王宮花園，即烏匝花園裏；他的兒子阿孟繼位為王。
Manase wuiɛ no, wɔsiee no wɔ ahemfie no turo a na ɛyɛ Usa dea no mu. Na ne babarima Amon na ɔdii nʼadeɛ sɛ ɔhene.
19 阿孟登極時，年二十二歲，在耶路撒冷作王兩年；他的母親名叫默叔肋默，是約特巴人哈魯茲的女兒。
Amon dii ɔhene no, na wadi mfeɛ aduonu mmienu. Ɔdii ɔhene Yerusalem mfeɛ mmienu. Na wɔfrɛ ne maame Mesulemet a na ɔyɛ Harus a ɔfiri Yolba no babaa.
20 他行了上主認為視為惡的事。全像他父親所行的一樣；
Ɔyɛɛ bɔne wɔ Awurade ani so, sɛdeɛ nʼagya Manase yɛeɛ no ara pɛ.
21 走了他父親所走的的路，事奉敬拜了他父親所事奉的偶像，
Ɔfaa nʼagya nhwɛsoɔ so, somm ahoni korɔ no ara a na nʼagya somm wɔn no.
22 離棄了上主他祖先的天主，未隨上主的道路。
Ɔgyaa Awurade, nʼagyanom Onyankopɔn no na wampɛ sɛ ɔbɛfa Awurade akwan so.
23 阿孟臣僕共謀造反，在宮內將君王殺了；
Na Amon no ankasa asomfoɔ bɔɔ ne ho pɔ, kumm no wɔ nʼahemfie.
24 但地方的人民起來，殺了所有反叛阿孟王的人，立了他的兒子約史雅繼位為王。
Na nnipa a wɔwɔ asase no so nyinaa kunkumm nnipa a wɔbɔɔ ɔhene Amon ho pɔ no, na wɔde ne babarima Yosia dii adeɛ sɛ ɔhene.
25 阿孟所作的其它事蹟，都記載在猶大列王實錄上。
Amon ahennie ho nsɛm nkaeɛ ne dwuma a ɔdiiɛ no nyinaa, wɔatwerɛ agu Yuda Ahemfo Abakɔsɛm Nwoma no mu.
26 他也葬在烏匝花園內自己的墳墓裏；他的兒子約史雅繼位為王。
Wɔsiee no wɔ ne boda a ɛwɔ Usa turo mu hɔ no mu. Na ne babarima Yosia dii adeɛ sɛ ɔhene.
