列王紀下 14
1 以色列王約阿哈次的兒子耶曷阿士二年，約阿士的兒子阿瑪責雅登極為猶大王。
Bere a Yoas babarima Amasia fii ase dii ade wɔ Yuda no, na ɔhene Yehoas adi ade wɔ Israel mfe abien.
2 他登極時二十五歲，在耶路撒冷作王，凡二十九年；他的母親名叫約阿當，是耶路撒冷人。
Amasia dii ade no, na wadi mfe aduonu anum, na odii ade wɔ Yerusalem mfe aduonu akron. Na wɔfrɛ ne na se Yehoadin a ofi Yerusalem.
3 他行了上主視為正義的事，只是不如他的祖先達味，事事仿效他父親約阿士，
Ɔyɛɛ nea ɛteɛ wɔ Awurade ani so, nanso anto nea nʼagya Dawid yɛe. Ɔhwɛɛ nʼagya Yoas nhwɛso so.
4 只是沒有廢除高丘，人民仍在高丘上焚香獻祭。
Nanso, wansɛe abosonnan a na nnipa kɔbɔ afɔre, kɔhyew nnuhuam wɔ hɔ no.
5 及至王權已掌握在他手中之後，即將弒殺他父王的那些臣僕殺掉；
Bere a Amasia tim wɔ nʼahenni mu yiye no, okunkum mmarima a wokum nʼagya a na ɔyɛ ɔhene no.
6 但沒有處死兇手們的子女，因為照梅瑟法律書上的記載，上主曾吩咐說：「不可為兒子的罪處死父親，亦不可為父親的罪處死兒子；每人只應因自己的罪而死。」
Nanso wɔn a wokunkum wɔn no mma de, wankum wɔn, sɛnea wɔakyerɛw wɔ Mose Mmara Nhoma no mu no, ne sɛnea Awurade ahyɛ no sɛ: Wonnkunkum agyanom, wɔn mma bɔne nti; na wonnkunkum mma, agyanom bɔne nti. Ɛsɛ sɛ wɔn mu biara wu wɔ ne bɔne ho.
7 阿瑪責雅在鹽谷擊殺了一萬厄東人，一戰而攻佔了色拉，改名叫約刻特耳，直到今日。猶大向以色列宣戰。
Amasia na okunkum Edomfo mpem du wɔ Nkyene Bon no mu no. Ɔno ara nso na odii Sela so nkonim, na ɔtoo hɔ din Yokteel, din a wɔde frɛ hɔ de besi nnɛ no.
8 那時，阿瑪責雅派遣使者去見以色列王耶胡的孫子，約阿哈次的兒子耶曷阿士說：「來，讓我們見個高低! 」
Da bi, Amasia ka sii Israelhene a ɔyɛ Yehoahas babarima ne Yehu nena anim se, “Behyia me ma yɛnko.”
9 以色列王耶曷阿士派人去對猶大王阿瑪責雅說：「黎巴嫩的荊棘派使者對黎巴嫩的香柏說：將你的女兒嫁給我的兒子為妻! 然而有一隻黎巴嫩的野獸經過，將這棵荊棘踐踏了。
Na Israelhene Yoas buaa Yudahene Amasia se, “Nsɔe a ɛwɔ Lebanon mmepɔw so somaa abɔfo kɔɔ dutan sida nkyɛn kɔka kyerɛɛ no se, ‘Fa wo babea ma me babarima aware.’ Ɛhɔ ara na aboa bi fi wuram betiatiaa nsɔe no so sɛee no.
10 你打敗了厄東，就心高氣傲嗎﹖你安居家中引以為榮好了，又何必惹禍，使你和猶大一同喪亡﹖」
Nokware, woadi Edom so nkonim, ama woayɛ ahantan. Ma wʼani nsɔ wo nkonimdi no, na tena wo fi. Adɛn nti na wopere wo ho kɔ ɔhaw a ɛde amanehunu bɛba wo ne Yudafo nyinaa so yi?”
11 但是，阿瑪責雅不肯聽從，於是以色列王耶曷阿士就上來，在猶大的貝特舍默士與猶大王阿瑪責雅相見了。
Na Amasia antie nti, Israelhene Yoas boaboaa nʼakofo ano ne no kɔkoe. Asraafo dɔm abien no hyiaa mu koe wɔ Bet-Semes a ɛwɔ Yuda.
12 猶大為以色列擊敗，各自逃回帳幕去了。
Israel asraafo dii Yuda so nkonim, maa Yuda asraafo no bɔ hwetee, guan kɔɔ wɔn kurom.
13 以色列王耶曷阿士在貝特舍默士生擒了阿哈齊雅的孫子，約阿士的兒子猶大王阿瑪責雅，帶到耶路撒冷，將耶路撒冷的城牆，從厄弗辣因門到「角門，」拆了一個缺口，共四百肘；
Israelhene Yoas kyeree Yudahene, Yoas babarima Ahasia babarima Amasia wɔ Bet-Semes. Na Yoas bɔɔ nsra kɔɔ Yerusalem. Afei ɔhyɛɛ nʼakofo no ma wodwiriw Yerusalem fasu no, fi Efraim Pon no de kosii Twɔtwɔw so Pon no, a ne tenten bɛyɛ sɛ anammɔn ahansia no.
14 又將上主殿內和王宮府庫裡所有的金銀和一切器皿，都拿了去，並帶了人質回撒瑪黎雅。
Ɔfaa sikakɔkɔɔ, dwetɛ ne nnwinne nyinaa fii Awurade asɔredan mu ne ahemfi adekoradan mu hɔ. Ɔfaa nnipa no nnommum, na ɔsan kɔɔ Samaria.
15 耶曷阿士所行的其他事蹟，及他與猶大王阿瑪責雅交戰時所表現的英勇，都記載在以色列列王實錄上。
Yoas ahenni mu nsɛm nkae ne nea ne tumi kosii ne ako a ɔne Yudahene Amasia dii no nyinaa, wɔankyerɛw angu Israel Ahemfo Abakɔsɛm Nhoma no mu ana?
16 耶曷阿士與列祖同眠，與以色列列王同葬在撒瑪黎雅。他的兒子雅洛貝罕繼位為王。
Bere a Yoas wui no, wosiee no wɔ ne mpanyimfo nkyɛn wɔ Samaria. Na ne babarima Yeroboam a ɔto so abien na odii nʼade sɛ ɔhene.
17 以色列王約阿哈次的兒子耶曷阿士死後，猶大王約阿士的兒子阿瑪責雅，還活了十五年。
Israelhene Yoas, Yehoahas babarima wu akyi no, Yudahene Amasia tenaa ase mfe dunum.
18 阿瑪責雅其餘的事蹟，都記載在猶大列王實錄上。
Amasia ahenni mu nsɛm nkae no, wɔankyerɛw angu Yuda Ahemfo Abakɔsɛm Nhoma no mu ana?
19 在耶路撒冷有人結黨反抗他，他即逃往拉基士，但是叛黨派人追到拉基士，在那裡將他殺死，
Wɔpam Amasia ti so wɔ Yerusalem nti, oguan kɔɔ Lakis. Nanso, nʼatamfo no somaa awudifo, ma wotiw no, kokum no wɔ hɔ.
20 將屍體用馬馱回，葬在耶路撒冷達味城，與他的祖先埋在一起。
Wɔsan de no too ɔpɔnkɔ so, baa Yerusalem, na wosiee no wɔ ne mpanyimfo nkyɛn wɔ Dawid kurom.
21 全猶大人民遂選立了十六歲的阿匝黎雅，繼他父親阿瑪責雅為王。
Yudafo sii Amasia babarima Asaria a na wadi mfe dunsia no hene.
22 在阿瑪責雅王與他的祖先同眠以後，阿匝黎雅將厄拉特收回仍歸猶大，加以重建。
Nʼagya wu akyi no, Asaria san kyekyeree Elat kurow, dan maa Yuda.
23 猶大王約阿士的兒子阿瑪責雅十五年，以色列王耶曷阿士的兒子雅洛貝罕，在撒瑪黎雅登極為王，在位凡四十一年。
Yudahene Yoas babarima Amasia adedi mfe dunum mu no, Israelhene Yoas babarima Yeroboam a ɔto so abien bedii hene wɔ Israel. Odii ade wɔ Samaria mfirihyia aduanan baako.
24 他行了上主視為惡的事，沒有離開乃巴特的兒子雅洛貝罕，使以色列陷於罪惡的種種罪惡。
Ɔyɛɛ bɔne wɔ Awurade ani so. Na wantwe ne ho amfi abosonsom a Nebat babarima Yeroboam maa Israelfo kɔɔ mu no ho.
25 他收復了以色列邊境的疆域，從哈瑪特渡口直到阿辣巴海，正如上主以色列的天主，藉他僕人加特赫斐爾人阿米泰的兒子約納所說的話。
Yeroboam a ɔto so abien gyigyee Israel nsase a ɛda Lebo Hamat ne Nkyene Po no ntam no sɛnea Awurade, Israel Nyankopɔn nam Amitai babarima Yona, odiyifo a ofi Gat-Hefer so, hyɛɛ ho bɔ no.
26 因為上主看見了以色列遭受壓迫，極其痛苦；無論是自由的或不自由的，都沒有了；也沒有人援助以色列。
Awurade huu sɛnea obiara a ɔwɔ Israel no reteetee, na wonni obiara a ɔbɛboa wɔn nso.
27 然而上主並沒有意思，要從天下除去以色列的名字，因此，藉耶曷阿士的兒子雅洛貝罕拯救了他們。
Esiane sɛ Awurade nkaa se ɔbɛpepa Israel din koraa no nti, ɔnam Yoas babarima Yeroboam nso so gyee wɔn nkwa.
28 雅洛貝罕其餘的事蹟，他行的一切，他交戰時的英勇，以及他如何的攻下了大馬士革和收復了哈瑪特重歸於以色列，都記載在以色列列王實錄上。
Yeroboam a ɔto so abien ahenni mu nsɛm nkae ne dwuma a odii nyinaa, nea ne tumi ano kosii, nʼakodi ne nsase a ogyigye maa Israel a Damasko ne Hamat a na ɛwɔ Yuda nsam no nyinaa ka ho no, wɔankyerɛw angu Israel Ahemfo Abakɔsɛm Nhoma no mu ana?
29 雅洛貝罕與祖先以色列列王同眠後，他的兒子則加黎雅繼位為王。
Bere a Yeroboam wui no, wosiee no ne mpanyimfo a na wɔyɛ Israel ahemfo no nkyɛn. Na ne babarima Sakaria na odii nʼade sɛ ɔhene.
