列王紀下 13
1 猶大王阿哈齊雅的兒子約阿士二十三年，耶胡的兒子約阿哈次在撒瑪黎雅登極作以色列王，在位凡十七年。
Ngomnyaka wamatshumi amabili lantathu wokubusa kukaJowashi indodana ka-Ahaziya inkosi yakoJuda, uJehowahazi indodana kaJehu waba yinkosi yako-Israyeli eSamariya njalo wabusa okweminyaka elitshumi lesikhombisa.
2 他行了上主視為惡的事，隨從了乃巴特的兒子雅洛貝罕使以色列陷於罪惡的罪，始終沒有離開；
Wenza okubi phambi kukaThixo ngokulandela izono zikaJerobhowamu indodana kaNebhathi, owayebangele u-Israyeli ukuthi azenze, njalo kazange axekelane lazo.
3 因此，上主向以色列大發忿怒，使他們不斷處於阿蘭王哈匝耳和哈匝耳的兒子本哈達得的權下。
Ngakho ulaka lukaThixo lwavutha ku-Israyeli, okwaze kwathi okwesikhathi eside wabayekela bengaphansi kombuso kaHazayeli inkosi yase-Aramu loBheni-Hadadi indodana yakhe.
4 約阿哈次便求上主開恩，上主俯聽了他，因為他看見以色列實在遭受阿蘭王的迫害。
UJehowahazi wacela ukuthethelelwa kuThixo. UThixo wamuzwa, ngoba wabona ukuba abako-Israyeli bancindezelwe kanganani yinkosi yase-Aramu.
5 上主就賜給以色列一個拯救者，救他們脫離阿蘭的權下，使以色列子民像從前一樣，安居樂業。
UThixo wabapha umkhululi abako-Israyeli owabakhulula esandleni sama-Aramu. Ngalokho abako-Israyeli bahlala emizini yabo njengakuqala.
6 但是，他們仍不離開雅洛貝罕家使以色列陷於罪惡的罪，始終走這條路，並且在撒瑪黎雅還是供著阿舍辣。
Kodwa abatshiyananga lezono zabendlu kaJerobhowamu, lezo ayebangele abako-Israyeli ukuthi bazenze; baqhubeka ngazo, njalo lezinsika zika-Ashera zahlala zilokhu zikhona eSamariya.
7 因此，上主沒有給約阿哈次留下什麼軍隊，只留下了五十騎兵，十輛車和一萬步兵；因為阿蘭王消滅了他們，使他們如同遭人踐踏的塵土。
Akusalanga lutho lwamabutho kaJehowahazi ngaphandle kwabagadi bamabhiza abangamatshumi amahlanu, lezinqola zempi ezilitshumi kanye lezinkulungwane ezilitshumi zamabutho ahamba ngezinyawo, ngoba inkosi yase-Aramu yayibhubhise bonke abanye yabenza baba njengothuli ngesikhathi sokubhula.
8 約阿哈次其餘的事蹟，他的偉大作為和他的英勇，都記載在以色列列王實錄上。
Mayelana lezinye izehlakalo zombuso kaJehowahazi, lakho konke akwenzayo lokuphumelela kwakhe, akulotshwanga encwadini yembali yamakhosi abako-Israyeli na?
9 約阿哈次與先祖同眠，葬在撒瑪黎雅；他的兒子耶曷阿士繼位為王。
UJehowahazi waphumula laboyisemkhulu njalo wangcwatshwa eSamariya. Indodana yakhe uJowashi yabusa esikhundleni sakhe.
10 猶大王約阿士三十七年，約阿哈次的兒子耶曷阿士在撒瑪黎雅登極作以色列王，在位凡十六年；
Ngomnyaka wamatshumi amathathu lesikhombisa kaJowashi inkosi yakoJuda, uJowashi indodana kaJehowahazi waba yinkosi yako-Israyeli eSamariya, yena-ke wabusa okweminyaka elitshumi lesithupha.
11 他行了上主視為惡的事，沒有離開乃巴特的兒子雅洛貝罕使以色列陷於罪惡的罪，始終走了這條路。
Wenza okubi phambi kukaThixo njalo kazange axekelane lezono zikaJerobhowamu indodana kaNebhathi, ayebangele u-Israyeli ukuthi azenze, waqhubeka ngazo.
12 耶曷阿士其餘的事蹟，他行的一切，以及他與猶大王阿瑪責雅交戰時所表現的英勇，都記載在以色列列王實錄上。
Mayelana lezinye izehlakalo zombuso Jowashi lakho konke akwenzayo lokuphumelela kwakhe lezimpi azilwa lo-Amaziya inkosi yamaJuda akulotshwanga encwadini yembali yamakhosi ako-Israyeli na?
13 耶曷阿士與列祖同眠，雅洛貝罕坐上了他的王位；耶曷阿士與以色列列王同葬在撒瑪黎雅。
UJowashi waphumula laboyisemkhulu, ubukhosi bakhe bathathwa nguJerobhowamu. UJowashi wangcwatshwa eSamariya ndawonye lamakhosi abako-Israyeli.
14 那時，厄里叟患了不治之症，以色列王耶曷阿士下來看他，伏在他面上哭說：「我父，我父! 以色列的戰車，以色列的駿馬! 」
U-Elisha wayegula umkhuhlane owacina usumbulala. UJowashi inkosi yako-Israyeli wahamba ukuyambona wafika wakhala wathi, “Baba! Baba! Izinqola zokulwa labagadi bamabhiza ako-Israyeli!”
15 厄里叟對他說：「你取弓箭來! 」他就取了弓箭來，
U-Elisha wathi, “Thatha idandili lemitshoko.” Wakwenza lokho.
16 先知吩咐王說：「將你的手放在弓上! 」他就把手放在弓箭上；厄里叟把自己的手按在君王的手上，
Wathi enkosini yako-Israyeli, “Phatha idandili lelo ngezandla.” Yathi isiliphethe, u-Elisha wabeka izandla zakhe phezu kwezandla zenkosi.
17 說：「你打開朝東的窗戶。」他就打開了。厄里叟吩咐說：「射箭! 」他就射了箭。厄里叟說：「這是上主勝利的一箭；是戰勝阿蘭的一箭；你要在阿費克打敗阿蘭，直到將他消滅。」
U-Elisha wasesithi, “Vula iwindi elisempumalanga.” Yalivula, u-Elisha wathi, “Tshoka!” Yatshoka. U-Elisha wasememeza eqonqosela wathi, “Umtshoko wokunqoba kaThixo, umtshoko wokunqoba ele-Aramu! Uzabhubhisa ama-Aramu e-Afekhi.”
18 厄里叟又說：「你另取幾枝箭來。」他就取了來；先知對王說：「你向地射擊! 」他射擊三次，就停止了。
Wasesithi enkosini, “Thatha imitshoko yakho,” inkosi yayithatha. U-Elisha wasesithi kuyo, “Tshaya iphansi leli,” inkosi yatshaya iphansi kwaze kwaba kathathu yasisima.
19 天主的人向他發怒說：「你該射擊五次或六次，纔能完全打敗阿蘭，直到將她消滅。但是現在，你只能三次擊敗阿蘭。」
Umuntu kaNkulunkulu kwamzondisa lokho wasesithi kuyo inkosi, “Bekufanele ukuthi utshaye iphansi kahlanu loba kasithupha; ngalokho kade uzabe unqobe ele-Aramu njalo walibhubhisa. Kodwa khathesi usuzalinqoba kathathu kuphela.”
20 厄里叟死了，人安葬了他。第二年春，有一群摩阿布游擊隊來犯國土，
U-Elisha wafa wangcwatshwa. Abahlaseli bamaMowabi babejayele ukungena elizweni entwasa.
21 那時有人正去埋葬一個死人，忽然看見這群游擊隊，便將死人拋在厄里叟的墳墓裡走了。那個死人一接觸到厄里叟的骨骸，就復活站起來。
Kwathi kwesinye isikhathi abako-Israyeli bengcwaba indoda ethile, babona nampa abahlaseli; basebelahlela isidumbu leso ethuneni lika-Elisha. Kuthe isidumbu leso sithinta amathambo ka-Elisha, indoda leyo yavuka yasukuma yama ngezinyawo zayo.
22 約阿哈次年間，阿蘭王哈匝耳常是壓迫以色列人，
UHazayeli inkosi yase-Aramu wancindezela abako-Israyeli ngesikhathi sokubusa kukaJehowahazi.
23 但上主因了同亞巴郎、依撒格和雅各伯所立的盟約，恩待、憐憫、眷顧了以色列人，不願加以消滅，所以沒有將他們從自己面前拋棄。
Kodwa uThixo waba lomusa kubo waba lozwelo watshengisela ukubakhathalela ngenxa yesivumelwano sakhe lo-Abhrahama, u-Isaka loJakhobe. Kuze kube lamuhla kathandi ukubabhubhisa loba ukubalahla basuke phambi kwakhe.
24 阿蘭王哈匝耳死後，他的兒子本哈達得繼位為王。
UHazayeli inkosi yama-Aramu wafa, uBheni-Hadadi indodana yakhe wabusa esikhundleni sakhe.
25 約阿哈次的兒子耶曷阿士從哈匝耳的兒子本哈達得手中，又奪回了他父親約阿哈次在戰爭中所失去的城市；耶曷阿士三次擊敗了他，收復了以色列失去的城市。
Ngakho uJowashi indodana kaJehowahazi wabuya wathumba njalo amadolobho embusweni kaBheni-Hadadi indodana kaHazayeli ayethunjwe empini kayise uJehowahazi. UJowashi wamnqoba kathathu, ngakho wawabuyisa amadolobho abako-Israyeli.
