列王紀下 10
1 阿哈布在撒瑪黎雅尚有七十個孫子，為此，耶胡寫信給撒瑪黎雅城中的首領、長老和阿哈布子孫的師保，說：「
Akabi azalaki na bana mibali tuku sambo na Samari. Jewu akomaki mikanda mpe atindaki yango na Samari epai ya bakalaka ya Jizireyeli, epai ya bampaka mpe epai ya babateli ya bana ya Akabi. Na mikanda yango, Jewu alobaki:
2 你們主上的子孫，既然都同你們在一起，又有車馬、堅城和武器；那麼，這信一到你們手中，
« Tango kaka mokanda oyo ekokomela bino, lokola bana mibali ya mokonzi na bino bazali elongo na bino, mpe lokola bozali na bashar mpe bampunda, engumba ya makasi mpe bibundeli,
3 你們就在你們主上的子孫中，選出一位最好最能幹的，坐上他父親的寶座，來為你們主上的家作戰。」
bopona mwana mobali oyo aleki malamu mpe mayele kati na bana mibali ya mokonzi na bino, botia ye na kiti ya bokonzi ya tata na ye, mpe bobunda mpo na ndako ya mokonzi na bino. »
4 但是，他們都很害怕說：「哎! 兩位君王尚且不能抵抗他，我們又怎能抵抗﹖」
Kasi babangaki makasi mpe balobaki: « Soki kutu bakonzi mibale bakokaki te kobunda na ye, bongo ndenge nini biso tokobunda na ye? »
5 因此，家臣、市長、長老和師保，便派人去見耶胡說：「我們是你的僕人，凡你吩咐的，我們都必照辦。我們不選立任何人作王；你看著怎樣好，就怎樣辦罷! 」
Boye, mobateli biloko ya ndako ya mokonzi, moyangeli ya engumba, bampaka mpe babateli ya bana ya mokonzi batindaki sango oyo epai ya Jewu: « Tozali basali na yo mpe tokosala nyonso oyo okoloba. Tokotia moto mosusu te lokola mokonzi, tokosala nyonso oyo okomona malamu. »
6 耶胡又給他們寫了第二封信：「如果你們擁護我，願聽從我的號令；那麼，明天這個時候，你們就帶著你們主上的子孫的頭，到依次勒耳來見我。」君王的七十個子孫，其時都教養在城中的官紳家中。
Boye, Jewu akomelaki bango mokanda ya mibale oyo kati na yango alobaki: « Soki bozali na ngambo na ngai mpe bokotosa ngai, bozwa mito ya bana mibali nyonso ya mokonzi na bino mpe boya na yango epai na ngai, na Jizireyeli, lobi na tongo. » Nzokande bana mibali tuku sambo ya mokonzi bazalaki epai ya bato ya lokumu ya engumba, oyo bazalaki kobokola bango.
7 這封信一到，他們便將君王的七十個子孫全都殺了，把他們的頭放在籃子裏，送到依次勒耳耶胡那裏。
Tango mokanda ekomaki, bato wana bazwaki bana mibali ya mokonzi, babomaki bango nyonso tuku sambo, batiaki mito na bango na bitunga mpe batindaki yango epai ya Jewu, na Jizireyeli.
8 有使者來報告耶胡說：「他們將君王子孫的頭送來了。」耶胡即下令說：「將頭分成兩堆，放在城門口，直到明天早晨。」
Ntoma moko akomaki mpe alobaki na Jewu: — Bamemi mito ya bana mibali ya mokonzi. Bongo Jewu apesaki mitindo: — Botia yango na mipiku mibale na ekuke ya engumba kino na tongo.
9 第二天早晨，耶胡出來，站著對全民眾說：「你們都沒有罪。看，我背叛了我的主上，且殺了他，但是，這些人是誰殺的呢﹖
Na tongo ya mokolo oyo elandaki, Jewu abimaki, atelemaki liboso ya bato nyonso mpe alobaki: — Bosali na bino mabe te. Ezalaki ngai nde nasalelaki nkolo na ngai likita mpo na kotelemela ye mpe koboma ye; kasi nani abomi bato oyo nyonso?
10 你們也知道上主的話，即上主論及阿哈布家所說的話，一句也沒有落空；上主藉他僕人厄里亞所說的話，都實現了。」
Boyeba ete liloba moko te oyo Yawe alobaki mpo na kotelemela ndako ya Akabi ekozanga kokokisama. Yawe akokisi makambo oyo alobaki na nzela ya mosali na Ye, Eliya.
11 然後，耶胡把阿哈布家在依次勒耳所剩下的人，所有的親屬、友人和司祭，全都殺了，一個也沒有留下。
Boye Jewu abomaki bato nyonso ya ndako ya Akabi, oyo batikalaki na Jizireyeli: bato na ye nyonso ya lokumu, baninga na ye, Banganga-Nzambe na ye. Atikaki ata moto na ye moko te na bomoi.
12 以後，耶胡起程往撒瑪黎雅去了。途中經過牧人聚集地貝特厄刻得時，
Jewu atelemaki mpe akendeki na Samari. Na Beti-Ekedi-Aron,
13 遇見猶大王阿哈齊雅的兄弟，就問他們說：「你們是誰﹖」他們回答說：「我們是阿哈齊雅的兄弟，現在下去向君王和太后的兒子請安。」
Jewu akutanaki na bandeko ya Akazia, mokonzi ya kala ya Yuda, mpe atunaki bango: — Bozali banani? Bazongisaki: — Tozali bandeko ya Akazia. Toyei kopesa bana mibali ya mokonzi mpe mama ya mokonzi mbote.
14 耶胡遂下令說：「將他們活活捉住! 」隨從就將他們活活捉住，在貝特厄刻得井旁把他們殺了，共計四十二人，一個也沒有留下。
Jewu apesaki mitindo: — Bokanga bango ya bomoi. Boye bakangaki bango ya bomoi mpe bakataki bango bakingo, pene ya libulu ya Beti-Ekedi. Bazalaki mibali tuku minei na mibale, mpe Jewu atikaki moto moko te na bomoi.
15 耶胡從那裏起身前行，又遇見勒加布的兒子約納達布前來迎接他；耶胡向他請安，問他說：「你對我的心是否同我對你的心，請你伸出手來。」他就向耶胡伸過手去；耶胡就拉他上車，坐在自己身旁，
Tango alongwaki kuna mpe akutanaki na Yonadabi, mwana mobali ya Rekabi, oyo abandaki koya kokutana na ye, Jewu apesaki ye mbote mpe alobaki: — Boni, motema na yo ezali sembo mpo na ngai, ndenge motema na ngai ezali mpo na yo? Yonadabi azongisaki: — Iyo, ezali bongo! Jewu alobaki: — Soki ezali bongo, pesa ngai loboko na yo. Boye, Yonadabi asalaki bongo, mpe Jewu asungaki ye mpo na komata na shar.
16 對他說：「你跟我來，看看我對天主是怎樣的熱誠。」於是叫他坐上他自己的車。
Jewu alobaki: — Yaka elongo na ngai, mpe okomona bolingo makasi na ngai mpo na Yawe. Boye, Jewu amemaki ye na shar na ye.
17 到了撒瑪黎雅，就照上主對厄里亞所說的話，將阿哈布家在撒瑪黎雅剩下的人，全都殺了。
Tango Jewu akomaki na Samari, abomaki bato nyonso ya libota ya Akabi, oyo batikalaki kuna. Jewu abomaki bango kolanda Liloba na Yawe oyo alobaki na nzela ya Eliya.
18 耶胡召集了全國人民，對他們說：「阿哈布事奉巴耳不夠熱心，我耶胡要更熱心事奉他。
Jewu abengisaki bato nyonso mpe alobaki na bango: « Akabi azalaki kosalela Bala mingi te, kasi Jewu akosalela ye mingi.
19 所以現在，你們去召集所有巴耳的先知，所有敬拜巴耳的人，和所有的司祭，都到我這裏來，一個也不要缺席，因為我要向巴耳奉獻大祭；誰缺席，誰就不能生存。」這原是耶胡運用的詭計，想消滅所有敬拜巴耳的人。
Sik’oyo, bobengisa basakoli nyonso ya Bala, basambeli na ye nyonso mpe banganga-nzambe na ye nyonso. Bosala ete moto moko te azanga, pamba te nakobonza mbeka ya monene mpo na Bala. Moto nyonso oyo akozanga, akokufa. » Jewu asalelaki mayele mabe mpo na koboma basambeli ya Bala.
20 耶胡下令說：「你們要為巴耳召開一個聖會! 」他們就宣布召開。
Jewu alobaki: « Bobengisa mayangani mpo na lokumu ya Bala. » Boye babengisaki mayangani yango.
21 耶胡派人走遍全以色列；凡敬百拜巴耳的人都來了，沒有一個缺席不來的；他們都進了巴耳廟，巴耳廟內全擠滿了人。
Jewu apanzaki sango kati na Isalaele, basambeli nyonso ya Bala bayaki mpe moto moko te azangaki. Bakotaki ebele na ndako ya nzambe Bala mpe batondisaki yango kino na basuka nyonso.
22 耶胡對管祭衣的人說：「為所有敬拜巴耳的人，拿出衣服來! 」那人就給他們拿出衣服來。
Jewu alobaki na mobateli bilamba ya bonganga-nzambe ya Bala: « Yaka na bilamba mpo na basambeli nyonso ya Bala. » Boye abimisaki bilamba mpo na bango.
23 耶胡和勒加布的兒子約納達布進了巴耳廟，對敬拜巴耳的人說：「你們要搜查看看，這裏不要有事奉雅威的人同你們在一起，只准敬拜巴耳的人。」
Bongo Jewu elongo na Yonadabi, mwana mobali ya Rekabi, bakotaki na ndako ya nzambe Bala. Jewu alobaki na basambeli ya Bala: « Botala malamu-malamu na zingazinga na bino mpo ete basali ya Yawe bazala elongo na bino te, kaka basali ya Bala. »
24 他們於是進去奉獻犧牲和全燔祭。耶胡預先在外已派定八十人，對他們說：「誰若讓我交於你們手中的一個人逃走，就要他以命抵命。」
Bakotaki mpo na kobongisa bambeka mpe batumbaki yango. Nzokande, Jewu atiaki bato tuku mwambe libanda na likebisi oyo: « Soki moto moko kati na bino akimisi moko kati na bato oyo napesi na maboko na bino, akofuta bomoi na ye na motuya ya bomoi ya moto oyo akimi. »
25 全燔祭奉獻完畢，耶胡吩咐衛兵和軍官說：「你們進去擊殺，一個耶不可叫他逃走! 」衛兵和軍官便用刀擊殺了他們，把他們的屍體拋出，然後進入巴耳廟的內堂，
Tango kaka Jewu asilisaki kobongisa mbeka ya kotumba, apesaki mitindo epai na bakengeli mpe na bakambi na bango: « Bokota mpe boboma bango. Bokimisa moto moko te. » Boye, babomaki bango na mopanga. Bakengeli mpe bakonzi ya basoda babwakaki bibembe na libanda mpe bakotaki kino na esika ya bule ya ndako ya nzambe Bala.
26 把巴耳廟內的神柱搬出來燒了，
Babimisaki libanga ya bule na libanda ya ndako ya nzambe Bala mpe batumbaki yango.
27 推倒了巴耳偶像，拆毀了巴耳廟，使之成為一個廁所，直到今日。
Babukaki libanga yango ya bule, bakweyisaki ndako ya nzambe Bala mpe bakomisaki yango zongo kino na mokolo ya lelo.
28 這樣，耶胡將巴耳從以色列中剷除了；
Ezali bongo nde Jewu asukisaki losambo ya Bala kati na Isalaele.
29 但他仍沒有離棄乃巴特的兒子雅洛貝罕使以色列陷於罪惡的罪：即那兩頭設在貝特耳和丹的金牛。
Kasi Jewu atikaki te masumu ya Jeroboami, mwana mobali ya Nebati, oyo, na nzela na yango, akweyisaki Isalaele na lisumu. Lisumu yango ezali: kosambela bikeko ya bangombe ya wolo, na Beteli mpe na Dani.
30 上主對耶胡說：「由於你好好執行了我視為義的事，照我心中所想的一切對待了阿哈布家，你的子孫要坐以色列的王位，直到第四代。」
Yawe alobaki na Jewu: « Lokola osali malamu mpo na kokokisa oyo ezali sembo na miso na Ngai, mpe lokola osali na libota ya Akabi nyonso oyo nakanaki kosala, bakitani na yo bakovanda na kiti ya bokonzi ya Isalaele kino na molongo ya minei. »
31 但耶胡並沒有全心謹守遵行上主以色列天主的法律，沒有放棄雅洛貝罕使以色列陷於罪惡的罪。
Nzokande, Jewu asalaki bokebi te mpo na kobatela mibeko ya Yawe, Nzambe ya Isalaele, na motema na ye mobimba. Atikaki te masumu ya Jeroboami oyo, na nzela na yango, akweyisaki Isalaele na lisumu.
32 那時，上主開始削弱以色列，哈匝耳也在四面邊境上攻擊以色列，
Na tango wana, Yawe abandaki kokomisa moke bandelo ya Isalaele. Azaeli alongaki bana ya Isalaele, na mokili na bango,
33 侵佔了約旦河東基肋阿得全地，即加得人，勒烏本和默納協人的地方，從阿爾農河附近的阿洛厄爾城，直到基肋阿得和巴商。
na este ya Yordani, na etuka nyonso ya Galadi (mabele ya libota ya Gadi, ya Ribeni mpe ya Manase), longwa na Aroeri oyo ezali pembeni ya moluka ya Arinoni kino na Galadi mpe Bashani.
34 耶胡其餘的事蹟，他的一切作為和武功，都記載在以色列列王實錄上。
Makambo mosusu oyo etali bokonzi ya Jewu, misala na ye nyonso mpe elonga na ye ekomama kati na buku ya masolo ya bakonzi ya Isalaele.
35 耶胡與列祖同眠，人將他葬在撒瑪黎雅；他的兒子約阿哈次繼位為王。
Jewu akendeki kokutana na bakoko na ye, mpe bakundaki ye na Samari. Bongo Yoakazi, mwana na ye ya mobali, akitanaki na ye na bokonzi.
36 耶胡在撒瑪黎雅作以色列王，凡二十八年。
Jewu akonzaki Isalaele, na Samari mibu tuku mibale na mwambe.
