歷代志下 6
1 當時撒羅滿說：「上主曾決定：要住在幽暗之中；
Epi Salomon te di: “SENYÈ a te di ke Li ta abite nan nwaj fonse a.
2 我卻為你建築了一個居所，作為你永久的住處」。[撒羅滿的訓辭]
Mwen te bati yon kay byen wo ak yon plas pou abitasyon pa W Jis pou tout tan.”
3 撒羅滿轉過臉來，祝福了以色列全會眾；以色列全會眾都站著，
Konsa, wa a te vire fas li pou te beni tout asanble Israël la pandan tout asanble a te kanpe.
4 撒羅滿說：「上主，以色列的天主，應受讚美! 他親口對我父親達味應許過，也親手完成了說：
Li te di: “Beni se SENYÈ a, Bondye Israël la, ki te pale avèk bouch Li a papa m, David, e ki te acheve sa avèk men Li, lè li te di:
5 自從我領我的百姓出離埃及地的那天起，沒有在以色列各支派中，選擇一城，為建造一座作我名下的殿，也沒有揀選一個人作領袖，管理我的百姓以色列。
‘Depi jou ke M te mennen pèp Mwen an sòti nan peyi Égypte la, Mwen pa t chwazi yon vil nan tout tribi Israël yo pou bati yon kay pou non Mwen ta kapab la, ni Mwen pa t chwazi yon moun kòm chèf sou pèp Mwen an, Israël;
6 可是，我選擇了耶路撒冷作為安置我名之處，揀選了達味管理我的百姓以色列。
men Mwen te chwazi Jérusalem pou non Mwen ta kapab la, e Mwen te chwazi David pou li kapab sou pèp Mwen an, Israël.’
7 我父親達味原有意為上主以色列天主的名建造一座殿，
Alò, li te nan kè a papa m, David, pou bati yon kay pou non SENYÈ a, Bondye Israël la.
8 但上主卻對我父親達味說：你有意為我的名建造一座殿，你這番心意固然很好，
Men SENYÈ a te di a papa m, David: ‘Akoz li te nan kè ou pou bati kay pou non Mwen an, ou te fè byen lè sa te nan kè ou a.
9 但不是你要建造這殿，而是你親生的兒子，他要為我的名建造這殿。
Sepandan, ou p ap bati kay la, men fis ou ki va fèt a ou menm, li va bati kay la pou non Mwen.’”
10 現在上主實現了他所說的話，使我來繼承了我父親達味，坐上了以色列的寶座，正如上主所預許的；我也為上主以色列天主的名建造了這座殿，
“Koulye a, SENYÈ a gen tan fin akonpli pawòl ke Li te pale a. Paske mwen te monte nan plas a papa m David, pou chita sou twòn Israël la, jan SENYÈ a te pale a, e te bati kay la pou non SENYÈ a, Bondye Israël la.
11 將約櫃安放在裏面；約櫃內有上主與以色列子民所立的約版。」[祈禱詞]
La, mwen te mete lach ki gen akò SENYÈ a ladann nan, akò ke Li te fè avèk fis Israël yo.”
12 以後，撒羅滿當著以色列全會眾的面，站在上主的祭壇前，伸開手，─
Konsa, li te kanpe devan lotèl SENYÈ a nan prezans a tout asanble Israël la, e li te lonje men li.
13 因為撒羅滿製造了一座銅台，長五肘，寬五肘，高三肘，安置在庭院中央，他立在上面，當著以色列全會眾的面，屈膝跪拜，舉手向天，─
Alò, Salomon te fè yon etaj an bwonz, senk koude nan longè, senk koude nan lajè ak twa koude nan wotè e li te plase li nan mitan gran lakou a. Epi li te kanpe sou li, li te mete li ajenou nan prezans a tout asanble Israël la, e li te lonje men li vè syèl la.
14 說「上主，以色列的天主! 上天下地，沒有一個神可與你相比。你對那些一心在你面前行走的僕人，常是遵守信約，表示慈愛。
Li te di: “O SENYÈ, Bondye Israël la, nanpwen dye tankou Ou nan syèl la ni sou tè a, k ap kenbe akò avèk lanmou dous avèk sèvitè Ou yo ki mache devan Ou avèk tout kè yo;
15 你對你僕人，我父親達味所應許的，你都履行了；你親口應許的，你也親手成就了，正如今天一樣。
ki te kenbe pawòl avèk sèvitè Ou, David, papa m, nan sa ke Ou te pwomèt li a. Anverite, Ou te pale avèk bouch Ou, e Ou te akonpli li avèk men Ou, jan sa ye jodi a.
16 上主，以色列的天主! 你曾說：只要你的子孫謹守他們的道路，按照我的法律行走，如你在我面前行走一樣，你決斷不了在我前坐以色列王位的人；現在求你實踐你對你僕人，我父親達味所說的話罷!
“Pou sa, O SENYÈ, Bondye Israël la, kenbe avèk sèvitè Ou a, David, sa ke ou te pwomèt li a. Ou te di: ‘Ou p ap manke yon nonm ki pou chita sou twòn Israël la, si sèlman fis ou yo fè atansyon nan chemen yo, pou mache nan lalwa pa Mwen, jan ou te mache devan M nan.’
17 上主，以色列的天主，現在求你使你向你僕人達味所應許過的話，予以實現罷!
Alò, pou sa, O SENYÈ, Bondye Israël la, kite pawòl Ou konfime nan sa Ou te pale a sèvitè Ou a, David.
18 天主實在與人住在地上嗎﹖看，天和天上的天，尚且容不下你，何況我所建造的這座殿宇呢!
“Men èske Bondye va vrèman rete avèk lòm sou tè a? Gade byen, syèl la avèk pi wo syèl la pa kab kenbe Ou; bokou mwens, pou kay sa a ke m te konstwi a.
19 上主，我的天主，請垂允你僕人的祈禱和懇求! 俯聽你僕人在你面前所發的呼號和祈禱!
Malgre sa, prete atansyon a lapriyè a sèvitè Ou a, avèk sa li mande a, O SENYÈ Bondye mwen an, pou koute lè m kriye ak lapriyè ke sèvitè Ou a fè devan Ou;
20 願你的眼睛晝夜垂視這座殿，看顧你所說，你要安置你名的地方；求你垂聽你僕人向這地方所行的祈禱!
pou zye Ou kapab ouvri vè kay sa a lajounen kon lannwit, vè plas sou sila Ou te di ke Ou ta mete non Ou la, pou koute lapriyè ke sèvitè Ou a va fè vè plas sa a.
21 願你垂聽你僕人與你百姓以色列向這地方所發的哀禱，求你從天上，由你的居所，予以垂聽，垂聽和寬恕!
Koute a siplikasyon a sèvitè Ou yo ak pèp Ou a, Israël, lè yo priye vè plas sa a; koute depi nan abitasyon Ou an, nan syèl la; e lè Ou koute, padone.
22 若有人得罪了自己的鄰人，被迫以咒詞起誓，而來到這殿內，在你祭壇前起誓，
“Si yon nonm peche kont vwazen li, pou li oblije sèmante e li vin fè yon sèman devan lotèl Ou nan kay sila a,
23 求你由天上垂聽受理，為你的僕人伸冤：懲治惡人，照他所行的，報應在他頭上；宣告義人無罪，照他的正義酬報他。
alò, tande soti nan syèl la e aji pou jije sèvitè Ou yo, avèk pinisyon pou mechan an k ap fè chemen pa li vin tonbe sou pwòp tèt li, epi pou rann jistis a sila ki dwat yo e ba li selon ladwati li.
24 如果你的百姓以色列，因為得罪了你，在敵人面前被擊敗；他們如果回心轉意稱頌你的名，在這殿內向你祈禱懇求，
“Si pèp Ou a ta vin bat devan yon lènmi akoz peche ke yo konn fè kont Ou, e yo retounen kote Ou pou konfese non Ou; si yo priye devan Ou e fè siplikasyon devan Ou nan kay sa a,
25 願你從天上予以垂聽，寬恕你百姓以色列的罪，領他們回到你賜給他們並他們祖先的地方!
alò, koute soti nan syèl la, e padone peche a pèp Ou a, Israël. Mennen yo retounen nan peyi ke Ou te bay a yo menm avèk zansèt pa yo.
26 幾時他們犯罪得罪了你，天空閉塞不雨，你懲罰了他們；他們如果向這地方祈禱，稱頌你的名，遠離罪過，
“Lè syèl yo vin fèmen e nanpwen lapli akoz peche ke yo fè kont Ou, si yo fè lapriyè vè plas sa a e konfese non Ou, pou yo vire kite peche pa yo lè Ou aflije yo;
27 求你從天上垂聽，赦免你僕人及你百姓以色列的罪，指給他們應走的正路，使雨降仔你賜予你百姓作為基業的地上。
alò, tande nan syèl la e padone peche a sèvitè Ou yo ak pèp Ou a, Israël. Anverite, enstwi yo selon bon chemen nan sila yo ta dwe mache a, epi voye lapli sou tè ke Ou te bay a pèp Ou a kòm eritaj la.
28 如果此地發生饑饉、瘟疫，五穀枯萎生霉，或遭受蝗蟲或螞蚱，或有敵人犯境圍困門下，或不拘遭受什麼災禍疾病，
“Si gen gwo grangou nan peyi a, si se gwo maladi, si gen gwo dega jaden ak bèt, oswa kanni, si gen krikèt oswa bèt volan, si lènmi yo fè syèj a yo menm nan teren vil yo, nenpòt toumant, nenpòt maladi,
29 你的百姓以色列，個人或團體，如果感覺內疚和痛苦，而向這殿伸出手來祈禱哀求，
nenpòt lapriyè oswa siplikasyon ki fèt pa nenpòt moun, oswa pa tout pèp Ou a, Israël, chak moun ki konnen pwòp soufrans li ak pwòp doulè li e ki vin ouvri men li vè kay sila a,
30 願你從天上，你的居所，予以俯聽寬恕，照每人的一切行為，予以賞報，因為你認識每個人的心，─唯有你認識人子的心，
nan lè sa a, koute depi nan syèl la, abitasyon pa Ou a, epi padone e bay a chak moun selon pwòp chemen li, kè a sila Ou konnen yo (paske Ou menm sèl konnen kè a fis a lòm yo),
31 使他們在你賜予我們祖先的地上，一生一世敬畏你，在你的道路上行走!
pou yo ta kapab gen lakrent Ou, pou mache nan chemen Ou yo pou tout tan ke yo rete nan peyi ke Ou te bay a zansèt nou yo.
32 至於那不屬於你百姓以色列的外方人，為了你的大名，你有力的手及伸開的臂，自遠方來，在這殿內祈禱，
“Anplis, selon etranje ki pa sòti nan pèp Ou a, Israël, lè li sòti nan yon peyi lwen, akoz gran non pa Ou, avèk men pwisan Ou ak bwa Ou ki lonje byen ouvri a, lè yo vini fè lapriyè vè kay sila a,
33 願你從天上，你的居所垂聽，按照外方人所請求於你的去行! 這樣，可使地上萬民都認識你的名，敬畏你，如同你的百姓以色列一樣；使他們知道我所建造的這殿，是屬於你名下的。
alò, koute depi nan syèl la, depi abitasyon Ou a, e fè selon tout sa ke etranje sila a vin mande Ou, jis pou tout pèp sou latè yo kapab konnen non Ou e gen lakrent ou, jan pèp Israël Ou a konn fè a, pou yo kapab rekonèt ke kay sila ke m te bati a rele pa non Ou.
34 你的人民，如果在你派遣他們走的路上與敵人交戰，而他們向你所揀選的這城，向我為你的名所建造的這殿，祈求你，
“Lè pèp Ou a sòti pou batay kont lènmi yo, pa nenpòt chemen ke Ou ta voye yo, e yo priye a Ou menm vè vil sila ke Ou te chwazi ak kay ke m te bati pou non Ou a,
35 願你從天上俯聽他們的祈禱和哀求，維護他們的正義!
nan lè sa a, koute lapriyè yo soti nan syèl la avèk siplikasyon yo, e bay soutyen a koz pa yo.
36 如果他們犯罪得罪了你，─因為沒有不犯罪的人，─你向他們發怒，將他們交於仇敵，讓敵人將他們擄到遠方或近處。
“Lè yo fè peche kont Ou (paske nanpwen lòm ki pa peche), epi Ou fache avèk yo jis Ou livre yo a yon lènmi, e yo pran yo mete an kaptivite nan yon peyi lwen, oswa pre;
37 他們若在被擄往的地方，回心轉意，在充軍之地，懇求你說：我們犯了罪，我們作了惡，做了背理的事；
si yo vin reflechi nan peyi kote yo te mennen an kaptivite a, repanti, e fè siplikasyon a Ou menm nan peyi kaptivite yo a, e di: ‘Nou te peche, nou fè inikite e te aji avèk mechanste;’
38 如果他們在被擄充軍之地，全心全意歸向你，向你賜給他們祖先的地方，向你所揀選的這城，向我為你的名所建造的這殿祈禱，
si yo retounen a Ou menm avèk tout kè yo, avèk tout nanm yo soti nan peyi kaptivite yo a, kote yo te mennen yo an kaptivite a, e priye vè peyi yo a ke Ou te bay a zansèt yo, ak vil ke Ou te chwazi a, e vè kay ke m te bati pou non Ou a,
39 願你從天上，你的居所，垂聽他們的祈禱和懇求，維護他們的正義，寬恕得罪你的百姓!
alò, tande, depi nan syèl la, depi nan abitasyon pa Ou a, lapriyè pa yo, avèk siplikasyon pa yo, e bay soutyen a koz pa yo, epi padone pèp Ou a ki te peche kont Ou.
40 現在，我的天主，願你的眼睛睜著，側耳諦聽在這地方所行的祈禱!
“Koulye a, O Bondye mwen, mwen priye, kite zye Ou louvri e zòrèy ou vin atantif a lapriyè sa a, ki fèt nan plas sa a.
41 現在，上主天主，願你起來，願你與你那大能的約櫃進入你安息之所! 上主天主，願你的司祭身披救援，願你的聖徒在幸福中歡樂!
“Alò, pou sa, leve, O SENYÈ Bondye, a plas repo pa Ou a, Ou menm avèk lach pwisan pa Ou a. Kite prèt Ou yo, SENYÈ Bondye, abiye avèk sali, e kite fidèl Ou yo rejwi nan tout sa ki bon.
42 上主天主，求你不要摒棄你的受傅者，記念你賜予你僕人達味的慈愛! 」
“O SENYÈ Bondye, pa vire kite fas a onksyone pa Ou a. Sonje lanmou dous Ou vè sèvitè Ou a, David.”
