歷代志下 29
1 [希則克雅登極]希則克雅登極時年二十五歲，在耶路撒冷作王凡二十九年；他的母親名叫阿彼雅，是則加黎雅的女兒。
Hagi Hezekaia 25'a kafu hu'neno Juda vahe kini efore huno 29ni'a kafufi Jerusalemi kumatera kinia mani'ne. Hagi nerera'a Zekaraia mofakino agi'a Abija'e.
2 希則克雅行了上主視為正義的事，完全像他的祖先達味所行的一樣。[清除聖殿]
Hagi agra Ra Anumzamofo avurera negeho Deviti'ma hu'neaza huno fatgo avu'ava hu'ne.
3 他作王元年正月，開了上主殿宇的門，再加以修理；
Hagi Hezekaima kinima agafa huno nemanino'a ese kafumofo ese ikantera Ra Anumzamofo mono nonkafantamima ahenkanima re'nazana anagino eri hagro nehuno eri so'e hu'ne.
4 召司祭和肋未人來，聚集在東面廣場上，
Hagi pristi vahe'ene Livae vahe'enena mono kumamofona zage hanati kaziga kehige'za eme atru hazageno,
5 對他們說：「肋未人，請聽我的話! 現在你們應自潔，好清除上主你們祖先的天主的殿宇，將聖所內的污穢之物除去。
amanage huno zamasmi'ne, Nagrama hanua kea Livae nagamota kama antahiho, menina tamagra'a tamazeri agru nehuta, Ra Anumzana tamagehe'i Anumzamofo mono nona azeri agru nehuta, ana mono nompima agru osu zantmima me'neana eri atreho.
6 因為我們的祖先犯了罪，行了上主我們的天主視為不悅的事，離棄了他，並轉臉不顧上主的居所，所以背相向；
Hagi tagehe'za Ra Anumzana tagri Anumzamofona netreza, amagera onte kefo avu'ava hu'naze. Zamagra Ra Anumzamofone, Agrama nemania mono noma'anena zamagena humi'naze.
7 又封閉了廊門，熄滅了燈，未在聖所內給以色列的天主焚香，獻全燔祭。
Hagi ra mono nonkafana eriginente'za, zotare'ma tavima nereana husu hunente'za, mnanentake zane kre fananehu ofanena Israeli vahe Anumzamofo mono nompina kresramana ovu'naze.
8 因此，上主的盛怒降於猶大和耶路撒冷，使之成為恐懼、驚駭、恥笑的對象，正如你們親眼所見的。
E'ina hazageno Juda vahe'ene Jerusalemi kumate vahe'enena Ra Anumzamo'a tusi arimpa ahenezmanteno, zamazeri haviza hige'za vahe'mo'za nege'za kizazokago kema huzamante'naza zana tamagra tamavufintira ke'naze.
9 並且我們的祖先因此死於刀下，我們的妻子兒女作了俘虜。
E'ina agafare tafahe'ina bainati kazintetira zamahe nefri'za, ne mofavretine, mofanetine, a'netinena kina huzmante'za zamavare'za vu'naze.
10 現在，我有意與上主以色列的天主立約，使他的烈怒轉離我們。
Hagi nagra menina nagu'areti hu'na Ra Anumzana Israeli vahe Anumzane eri hagerafi huvempage huankino tusi rimpama ahenerantea zamo'a rurava hegahie.
11 我的孩子們! 現在不要再怠慢，因為上主揀選了你們侍立在他面前，為奉事他，向他焚香。」
E'ina hu'negu namoheta erizantmia otreho, na'ankure Ra Anumzamo'a agri avugama eri'zama enerita ofama hanaza eri'za vahera ko tamagri huhampri tamante'ne.
12 於是肋未人起來：刻哈特族中有阿瑪賽的兒子瑪哈特和阿匝黎雅的兒子約厄耳；默辣黎族中有阿貝狄的兒子克士和雅肋肋耳的兒子阿匝黎雅；革爾雄族中有齊瑪的兒子約阿黑和約阿黑的兒子厄登；
Anagema hige'za oti'za ana eri'zama eri'naza Livae vahera, Kohati nagapinti Amasai nemofo Mahati'ma, Azaraia nemofo Joeli'e. Hagi Merari nagapintira, Abdi nemofo Kisi'ma, Jehaleleli nemofo Azaraia'e. Hagi Gesoni nagapintira, Zima nemofo Joa'ma, Joa nemofo Edeni'e.
13 厄里匝番的子孫中有史默黎和耶烏耳；阿撒夫子孫中有則加黎雅和瑪塔尼雅；
Hagi Elisafani ne' mofavrerarena Simri'ene Jeuelike. Hagi Asapu ne' mofavrerarena Zekaraia'ene Matanaiake.
14 赫曼子孫中有耶希耳和史米；耶杜通子孫中有舍瑪雅和烏齊耳，
Hagi Hemani nagapintira, Jahieli'ene Simeike. Hagi Jedutuni nagapintira Semaia'ene Uzielike.
15 他們集合自己的弟兄，先行自潔，後照君王的吩咐，根據上主的命令，來清除上主的殿。
Hagi ana Livae vahe'mo'za zamafuhe'ina zamagna kehu atru hu'za zamazeri agru hute'za, kini ne'mo'ma Ra Anumzamofo kasegema avaririno zamasmia kante ante'za mono nona eri agru hu'naze.
16 司祭進入上主的殿宇裏面去清除，將上主殿內所有的污穢之物，移到上主殿宇的院內；肋未人接過來，運到城外的克德龍溪。
Hagi ana pristi vahe'mo'za Ra Anumzamofo mono nompi mareri'za maka pehenama hu'nea zantamina kaza zantamina eri fegi'a mono kumapi atre'naze. Ana hutazage'za anantetira Livae vahe'mo'za eri'za Kidroni Agupofi vu'naze.
17 他們在正月一日開始清除，第八天清除到上主的殿。正月十六日清除完畢。
Hagi ana vahetmimo'za ese ikamofona ese knazupa eri'zana agafa hu'za eri'za nevazageno 8ti knazupa Ra Anumzamofo mono nompima ufre kafantera ehanati'naze. Hagi mago 8'a knafi mono noma eri agruhu eri'zana eri'za vu'za ese ikamofona 16ni knazupa ana eri'zana eri vagare'naze.
18 於是他們去見希則克雅說：「我們已經將上主的殿宇、全燔祭壇、以及壇上所有的器具、供餅桌、以及桌上所有的用具，全部清潔了；
Ana hute'za vu'za Kini ne' Hezekaiana amanage hu'za ome asmi'naze, Hago tagra ana maka Ra Anumzamofo mono nona eri agruhu vagareteta, kresra mnama vu itane maka anante'ma eri'zama e'neriza zantamine, ruotge bretima ante itane, anante'ma eri'zama eri zantaminena maka eri agru huvagare'none.
19 並且連阿哈次王在位犯罪時，所丟棄的器具，我們都整理好，也都清潔了；現在都放在上主祭壇前面。」[獻祭贖罪]
Hagi kini ne' Ahasi'ma Ra Anumzamofoma amefi'ma hunemino mono noma'ama eri'negino, maka eri'za zantmima ana nompinti'ma eritrerema hu'nea zantamina eritru huta eri ante fatgo nehuta eri agru huteta Ra Anumzamofonte'ma kre sramnavu itamofo avuga antonkeno me'ne.
20 希則克雅清晨起來，召集城內的首領，上到上主殿內。
Anagema hazageno'a, Hezekaia'a anante knazupa nanterame otino rankumapi eri'za vahe'aramina kehige'za atru hazageno, Ra Anumzamofo mono nontega zamavareno mareri'ne.
21 人們帶來了七隻牛犢，七隻公綿羊和七隻羔羊；此外，還有七隻公山羊，為國家，為聖殿，為猶大作為贖罪祭；王遂吩咐亞郎的子孫司祭奉獻在上主的祭壇上。
Ana'ma higeno'a ana vahe'mo'za 7ni'a bulimakaonki, 7ni'a ve sipisipi afutminki, 7ni'a ve sipisipi afu anentatminki, 7ni'a meme afutminki hu'za, kini ne'mo'ma kegavama hu'nea mopare'ene, mono nonte'ene, Juda vahete'enema kumi ofama hu'zana avre'za vu'naze. Ana hazageno kini ne' Hezekaia'a Aronimpinti'ma fore'ma hu'naza pristi vahekura huno, Ra Anumzamofo kresramana vu itare afutamina aheta kresramana viho hu'ne.
22 祭殺了牛犢，司祭將血取來，灑在祭壇上；祭殺了綿羊，將血灑在祭壇上；祭殺了羔羊，也將血灑在祭壇上。
Hige'za pristi vahe'mo'za ana bulimakao afutamina ahe'za korama'a tagi'za kresramana vu itare rutritri hunte'naze. Ana nehu'za ve sipisipi afutamina ahe'za korama'a tagi'za kresramana vu itare rutritri hunte'naze. Hagi anantera sipisipi afu anentatmina ahe'za korama'a tagi'za kresramana vu itare rutritri hunte'naze.
23 最後，將獻作贖罪祭的公山羊，牽到君王和會眾面前，他們將手按在公山羊身上，
Ana hute'za kumite'ma ofama hu meme afutamina kini ne'mofo avugane maka vahetmimofo zmavugane zamavare'za azage'za, kini ne'ene maka vahe'mo'zanena zamazana ana meme afutami agofetu ante'naze.
24 司祭宰殺了，將血獻在祭壇上，作為贖罪祭，為以色列民眾贖罪，因為君王曾吩咐過：全燔祭和贖罪祭，應為以色列民眾奉獻。
Ana hutazageno, ana pristi vahe'mo'za ana meme afutamina aheza korama'a tagiza maka Israeli vahe'mofo kumi nona huza Kresramana vu itare rutritri hu'naze. Na'ankure kini ne'mo'a huno, Maka Israeli vahete kre fanane hu ofane, kumite ofanena hiho huno huzmante'ne.
25 王又派定肋未人用鈸、瑟和琴，在上主殿內奏樂，有如達味、王的先見者加得和先知納堂所吩咐的，亦即上主藉先知所吩咐的。
Ana nehuno kini ne' Hezekaia'a Livae nagara zamazeri otitere hige'za Ra Anumzamofo mono nompi nase'nasepane, hapu zavenane, lairiema nehaza zavenane eri'za otihoma hire otitere hu'naze. Na'ankure e'i ana'ma hu'nazana Devitine, Anumzamofo kasnampa ne' Gatine, kasnampa ne' Neteninema Ra Anumzamo'ma zamasamige'za hu'naza kante anteno zamazeri otitere hu'ne.
26 於是肋未人拿著達味的樂器，司祭拿著號筒，一起站著。
Hagi ko'ma Deviti'ma ruzahu ruzahu zavenaramima tro'ma hunte'neana Livae vahe'mo'za eri'neza retrotra hu'za otitere hu'naze. Hagi pristi vahe'mo'zanena ufena eri'za otitere hu'naze.
27 希則克雅遂下令在祭壇上奉獻全燔祭。全燔祭開始時，頌揚上主的歌聲和號聲，也在以色列王達味的樂器伴奏下，隨之開始。
Ana hutazageno Hezekaia'a Kresramana vu itare Kresramana viho hige'za, tevefima kre fananehu ofama nehazageno'a, Ra Anumzamofo agima erisgama hu zagamera agafa nehazageno, ufena nerazageno, Israeli vahe kini ne' Deviti'ma tro'ma hu'nea zavenaramima eri'naza vahetmimo'zanena ana zavenaramina nehe'za zagamera hu'naze.
28 同時全會眾跪拜，唱歌的唱歌，吹號的吹號，這樣直到全燔祭獻完為止。
Ana'ma nehazageno'a maka vahe'mo'za Ra Anumzamofona monora hunentazageno, zagame'ma nehaza vahe'mo'za zagamera nehazageno, ufema neraza vahe'mo'za ufena re'naze. Hagi e'ina hu'za zagamera nehu'za monora nehazageno kre fanane hu' ofama kre'naza ofamo'a tefanane hu'ne.
29 獻完了祭，君王和所有同他自場的人，都屈膝跪拜。
Hagi ana ofamo'ma tefananema hutege'za, kini ne' Hezekaia'ene mika anampima mani'naza zamare'na re'za Ra Anumzamofona monora hunte'naze.
30 此後，希則克雅王和眾首領，又吩咐肋未人用達味和先見者阿撒夫的詩詞，讚頌上主。他們便歡樂地讚頌了上主，隨即俯首朝拜。
Hagi kini ne' Hezekaia'ene vugota eri'za vahe'amo'zanena Livae vahe'tmina zamasmi'za, Devitine kasnampa ne' Asapukizni nehuta, Ra Anumzamofo agia erisga hiho hu'za zamasmi'naze. Anage hazage'za musezampinti nehu'za kepri hu'za Ra Anumzamofona monora hunte'naze.
31 希則克雅又吩咐說：「你們既然奉獻了自己與上主，請近前來，將感恩祭祭物，送入上主殿內。」會眾便將感恩祭祭物，以及甘心獻的全燔祭獻上。
Ana hutazageno, Hezekaia'a anante huama huno, Menina Ra Anumzamofonte tamagra'a tamazeri ruotge hazanki, Kresramanama vu ofane, Ra Anumzamofoma susu hunte ofenena erita Ra Anumzamofo nompi eho. Anage hige'za ana vahetmimo'za kre fanane hu' ofama susu'ma hunte ofanena eriza neazageno, izano agu'amo'ma musema himo'a agra avesite musema huno'ma hu ofa erino etere hu'ne.
32 會眾所獻的全燔祭犧牲總數為：牛犢七十隻，公山羊一百隻，羔羊二百隻，全獻給上主作全燔祭。
Anama hazage'za Ra Anumzamofontegama tevefima kre fanane hu' ofa hu'zama vahe'mo'zama eri'za e'nazana, 70'a ve bulimakao afutminki, 100'a ve sipisipiafutminki, 200'a sipisipi anentataminki, hu'za avre'za e'naze.
33 還有祝聖的牲畜：牛犢六百隻，羊三千隻。
Hagi ana nehu'za erinte ruotge'ma hu'naza ofama eri'zama e'nazana, 600'a bulimakao afutminki, 3tauseni'a sipisipi afutami avre'za e'naze.
34 由於司祭太少，不能剝盡全燔祭犧牲的皮，所以他們的弟兄肋未人前來協助，直到工作作完，直到司祭自潔完畢，因為肋未人自潔的誠心勝過司祭。
Hianagi ana mika afutmima aheno kararuvazi pristi vahera rama'a omani'naze. E'ina hu'negu zamafuhe'za Livae naga'mo'za zamaza hu'za ana eri'zana enerizage'za rama'a pristi vahe'mo'za zamagra'a zamazeri agru hute'za eri'za zamirera e'za eme zamaza hu'za ana eri'zana eri vagare'naze. Na'ankure Livae vahe'mo'za ana eri'zama eri'nazana zamagu'areti hu'za pristi vahera zamagatere'za zamagra'a zamazeri agrua hu'naze.
35 此外，還有許多全燔祭、和平祭、脂油，及與全燔祭同奠的酒，等待處理。這樣，上主殿內的禮儀就全恢復了。
Hagi rama'a kre fanane hu ofama hazafina, arimpa fruhu ofama haza bulimakao afumofo afova'ane, waini ti ofanena hu'naze. E'ina hazageno Ra Anumzamofo mono nompima mono'ma hu'zana agafa hu'ne.
36 希則克雅和全民眾都很快樂，因為天主為人民準備，使此事迅速完成。
Hagi Anumzamo'ma zamaza hige'za ame hu'za maka zama huvagama raza zankura Hezekaia'ene mika vahe'mo'zanena tusi muse hu'naze.
