撒母耳記上 24
1 撒烏耳追擊培肋舍特人回來，有人告訴他說：「達味現今藏在因革狄曠野」。
Hagi Soli'ma Filistia vahe'ma ome zamarotago hige'za vazageno'a, henka mago'a vahe'mo'za eme asami'za, Deviti'a Engedi hagege kokampi frakino havegampi mani'ne hu'za hu'naze.
2 撒烏耳就由全以色列民中，選拔了三千壯丁，到「野山羊巖」間去，搜捕達味和跟隨他的人。
Hagi Soli'a anankema nentahino'a, mika Israeli vahepintira 3 tauseni'a sondia vahe nezamavareno, Devitinku hake'naku Engedi hagege kokampina Afi Meme Afu'mofo Have nehazarega vu'naze.
3 撒烏耳走到路旁的羊圈前，那裏有一個山洞，他就進去便溺，那時，達味和他的人正藏在山洞深處。
Hagi Soli naga'mo'za mago havegana me'negeno sipisipi kegava nehaza keganagante uhanati'naze. Hagi Solina rifagu avesigeno, arifa ome renaku ana have kampi ufre'ne. Hagi ana have kampina Deviti'ene agranema vanoma nehaza vahe'mo'za ogamanu'a mani'nageno Soli'a ufre'ne.
4 達味的人對他說：「今天是上主對你所說的那一天：看，我要將你的敵人交在你手中，任憑你處置他」。達味就起來，悄悄割下一塊撒烏耳所披外氅的衣邊。
Ana hige'za Deviti'enema vu'naza vahe'mo'za nege'za anage hu'za Devitina asami'naze, Ama Ra Anumzamo'ma ha' vaheka'a mago kankamu retro huno kazampi avrentegahuema hu'nea kna fore nehie. Hazageno anante Deviti'a rerakaureno viazamo, Soli'a keno antahino osiaza, zaza kukena'amofona atupa'a ome taga hu'ne.
5 事後達味為了割去撒烏耳外氅上的衣邊，心中感覺不安。
Hagi anama huno Soli kukenama Deviti'a taga huteno'a, tusiza huno agesa nentahino asunku hu'ne.
6 就對自己的人說：「為了上主，我決不能這樣作。我對我主，對上主的受傅者，決不能伸手加害，因為他是上主的受傅者」。
Hagi Deviti'a agranema vu'naza vahera zamasamino, Ra Anumzamo'a hunagru huno anara osuo hu'neazanagi, Ra Anumzamo huhamprinte'nea ne' ranimofo kukena tagahue.
7 達味說這話，是為阻止他的人起來殺害撒烏耳。以後，撒烏耳起來，走出山洞，上了原路。
Anage nehuno Deviti'a agranema vu'naza vahera zamazeri korige'za, Solina hara hunte kea osu'naze. Hagi Soli'a otino ana havegana atreno atiramino nevigeno,
8 達味在他後面喊說：「我主，大王! 」撒烏耳回頭向後看，見達味俯首至地，叩拜他。
Deviti'a otino ana have kampinti atiramino Solina kezatimino, ranimoka kini nere, higeno Soli'a rukrahe huno kegeno Deviti'a avugosaregati mopafi umaseno agi'a erisga hu'ne.
9 達味對撒烏耳說：「你為什麼聽信人言，說：達味設計害你﹖
Hagi Deviti'a keza atimino, Na'a higenka kagra Deviti'a hazenke kamiku neheke hu'za kasamiza vahe kea nentahine?
10 今天你親眼見到，上主如何在山洞裏，把你交在手中；但是我不願殺你，我憐恤了你，我說：我不應伸手加害我主，因為他是上主的受傅者。
Hagi havegampi kagrira menintfaza Ra Anumzamo'a nagri nazampina kavrenteanki ko. Mago'a nagrane mani'namo'za kagrikura ahefrio hu'za hazanagi, nasunku hugantena, ranimofona ohegosue hu'noe. Na'ankure Ra Anumzamo huhamprinte'nea neki'na avakora osugahue hu'na hu'noe.
11 看，你外氅的一塊衣邊在我手內! 我只割下你外氅的衣邊，沒有殺你，從此你可知道：在我手中沒有邪惡，也沒有罪過。我原沒有得罪你，你卻千方百計地要我的命。
Hagi nafanimoka antahio, zaza kukenakamofo atupa'a taga hu'na nazampi e'nerina kahe ofri'noanki ama ko. E'inama hu'noa zamo'a nagra hararegante'na kahenakura nosue. Nagra mago kumira hu'na kagrira havizana huogante'noanagi, kagra nahenakura kafona antenka navaririnka vano nehane.
12 願上主在我與你之間施行審判! 只願上主替我報復你，我的手卻不願加害你。
Hagi Ra Anumzamo agrake taregamota'a refako huranteno, iza havizana nehie taregamota tagegahie. Hianagi nagra nazana erisga hu'na mago'zana kagri kavufarera osugahue.
13 就如古老的格言說說：『邪惡出惡人。』可是我的手決不加害你。
Hagi koknafi knare antahi'zamofo nanekefina huno, kefo avu'vaza hu vahepintira kefo avu'avazamo efore hugahie huno hu'ne. Hianagi nagra nazana erisga hu'na mago'zana kagri kavufarera osugahue.
14 以色列的君王出來追捕誰呢﹖豈不是追捕一隻死狗，一隻跳蚤!
Hagi nagra iza'na mani'nogenka, Israeli vahe kinimoka hara hunante'naku nehane? Na'ante knaka'a atrenka fri'nea kragna nehu'na, harukna hu'nomonagura nehakrane?
15 望上主做判官，在我與你之間施行裁判! 望衪受理，替我伸冤，救我脫離你的手」。
Atregeno Ra Anumzamo Agrake taregamota'a haviza hane, knare'za hane huno refko hurantegahie. Agrake ke'ni'a antahinenamino, tamage hunka fatgo hunane huno kagri kazampintira nagu'vazi'nie.
16 達味對撒烏耳說完這些話，撒烏耳就說：「我兒達味，這是你的聲音嗎﹖」
Hagi Deviti'ma ana nanekema huvaretegeno'a Soli'a huno, ne'nimoka Devitiga kageru nentahufi? Anage nehuno Soli'a krafage huno zavi ate'ne.
17 撒烏耳便放聲大哭，然後對達味說：「你比我正義．因為你以善對我，我竟以惡報你!
Ana huno zaviteteno Soli'a Devitinkura huno, Kagra nagaterenka fatgo kavukava hu'nananagi, nagra havi navu'nava hu'na kahe frinaku hu'noe.
18 你今日對我行了一件極大的善事，因為上主原把我交在你手中，你卻沒有殺我。
Hagi knare zama hunenantana zamofona menintfa eri ama hane. Ra Anumzamo'a nahe friogu kagri kazampima navrentegenka knare kavukava hunka nahe ofri'nane.
19 人若遇見了自己的仇人，豈能讓他平安回去﹖願上主報答你，你今日對我所行的善事!
Hagi mago vahe'mo'ma ha' vahe'ama keno'a amane atregeno novianki ahenefrie. Hagi kagrama nagri'ma menima hunantana kavukavatera Ra Anumzamo asomura knare huno hugantesie.
20 現今我知道你必要作王，以色列的王國在你手中必愈趨穩定。
Hagi nagrama tamage hu'na antahuana kagra kini mani'nankeno, Israeli vahe'mo'za kagri kazampi manigahaze.
21 如今求你指著上主對我起誓：不要消滅我的後代子孫，也不要由我父家塗去我的名字」。
Hagi Ra Anumzamofo agifi huvempage hunka, henkama kini mani'nunka nagri nagara zamahe fanene nosu'na, kagripinti'ma fore hu anante anante'ma hanaza vahera zamahe fanane osugahue hunka nasamio.
22 達味於是對撒烏耳發了誓。撒烏耳轉身回家，達味和跟隨他的人仍回了山寨。
Higeno Deviti'a Solina huvempage huntetegeno, Soli'a kuma'arega vu'ne. Hianagi Deviti'ene agranema vu'naza vahe'mo'za fra'maki'za mani'naza havegantega ete vu'naze.
