撒母耳記上 22
1 達味離開，逃到了阿杜藍山洞；他的兄弟和父親全家聽說這事，都來到他那裡。
Dawid dwane firii Gat kɔtɛɛ ɔbodan a ɛwɔ Adulam no mu. Ankyɛre biara na ne nuanom mmarima ne ne fiefoɔ bi kɔkaa ne ho wɔ hɔ.
2 凡受迫害、負債。心中憂苦的人，都投奔到他，他便成了他們的首領；此時隨從他的約有四百人。
Afoforɔ bi nso kɔkaa ne ho wɔ hɔ. Na saa nnipa no yɛ nnipa a ɔhaw da wɔn so anaa wɔn a wɔdede aka ne wɔn a asetena nkɔ wɔn yie. Wɔbaeɛ ara kɔsii sɛ Dawid bɛyɛɛ ɔkannifoɔ maa nnipa bɛyɛ sɛ ahanan.
3 達味從那裏來到摩阿布的米茲帕，對摩阿布王說：「求你讓我父母來你這裏，直到我明白天主對我有什麼計劃為止」。
Akyire yi, Dawid kɔɔ Mispe a ɛwɔ Moab. Ɛhɔ na ɔbisaa ɔhene no sɛ, “Wobɛma mʼagya ne me maame abɛtena ha, na woabɔ wɔn ho ban kɔsi sɛ mɛhunu deɛ Onyankopɔn bɛyɛ ama me anaa?”
4 達味把他們留在王那裏：達味在山裏住了多久，他們也住了多久。
Ɔhene no penee so, maa Dawid awofoɔ tenaa Moab a na Dawid nso te nʼabanbɔeɛ mu.
5 加得先知對達味說：「你不要在這山塞裏，你要到猶大地方去! 」達味就去了，來到赫勒達樹林。
Ɛda bi, odiyifoɔ Gad ka kyerɛɛ Dawid sɛ, “Firi abanbɔeɛ mu ha, na sane kɔ Yuda asase so.” Enti, Dawid kɔɔ Heret kwaeɛ mu.
6 一日，撒烏耳正坐在基貝亞高處的一棵檉柳下，手裏著槍，他的臣僕都侍立左右，聽說達味和跟隨他的人已聯合起來，
Ɔkɔɔ Yuda hɔ no, ankyɛre na Saulo tee asɛm no. Saa ɛberɛ no, na ɔhene no te gyedua bi ase wɔ Gibea bepɔ so a ɔkura ne pea na ne mpanimfoɔ atwa ne ho ahyia.
7 遂對侍立他左右的人說：「本雅明的子孫，你們聽：難道若瑟的兒子也要賜給你們每人莊田和葡萄園，或把你們者立為千夫長或百夫長，
Saulo tee asɛm no, ɔteaam sɛ, “Monyɛ aso, mo mmarima a mofiri Benyamin fie! Dawid ahyɛ mo mfuo ne bobe nturo ho bɔ bi anaa? Wahyɛ mo bɔ sɛ mobɛyɛ nʼasafohene wɔ nʼakodɔm so anaa?
8 好使你們都同謀來陷害我﹖我的兒子和葉的兒子結盟，誰也沒有告訴我；我的兒子煽動我的臣僕來反對我，仇視我，像今日一像，你們中沒有一個人憐恤 ，來通知我! 」
Ɛno enti na moayɛ apam atia me yi? Na mo mu biara antumi anka biribi ankyerɛ me sɛ me ara me babarima wɔ Dawid afa. Na ɛnha mo koraa mma me. Monnwene ho! Me ara me babarima hyɛ Dawid nkuran sɛ ɔmpɛ me nku me!”
9 作撒烏耳臣僕之長的厄東厄格就答說：「我看見葉瑟的兒子到過諾布，去阿希突布的兒子阿希默肋客。
Ɛhɔ na Edomni Doeg a na ɔne Saulo akofoɔ gyina hɔ no kaa sɛ, “Mehunuu Yisai ba no sɛ ɔbaa Ahitub ba Ahimelek nkyɛn wɔ Nob.
10 他為達味求問了上主，給了他食物，也把尸人哥肋雅的刀給了他」。
Ahimelek bisaa Awurade deɛ Dawid nyɛ. Ɔsane maa no nnuane, na ɔde Filistini Goliat akofena no kaa ne ho.”
11 君王遂派人去叫阿希突布的兒子，大司祭阿希默肋客和父親全家，即諾布所有的司祭；他們來到君王面前，
Ɔhene no somaa sɛ wɔnkɔfa ɔsɔfoɔ Ahimelek ne ne fiefoɔ a na wɔyɛ asɔfoɔ wɔ Nob no nyinaa mmra.
12 撒烏耳說：「阿希突布是兒子，你聽! 」他答說：「是，我主! 」
Wɔbaeɛ no, Saulo kaa sɛ, “Tie! Ahitub ba.” Ɔbuaa sɛ, “Nana asɛm bɛn.”
13 撒烏耳對他說：「你為什麼和葉瑟的兒子同謀陷害我，給他食物和刀劍，為他求問天主，使他起來反對我，仇視我，像今一樣﹖」
Na Saulo bisaa no sɛ, “Adɛn enti na wo ne Dawid apam me tiri so, na womaa no burodo ne akofena, sane bisaa Awurade maa no. Adɛn enti na wohyɛ no nkuran sɛ ɔnyɛ dɔm ntia me na ɔmmɛto nhyɛ me so wɔ ha?”
14 阿希默肋客答覆君王說：「在你的臣僕中，有誰如達味那樣忠實可靠呢﹖他是大王的女婿，又是護衛長，在你朝庭中是最受重視的人。
Ahimelek buaa sɛ, “Nana, mesrɛ mebisa sɛ, wʼasomfoɔ yi nyinaa mu no, obi wɔ hɔ a ɔyɛ nokwafoɔ te sɛ wʼase Dawid anaa? Hwɛ ɔyɛ wʼawɛmfoɔ nyinaa so safohene, na wɔbu no yie wɔ wo fidua mu.
15 難道我是今天才開始為他求問天主嗎﹖決不是! 請大王不要加害自己的僕人和我父全家，因為你僕人一點也王知道這事。
Ɛnyɛ saa ɛda no ne ɛda a ɛdi ɛkan a mabisa Awurade ama no. Dabi! Ɛnsɛ sɛ ɔhene no de soboɔ bɔ ne ɔsomfoɔ ne ne fiefoɔ, ɛfiri sɛ, wʼakoa nnim saa asɛm yi ho biribiara.”
16 王說：「阿希默肋客，你和你父親全家都得死!」
Na ɔhene kaa sɛ, “Ɛkwan biara so, wobɛwu. Ahimelek, wo ne wo fiefoɔ nyinaa bɛwu.”
17 王遂吩咐立在他左右的侍衛說：「你們過去，殺死上主的司祭! 因為他們與達味攜手，知道他逃跑，卻不來告訴我」。但是君王的臣僕不敢下手殺上主的司祭。
Na ɔhene ka kyerɛɛ nʼawɛmfoɔ a wɔwɔ hɔ no sɛ, “Monkunkum Awurade asɔfoɔ no nyinaa, ɛfiri sɛ, wɔn nso kɔ Dawid afa. Na wɔnim sɛ ɔredwane, nanso wɔanka ankyerɛ me.” Nanso, na ɔhene asraafoɔ no mpɛ sɛ wɔde wɔn nsa ka Awurade asɔfoɔ no.
18 王遂對多厄格說：「你過去殺死司祭! 」厄東人多厄格就過去殺死了司祭。那一天他殺死了八十五位身穿細麻「厄弗得」的人。
Enti, ɔhene hyɛɛ Doeg sɛ, “Dane wo ho na kunkum asɔfoɔ no.” Enti, Edomni Doeg danee ne ho kunkumm wɔn. Ɛda no, ɔkumm mmarima a na wɔhyɛ serekye asɔfotadeɛ aduɔwɔtwe enum.
19 至於那座諾布司祭城，無論男女、幼童或乳兒，甚至連的牛、驢、羊都用利劍殺盡。
Afei, ɔkɔɔ Nob a ɛyɛ asɔfoɔ no kurom, kɔkunkumm asɔfoɔ no fiefoɔ mmarima, mmaa, mmɔfra ne mmadoma, anantwie, mfunumu ne nnwan nyinaa.
20 阿希突布之子阿希默肋客的一個兒子，名叫厄貝雅塔爾的，脫險跑到了達味那裏。
Na Ahitub ba Ahimelek babarima baako a wɔfrɛ no Abiatar dwane kɔɔ Dawid nkyɛn.
21 厄貝雅塔爾告訴達味，撒烏耳殺了上主的司祭。
Ɛberɛ a ɔka kyerɛɛ Dawid sɛ Saulo akunkum Awurade asɔfoɔ no,
22 達味對厄貝雅塔爾說：「那一天我已知道，因為厄東人多厄格在那裏，他必要向撒烏耳報告；你父全家的性命，我全負責。
Dawid teaam sɛ, “Na menim! Ɛberɛ a mehunuu Doeg wɔ hɔ saa ɛda no, na menim sɛ ɔbɛka akyerɛ Saulo. Seesei, mama wʼagya fiefoɔ nyinaa awuwu.
23 你住在我這裏，不要害怕；誰想謀害你，就是謀害我；你同我一起必得安全」。
Wo ne me ntena ha, na mede me nkwa bɛbɔ wo ho ban, ɛfiri sɛ, onipa korɔ no ara na ɔrehwehwɛ yɛn baanu akum yɛn.”
