撒母耳記上 18
1 達味同撒烏耳說完了話，約納堂的心和達味的心很相契；約納堂愛他如愛自己一樣。
Kwasekusithi eseqedile ukukhuluma loSawuli, umphefumulo kaJonathani wabotshelwa emphefumulweni kaDavida; uJonathani wasemthanda njengomphefumulo wakhe.
2 那天，撒烏耳把達味留下，不讓他回父家去。
USawuli wasemthatha ngalolosuku, kaze amvumela ukubuyela endlini kayise.
3 約納堂同達味結為盟友，愛他如愛自己一樣。
UJonathani loDavida basebesenza isivumelwano ngoba wamthanda njengomphefumulo wakhe.
4 約納堂脫下自己穿的外氅，連軍裝，帶刀劍，甚至弓和腰帶，都給了達味。
UJonathani wasezikhulula ibhatshi ayeligqokile, walinika uDavida, lezembatho zakhe, kuze kube senkembeni yakhe, kuze kube sedandilini lakhe, njalo kuze kube sebhantini lakhe.
5 撒烏耳派達味出去無論作什麼事，沒有不成功的；故此撒烏耳派他作軍隊的將領；軍民和撒烏耳的臣僕都非常喜愛他。
UDavida wasephuma waya loba ngaphi lapho uSawuli amthuma khona, waziphatha ngenhlakanipho, uSawuli waze wambeka phezu kwamadoda empi. Njalo wayelungile emehlweni abantu bonke njalo lemehlweni ezinceku zikaSawuli.
6 當達味殺死那培肋舍特人後，班師回來時，婦女們從城中出來，唱歌跳舞，打鼓彈琴，興高采烈地前來歡迎撒烏耳君王。
Kwasekusithi ekufikeni kwabo, uDavida esebuye ekubulaleni umFilisti, abesifazana baphuma emizini yonke yakoIsrayeli, behlabela, begida, ukuhlangabeza uSawuli inkosi ngezigubhu, ngentokozo, langamachacho.
7 婦女們邊唱邊跳說：「撒烏耳殺了一千，達味殺了一萬」。
Abesifazana basebevumelana bedlala bathi: USawuli utshayile izinkulungwane zakhe, kodwa uDavida izinkulungwane zakhe ezingamatshumi.
8 撒烏耳因此很是憤怒，這話使他很不高興，遂說：「給了根一萬，只給我一千；他所少的只有王位了!」
USawuli wasethukuthela kakhulu, lalelolizwi lalilibi emehlweni akhe, wathi: Banike uDavida izinkulungwane ezingamatshumi, kodwa mina banginika izinkulungwane; usesalelwe ngumbuso kuphela.
9 從那一天起，撒烏耳常嫉視達味。
USawuli wasemqaphela uDavida kusukela kulolosuku kusiya phambili.
10 第二天，惡神由天主那裏降到撒烏耳身上；使他在屋中發狂。達味一如往日手中彈著琴，撒烏耳手中卻拿著一根長槍，
Kwasekusithi kusisa umoya omubi ovela kuNkulunkulu wafika ngamandla phezu kukaSawuli, waprofetha phakathi kwendlu; uDavida wasetshaya ichacho ngesandla sakhe njengensuku ngensuku; njalo kwakulomkhonto esandleni sikaSawuli.
11 撒烏耳舉起槍來，想把達味釘在牆上；達味已由他面前逃脫了兩次。
USawuli wasewuphosa umkhonto wathi: Ngizammbandakanya uDavida ngitsho emdulini. Kodwa uDavida wavika kabili esuka phambi kwakhe.
12 撒烏耳害怕達味，因為上主與達味同在，而離開了撒烏耳。
USawuli wayemesaba-ke uDavida ngoba iNkosi yayilaye, kodwa yayisisukile kuSawuli.
13 因此，撒烏耳叫他離開自己，派他作千夫長，達味便在軍民前往來出入。
Ngakho uSawuli wasemsusa kuye, wambeka waba yinduna yakhe yabayizinkulungwane; njalo wayephuma engena phambi kwabantu.
14 達味在所行的一切事上，無不順利，因為天主與他同在。
UDavida waseziphatha ngenhlakanipho endleleni zakhe zonke, leNkosi yayilaye.
15 撒烏耳見他辦事順利，就更疑懼他。
Lapho uSawuli ebona ukuthi waziphatha ngenhlakanipho enkulu, wamesaba.
16 但全以色列和猶大人卻愛達味，因為他在他們前往來出入。
Kodwa uIsrayeli wonke loJuda bamthanda uDavida, ngoba wayephuma engena phambi kwabo.
17 撒烏耳對達味說：「看；我要把我的長女默辣布嫁給你為妻，只要你為我勇敢服務，為上主作戰」。──撒烏耳心中想：我不親手害他，讓培肋舍特人加害他。
USawuli wasesithi kuDavida: Khangela, indodakazi yami endala uMerabi, ngizakunika yona ibe ngumkakho; kuphela bana liqhawe kimi, ulwe izimpi zeNkosi. Ngoba uSawuli wathi: Isandla sami kasingabi phezu kwakhe, kodwa isandla samaFilisti kasibe phezu kwakhe.
18 達味回答撒烏耳說：「我是誰，我父在以色列又算得什麼，我怎配作君王的女婿﹖」
Kodwa uDavida wathi kuSawuli: Ngingubani mina? Lempilo yami iyini, losendo lukababa koIsrayeli, ukuthi ngibe ngumkhwenyana wenkosi?
19 但是撒烏耳的女兒默辣布正要嫁給達味的時候，卻嫁給了默曷拉人阿德黎耳為妻。
Kodwa kwathi ngesikhathi uMerabi indodakazi kaSawuli ayezanikwa ngaso uDavida, wayesenikwe uAdriyeli umMehola ukuba ngumkakhe.
20 當時撒烏耳的女兒米加耳很愛達味；有人告訴了撒烏耳，他看這事好，
UMikhali indodakazi kaSawuli wamthanda-ke uDavida; basebemtshela uSawuli, lalolodaba lwaluqondile emehlweni akhe.
21 心想：「我把她嫁給達味，叫她成為他的羅網，藉培肋舍特人害他」。所以撒烏耳再次對達味說：「今天你要作我的女婿了! 」
USawuli wasesithi: Ngizamnika yena ukuze abe ngumjibila kuye, lokuze isandla samaFilisti simelane laye. Ngakho uSawuli wathi kuDavida: Ngokwesibili uzakuba ngumkhwenyana wami lamuhla.
22 撒烏耳吩咐他的臣僕說：「你們暗暗地告訴達味說：看，君王多麼喜愛你，如今你要作君王的女婿了! 」
USawuli waselaya inceku zakhe wathi: Khulumani loDavida ngensitha lithi: Khangela, inkosi iyathokoza ngawe, lazo zonke inceku zayo ziyakuthanda; ngakho-ke woba ngumkhwenyana wenkosi.
23 撒烏耳的臣僕將這些話告訴了達味；達味反答說：「你們以為作君王的女婿軟碟件小事嗎﹖我不過是個貧窮賤卑賤的人」。
Izinceku zikaSawuli zasezikhuluma lawomazwi endlebeni zikaDavida. UDavida wasesithi: Kuyinto elula yini emehlweni enu ukuba ngumkhwenyana wenkosi, lokhu mina ngingumuntu ongumyanga lodelelekayo?
24 撒烏耳的臣僕回報王說：「達味如此如此說了」。
Lenceku zikaSawuli zamtshela zisithi: UDavida wakhuluma ngalindlela.
25 撒烏耳答說：「你們要這樣對達味說：君王不要什麼聘禮，只要一百培培肋舍特人的包皮，為報復君王的仇敵」。撒烏耳有意使達味落在培肋舍特人手中。
USawuli wasesithi: Lizakutsho njalo kuDavida lithi: Inkosi kayiloyisi lobolo, kodwa amajwabu aphambili alikhulu amaFilisti, ukuze kuphindiselwe ezitheni zenkosi. Kodwa uSawuli wacabanga ukwenza uDavida awe ngesandla samaFilisti.
26 他的臣僕將這些話轉告給達味，達味看這事為作君王的女婿也對，所限的日期尚未過去，
Lapho inceku zakhe zimtshela uDavida lawomazwi, udaba lwalulungile emehlweni kaDavida ukuthi abe ngumkhwenyana wenkosi. Kodwa insuku zazingakagcwaliseki.
27 達味就和他的人起身去殺死了一百培肋舍特人，將他們的包皮帶回，足數交給君王，為作君王的女婿；撒烏耳就將女兒米加耳嫁給他為妻。
Ngakho uDavida wasukuma wahamba, yena labantu bakhe, basebetshaya phakathi kwamaFilisti amadoda angamakhulu amabili; uDavida waseletha amajwabu awo aphambili, wawasa enkosini ephelele ukuze abe ngumkhwenyana wenkosi. USawuli wasemnika uMikhali indodakazi yakhe ukuthi abe ngumkakhe.
28 撒烏耳看出了上主與達味同在，全以色列也都愛他，
USawuli wasebona wazi ukuthi iNkosi iloDavida, loMikhali indodakazi yakhe yamthanda.
29 從此更疑懼達味，終身與他為敵。
Njalo uSawuli waya lokhu emesaba kakhulu uDavida; njalo uSawuli waba yisitha sikaDavida zonke izinsuku.
30 培肋舍特人的首領仍不斷出征；但每遇他們出征，達味所行的常比撒烏耳所有的臣僕成就更大，為此他更受人景仰。
Iziphathamandla zamaFilisti zaseziphuma; kwasekusithi seziphumile uDavida waziphatha ngenhlakanipho okwedlula zonke izinceku zikaSawuli, laze laduma kakhulu ibizo lakhe.
