撒母耳記上 15
1 有一天，撒慕爾對撒烏耳說：「上主曾打發我給你傅油，作他人民以色列的君王，如今你應聽上主的話!
Saamuʼeelis Saaʼoliin akkana jedhe; “Akka ati saba isaa Israaʼel irratti mootii taatuuf akka ani si dibuuf Waaqayyo na ergeera; kanaafuu ati amma dubbii Waaqayyoo dhagaʼi.
2 萬軍的上主這樣說：我要懲罰阿瑪肋克對以色列所行的事，因為當以色列從埃及上來時，攔截了去路。
Waaqayyo Waan Hundumaa Dandaʼu akkana jedha: ‘Waan isaan yeroo Israaʼel Gibxii baʼetti karaa irratti isaaniin mormuudhaan godhan sanaaf ani Amaaleqoota nan adaba.
3 如今你去攻打阿瑪肋克，毀滅他們和他們所有的一切，絲毫不可顧惜，要將男女、孩童、嬰兒、牛羊、駱駝和驢，一律殺掉。」
Amma dhaqii Amaaleqoota dhaʼiitii waan kan isaanii taʼe hunda barbadeessi. Isaan hin hambisin; dhiirotaa fi dubartoonni, ijoollee fi daaʼimman, loonii fi hoolota, gaalawwanii fi harroota fixi.’”
4 撒烏耳調集了軍人，在特冷檢閱了他們，計步兵二十萬，猶大人一萬。
Kanaafuu Saaʼol iddoo Xilaaʼiim jedhamutti namoota walitti qabee lakkaaʼe; isaanis loltoota lafoo kuma dhibba lamaa fi namoota Yihuudaa kuma kudhan turan.
5 撒烏耳來到阿瑪肋克城時，在山谷裏設下了埋伏。
Saaʼolis gara magaalaa Amaaleqootaa dhaqee sulula tokko keessa riphee taaʼe.
6 撒烏耳對刻尼人說：「你們起來快走，離開阿瑪肋克人，免得我把你們同他們一起消滅，因為以色列子民由埃及上來時，你們善待了他們。」刻尼人便離開阿瑪肋克人走了。
Innis Qeenotaan, “Akka ani Amaaleqoota wajjin isin hin balleessineef achi hiiqaa; isaan irraas fagaadhaa; isin yeroo Israaʼeloonni hundi Gibxii baʼanitti waan gaarii isaaniif gootaniirtuutii” jedhe. Kanaafuu Qeenonni Amaaleqoota irraa fagaatan.
7 撒烏耳擊殺哈瑪肋克人，從哈威拉一直殺到埃及東面的叔爾，
Ergasii Saaʼol Hawiilaa hamma Shuuri kan baʼa Gibxiitti argamuutti Amaaleqoota dhaʼe.
8 活捉了阿瑪肋克王阿加格，用刀殺盡了其餘的人民。
Innis Agaag mooticha Amaaleqootaa utuma lubbuun jiruu boojiʼe; namoota isaa hundas guutumaan guutuutti goraadeen fixe.
9 但撒烏耳和軍民卻憐惜阿加格和最好的牛羊，肥美的家畜和羔羊；凡是美好的，他們都不願毀滅，只把一切不值錢，不要的牲畜毀滅了。
Saaʼolii fi loltoonni isaa garuu Agaagin, hoolotaa fi loon, jabboota coccoomoo fi xobbaallaawwan hoolaa, waan gaarii hundas ni hambisan. Isaan kana guutumaan guutuutti fixuun fedhii isaanii hin turre; garuu waan tuffatamaa fi dadhabaa hunda guutumaan guutuutti barbadeessan.
10 那時有上主的話傳於撒慕爾說：「
Kana irratti dubbiin Waaqayyoo akkana jedhee gara Saamuʼeel dhufe;
11 我後悔立了撒烏耳為王，因為他背離了我，沒有遵從我的命令。」撒慕爾感到不安，整夜哀求上主。
“Ani Saaʼolin mootii gochuu kootti gaabbeera; inni sababii narraa garagaleef ajaja koo hin eegne.” Saamuʼeelis akka malee dhiphatee halkan sana guutuu Waaqayyotti booʼaa bule.
12 撒慕爾清晨起來去見撒烏耳；有人告訴他說：「撒烏耳去了加爾默耳，在那裏立了紀念碑，然後回來經過這裏，又去了基耳加耳。」
Saamuʼeelis ganama bariin kaʼee Saaʼolin arguu deeme; taʼus, “Saaʼol gara Qarmeloos deemeera. Achittis erga soodduu yaadannoo isaa dhaabbatee booddee gara Gilgaalitti gad buʼeera” jedhamee itti himame.
13 撒慕爾來到撒烏耳那裏，撒烏耳就對他說：「願天主祝福你! 我履行了上主的命令。」
Yeroo Saamuʼeel Saaʼol bira dhaqettis Saaʼol, “Waaqayyo si haa eebbisu! Ani ajaja Waaqayyoo eegeera” jedhe.
14 撒慕爾就問說：「怎麼我耳中聽見有羊叫，有牛嗎﹖」
Saamuʼeel garuu, “Yoos marʼachuun hoolotaatii fi barooduun sangootaa kan ani dhagaʼu kun maali ree?” jedhe.
15 撒烏耳回答說：「那是從阿瑪肋克帶回來的，因為人民愛惜那些最好的牛羊，好獻給上主你的天主；至於其餘的，我們都毀滅了。」
Saaʼolis, “Loltootatu Amaaleqoota irraa boojiʼee isaan fide; hoolotaa fi loon keessaa kanneen filatamoo taʼan Waaqayyo Waaqa keetiif aarsaa gochuuf hambisaniiru; nu garuu kanneen hafan guutumaan guutuutti barbadeessineerra” jedhee deebise.
16 撒慕爾對撒烏耳說：「住口! 讓我告訴你，上主昨夜對我說過的話。」撒烏耳答說：「請說罷! 」
Saamuʼeelis Saaʼoliin, “Afachu! Ani waan Waaqayyo eda halkan natti hime sittin himaa” jedhe. Saaʼolis deebisee, “Natti himi” jedhe.
17 撒慕爾說：「雖然你自以為是最微小的，你豈不是已成了以色列眾支派的首領﹖上主不是曾給你傅油，立你作以色列的君王嗎﹖
Saamuʼeelis akkana isaan jedhe; “Ati ija ofii keetii duratti xinnaa kan taatu iyyuu bulchaa gosa Israaʼel hin taanee? Waaqayyos Israaʼel irratti mootii godhee si dibeera.
18 上主派你去打仗，曾吩咐你說：去剿滅那些犯罪的阿瑪肋克人，攻打他們，直至將他們完全消滅。
Inni, ‘Dhaqiitii Amaaleqoota cubbamoota sana guutumaan guutuutti barbadeessi; hamma isaan fixxuttis isaan waraani’ jedhee si ergee ture.
19 為什麼你沒有順聽上主的命令，只顧急忙搶掠財物，行了上主不喜歡的事﹖」
Ati maaliif Waaqayyoof hin ajajamne ree? Maaliif gaggabdee boojuu irratti lafa dhooftee fuula Waaqayyoo duratti waan hamaa hojjette?”
20 撒烏耳回答撒慕爾說：「我的確聽從了上主的命令，走了上主指給我的路，擒獲了阿瑪肋克王阿加格，毀滅了阿瑪肋克人。
Saaʼolis akkana jedhee deebise; “Ani Waaqayyoof ajajameera; gara Waaqayyo itti na erges dhaqeera. Ani Amaaleqoota guutumaan guutuutti barbadeessee mootii isaanii Agaagin fideera.
21 但是軍民由當毀滅的勝利品中，選出了最好的牛羊，要在基耳加耳祭獻上主，你的天主。」
Loltoonni garuu Gilgaalitti Waaqayyo Waaqa keetiif aarsaa dhiʼeessuuf jedhanii boojuu sana keessaa waan filatamaa Waaqaaf qulqulleeffame keessaa hoolotaa fi loon fudhatan.”
22 撒慕爾回答說：「上主豈能喜歡全燔祭和犧牲，勝過聽從上主的命令﹖聽命勝於祭獻，服從勝過綿羊的肥油脂。
Saamuʼeelis deebisee akkana jedhe: “Waaqayyo akka yeroo sagalee isaatiif ajajamanitti gammadu sana, aarsaa gubamuu fi qalmatti ni gammadaa? Ajajamuutu aarsaa caala; dhagaʼuunis cooma korbeessa hoolaa caala.
23 背命等於行卜，頑抗與敬拜偶像無異。因為你拒絕了上主的命令，上主也拒絕了你作王。」
Fincilli akka cubbuu falfala hojjechuu ti; mata jabinnis akka hammina Waaqa tolfamaa waaqeffachuu ti. Waan ati dubbii Waaqayyoo tuffatteef, anis akka ati mootii hin taane si tuffadheera.”
24 撒烏耳對撒慕爾說：「我犯了罪，違背了上主的命令和你的話，因我害怕人民，纔聽從了他們的呼聲。
Saaʼolis Saamuʼeeliin akkana jedhe; “Ani cubbuu hojjedheera. Ani ajaja Waaqayyootii fi dubbii kee fudhachuu dideera. Ani waanan namoota sodaadheef isaanii ajajameera.
25 現在，請你寬赦我的罪過，同我一起回去；讓我朝拜上主。」
Ammas cubbuu koo naa dhiisiitii akka ani Waaqayyoof sagaduuf na wajjin deebiʼi.”
26 撒慕爾卻對撒烏耳說：「我不同你回去；既然你拒絕了上主的命令，上主也拒絕你，不要你作以色列王。」
Saamuʼeel immoo, “Ani si wajjin hin deebiʼu. Ati dubbii Waaqayyoo tuffatteerta; Waaqayyos saba Israaʼel irratti mootii taʼuu kee tuffateera!” jedheen.
27 撒慕爾轉身就走，撒烏耳用力抓住他外氅的衣邊，撕下了一塊。
Akkuma Saamuʼeel deemuuf of irra garagaleenis Saaʼol handaara uffata isaa qabe; uffanni isaas ni tarsaʼe.
28 撒慕爾於是對他說：「上主今日從你身上撕下了你的王位，給了一個比你更好的人。
Saamuʼeelis akkana isaan jedhe; “Waaqayyo harʼa mootummaa Israaʼel sirraa tarsaasee ollaa kee kan si caalu tokkoof kenneera.
29 並且以色列的光榮絕不發虛言，也不會懊悔，因為他不像人，可以懊悔。」
Inni ulfina Israaʼel taʼe sun takkumaa hin sobu yookaan yaada isaa hin geeddaru; akka yaada isaa hin geeddarreef inni nama miti.”
30 撒烏耳遂說：「我固然犯了罪，但如今請你在我民族的長老和以色列前，仍尊重我，同我一起回去，好讓我朝拜上主，你的天主。」
Saaʼol immoo deebisee, “Ani cubbuu hojjedheera. Garuu fuula maanguddoota saba kootiitii fi fuula Israaʼel duratti ulfina naa kenni; akka ani Waaqayyo Waaqa keetiif sagaduufis kottuu na wajjin deebiʼi” jedhe.
31 撒慕爾便隨同撒烏耳一起回去，撒烏耳朝拜了上主。
Saamuʼeel akkasiin Saaʼol wajjin deebiʼe; Saaʼolis Waaqayyoof sagade.
32 以後撒慕爾說：「將阿瑪肋克王阿加格給我解來! 」阿加格到了他那裏，很是高興，阿加格心想：「死亡的苦的確過去了。」
Saamuʼeelis, “Agaag mootii Amaaleqootaa sana as naa fidaa” jedhe. Agaagis, “Hadhaan duʼaa dhugumaan narraa fagaateera” jedhee gammadaa gara isaa dhufe.
33 撒慕爾對他說：「你的劍怎樣使眾多婦女喪子，你的母親在婦女中也要怎樣喪子。」撒慕爾就在基耳加耳上主面前殺了阿加格。
Saamuʼeel garuu, “Akkuma goraadeen kee dubartoota ilmoo malee hambise sana, haati kees dubartoota keessaa ilmoo malee hafti” jedhe. Saamuʼeelis Gilgaalitti fuula Waaqayyoo duratti Agaagin ciccire.
34 以後撒慕爾去了辣瑪，撒烏耳也回了撒烏耳的基貝亞本家。
Ergasiis Saamuʼeel gara Raamaa deeme; Saaʼol garuu gara mana ofii isaa, gara Gibeʼaa Saaʼolitti qajeele.
35 撒慕爾至死再沒有見撒烏耳。撒慕爾為了撒烏耳很是傷心，因為上主後悔立了撒烏耳作以色列的君王。
Saamuʼeel hamma gaafa duʼeetti deebiʼee Saaʼolin hin argine; Saamuʼeel garuu Saaʼoliif booʼaa ture. Waaqayyos Israaʼel irratti Saaʼolin mootii gochuu isaatti ni gaabbe.
