撒母耳記上 10
1 撒慕爾拿出油具，把油倒在他頭上，口吻他說：「不是上主給你傅油，立你作他百姓以色列的首領嗎﹖是你要統治上主的百姓，從四周的仇人手中解救百姓。這是上主給你傅油立你為自己產業首領的先兆：
Afei, Samuel faa ngotoa a ngo wɔ mu hwie guu Saulo tirim, few nʼafono ho, kae se, “Mereyɛ eyi de akyerɛ sɛ Awurade apaw wo sɛ ɔkannifo ama ne man Israel.
2 今天你離開我以後，在本雅明邊境辣黑耳的墓旁，正午你會遇見兩個人，他們要對你說：你去找的那些母驢，已找到了。為母驢的事，你父親早已忘懷，現在他卻為你們著急說：為我的兒子我該怎麼辦﹖
Sɛ wugyaw me ha nnɛ na worekɔ a, wubehyia mmarima baanu wɔ baabi a ɛbɛn Rahel da a ɛwɔ Selsa a ɛbɛn Benyamin hye no. Wɔbɛka akyerɛ wo se, ‘Mfurum a mutuu ho anammɔn kɔhwehwɛɛ wɔn no, wɔahu wɔn. Enti mprempren, wʼagya agyae wɔn ho dwene, na mmom, mo ho na ɔredwen. Ɔtaa bisa se, “Obi ahu me babarima no ana?”’
3 你從那裏再往前走，來到德波辣的橡樹旁時，要遇見三個上貝特耳去敬禮天主的人：一人牽著三隻小山羊，一人拿著三張餅，一人帶著一皮囊酒。
“Mudu dua kɛse bi a esi Tabor ho a, mubehyia mmarima baasa bi a wofi Bet-El rekɔ akɔsom Onyankopɔn. Ɔbaako so mmirekyi mma abiɛsa, ɔbaako nso so brodo mua abiɛsa, na nea ɔka ho no nso so nsa aboa nhoma kotoku baako.
4 他們要向你請安，給你兩張餅，你要從他們手中接過來。
Wobekyia mo, na wɔama mo brodo mua abien, na ɛsɛ sɛ mugye fi wɔn nkyɛn.
5 此後，你要往天主的基貝亞去，──在那裏駐有培肋舍特人的官吏，──你一進城，就會遇見一群正從高丘下來的先知，在他們前面有彈弦的、有打鼓的、有吹笛的、有彈琴的、他們正在出神說妙語。
“Na sɛ mudu Onyankopɔn koko a ɛwɔ Gibea a Filistifo nsraadɔm abɔ pem wɔ hɔ no a, mubehu adiyifo asafodɔm sɛ wofi afɔremuka a ɛwɔ bepɔw no so hɔ resian ba. Ɛhɔ na mubehyia adiyifo asafo a wɔresian afi bepɔw no so hɔ reba na bɛnta ne mpintin ne mmɛn ne asanku di wɔn anim a wɔrehyɛ nkɔm.
6 這時，上主的神會突然降在你身上，你也要同他們一起出神說妙語；你要變成另一個人。
Saa bere no, Onyankopɔn Honhom bɛba wo so wɔ tumi mu, na wo ne wɔn bɛhyɛ nkɔm. Wobɛsakra ayɛ onipa foforo.
7 當你遇見這些現象時，你應見機行事，因為天主必與你同在。
Saa nsɛnkyerɛnne yi akyi no, yɛ nea wugye di sɛ eye biara, na Onyankopɔn bɛka wo ho.
8 你要在我以先下到基耳加去；我要下到你那裏去奉獻全燔祭，宰殺和平祭犧牲。你要等候七天，直到我到了你那裏，告訴你當作的事。」
Afei, sian di mʼanim kɔ Gilgal na kɔtwɛn me wɔ hɔ nnanson. Mɛba abɛka wo ho wɔ hɔ, na yɛabɔ ɔhyew afɔre ne asomdwoe afɔre. Na sɛ midu hɔ a, mɛkyerɛ wo nea ɛsɛ sɛ woyɛ bio.”
9 當他轉身離開撒慕爾時，天主就改變了他的心，那一切先兆在當天都實現了。
Saulo dan ne ho pɛɛ sɛ ɔkɔ ara pɛ, Onyankopɔn sesaa ne koma, na Samuel nsɛnkyerɛnne nyinaa baa mu da no.
10 他從那裏來到基貝亞時，果然有一群先知迎面而來，天主的神突然降在他身上，他就在他們中間出神說起妙語來。
Bere a Saulo ne ne somfo no duu Gibea no, wohuu sɛ adiyifo no reba. Afei Onyankopɔn honhom baa Saulo so, na ɔno nso fii ase hyɛɛ nkɔm.
11 凡先前認識他的人，見他同先知們一起出神說妙語，就彼此說：「克士的兒子遭遇了什麼事﹖怎麼，連撒烏耳也列在先知之中﹖」
Bere a ne nnamfonom tee saa asɛm yi no, wɔteɛɛ mu se, “Asɛm bɛn na moreka yi? Saulo nso abɛyɛ odiyifo? Ɛyɛɛ dɛn na Kis babarima tumi bɛyɛɛ odiyifo?”
12 他們中有人回答說：「他們的父親是誰﹖」因此有一句俗話說：「怎麼，連撒烏耳也列在先知中嗎﹖」
Nanso ɛhɔni bi kae se, “Sɛnea nʼagya te de, ɛmfa ho; obiara tumi bɛyɛ odiyifo.” Enti ɛbɛyɛɛ sɛnnahɔ se, “Enti Saulo nso abɛyɛ odiyifo?”
13 他說完妙語後，就回了家。
Saulo gyaee adiyi no, ɔforoo bepɔw no kɔɔ afɔremuka no so.
14 撒烏耳的一個叔父問他和他的僕人說：「你們往那裏去了﹖」撒烏耳回答說：「找母驢去了；我們看沒找著，就到了撒慕爾那裏。」
Oduu hɔ no, Saulo wɔfa bisaa no se, “Ɛhefa na wokɔe a dedaada yenhuu wo yi?” Saulo buae se, “Yɛkɔhwehwɛɛ mfurum a wɔayera no, nanso yɛanhu wɔn. Ɛno nti, yɛkɔɔ odiyifo Samuel nkyɛn kobisaa no faako a wɔwɔ.”
15 撒烏耳的叔父向他說：「請你告訴我，撒慕爾給你說了些什麼﹖」
Ne wɔfa no bisae se, “Saa? Na asɛm bɛn na ɔkae?”
16 撒烏耳回答他叔父說：「他告訴我們，母驢的確已經找到了。」但撒慕爾所說有關立君王的話，撒烏耳卻沒有告訴他。
Saulo buae se, “Ɔkae se, wɔahu mfurum no.” Nanso Saulo anka ankyerɛ ne wɔfa no sɛ Samuel asra no ngo sɛ wobesi no ɔhene.
17 撒慕爾召集人民來到米茲帕上主面前。
Samuel frɛɛ Israelfo nyinaa baa Awurade anim wɔ Mispa,
18 對以色列子民說：「上主以色列的天主這樣說：是我領以色列出離了埃及，從埃及人和一切壓迫你們的國家中拯救了你們。
na ɔka kyerɛɛ wɔn se, “Sɛnea Awurade, Israel Nyankopɔn, se ni, ‘Mede Israelfo fii Misraim bae, na migyee mo fii Misraim tumi ne wɔn a wodi mo nya no nyinaa ase.’
19 然而今天你們拋棄了你們的天主，雖然他從你們一切災難和壓迫中解救了你們，你們卻說：不，你該給我們立一位君王! 現今你們要按照你們的支派和家族到上主面前來。」
Nanso ɛwɔ mu sɛ mayɛ bebree ama mo de, nso moapo me aka se, ‘Yɛpɛ ɔhene.’ Enti afei, momfa mo mmusuakuw ne mo mmusua mmra Awurade anim.”
20 撒慕爾就叫以色列眾支派上前來，本雅明支派中了籤；
Samuel maa Israel mmusuakuw nyinaa bae no, Benyamin abusuakuw na woyii wɔn.
21 他叫本雅明支派按照家族上前來，瑪特黎家族中了籤；他叫瑪特黎家族各個男子上前來，克士的兒子撒烏耳中了籤，大家便尋找他，卻沒有找著。
Afei ɔmaa Benyamin abusuakuw no mu afi nyinaa baa Awurade anim na woyii Matri abusua, na awiei no woyii Kis babarima Saulo. Na wɔhwehwɛɛ no no, na wonhu baabi a wafa.
22 他們再求問上主說：「這人到這裏來了沒有﹖」上主回答說：「看，他隱藏在行李中。」
Enti wobisaa Awurade se, “Na ɔwɔ he?” Na Awurade buae se, “Yiw, ɔde ne ho ahintaw nneɛma mu.”
23 人們就趕快去將他從那裏請出來，他站在百姓當中，高出眾人一肩。
Enti wotuu mmirika kɔfaa no bae. Na obegyinaa nnipa no mu no na ne tenten bunkam fa obiara so.
24 撒慕爾就向民眾說：「你們看了上主所揀選的嗎﹖在全人民中，沒有一人可與他相比。」眾百姓就歡呼說：「君王萬歲! 」
Samuel ka kyerɛɛ nnipa no nyinaa se, “Ɔbarima a Awurade apaw no sɛ mo hene ni. Obiara nni Israel ha a ɔne no sɛ.” Afei, nnipa no nyinaa bɔ gyee so se, “Ɔhene nkwa so!”
25 撒慕爾向民眾說明了君王的權利，並寫在書卷上，放在上主面前。然後撒慕爾打發民眾各自回了家。
Samuel kyerɛkyerɛɛ mmara a ɛbata saa ahenni no ho kyerɛɛ nnipa no. Ɔkyerɛw guu nhoma mmobɔwee so, de kɔtoo Awurade anim. Afei, Samuel gyaa ɔmanfo no kwan ma wɔkɔɔ wɔn afi mu.
26 撒烏耳也回基貝亞本家去了；有些為天主所感動的勇士也跟他去了，
Saulo nso kɔɔ ne fi wɔ Gibea na nnipakuw bi a Onyankopɔn aka wɔn koma de wɔn ho bɛbɔɔ no.
27 但有些無賴漢卻說：「這人怎能拯救我們﹖」就看不起他，也未給他送禮。
Nanso amumɔyɛfo bi kae se, “Ɛbɛyɛ dɛn na saa onipa yi atumi agye yɛn?” Wobuu no animtiaa a wɔammrɛ no akyɛde biara. Nanso Saulo ammua wɔn.
