列王紀上 16
1 那時，有上主的話傳於哈納尼的兒子耶胡，斥責巴厄沙說：「
Hichehi Pakaija kona Hanani chapa Jehu Themgao mangcha a Baasha Lengpa komma thupeh ahi.
2 我由塵埃中提拔了你，立你做我民以色列的領袖，你卻走了雅洛貝罕的路，使我民以色列犯罪，激怒我；
“Keiman nangma hi vutvai lah’a kona katundoh a kami Israelte chunga vaihom’a ka pansah nahi, ahinlah nangin Jeroboam setna lampi najuijin nangin jong Israelte hi na chonset sah’in ka lung nahan sah tan ahi.
3 我現在，我要掃除巴厄沙和他的家族，使他的家如同乃巴特的兒子雅洛貝罕的一家一樣：
Hijeh chun keiman Nebat chapa Jeroboam chilhahte ka suhmang bang’a nangle na insung mite jong ka suhmang ding ahi.
4 凡屬巴厄沙家的人，死在城中的，必為狗吞食，死在田野間的，必為空中的飛鳥啄食。」
Baasha insung mite khopi sunga thiden hochu, uicha ten aneh diu, gam lah a thiho chu muthong ten aneh diu ahi,” ati.
5 巴厄沙其餘的事蹟，他所行的事和他的功績，都記載在以色列列王實錄上。
Baashan vai ahom sunga thilsoh ho chu leh aman a thanei na a ana tohdoh ho Israelte thusimbu kijihna lekhabua aum in ahi.
6 巴厄沙與列祖同眠，葬在提爾匝；他的兒子厄拉繼位為王。
Baasha athi phat chun, Tirzah munah avui tauvin ahi. Hijouchun achapa Elah chu ama khel in leng ahung changtan ahi.
7 上主藉哈納尼的兒子，先知耶胡傳話斥責巴厄沙和他的家族，是因為他行了許多上主眼中視為惡的事，以自己的作為激怒了上主，如同雅洛貝罕的家一樣；又因為他殺了雅洛貝罕全家。厄拉為以色列王
Hanani chapa themgao Jehu mangchan, Pakaiyin Baasha leh a insung mite dounan thu ana seijin ahi. Baasha in Jeroboam leh a insung miten atohbang bang’a Pakai doumah ana boljeh a agihna thuhi ana peh ahin, chu leh hiche Baasha hin Jeroboam insung mite aboncha ana thagam ahi. Pakai lunghan na chu Baashan chunga ana deojah jengin ahi.
8 猷大王阿撒二十六年，巴厄沙的兒子厄拉在提爾匝登極作以色列王，在位凡二年。
Asa lengpan Judahh mite lah’a vai apoh kum somni le gup channan, Baasha chapa Elah hin Israel chunga vai ahin hompan tan ahi. Aman Tirzah khopia kum ni vai ana hom in ahi.
9 他的臣僕，即率領他半數戰車的隊長，齊默黎結黨背叛了他。當他在提爾匝，他的家在阿爾匝家喝醉時，
Hijouchun lengte galsatna sakol kangtalai ho akehkhat chung’a lamkai Zimri chun ama chu tha ding ana gongin ahi. Tirzah khopia nikhat hi Elah chu khopi sung vaipopa Arza insung a ju ana kham in,
10 齊默黎衝入，擊殺了他，篡奪了他的王位，時在猶大王阿撒二十七年。
Zimri chu avahlut’in asat lhun athat tai. Hiche hi Asa lengpan Judahh mite lah’a alengchan kum somni le sagi alhinna thilsoh ahi. Hichun Zimri chu leng ahung chang tan ahi.
11 齊默黎一登極，立刻屠殺了巴厄沙全家，沒有給他留下一個男子，連他的親屬朋友都殺了。
Zimri hin Baashan insung mite jouse gangtah in ana that jou keijin pasal chapang neokhat cha jeng jong ana hinghoi tapon ahi. Aman a insung lamdol a aki naipi behseh jong hilou chuleh agol apaiho kisan ana that’in ahi.
12 齊默黎這樣毀滅了巴厄沙全家，應驗了上主藉先知耶胡斥責巴厄沙所說的話。
Hiti hin Pakaiyin Jehu themgao mangcha’a ana phondohsa bangin, Zimri hin Baasha chilhah ho jouse jong ana sumang soh tan ahi.
13 這是因為巴厄沙和他的兒子厄拉所犯的一切罪，即引以色列陷於罪惡，因他們製造了虛無偶像，激怒了上主，以色列的天主。
Hiche thilsoh hi Baasha leh achapa Elah chonset jeh leh Israel achonset sah lhon jeh ahi. Hitia hi manlou semthu doilim ho jeh’a Pakai Israel Pathen chu ana suh lunghang’u ahi.
14 厄拉其餘的事蹟，他的一切作為，都記載在以色列列王實錄上。齊默黎為以色列王
Elah vaihom sunga thilsoh ho leh ana tohdoh ho jouse chu Israel lengte thusimbu’a aki jih lut soh kei jin ahi.
15 猶大王阿撒二十七年，齊默黎王提爾匝作王僅七天。當時人民正在圍攻培肋舍特人的基貝通，
Judahh gam'a Asa’in lengvai apohna kum somni le sagi lhinkum hin, Israel pumpia Zimri in vai ahin hom in ahinlah Tirzah khopia ni sagi bou vai ana homin ahi. Israel sepaiten Philistine khopi Gibbethon chu ana no khum un ahi.
16 消息傳到營中說：齊默黎已經叛變，擊殺了君王，全以色列人當天即在營中，選立了軍長敖默黎作以色列王。
Amahon Zimri in kitahlou tah in lengpa athat tai tithu ajah phat un, hiche nikho mama chun sepai lamkai Omri chu Israelte Leng dingin ana lhengdoh tauvin ahi.
17 敖默黎和與他在一起的全以色列人，從基貝通上去圍攻提爾匝。
Hitichun Omri in Israel galmi pumpi chu ahin lamkaijin Gibbethon na konin Tirzah ahin nokhum tauvin ahi.
18 齊默黎一見城已失陷，即走進王宮的城堡，縱火焚燒王宮，自焚而死。
Zimri chun khopi chu alatai ti ahetphat un, hiche khopia chun achen amale ama meikong akihal khumin athi tan ahi.
19 這是因為他所犯的罪惡，行了上主視為惡的事，走了雅洛貝罕的路，並以自己所犯的罪，使以色列陷於罪惡。
Ajeh chu ama jong hin, Pakai mitmu’n thilse jeng ana bol’in ahi. Aman jong Jeroboam in Israelte ana chonset sah tobang chun ana chepin ahi.
20 齊默黎其餘的事蹟，暗殺叛變的事，都記載在以色列列王實錄。
Zimri vaihom sunga thilsoh holeh aman dan dihlou tah’a na anatoh naho jouse Israel lengte thusimbu’a aki jih lutsoh keijin ahi.
21 那時，以色列人民分裂為二：一半跟隨基納特的兒子提貝尼，要立他為王；一半跟隨敖默黎。
Ahinlah tuhin Israelte kehni akiso tauvin ahi. Mipi akeh khat’in Ginath chapa Tibni chu achung'uva lenga pang din adei jun ahinlah akeh khat in Omri joh chu adei jun ahi.
22 跟隨敖默黎的人勝過了跟隨基納特的兒子提貝尼的人；提貝尼死後，敖默黎便作了王。敖默黎為以色列王
Ahin Omri deiho chun Tibni deiho chu ajou tauvin ahi. Hichun Tibni chu athat tauvin Omri joh chun lengmun ahinlo tan ahi.
23 猶大王阿撒三十一年，敖默黎登極作以色列王，在位凡十二年，其中六年在提爾匝。
Judah gam'a Asa leng chan kum somthum le khat alhin chun, Omri in Israelte lah a vai ahin hompan tan ahi. Aman kum som le ni vai ana hom in kum gup chu Tirzah a ana pansan ahi.
24 敖默黎用兩「塔冷通」銀子，由舍默爾手中買下了芍默龍山。他修建了這座山，依照山的原主舍默爾的名字，給他所建築的城起名叫「撒瑪黎雅。」
Hijou chun Omri in tua Samaria kiti thinglhang gam chu aneipa Shemer a konin dangka sangkhat le ja nga ape in ana kichoh doh in ahi. Aman hichu khopi khat in ana semin aneipa Shemer akonin Samaria ana sah ahi.
25 敖默黎行了上主視為惡的事，甚至比他以前的人更為邪惡。
Ahinlah Omri in ama masanga lengvaipo ho jouse sangin Pakai Pathen mitmun thilse ngen chang anabol in ahi.
26 事事仿效乃巴特的兒子雅洛貝罕所走的路，犯了更使以色列陷於罪惡的罪，又敬拜邪神偶像，激怒上主，以色列的天主。
Aman jong Nebat chapa Jeroboam chonsetna jousea Israelte ana chonset sah bangin ama jong hiti hin ana chonin ahi. Mipiten pannabei milim ana hou uvin Israel Pathen chu ana lunghan sah tauvin ahi.
27 敖默黎其餘的事蹟，他的作為和功蹟，都記載在以色列列王實錄上。
Omri vaihom sunga thilsoh dangho chuleh a thaneina chuleh ana tohdoh ho jouse chu Israel lengte thusimbu a chun aki jihlut sohkei jin ahi.
28 敖默黎與列祖同眠，葬在撒瑪黎雅；他的兒子阿哈布繼位為王。阿哈布為以色列王
Omri chu athi phat in, Samaria munna ana vuijun ahi. Ama banin achapa Ahab chun lengmun ahinlo tan ahi.
29 猶大王阿撒三十八年，敖默黎的兒子阿哈布登極作以色列王。敖默黎的兒子阿哈布在撒瑪黎雅作以色列王，凡二十二年。
Judahh gam'a Asa leng chan kum somthum le get ahung lhin chun, Omri chu Israelte lengmun ahinlo pantan ahi. Aman Samaria mun’ah kum somni le ni sungin vai ahin hom’in ahi.
30 敖默黎的兒子阿哈布行了上主視為惡的事，甚於他以前的人。
Omri chapa Ahab hin Pakai mitmun thilse jeng ahin bol’in, ama masang’a lengho jouse sangin thilse joh ahin boldoh in ahi.
31 他走了乃巴特的兒子雅洛貝罕犯罪的路，尚以為是小事，又娶了漆冬王厄特巴耳的女兒依則貝耳為妻，親自去服事敬拜巴耳，
Aman Jeroboam thilse bolchu anung ajui keu hilouvin, Sidon lengpa Ethbaal chanu Jezebel chu ana kichenpin Ba-al doi chu ana houtan ahi.
32 在撒瑪黎雅為巴耳建築了一座廟宇，廟內為巴耳設立了一座祭壇。
Amasan Ahab in Samaria mun ah Ba-al doi phung leh houin ana tungdoh in ahi.
33 阿哈布又立了阿舍辣；阿哈布行事激怒上主，以色列的天主，尤甚於他以前的以色列王。
Hijou chun aman Asherah doiphung ana tungdoh kit’in, hiti hin aman ama masanga leng dangho sangin Pakai Israel Pathen chu ana phin lunghang pen in ahi.
34 他在位的時候，貝特耳人希耳重建了耶里哥；奠基的時候，死了長子阿彼蘭；安門的時候，死了幼子色古布：這正應驗了上主藉農的兒子若蘇厄所說的話。
Ahab lengvai poh laitah in, Bethel akonin Hiel kitipa in Jericho ahin sempha kittan ahi. Aman inbulkhom aphudoh nin achapa tah pen Abiram kiti pa chun a hinkho alha tan ahi. Aman asahchaija a kehkhat ahin tundoh ahin achapa lhumpenpa chun ahinkho a lha tan ahi. Hiche hi Nun chapa Joshua in Pakaiya kon’a Jericho chungchang thu ana phondoh chu guilhung’a ahitai.
