歷代志上 11
1 [達味為王]那時，全以色列人聚集到赫貝龍，來見達味說：「看，我們都是你的骨肉。
Hagi anante mika Israeli vahe'mo'za Deviti'ma mani'nere Hebroni kumate omeri tru hu'za amanage hu'za asami'naze, ko tagra kagri kora mani'none.
2 以前連撒烏耳為王時，也是你率領以色列出入征討；並且上主你的天主，也曾對你說過：你應牧養我的百姓以色列，作我的百姓以色列的領袖。」
Hagi koma Soli'ma kinima mani'nea knafina kagra Israeli sondia vahera vugota huzamantenka hatera zamavarenka vunka enka hu'nane. Hagi Ra Anumzana kagri Anumzamo'a amanage huno kasami'ne, kagra Nagri vahe'mofona sipisipi afute'ma kegavama hiankna hunka ugagota huzmantenka kva huzmantegahane hu'ne.
3 以色列所有的長老都到赫貝龍來見君王，達味就在赫貝龍，在上主面前同他們立了約；他們便按照上主藉撒慕爾所吩咐的，給達味傅油，立他為以色列王。[佔領耶路撒冷]
E'ina hu'negu maka Israeli ranara vahe'mo'zanena Deviti'ma Hebroni kumate mani'nerega azage'za, Ra Anumzamofo avufi huhagerafi huvempa kea hute'za, Ra Anumzamo'ma Samuelima asami'nea kante ante'za Devitina kinia azeri oti'naze.
4 達味和全以色列人便向耶路撒冷，即耶步斯進發，當時住在那地方的是耶步斯人。
Hagi ana hute'za Deviti'ene maka Israeli vahe'mo'za Jebusi vahe'ma nemaniza kumate Jerusalemia kora Jebusie hu'za nehaza kumate vu'naze.
5 耶步斯的居民對達味說：「你決攻不進此地。」但是，達味卻佔領了熙雍山堡，即今達味城。
Hianagi Jebusi kumate'ma nemaniza vahe'mo'za Devitinkura amanage hu'naze, kagra amarera omegosane. Hianagi Deviti'a ana vahetamina ha' huzmanteno Saioni kuma'ma hankave vihu keginama hu'naza kumara eri'ne. Hagi meni ana kumakura Deviti rankumare hu'za nehaze.
6 達味曾說過：「誰首先擊敗耶步斯人，誰將升為將領和元帥。」責魯雅的兒子約阿布首先上去了，所以他成了元帥。
Hagi ha'ma hu'zama Devitima nehuno'a amanage hu'ne, iza'o Jebusi vahe'ma ese'ma ha'ma huzmantesia ne'mo sondia vahe'niarera ugagota huno kva huzmantegahie, higeno Zeruaia nemofo Joapu anara higeno, Sondia vahe'amofo ugagota kva azeri oti'ne.
7 達味便住在那山堡內，因此人稱之為達味城。
Hagi ana vihu kumara Deviti'a agra kuma erisegeno, e'i ana agafare Deviti rankumare hu'za nehaze.
8 達味又重修四周城垣，從米羅起，重修一週；城的其餘部份由約阿布修建。
Hagi Deviti'a ana kumamofona urami'nea kazigati kumara agafa huno eri so'e huno ki'no evu'ne. Ana higeno mago'a ana kumara Joapu eri ante fatgo huno evu'ne.
9 達味日漸強盛，萬軍的上主與他同在。[達味的將士名單]
Hagi Deviti'a maka zampina hageno marenerino ome hankavetino vu'ne. Na'ankure Hanavenentake Ra Anumzana Monafinka Ohampriga Sondia Vahete kva nemo'a agrane mani'negeno anara hu'ne.
10 以下這些人，是極力擁護達味建國，與全以色列人照上主對以色列所吩咐的，立他為王的主要將士。
Hagi ama'i ugagota hu'za hankavenentake sondia vahetamima Deviti'ma aza hu'za Israeli vahete kvama azeri oti'naza vahetamine. Hagi Ra Anumzamo'ma Israeli vahete kini manigahie hu'nea kante ante'za ama ana hankavenentake sondia vahetmimo'zane maka Israeli vahe'mo'zanena mago zamarimpa hu'za Devitina kinia azeri oti'naze.
11 達味的將士名單如下：哈革摩尼的兒子依市巴耳，是三傑之首；一次他曾舉起長矛，擊殺了三百人。
Hagi Devitina hankavenentake sondia vahetmimofo zamagi'a amane, ese nera Hakmoni nagapinti nekino agi'a Jasobeamu'e. Agra Hankmoni nagapina ugagota sondia ne' mani'neankino, mago hapina 300'a vahe kevenutira zamahe fri'ne.
12 次為阿曷亞人多多的兒子厄肋阿匝爾，三傑之一，
Hagi ana 3'a hanavenentake sondia vahepintira anante'ma eme hu'nea nera Ahoa nagapinti Dodo nemofo Eleaza'e.
13 他以前同達味在帕斯達明，培肋舍特人正在那裏集合準備交戰時，【以色列人退卻，他卻固守陣地，擊殺培肋舍特人，直到他手軟無力，粘在刀柄上。上主在那一天完成了一大勝利；民眾返回，隨著他去搶戰利品。再其次是哈辣黎人厄拉的兒子沙瑪，那時培肋舍特人在肋希集合，】在那裏有一塊長滿大麥的田地，民眾由培肋舍特人面前逃走，
Hagi Eleaza'a mago zupa Deviti'ene Pas-damimi kumate mani'nakeno Filistia vahe'mo'za bali hozafi Israeli vahera hara eme huzmantege'za atre'za kore fre'naze.
14 他卻立在田間保護了那塊田地，殺敗了培肋舍特人，如此上主又完成了一次大勝利。
Hianagi Eleaza'ene Deviti'enena ana hoza amunompi oti'neke Filistia vahera hara hunezamantakeno Ra Anumzamo'a zanaza higeke Filistia vahera razampi hara huzamagatere'na'e.
15 一次三十勇士中，有三位下到阿杜藍山砦附近的岩石裏去見達味，那時培肋舍特人正紮營在勒法因平原，
Hagi Filistia sondia vahe'mo'zama Refaimi agupofima seli noma ki'zama mani'nazageno'a, 30'a ugagota sondia vahepintira 3'amo'za Deviti'ma Adulamu havegampima mani'nerega vu'naze.
16 同時達味恰在山砦內，培肋舍特人當時也在白冷駐防，
Hagi e'i ana knafina Deviti'a ana havegampi mani'negeno, mago'a Filistia sondia vahe'mo'za Betlehemi kumate mani'na'ze.
17 達味渴望說：「誰能從白冷城門旁的井中，給我打一點水來喝呢﹖」
Hagi anama higeno'a Deviti'a tinku avesigeno Betlehemima me'nea tinkura agesa nentahino amanage hu'ne, Betlehemi kumamofo kafante'ma me'nea tinkerifintima tima afino eme namige'na noasina knare hisine.
18 那三位勇士就衝過培肋舍特人的營幕，從白冷城門旁的井中打了水，將水取來帶到達味前；但達味不肯喝，反而將水奠於上主前，
Hagi anagema higeno'a, ana 3'a hankave sondia vahe'mo'za vu'za Filistia vahe vihua ome tapage hu'za ufre'za Betlehemi kumamofo kafante'ma me'nea tinkeriretira tina afi'za Devitina eme ami'naze. Hianagi Deviti'a ana tina oneno Ra Anumzamofontega ofa huno tagitre'ne.
19 說「我的天主決不許我做這事! 我豈能喝這些冒生命危險者的血﹖因為這是他們冒生命危險取來的。」所以他不肯喝。這是這三個勇士所做的。
Ana tima taginetreno'a Deviti amanage hu'ne, Anumzamofo agire tamage nehue, ama'i tina onegahue. Hagi ama ana timo'a mago'a tinknara osu'neanki agatereno, ama ana vahe'mofo korankna hu'neanki'na onegahue. Na'ankure ama ana tima ome afi'naza vahe'mo'za fri'zankura ontahi zamavufaga eri amne hu'za tina ome afi'za e'naze. E'inage nehuno ana tina Deviti'a one'ne. Hagi e'i ana 3'a hanavenentake sondia vahe'mo'za ana zana hu'naze.
20 約阿布的兄弟阿彼瑟，是三十勇士的領袖，他揮舞長矛殺了三百人，因此在三十勇士中出了名；
Hagi Joapu nefu Abisai'a 30'a sondia vahete kva nekino, 3'a vahe'mo'zama eri'zankna ra agima eri'nea nera, 300'a ha' vahetami kevea zamahe friteno, ana ra agia eri'ne.
21 他在三十勇士中享有雙重的名望，做了他們的領袖，做了他們的領袖，但尚不及三傑。
Hagi Abisai'a ana 3'a vahe'mokizimia zamagetereno ra avo erino, kvazimi mani'ne. E'ina hu'neanagi, agra ana 3'a ranra vahepina mago'zamia omani'ne. Hagi agra 30'a vahe'mokizmi kva mani'ne.
22 約雅達的兒子貝納雅原是卡貝責耳人，是一位英勇大有作為的人，曾擊殺摩阿布人阿黎耳的兩個兒子；又在下雪天，下到旱井裡打死了一隻獅子。
Hagi Kapzeli kumateti mago nera Johoiada nemofo Benaia'a hankavenentake sondia ne' mani'neankino, agra harafa vahe'mo'zama nehaza zana ranra zantmi nehuno, tare Moapu harafa netrena neznaheno, ko'mopa ko'ma rianknafina kerifintira laionia ahe'ne.
23 他也曾打死了一個埃及巨人。這埃及人人身高五肘，手中拿著粗如織布機軸的長矛，貝納雅下去，手中僅拿著一根棍杖，從那埃及人手中，把長矛奪了過來，用那長矛將他殺死。
Hagi magora Isipiti tusizankna nekrefa zaza'amo'a 2mitagi hafu hu'nea ne' ahe fri'ne. Hagi ana Isipi ne'mofo karugru keve'amo'a tavrave trohu masinimofo aini'agna hu'neanagi, Benaia'a ana karugru keve'a hanareno, agri karugru kevereti ana Isipi nekrefa arefri'ne.
24 這是約雅達的兒子貝納雅所做的事。因此在三十勇士中出了名。
Hagi Benaia'a e'inama hiazante 3'a hanavenentake sondia vahe'mo'zama eri'nazankna agia eri'ne.
25 他比三十勇士更有名望，但尚不及三傑。達味派他作侍衛長。
Hagi agra 30'a sondia vahe'tmina zamagatereno ra agi eri'neanagi, 3'a vahepina mago'zamia omani'ne. Hagi Deviti'a avate kvama hunentaza sondia vahetmimofo kva ne' Beniana azeri oti'ne.
26 其餘的勇士：有約阿布的兄弟阿撒耳，白冷人多多的兒子厄耳哈難，
Hagi Devitina hankavenentake sondia vahetmimofo zamagi'a, Joapu nefu Asaheli'ma, Dodo nemofo Betlehemu kumateti ne' Elhanani'ma,
27 哈洛得人沙摩特，帕耳提人赫肋茲，
Harori nagapinti ne' Samoti'ma, Peloni nagapinti ne' Helesi'ma,
28 特科亞人依刻士的兒子依辣，阿納托特人阿彼厄則爾，
Tekoa kumateti ne' Ikesi nemofo Ira'ma, Anatoti kumateti ne' Aviezeri'ma,
29 胡沙人息貝開，阿曷亞人衣來，
Husa nagapinti ne' Sibekai'ma, Ahoa nagapinti ne' Zalmoni'ma,
30 乃托法人瑪哈賴，乃托法人巴阿納的兒子赫肋得，
Netofa nagapinti ne' Maharai'ma, Netofa nagapinti ne' Bana ne'mofo Heledi'ma,
31 本雅明族基貝亞人黎拜的兒子依泰、丕辣通人貝納雅，
Gibea kumateti, Benzameni nagapinti ne' Ribai nemofo Itai'ma, Piratoni nagapinti ne' Benaia'ma,
32 加阿士士溪人胡賴，貝特阿辣巴人阿彼巴耳，
Gasa tinkrahopinti ne' Hurai'ma, Araba nagapinti ne' Abieli'ma,
33 巴胡陵人阿次瑪委特，沙阿耳賓人厄里雅巴，
Baharumu nagapinti ne' Azmaveti'ma, Salboni nagapinti ne' Eliaba'ma,
34 基宗人雅笙，哈辣黎人沙革的兒子約納堂，
Gizoni nagapinti ne' Hasemi'ma, Harari nagapinti ne' Sage nemofo Jonatani'ma,
35 哈辣黎人撒加爾的兒子阿希楊，烏爾的兒子厄里法耳，
Harari nagapinti ne' Sakari nemofo Ahiamu'ma, Uri nemofo Elifari'ma
36 默革辣人赫費爾，基羅人阿希雅，
Mekera nagapinti ne' Heferi'ma, Peloni nagapinti ne' Ahizama,
37 加爾默耳人赫茲賴，厄次拜的兒子納阿賴，
Kameri nagapinti ne' Hezro'ma, Ezbai nemofo Narai'ma,
38 納堂的兄弟約厄耳，哈革黎的兒子米貝哈爾，
Neteni nefu Joeli'ma, Hagri nemofo Mibhari'ma,
39 阿孟人責肋克，貝厄洛特人納赫賴，他是責魯雅的兒子約阿布的執戟者，
Amoni nagapinti ne' Zeleki'ma, Joapu hankoma e'neria ne' Beroti nagapinti ne' Zeruia nemofo Naharai'ma,
40 雅提爾人依辣，雅提爾人加勒布，
Jatiri nagapinti ne' Ira'ma, Jatiri nagapinti ne' Garepi'ma,
41 赫特人烏黎雅，阿赫來的兒子匝巴得，
Hiti nagapinti ne' Uria'ma, Alai nemofo Zabati'ma,
42 勒烏本人史匝的兒子阿狄納，他是勒烏本人的首領，有三十個人跟隨他，
Rubeni naga kva ne'ma 30'a sondia vahe'enema vanoma nehia ne' Siza nemofo Adina'ma,
43 瑪加的兒子哈南，默騰人約沙法特，
Maka nemofo Hanani'ma, Mitan nagapinti ne' Josafati'ma,
44 阿市塔洛特人烏齊雅，阿洛厄爾人曷堂的兒子沙瑪和耶厄耳，
Astaroti nagapinti ne' Usia'ma, Aroeli kumateti Hotamu ne' mofavrerare Sama'ene Jeielikegi,
45 提漆人史默黎的兒子耶狄阿耳和他的兄弟約哈，
Tizi nagapinti netre Simri nemofokea Jediaeli'ene nefu ne' Joha'ma,
46 瑪紅人厄里耳，厄耳納罕的兒子耶黎拜和約沙委雅，摩阿布人依特瑪，
Mahava nagapinti ne' Elieli'ma, Elnamu nemofoke Jeribai'ene Josavia'ene, Moapu nagapinti ne' Itma'ma,
47 厄里耳，敖貝得和祚巴人雅息耳。
Erieli'ma, Obeti'ma, Mezoba nagapinti ne' Jasieli'e.
