使徒行传 25
1 非斯都抵达这个省三天后，就从该撒利亚去了耶路撒冷。
फेस्तुस यहूदिया प्रदेशो रे राज्यपालो रा काम सम्बाल़ने ते तीन दिन बाद कैसरिया नगरो ते यरूशलेमो खे गया।
2 祭司长和犹太人首领在他面前控告保罗，
तेबे बड़े पुरोईत और यहूदी अगुवे तेस सामणे पौलुसो पाँदे आरोप लगाए।
3 请求他把保罗押到耶路撒冷，这样他们就能埋伏在路上杀死他。
तिने फेस्तुसो ते बिनती कित्ती कि से पौलुसे खे यरूशलेमो खे बुलाणे री कृपा करो, कऊँकि सेयो पौलुसो खे बाटा रेई काणे री ताका रे थे।
4 但非斯都的回答是，保罗现在关押在该撒利亚，他马上要回到那里去。
फेस्तुसे बोलेया, “पौलुस कैसरिया रे पईरे रे ए और मां आपू तेती चट ई जाणा।”
5 他对众人说：“你们首领可以和我一起，如果这个人做错了什么, 可以控告他。”
फेर बोलेया, “जो तुसा बीचे अक्क राखोए, सेयो बी साथे चलो और जे इने मांणूए कुछ बुरा काम करी राखेया, तो तेस पाँदे दोष लगाओ।”
6 非斯都在那里停留了十天八天后，就回到该撒利亚，然后在第二天开庭，吩咐把保罗带上来。
फेस्तुस यरूशलेमो रे तिना बीचे कोई आठ-दस दिन रई की कैसरिया नगरो खे गया और दूजे दिने न्याय आसणो पाँदे बैठी की पौलुसो खे ल्याऊणे री आज्ञा दित्ती।
7 保罗刚走进来，从耶路撒冷来的犹太人就站在他周围，提出许多重罪指控，但却无法给出证据。
जेबे से आया, तेबे जो यहूदी अगुवे यरूशलेमो ते आयी रे थे, तिने नेड़े-तेड़े खड़ी की तेस पाँदे बऊत सारे दोष लगाए, जिना रा तिना गे कोई सबूत नि था।
8 保罗为自己辩护：“无论是从犹太人律法、圣殿或凯撒的角度来讲，我都没有犯下任何罪行。”
पर पौलुसे जवाब दित्तेया, “मैं ना तो यहूदिया रा बिधानो रा, ना ई मन्दरो रा और ना ई कैसरो रे खलाफ कुछ अपराध करी राखेया।”
9 但非斯都为了满足犹太人的想法，就问保罗：“那你愿意去耶路撒冷，让我在那里审问这个案子吗？”
तेबे फेस्तुसे यहूदिया खे खुश करने री इच्छा ते पौलुसो ते पूछेया, “क्या तूँ यरूशलेमो खे जाणा चाएया और तेती मां सामणे तेरे एस मुकद्दमे रा न्याय कित्तेया जाणा?”
10 保罗回答：“此刻我站在凯撒的法庭面前，这里就是我应当受审的地点。你很清楚，我对犹太人并未做过错事。
पौलुसे बोलेया, “आऊँ कैसरो रे न्याय आसणो सामणे खड़ी रा, मेरे मुकद्दमे रा एथी न्याय ऊणा चाईयो, जेड़ा तूँ अच्छी तरअ ते जाणेया कि यहूदिया रा मैं कुछ बी अपराध निए कित्तेया रा।
11 如果我犯下罪行，做过应该被判死罪的事情，我不会请求宽恕。但如果这些人对我的控告不属实，谁也别想把我送给他们。我要向凯撒上诉。”
जे आऊँ अपराधी ए और काणे जोगा कुछ अपराधो रा काम करी राखेया, तो मरने ते नि मुकरदा। पर जिना गल्ला रा यो यहूदी अगुवे मां पाँदे दोष लगाणे लगी रे, जे तिना बीचा ते कोई गल्ल सच नि ऊई, तो कोई माखे तिना रे आथो रे नि देई सकदा। आऊँ कैसरो ते विनती करूँआ, सेई मेरा न्याय करो।”
12 非斯都与议会商量了一番后答复：“既然你想要向凯撒上诉，你应该这样做！”
तेबे फेस्तुसे मन्त्रिया री सभा साथे बात-चीत करी की बोलेया, “तैं कैसरो ते विनती करी राखी, तूँ कैसरो गे ई जाणा।”
13 几天后，亚基帕王和百尼基来到该撒利亚，然后到非斯都这里拜访。
कुछ दिन बितणे ते बादो ते अग्रिप्पा राजा और तेसरी छोटी बईण बिरनिके कैसरिया रे आयी की फेस्तुसो खे मिले।
14 他们停留了一些时日，非斯都向国王讲述了保罗的案子。他说：“有个囚犯，是腓力斯在位时留下来的案子。
तिना रे बऊत दिन तक तेती रणे ते बादो ते फेस्तुसे पौलुसो रे बारे रे राजे गे बताया कि एक मांणू ए, जेसखे फेलिक्स बन्दुआ छाडी गा रा।
15 我在耶路撒冷的时候，祭司长和犹太人长老控告他，要求对他定罪。
जेबे आऊँ यरूशलेमो रे था, तेबे बड़े पुरोईत और यहूदिया रे बुजुर्गे तेस पाँदे आरोप लगाया और चाया कि तेसखे सजा मिलो।
16 我的答复是，被告还没有和原告当面对证，没有获得机会指控进行自我辩护，就不能把他送过去，这不符合罗马法律。
पर मैं तिना खे बोलेया, “रोमिया री एड़ी रवाज निए कि केसी मांणूए खे सजा मिलो, जदुओ तक अपराधिया खे तेस पाँदे दोष लगाणे वाल़े रे आमणे-सामणे खड़े ऊई की दोषो रा जवाब देणे रा अवसर नि मिलो।
17 所以当控告方抵达这里后，我马上就在第二天开庭，吩咐把那人提出来。
तो जेबे यहूदी अगुवे मां साथे केसरिया आये थे, तेबे मैं देर नि कित्ती, पर दूजे ई दिने न्याय आसणो रे बैठी की तेस मांणूए खे ल्याऊणे री आज्ञा दित्ती।
18 但当原告发言的时候，他们的指控并非我所想的罪行。
जेबे तेसरे दुश्मण खड़े ऊए, तेबे तिने एड़ी बुरी गल्ला रा दोष नि लगाया, जेड़ी आऊँ समजूँ था।
19 事实上，他们所进行的辩论都是宗教问题，还谈到了一位名叫耶稣的死人，但保罗却说他还活着。
पर सेयो आपणे तर्म और यीशु नाओं रे केसी मांणूए रे बारे दे, जो मरी गा था और पौलुस तेसखे जिऊँदा बताओआ, बईस करो थे।
20 我不知道如何调查处理这样的事情，就问他是否愿意去耶路撒冷接受审问。
आऊँ उल़जणा रे पड़ी गा कि इना गल्ला रा पता किंयाँ लगाऊँ? इजी री खातर मैं पौलुसो ते पूछेया, क्या तूँ यरूशलेम जाणा चाएगा, ताकि तेती इना गल्ला रा न्याय ओ?
21 但保罗要求他的案子应该由皇帝裁判，我就下令把他关起来，找机会把他送给凯撒。”
पर जेबे पौलुसे विनती कित्ती कि मेरे मुकद्दमे रा न्याय महाराजाधिराजो गे ओ, तो तेबे मैं आज्ञा दित्ती कि जदुओ तक तेसखे कैसरो गे नि पेजूँ, तदुओ तक तेसखे कैदा रे राखेया जाओ।”
22 亚基帕对非斯都说：“我也想听听这人说些什么。”非斯都说：“那我安排你明天过来听。”
तेबे अग्रिप्पे फेस्तुसे खे बोलेया, “आऊँ बी तेस मांणूए री सुणना चाऊँआ।” तिने बोलेया, “तां काल सुणी लणी।”
23 第二天，亚基帕和百尼基一起在盛大的仪式中抵达，与千夫长和城中的名人一起进了法庭。非斯都吩咐把保罗提出来。
तेबे दूजे दिने, जेबे महाराजा अग्रिप्पा और बिरनिके बड़ी धूमधामा साथे पल़टणा रे सरदार और नगरो रे बड़ेया लोका साथे दरबारो रे पऊँछेया, तेबे फेस्तुसे आज्ञा दित्ती कि पौलुसो खे ली आओ।
24 非斯都说：“亚基帕王和在座的各位，你们面前的这个人，耶路撒冷和本地的犹太人都向我情愿，表示应该对他处以死刑。
फेस्तुसे बोलेया, “ओ राजा अग्रिप्पा और सब लोको, जो आसा साथे एती ए, तुसे एस मांणूए खे देखोए, जेसरे बारे रे सारे यहूदिये यरूशलेम और एती बी चींगी-चींगी की मांते बिनती कित्ती कि एसरा जिऊँदा रणा ठीक निए।
25 但我发现他并没有犯下应处死之罪。他自己想要向皇帝上诉，我就决定把他押解过去。
पर मैं जाणी ला की तिने एड़ा कुछ नि करी राखेया की तेसखे मारी देओ, और बल्कि तिने आपू ई महाराजे ते विनती कित्ती, तेबे मैं तेसखे रोम पेजणे रा फैंसला कित्तेया।
26 但对于这个人，我实在没有什么明确的事情可以呈奏皇帝。所以我把他带到诸位面前，特别是亚基帕王面前，希望能够找到一些可以向皇帝陈述的内容。
पर मैं तेसरे बारे रे कोई ठीक गल्ल नि पाई, ताकि आपणे स्वामिए खे लिखूँ, इजी री खातर आऊँ एसखे तुसा सामणे और महाराज अग्रिप्पा तां सामणे ल्याई राखेया, ताकि परखणे ते बाद माखे कुछ लिखणे खे मिलो
27 对我来说，在没有解释对他的指控的情况下就送囚犯似乎是不公平的。”
कऊँकि बन्दुओ खे पेजणा और जो तेस पाँदे दोष लगाई राखे, सेयो नि बताणे, माखे बेकार लगोआ।”
