哥林多前书 15
1 提醒一下：我之前向你们宣讲了福音，你们已经接受了，此后便始终坚守。
ओ साथी विश्वासियो, एबे बी आऊँ तुसा खे सेई सुसमाचार याद दलाऊँआ जेतेरा मैं तुसा बीचे प्रचार कित्तेया था। से सुसमाचार तुसे मानेया बी था और जिदे तुसे बणे रे बीए।
2 如果你们坚守我所传给你们的福音，就会因这福音得救，否则你们所信的一切都是枉然。
परमेशरे तेसी सुसमाचारो रे जरिए तुसा रा उद्धार करी राखेया। जे तुसे तेसी सुसमाचारो रे जो मैं तुसा बीचे प्रचार कित्तेया था तिदे बणे रे रओगे नयी तो तुसा रा विश्वास करना बेकार ए।
3 我将之前所获得的福音传递给你们，这是一条至关重要的讯息：如经文所述，耶稣已死，因我们的罪而死。
इजी बजअ ते मैं तुसा लोका खे प्रभु यीशुए ते मिली री बऊत जरूरी सच्चाई बताई ती। से सच्चाई ये ए कि पवित्र शास्त्रो रे मुताबिक यीशु मसीह आसा रे पापो री तंईं मरी गा।
4 他在被埋葬之后，又按照经文所述在第三天复活。
और दबाए गये और पवित्र शास्त्रो रे मुताबिक तीजे दिने जिऊँदे बी ऊईगे।
5 他曾向彼得显现，然后又向十二使徒显现。
तेबे पतरसो खे और तेबे बारा चेलेया खे दिखे।
6 之后他又向五百多名兄弟姐妹显现，这些人中，有的已经死去，但大多数人如今仍然活着。
इजी ते बाद पाँज सौ ते जादा विश्वासी पाईया खे दिखे, जिना बीचा ते बऊत जणे एबुए तक जिऊँदे ए और कुछ जणे मरी गे रे।
7 他还曾向雅各显现，再后又向所有使徒显现，
फेर याकूबो खे दिखे, तेबे सबी प्रेरिता खे दिखे
8 直到最后他才向我显现，好像我是一个未在预产期降生的婴儿。
और सबी ते बाद माखे बी दिखे, जो मानो आदे दिना रा जम्मेया रा ओ।
9 我原本是所有使徒中最微不足道的那一个，本无资格被称为使徒，因为我曾经迫害上帝的教会。
कऊँकि आऊँ प्रेरिता बीचे सबी ते छोटा ए, बल्कि प्रेरित बोलणे रे काबिल पनिए, कऊँकि मैं परमेशरो री मण्डल़ी सताई थी।
10 但我能有今天全凭上帝的恩典，他赐予我的恩典也没有付诸东流。相反，我比其他使徒更辛苦地付出，但真正辛苦付出的不是我，而是我所获赐的上帝恩典。
पर आऊँ जो प्रेरित ए, से परमेशरो री कृपा ते ए और तेसरी कृपा जो मां पाँदे ऊई, से बेकार नि ऊई। पर मैं तिना सबी प्रेरिता ते बड़ी की मईणत बी कित्ती तेबे बी ये मेरी तरफा ते नि ऊआ, पर परमेशरो री कृपा ते, जो मां पाँदे ए।
11 因此，无论是我或是众使徒，我们都在与你们这些信奉上帝之人，分享这福音。
तो चाए आऊँ ए, चाए सेयो ओ, आसे येई प्रचार करूँए और इजी पाँदे ई तुसे विश्वास बी कित्तेया।
12 那么，如果这福音宣布基督死而复生，为什么你们中间会有人说没有死而复生这种事？
जबकि मसीह रा प्रचार करेया जाओआ कि से मरे रेया बीचा ते जिऊँदा ऊआ, तो तुसा बीचा ते बऊत जणे कऊँ बोलोए कि मरेया रा दुबारा जिऊँदा ऊणा ऊई नि सकदा?
13 如果没有死人复活之事，基督也就没有死而复生。
जे मरे ऊए रा दुबारा जिऊँदा ऊणा ऊई नि सकदा, तो मसीह पनि जिऊँदा ऊँदा।
14 如果基督没有复活，我们向你们所传福音便毫无意义，你们的信也是毫无意义，
जे मसीह पनि जिऊँदा ऊआ, तो आसा रा प्रचार करना बी बेकार ए और तुसा रा विश्वास बी बेकार ए।
15 此外，当我们证明上帝让基督死而复生之时，还会被视为上帝的假证人。但如果上帝未让基督死而复生，那么是否根本就没有复活这种事？
बल्कि आसे परमेशरो रे चूठे गवा ऊए, कऊँकि आसे परमेशरो रे बारे रे ये गवाई दित्ती कि तिने मसीह मरे रया बीच ते जिऊँदा कित्तेया। पर जे मरे रे जिऊँदे नि कित्ते जांदे तो परमेशरे मसीह बी जिऊँदा नि कित्तेया।
16 如果死人无法复活，基督也就无法复活。
आँऊ फेर बोलूँआ जे मुड़दे जिऊँदे नि ऊँदे, तो मसीह बी जिऊँदा नि ऊआ।
17 如果基督没有复活，你们的信仰就是徒然，你们仍是罪人。
और जे मसीह जिऊँदा नि ऊआ, तो तुसा रा विश्वास बेकार ए और तुसे एबुए तक आपणे पापो रे फसी रे।
18 那么也意味着因基督而死之人，也将消亡。
बल्कि जो विश्वासी मसीह रे मरी गे रे, सेयो बी नाश ऊई चुके रे।
19 如果我们心中的希望只为今生而立，我们便是最可怜之人。
जे आसे बस एसा जिन्दगिया रेई मसीह री उम्मीद राखूँए, तो आसे सबी मांणूआ ते नबाग ए।
20 但基督的确已经死而复生，成为在死亡之人中所收获的初熟果实。
पर सच्चाई ये ए कि परमेशरे मसीह मुड़देया बीचा ते जिऊँदा करी ता रा और से मरे रेया बीचा ते जिऊँदा ऊणे वाल़ा पईला फल बणी चुकी रा।
21 正如死是借着一个人而来，死人的复活也是借着一个人而来。
जिंयाँ एक मांणू आदमो रे जरिए मौत आयी, तिंयाँ ई एक मांणू मतलब मसीह रे जरिए मरे रेया बीचा ते दुबारा जिऊँदा ऊणा बी आया।
22 与亚当同在的众人都已死去，同理，与基督同在的众人都会复活。
जिंयाँ आदमो रे सारे मरोए, तिंयाँ ई मसीह रे सारे जिऊँदे करे जाणे।
23 只是每个人都有自己复活的顺序：首先是基督这初熟的果实，然后才是他降临之时追随于他的众人。
पर हर एकी आपणी-आपणी बारिया ते मरे रेया बीचा ते जिऊँदे ऊणे रा इन्तजार करना। तिना बीचा ते पईला फल मसीह ए। इजी ते बाद सेयो सारे जो मसीह रे आऊणे तक तिना रे बणे रणे।
24 之后便到了最后关头，基督毁灭了所有统治者、掌权者和力量，将这世间之国交给天父上帝。
इजी ते बाद अंत ऊणा, तेस बखते तेस सारी प्रदानगिरी, सारा अक्क और सामर्था रा अंत करी की राज्य परमेशर पिते रे आथो रे देई देणा।
25 基督必将为王，但在这之前，基督会将他的所有敌人置于他的脚下。
कऊँकि जदुओ तक परमेशर तेसरे दुश्मणा खे तेसरे वशो रे नि करी देओगा, तदुओ तक तेसरा राज्य करना जरूरी ए।
26 最后被毁灭的敌人就是死亡。
सबी ते बादला दुश्मण जो नाश करना, से मौत ए।
27 正如经文所说：“他让万物臣服于他脚下。”（当然了，这里所说的“万物”臣服于他，并不包括上帝，是上帝让万物服从于基督的权力。）
पवित्र शास्त्र बोलोआ, “परमेशरे सब कुछ तेसरे पैरा निठे करी ता,” पर जेबे से बोलोआ कि सब कुछ तेसरे वशो रे करी ता रा तो ये साफ ए कि परमेशर जिने सब कुछ मसीह रे वशो रे करी ता रा, तो परमेशर इदे सबी रे शामिल निया।
28 在万物服从于基督的权力之后，人子也要服从于上帝的权力。因为人子对万物的权力源自上帝，以此证明上帝的权力才是至高无上的。
जेबे सब कुछ तेसरे अधीन ऊई जाणा, तो पुत्र आपू बी तेसरे अधीन ऊई जाणा, तिने सब कुछ तेसरे अधीन करी ता ताकि परमेशर ई सबी चीजा रा मालक ओ।
29 否则，为死人施洗又是为了什么？如果死人根本不会复活，为什么要为他们施洗？
नई तो जो लोक मरे रेया खे बपतिस्मा लओए, तिना क्या करना? जे मुड़दे जिऊँदे ऊँदे ई नि, तो तेबे तिना खे बपतिस्मा कऊँ लओए?
30 至于我们，我们又何必时时刻刻身处险境？
और आसे बी कऊँ हर कअड़ी खतरेया रे पड़े रे रऊँए?
31 兄弟姐妹们，让我直言不讳地告诉你们，我每天都冒着死亡的风险，但我将其视为一种自豪，为耶稣基督为你们所做的一切而感到自豪。
ओ साथी विश्वासियो, तुसे लोक प्रभु यीशु मसीह रे माखे कमण्ड ए। आऊँ तुसा री कसम खाई की बोलूँआ कि माखे हर रोज मौता रा सामणा करना पड़ोआ।
32 之前我曾在以弗所对抗那些人，他们对待我就如同一群野兽。如果从人类的角度来看，那对我又有何益处呢？如果死人不会复活，那么何不“大吃大喝吧，因为明天就要死去。”
जे आऊँ मांणूआ री रीतिया ते इफिसुसो रे बणो रे डांगरा ते लड़ेया, तो माखे क्या फाईदा ऊआ? जे मुड़दे जिऊँदे नि कित्ते जाओगे, “तो आओ, खाओ-पीओ, कऊँकि काल तो मरी ई जाणे।”
33 不要再被欺骗了，“坏朋友会破坏好品德。”
तिना लोका ते तोखा नि खाओ जो एड़िया गल्ला बोलोए, “बुरी संगत खरे चाल-चलणो खे बिगाड़ी देओई।”
34 你们要保持理智，不要犯罪！你们中有的人不认识上帝，我这样说就是为了让你们羞愧。
ओशा रे आओ और पाप करना छाडी देओ। कऊँकि बऊत जणे एड़े ए, जो परमेशरो खे नि जाणदे। आऊँ तुसा खे शर्मिंदा ऊणे खे ये बोलणे लगी रा।
35 当然了，有人会问：“死人又如何复活呢？他们复活后又有着怎样的身体呢？”
एबे केसी ये बोलणा, “मुड़दे किंयाँ जिऊँदे ओए और कुण जे शरीरो रे आओए?”
36 多么无知的问题！你种下的种子不会发芽生长，除非它们死了。
ओ बिना दमाको वाल़ेयो! जो कुछ तूँ बाएआ, जदुओ तक से नि मरो, जिऊँदा नि ऊँदा।
37 但你种下种子的时候，并非为了它最终长成的样子。你种下的只是一粒种子而已，也许是麦子或其他种子。
और जो तूँ बाएआ, ये से शरीर निए, जो जमणे वाल़ा ए, पर सेई दाँणा ए चाए कणका रा चाए केसी ओरी अन्नो रा
38 但上帝让这种子长成他所选择的形体，每一颗种子都长成不同形体的不同植物。
पर परमेशर आपणी इच्छा रे मुताबिक तेसखे शरीर देओआ और हर एक बीजो खे तेसरा खास शरीर।
39 用于创造所有生命体的物质也各有不同，人的躯体是一种，走兽、飞鸟和鱼是另外几种，每一种都不相同。
सारे शरीर एक जेड़े निए, बल्कि मांणूआ रा शरीर ओर ए, डांगरा रा शरीर ओर ए, पंछिया रा शरीर ओर ए, मछलिया रा शरीर ओर ए।
40 有的躯体为天空之躯，有的为大地之躯。天空之躯自有一种美，大地之躯则是另一种美。
स्वर्गिय शरीर ए और संसारिक शरीर बीए, पर स्वर्गिय शरीरो रा तेज ओर ए और संसारिक शरीरो रा तेज ओर ए।
41 太阳闪耀着一种光芒，月亮闪耀另一种光，星星也是各不相同，每一种都有自己光芒的方式。
सूरजो रा तेज ओर ए, चाँदो रा ओर और तारेया रा तेज ओर ए कऊँकि एक तारे ते दूजे तारे रे तेजो रे फर्क ए।
42 死人复活也是同样的道理。种下腐朽之躯，复活后即得永生；
मुड़देया रा जिऊँदा ऊणा बी एड़ा ईए। शरीर नाश ऊणे री दशा रे बाया जाओआ और अविनाशी रूपो रे जिऊँदा ओआ।
43 如果种下的是卑微，复活后就会成为荣耀；种下的是软弱，复活后就是力量；
जेबे म्हारे शरीरो खे दबाया जाओआ तेस बखते से बदसूरत और कमजोर ओआ। पर जेबे से जिऊँदे ऊई जाणे तेबे से बांके और सामर्थी बणी जाणे।
44 种下的是自然之躯，复活后就是灵性之躯。因为既有自然之躯，也有灵性之躯。
कुदरती शरीर बाया जाओआ और आत्मिक शरीर जिऊँदा ओआ, जबकि कुदरती शरीर ए, तो आत्मिक शरीर बीए।
45 正如经上如此记载：“亚当作为第一个人类，成为拥有生命的活人。但最后的亚当则变成了赋予人生命的灵。”
एड़ा ई पवित्र शास्त्रो रे लिखी बी राखेया, “पईला मांणू, मतलब-आदम जिऊँदा प्राणी बणेया” पर आखरी आदम मतलब मसीह अनन्त जिन्दगी देणे वाल़ा बणेया।
46 但先来到这世界的并非是灵，而是自然之躯，灵随后来到。
पर पईले आत्मिक नि था, पर कुदरती था, तेबे इजी ते बादो ते आत्मिक बणेया।
47 第一个人来自大地的泥土，第二个人来自于天。
पईला मांणू तरती ए, मतलब-माट्टिया रा बणेया रा था, दूजा मांणू स्वर्गिय ए।
48 来自于泥土的人类，都有着泥土造就人类的模样。来自于天的人类，都有着天造就的模样。
जेड़ा से माट्टिया रा बणेया रा था, तेड़े ई ओर माट्टिया रे बणी रे थे और जेड़ा से स्वर्गिय ए, तेड़े ई ओर बी स्वर्गिय ए।
49 我们都有着泥土人类的模样，未来也将拥有天造就的模样。
जिंयाँ आसे माट्टिया रे बणे रे मांणूए रा रूप धारण कित्तेया तिंयाँ ई आसा स्वर्गिय मांणूए रा रूप धारण करना।
50 但我的兄弟姐妹们，我告诉你们的是，我们现在的躯体无法继承上帝之国，这些必将腐朽的躯体无法继承不朽。
ओ साथी विश्वासियो, आऊँ ये बोलूँआ कि मांस और खून परमेशरो रे राज्य रे अक्कदार नि ऊई सकदे और ना ई नाश ऊणे वाल़ा अविनाशो रा अक्कदार ऊई सकोआ।
51 听着，我要告诉你们一个奥秘：我们中不是所有人都会死去，但我们都会改变。
देख, आऊँ तुसा खे पेतो री गल्ल बताऊँआ कि आसा बीचा ते कुछ तो नि मरने पर बदली जाणे।
52 在一剎那，在眨眼之间，在号角最后一次吹响之时。当号角吹响，死人就会复活成为不朽，我们将会改变。
और ये सब कअड़िया रेई, पलक झपकदे ई आखरी तुरही फूकदे ई ऊई जाणा, कऊँकि तुरहिया रे फूकर बाई जाणी और मुड़दे अविनाशी दशा रे ठवाल़े जाणे और आसे बदली जाणे।
53 这必将腐朽之躯会实现不朽，这必死生命会获得永生。
कऊँकि जरूरी ए कि से नाशवान शरीर अविनाशो खे पईनी लो और ये मरनहार शरीर अमरता खे पईनी लो।
54 在拥有了不朽之衣后，这必将腐朽之躯就永远不会消亡。这必死生命在获得永生后，就应验了经文所记：“死亡已被彻底征服和消灭。
जेबे ये नाशवान अविनाशो खे पईनी लओगा और ये मरनहार शरीर अमरता खे पईनी लओगा, तेबे से वचन जो पवित्र शास्त्रो रे लिखी राखेया पूरा ऊई जाणा, “जय मौत निगल़ी ली।
ओ मौत! तेरी जय केयी रई? ओ मौत! तेरा डंग केयी रया?” (Hadēs g86)
56 死亡的毒刺就是罪，罪的力量就是律法。
मौता रा डंग पाप ए और पापो खे बिधानो ते तागत मिलोई।
57 感谢上帝，他通过主耶稣基督赐予我们胜利。
पर परमेशरो रा धन्यवाद ओ, जो म्हारे प्रभु यीशु मसीह रे जरिए आसा खे जयवंत करोआ।
58 所以我亲爱的兄弟姐妹们：要坚强，不可动摇，要尽你所能服务于主。要知道，你所做的一切，在主那里都不会付诸东流。
तो ओ मेरे साथी विश्वासियो, विश्वासो रे पक्के और अटल बणे रे रओ और प्रभुए रे कामो रे सदा बड़दे जाओ, कऊँकि तुसे जाणोए कि प्रभुए रे तुसा री मईणत बेकार निए।
