Sam 113

1 Kathutkung: Panuekhoeh BAWIPA teh pholen awh. Oe BAWIPA e sannaw, pholen awh. BAWIPA min teh pholen awh.

2 BAWIPA min teh atuhoi a yungyoe ditouh pholen lah awm lawiseh.

3 Kanîtho koehoi kanîloum totouh, BAWIPA min teh pholen lah awm lawiseh.

4 BAWIPA teh miphun pueng e lathueng vah ao teh, a bawilennae teh kalvan hlak a rasang.

5 A rasang hmuen koe ao eiteh, BAWIPA Cathut patetlah apimouh kaawm.

6 Kalvan e hno hoi talai hnonaw ka khen e BAWIPA patetlah apimaw kaawm.

7 Mathoenaw hah vaiphu koehoi ka pathaw niteh, kavoutthoupnaw hah vaipuen koehoi a tawm teh,

8 bawinaw hai thoseh, a taminaw hoi cungtalah ao thai awh nahanelah thoseh hmuen a poe.

9 Cakaroe e napui o nahan im a poe teh, camo ka tawn e napui patetlah a konawm. Hallelujah.