Cingthuilawk 3
1 Ka capa, kaie kâlawk hah pahnim hanh. Kaie kâpoelawknaw hah na lung dawk pâkuemh.
| בני תורתי אל תשכח ומצותי יצר לבך׃ |
2 Bangkongtetpawiteh, hote ni na hringsawnae hoi roumnae na thap sin han.
| כי ארך ימים ושנות חיים ושלום יוסיפו לך׃ |
3 Lungmanae hoi lawkkatang ni na cettakhai hanh naseh. Na lahuen dawk awi nateh, na lungthin dawkvah thut haw.
| חסד ואמת אל יעזבך קשרם על גרגרותיך כתבם על לוח לבך׃ |
4 Hottelah Cathut hoi tami hmalah, minhmai kahawi na hmu vaiteh, tawmrasang lah na o han.
| ומצא חן ושכל טוב בעיני אלהים ואדם׃ |
5 Na lungthin buem hoi BAWIPA kâuep nateh, nama e thaipanueknae hah kângue hanh.
| בטח אל יהוה בכל לבך ואל בינתך אל תשען׃ |
6 Na lamthung pueng dawk ama na panuek haw, na lamthung pueng dawk na hrawi han.
| בכל דרכיך דעהו והוא יישר ארחתיך׃ |
7 Namahoima lungkaang lah kâsak hanh. BAWIPA hah taket nateh yon cettakhaih.
| אל תהי חכם בעיניך ירא את יהוה וסור מרע׃ |
8 Na takthai hanelah damnae lah ao vaiteh, na hru hanelah thasainae lah ao han.
| רפאות תהי לשרך ושקוי לעצמותיך׃ |
9 Na tawnta e naw hoi aluepawnaw hoi BAWIPA hah bari haw.
| כבד את יהוה מהונך ומראשית כל תבואתך׃ |
10 Hahoi na capai dawk a kawi vaiteh, misur katinnae tangkom dawk misur katha hoi a kawi han.
| וימלאו אסמיך שבע ותירוש יקביך יפרצו׃ |
11 Ka capa, BAWIPA yuenae hah dudam hanh. Na phep e hai hmuhma hanh.
| מוסר יהוה בני אל תמאס ואל תקץ בתוכחתו׃ |
12 Bangkongtetpawiteh, na pa ni a lungpataw e capa teh ouk a yue e patetlah, BAWIPA ni a lungpataw e naw hah ouk a yue.
| כי את אשר יאהב יהוה יוכיח וכאב את בן ירצה׃ |
13 Lungmanae kahmawtnaw teh a lung kahawi e tami lah ao awh teh, Thaipanueknae ka tawn e tami hai a lung kahawi e tami lah ao.
| אשרי אדם מצא חכמה ואדם יפיק תבונה׃ |
14 Bangkongtetpawiteh, ngun pungdaw sak e hlak, lungmanae pungdaw sak e hah ahawihnawn.
| כי טוב סחרה מסחר כסף ומחרוץ תבואתה׃ |
15 Talungpaling hlak hai aphu ao teh, na ngai e pueng ni hai phat hoeh rah.
| יקרה היא מפניים וכל חפציך לא ישוו בה׃ |
16 Aranglae kut dawk hringsawnae ao teh, avoilah e kut dawk hnopai hoi barinae ao.
| ארך ימים בימינה בשמאולה עשר וכבוד׃ |
17 A lamthung teh lamthung kanawm lah ao teh, a lamthung pueng teh roumnae lah ao awh.
| דרכיה דרכי נעם וכל נתיבותיה שלום׃ |
18 Kakuennaw hanelah hringnae thingkung lah ao teh, ka hringkhaie pueng teh tami lung kahawi e lah ao awh.
| עץ חיים היא למחזיקים בה ותמכיה מאשר׃ |
19 BAWIPA ni lungangnae lahoi talai hah a kangdue sak teh, thaipanueknae lahoi kalvan a cak sak.
| יהוה בחכמה יסד ארץ כונן שמים בתבונה׃ |
20 A panuenae lahoi talî a kapek teh, tâmai ni tadamtui a bo sak.
| בדעתו תהומות נבקעו ושחקים ירעפו טל׃ |
21 Ka capa, lungangnae katang hoi panuethainae hah kuen nateh, na mit hoi kâhlat sak hanh.
| בני אל ילזו מעיניך נצר תשיה ומזמה׃ |
22 Hottelah pawiteh, na muitha hanelah hringnae lah awm vaiteh, na lahuen hanelah pahrennae lah ao han.
| ויהיו חיים לנפשך וחן לגרגרתיך׃ |
23 Hottelah na lamthung dawk karoumcalah na cet vaiteh, na khok na kamthui mahoeh.
| אז תלך לבטח דרכך ורגלך לא תגוף׃ |
24 Na i navah na taket mahoeh, ihmu katuilah na i han.
| אם תשכב לא תפחד ושכבת וערבה שנתך׃ |
25 Taki ka tho e kaluekalapnae hai taket hanh. Hoehpawiteh, tamikathoutnaw ni a kâhmo awh e runae hai taket hanh.
| אל תירא מפחד פתאם ומשאת רשעים כי תבא׃ |
26 Bangkongtetpawiteh, BAWIPA teh na kânguenae lah awm vaiteh, na khok teh karap dawk hoi a hlout sak han.
| כי יהוה יהיה בכסלך ושמר רגלך מלכד׃ |
27 Sak nahane kâ na kut dawk ao nahlangva, hmu hanelah kakamcunaw hah hnokahawi pasoung laipalah awm hanh.
| אל תמנע טוב מבעליו בהיות לאל ידיך לעשות׃ |
28 Poe hane na sin nahlangva, cet ei, bout tho lah a, tangtho torei na poe han, telah na imri koe tet pouh hanh.
| אל תאמר לרעיך לך ושוב ומחר אתן ויש אתך׃ |
29 Na imri taranlahoi thoenae sak hanelah kâcai hanh. Bangkongtetpawiteh, nang na ka ring e doeh.
| אל תחרש על רעך רעה והוא יושב לבטח אתך׃ |
30 Nang dawk patawnae na poe hoeh pawiteh, a khuekhaw awm laipalah tami taran hanh.
| אל תרוב עם אדם חנם אם לא גמלך רעה׃ |
31 Tami rep kacoungroenaw e hnopai noe awh hanh. Ahnimae lamthung hai rawi awh hanh.
| אל תקנא באיש חמס ואל תבחר בכל דרכיו׃ |
32 Bangkongtetpawiteh, a lungthin ka longkawi e teh BAWIPA hanelah panuet a tho teh, a lungthin kalan e teh, ama hoi arulahoi kâponae ao.
| כי תועבת יהוה נלוז ואת ישרים סודו׃ |
33 Tamikathoutnaw e im dawk, BAWIPA thoebonae ao, hatei, tamikalannaw e im teh, yawhawi a poe.
| מארת יהוה בבית רשע ונוה צדיקים יברך׃ |
34 Dudam lahoi kaawmnaw hah a dudam teh, ka kârahnoumnaw hah pahrennae a poe.
| אם ללצים הוא יליץ ולעניים יתן חן׃ |
35 Tami lungkaang ni bawilennae râw a coe han. Hatei, tamipathunaw ni a coe awh e râw teh, kayanae doeh.
| כבוד חכמים ינחלו וכסילים מרים קלון׃ |
